PINOY, BUHAY ANG PAG-ASA

Bagama’t nakaamba sa bansa ang krisis pang ekonomiya ng buong daigdig ay minsan pa’y lumitaw ang tibay sa paninigawala ng mga Pilipino sa kanilang kakayanan na kakayaning mapaglabanan ang anumang darating na maaaring makaapekto sa kanilang buhay. Sa mga pinakabagong pagkakataon ay pinatunayan ito ng mga talang nakalap ng iba’t-ibang ahensyang may kinalaman sa pag-aaral ng pulso ng taumbayan.

Halos pito sa bawat sampung Pinoy ang naniniwalang masaya ang paskong darating sa kanila sa pag-aaral na isinagawa ng Social Weather Stations (SWS) bago sumapit ang yuletide season. Ang apirmatibong resulta ng survey ay nakatutuwa sapagkat sa kabila ng maraming kasalatan sa buhay ay naging positibo pa rin ang isinasaisip ng bawat mamamayan.

Sinasabi ng mga dalubhasa na kapag may positibong pagtingin ang tao sa isang bagay ay ito ay nag-aambag ng malaki upang ang isang nilalang ay magsikap, na kadalasa’y nagpapagaan sa kanilang dalahin gaano man ito kabigat. Ganito ang naging kapalaran ng pito sa bawat sampu na kaya nilang sumaya sa araw ng pasko.

Sa isang banda ay ano naman kaya ang kinahinatnan ng tatlong negatibo? Marahil ay tulad ng kanilang inaasahan na hindi nila kayang sumaya’t lumigaya sa araw ng pasko, na natanim sa kanilang paniniwala ay kalungkutan ang kanilang kinasapitan. Malamang ito kaysa sa hindi.

Subalit tila natuto na rin ang karamihan sapagkat sa pinakahuling pag-aaral ng Pulse Asia ay 92% ng mga Pinoy ang umaasang may posibilidad na gumanda ang takbo ng kanilang buhay sa taong 2009, kumpara sa 8% na may kabaligtarang paniniwala. Ito ay isang napakagandang resulta sapagkat ang kahulugan nito’y 92 sa bawa 100 katao ang buhay na buhay ang pag-asa.

Malaking tulong ito bilang panuntunan nating mga Pilipino, dahil tanging ang pag-asa ang nagpapagalaw sa ating pang-araw-araw na pamumuhay. Ang pag-asa ay may kakaibang motibasyon sa ating adhikain at pangarapin sa buhay sapagkat ito ang nagsisilbing kadluan ng sigla kung kaya nga’t napaglalabanan natin ang alin mang unos.

Sa kasukdulan ay motibasyon ang nagbibigay lakas sa tao upang maging matatag na parang punong kawayan, na bagama’t humahapay sa bugso ng hangin ay madaling nakababalik sa kanyang pagkakatayo. Ito ang simbolo ng lahing kayumanggi na hindi basta-basta sumusuko, na siyang angking katangian nating mga Pinoy.

Kaya’t mangarap ka Pinoy at buong tatag na ito’y isakatuparan sa pamamagitan ng pagsisikap. Panatilihin mong buhay ang pag-asa dahil ito ang tanging sandata na maipanlalaban mo sa anumang krisis. Ipamalas mo sa mundo na handang-handa ka, Pinoy. (NANI CORTEZ/Pres. Seven Lakes Press Corps)

IKA-113 TAON NG PAGKA-MARTIR NI RIZAL

Kahit malakas ang buhos ng ulan ay idinaos pa rin ng pamunuan ni Mayor Vicente B. Amante ang pagpaparangal at pagdiriwang ng ika-112 taong ng pagkamartir ni Gat Jose Rizal. Dinaluhan ng higit na maraming mga mamamayan mula sa pamahalaan at pribadong sektor ang naturang programa noong nakaraang Disyembre 30 bilang pagpapakita ng San Pablo City sa kahalagahan ng pagpapakabayani ni Rizal. Gaya ng dati ay ang City Information Office ang namahala sa nasabing programa. (SANDY BELARMINO)

SOLCOM SAYS THANKS TO CALABARZON MEDIA

Camp Guillermo Nakar – The Southern Luzon Command (SOLCOM) honored the Calabarzon Media Practitioners in a fitting ceremony during a get together held at its Officers’ Club here recently.

SOLCOM commanding officer Lt. Gen. Delfin Bangit was a ,perfect host as he thanked about 60 journalists of the region who called on his office on the duration of AFP’s unitary Suspension of Military Operatin (SUMO) through out the country, in relation for the observance of yuletide seson.

Speaking before media personalities, Gen. Bangit expounds the lesson on humility the reason he treats his subordinates not as a soldier but as a Christian. The value of human lives came first and foremost in realizing greatest and genuine love.

Assisting the Solcom Chief during the affair were Solcom Chief of Staff Col. Glenn Macasero, Lt. Cols. Rolando Manalo and Antonio Villamin, Capt. Leah L. Santiago, Lt. Gemina Ramos and other non-commissioned officers of the command.

The guests includes local and national journalists covering the provinces of Cavite, Laguna, Batangas, Rizal and Quezon (CALABARZON) representing Tri-Media group of print and broadcast networks.(NANI CORTEZ/Pres. Seven Lakes Press Corps)

PADILLA OUT, PALAD IN

Incoming CALABARZON PNP Regional Director, P/C Supt. Perfecto P. Palad holding saber of authority salutes outgoing RD Ricardo I. Padilla during the turn-over rites at Camp Vicente Lim last December 22. PNP Director-General Jesus A. Verzosa was the guest of honor and speaker looks on. (NANI CORTEZ)

COCOFEST IKINASA NA

San Pablo City- Puspusan na ang ginagawang paghahanda sa nalalapt na 14th Coconut Festival (COCOFEST) dito na nakatakdang ganapin simula Enero 8 hanggang Enero 15 bilang pagdakila sa patron saint ng lunsod.

Kagabi ay sinimulan na ang talent night ng mga kalahok sa Lakan at Mutya ’09 Beauty Pageant bilang tampok sa nasabing pestibal. Muli ay gaganapin ang pre-pageant sa Enero a tres at makaraan nito ay coronation night sa City Plaza main stage, kung saan ay pipiliin ang magwawaging Lakan at Mutya ng San Pablo, Ginoo at Binibining San Pablo at Mr. & Ms. Cocofest 2009.

Ang Cocofest proper ay magsisimula Enero 8 na katatampukan ng Coco Trade Fair, Food and Beer Plaza, Coco Sport Fest at Cook Fest kaalinsabay ng gabi-gabing pagtatanghal tulad ng Battle of the Bands at mga palabas ng mga kilalang artista’t mang-aawit ng bansa.

Inaasahang dadayuhin ng mga turista ang Street Dancing Competition sa Enero 13 na taon-taong pinanonood ng mga domestic at foreign tourist, na susundan ng float parade sa Enero 14. Kapwa motiff ng nasabing okasyon ang kasuotang nagbuhat sa puno at bunga ng niyog.

Dahil ang Cocofest ay kinikilala ng Dept. of Tourism bilang isang tourist event sa Lalawigan ng Laguna ay ipinag-utos ni City Administrator Loreto S. Amante sa City Tourism Office na makipag-ugnayan sa mga kinauukulan upang masiguro ang tagumpay ng naturang pestibal. (Nani Cortez)

ABC PRES. GBA, NAKISAYA SA CHRISTMAS PARTY NG LUNSOD

Nasa larawan si ABC Pres. Gener B. Amante (ikalwa mula sa kanan) habang masayang pinapanood ang presentasyon ng bawat tanggapan ng lokal na pamahalaan ng Lunsod ng San Pablo sa ginanap na Christmas Party noong nakaraang Disyembre 19. Isa si Pangulong Gener sa mga naging “major sponsor” ng naturang programa upang higit na maidama at maipakita ang pagkakaisa sa panahon na ito ng kapaskuhan. Nasa larawan din si Brgy. San Ignacio Chairman Cantoy Almare (kanan).

PASKUHAN SA BRGY. SAN JOSE

Nasa larawan si ABC President and Brgy. San Jose (Malamig) Chairman Gener B. Amante, kanyang mga kasamahan sa Sangguniang Barangay at mga Volunteers Brigade habang ang mga ito’y abala sa isinasagawang pamimigay ng mga pamaskong handog at regalo sa kanilang mga kabarangay. Regular nang ginagawa sa Brgy. San Jose ang ganitong pagpapadama ng pagmamahal at pagtulong sa kapwa sapagkat naniniwala ang pamunuan ni Chairman Gener B. Amante na: “araw-araw ay pasko at araw-araw ay dapat na damayan ang mga higit na nangangailangan.” (SANDY BELARMINO)

CIO at LCR, NAKAMIT ANG UNANG KARANGALAN

San Pablo City - Nakuha ng pinagsamang entry ng City Information Office (CIO) at ng Local Civil Registrar (LCR) Office ang unang karangalan sa isinagawang presentasyon ng pagsayaw at pag-awit sa katatapos lang na Christmas Party 2008 ng Lunsod ng San
Pablo. Labinglimang mga pinagsama-samang tanggapan ng Lokal na pamahalaan ng lunsod na ito ang naging kalahok sa pagdiriwang na ito at nasaksihan ang pagkakaisa ng lahat ng tanggapan ng lunsod na nagdulot ng lubos na kasiyahan sa panahon ng kapaskuhan at sa administrasyon ni Mayor Vicente B. Amante. (SANDY BELARMINO)

MAGING KAPITA-PITAGANG KRISTIYANO

Nairaos ng mga San Pableño ang Kapaskuhan kaalinsabay ng ginawang pagdiriwang ng buong bansa sa araw ng kapanganakan ng ating Manunubos sa payak na sabsaban.

Hindi naging hadlang ang kahirapan ng buhay sa ating mga kababayan upang minsan pa’y gunitain ang pakumbabang pamumuhay simula sa Kanyang pagsilang hanggang maging ganap ang ating katubusan. Kung bakit pinili ng Panginoon ang kasimplehan ay maaaninaw sa Kanyang Ebanghelyo noong Siya’y kasalukuyang nangangaral dito sa panandaliang mundo.

At kung bakit iniwasan Niya ang karangyaan sa kabila ng Siya ang Hari ng mga Hari ay sapagkat nais Niyang ipamalas sa sanglibutan na sa ganoong kaparaanan lamang magkakaroon ng katuparan ang naisin ng Amang nasa sa Langit. Sumpa ng pagpapakasakit ang katawagan dito.

Kaya nga’t tuwing araw ng Pasko, bagama’t may nakagisnan tayong marangyang pagdiriwang dala ng mga nagpalaganap ng Kristiyanismo sa ating bansa, ay hindi nagiging sagwil ang kahirapan upang damhin ang espiritu nito. Kadalasan pa’y higit na masaya ang sektor ng mga mahihirap kaysa sa mga nakaririwasa.

Ito’y dahilan sa nilikha ng Diyos ang mga mahihirap na Kanyang kawangis. Tulad Niya ang mga mahihirap ay hindi mapaghanap ng labis sa kanilang mga pangangailangan, tulad Niya’y ang mga mahihirap ay nalalang para maglingkod sa Ama at tulad Niya’y ang mga mahihirap ay handang magpakasakit alang-alang sa ikaluluwalhati ng Diyos na nasa Langit.

Sa anu’t ano pa man ay sana’y ang natamo nating biyaya sa Banal na Araw ng Kanyang kapanganakan ay lagi nating alalahanin sa pang-araw-araw nating buhay. Ito sana ang lalong magpatibay sa ating pananampalataya, na sa panahon ng mga nagdaraang krisis ay hindi tayo Niya pinababayaan, na nandiyan Siya tuwina upang pagaanin ang ating dalahin at patuloy tayong sinusubaybayan upang gampanan ang Kanyang katuturan bilang Tagapagligtas.

Ano pa’t bilang ganti sa ganap na pagkatubos ay humayo tayo sa itinuro Niyang matuwid na landasin na may pagpapakumbaba at mamuhay ayon sa banal Niyang layunin bilang tao at Kapita-pitagang Kristiyano.(SANDY BELARMINO)

TUNAY NA SERBISYO PUBLIKO, HINDI PAMUMULITIKA

San Pablo City – Ito ang panawagan ni Mayor Vicente B. Amante sa kapwa niya mga lingkod-bayan sa isang panayam na isinagawa ng may akda nitong nakaraang linggo sa kanyang tanggapan, One Stop Shop Processing Center, lunsod na ito.

Ipinahayag din ni Alkalde Amante ang kanyang paniniwala at pananaw na: “Ang isang lingkod-bayan ay dapat at nararapat na maging transparent o lantad at hindi nangingiming harapin at ipaliwanag sa taumbayan ang mga isyung bayan na lumulutang, ito man ay kapani-paniwala o hindi. Karapatan ng mga San Pableño na marinig ang paliwanag at panig ng bawat isang public servant sapagkat ang taumbayan ang nagluklok sa amin at pati sa mga taong itinatalaga namin na pinasusweldo ng lunsod”.

Habang sinusulat ang balitang ito ay limang (5) sunod-sunod na adjournment ng regular session ng Sangguniang Panlunsod (SP) dahil sa kawalan ng korum ang naitala ng naturang tanggapan at nagdulot ito ng malaking kapinsalaan sa dapat mapasulong na mga ordinansa at resolusyon. Nakabinbin din ang pagpapasa sa Proposed Annual Executive Budget para sa taong 2009 na maaaring makaapekto sa mga proyekto at programa ng Administrasyong Amante.

Sa limang termino ni Amante ay higit siyanng nakilala sa hayagang pagharap sa mga isyu at suliranin ng lunsod na nagbunga ng maganda at epektibong ugnayan ng kanyang tanggapan at ng 80 barangay ng lunsod.

“Hindi sapat ang mga papogi at pa-cute para lang matandaan ng ating mga kababayan na iniluklok nila kami sa katungkulan. Nararapat na bawat segundo, bawat minuto, kada oras, 7 araw kada linggo, bawat buwan at bawat taon ay ang laging nasa puso at isipan ay ang paglilingkod ng buong kasipagan at katapatan. Iwasan na ang pamumulika lalo na’t sasapit ang bagong taon. Tunay na serbisyong publiko ang hinihintay ng San Pablo City at hindi ang pamumulitika”, pagtatapos ni Amante. (SANDY BELARMINO)

LIKE FATHER, LIKE DAUGHTER

Si Seven Lakes Press Corps Vice-President Sandy Belarmino habang kasama ang kanyang bunsong anak na si Sandy Marie Belarmino matapos ang huli ay kilanlin at parangalan ng lokal na pamahalaan ng San Pablo City bilang isa sa mga natatanging mag-aaral ng San Pablo City Science High School (SPCSHS). Ginanap ang pagkikilala sa mga taga SPCSHS noong nakaraang Lunes, Disyembre 22, at ito’y pinangunahan ni Mayor Vicente B. Amante. (Jonathan Aningalan)

BELARMINO ET AL., KINILALA NG LUNSOD

Si Sandy Marie D. Belarmino habang tinatanggap ang Certificate of Recognition na ipinagkaloob ni San Pablo City Mayor Vicente B. Amante bilang pagkilala sa maraming karangalan na kanyang dinala sa Lunsod sa pamamagitan ng pagkakapanalo sa Division and Regional Essay Writing Contest. Si Belarmino ay isang 4th student ng San Pablo City Science High School na itinatag sa ilalim ng administrasyon ni Alkalde Amante.

ANG MGA PILING MAG-AARAL NG SPCSHS

Nasa larawan sina (L-R) Christian Lloyd Tan, Geri Mae Tolentino, Sandy Marie D. Belarmino, Bernadine Culaban, Siena Catherine Maranan at Dawn Laya Ornillo ng San Pablo City Science High School (SPCSHS) matapos tanggapin mula kay Mayor Vicente B. Amante ang Sertipikasyon ng Pagkilala sa kanilang mga naiambag na karangalan hindi lamang sa kanilang paaralan manapa’y maging sa Lunsod ng San Pablo. Ang mga naturang mag-aaral ng SPCSHS ay pawang nagwagi sa ibat-ibang larangan ng paligsahan na ipinagkakaloob ng Division, Regional and National Office ng DEPED at mga pribado organisasyon na nagtataguyod ng kagalingang pang-edukasyon.

NEW PNP REGIONAL DIRECTOR ASSUMES OFFICE

PRO CALABARZON saw another changing of the guard with the assumption of its newly designated Commander in simple rites held at the grounds of Camp Vicente Lim in Calamba City, December 22, 2008.

PCSUPT PERFECTO P PALAD formally took the helm of the more than 7,000-strong police force in the region vice PCSUPT RICARDO I PADILLA who bowed out of the service upon reaching the mandatory retirement age of 56 years old.

PALAD, Batch mate of retired PCSUPT PADILLA PMA Class ’77, is the 43rd Commander of the unit which traces its roots to the post WWII era 2nd Philippine Constabulary Zone.
He was formerly the Deputy Regional Director for Operations of Police Regional Office 4A and is known for his strictness towards office work and no-nonsense attitude towards leadership and discipline. In his remarks, PALAD says that we have to pursue the Integrated Transformation Program of the PNP to have a credible and professional organization capable of providing quality service and security to the people against criminality and terrorism.

He made clear his intention to maintain the security and peace in the region (Cavite, Laguna, Batangas, Rizal and Quezon) and he also emphasized that he is part of the team that will work towards economic development in the region.
PALAD also called on the force multipliers to serve not only as friends and supporters but guardians in all the noble endeavors PRO CALBARZON intends to move forward to, under his leadership along the way expressing his hopes that media practitioners will support him and his men by living up to their commitment of reporting just, balanced and un-opinionated news.

Finally, PALAD warned criminal elements that his leadership means business and strongly cautioned them that the Armed Forces and the Police will work hand in hand in combating lawlessness and terrorism. They must stop or face the full force of the law.

The ceremonies was marked with a solemn note as the outgoing Regional Director was accorded Retirement Honors befitting an able Commander with various accomplishments and ribbons in his breast, witnessed by no less than PDG JESUS A VERZOSA, Chief of Philippine National Police, who also the Guest of Honor and Speaker, PCSUPT BENJAMIN A BELARMINO JR, Director of PNTI, PCSUPT LUISITO PALMERA, Regional Director PRO MIMAROPA, PSSUPT JOSELITO CASUGBO, Regional Director RIAS 4A, ATTY Yolanda S Lira, Regional Director NAPOLCOM 4A, DIR VICENTE TOMAZAR, the Regional Director, OCDIV-A, ARCHBISHOP RAMON C ARGUELLES, DD of Lipa CITY, Other PNP Senior Officers, PNP Ladies, CALABARZON NGOs/CVOs and other special guests.

Si Bb. Paz Dinglasan, City Admin Amben Amante at Atty.Marius Zabat habang bigay na bigay sa pagsayaw sa natatanging bilang na ipinagkaloob ng kanilang Tanggapan sa nakalipas na Christmas Party ng mga kawani ng Lokal na Pamahalaan ng Lunsod.

ELVIS PRESLEY NG SAN PABLO CITY

Si San Pablo City Head Executive Assistant Atty. Marius Zabat habang isinasakatauhan si Elvis Presley nitong nakaraang Biyernes, Dec. 19, kung saan ginanap ang masayang Christmas Party ng lahat ng tanggapn ng Lunsod

MGA SAN PABLEÑO, LUGI NG P2-M SA SP

San Pablo City - Malaking pinsala ang idinulot sa mga San Pableño ng apat (4) na linggong walang sesyon ang Sangguniang Panlunsod (SP) sanhi ng magkakasunod na adjournment dahilan sa kawalan ng quorum.

Batay sa record ng Sangguniang Secretariat ay walang naganap na regular session sa mga petsang Nobyembre 25, Disyembre 2, 9 at 16 taong kasalukuyan na nag-ugat sa pagliban at pagbalewala ng mga konsehal sa kanilang mga sinumpaang tungkulin. Ito ay nagdulot sa pagkakabinbin ng Proposed Annual Executive Budget para sa taong 2009 at pagkalugi ng P2-Milyong piso para sa taumbayan.

Ang annual budget ng lunsod ay karaniwan nang tinatalakay sa mga nasabing panahon upang ganap na mapagtibay bago matapos ang taon. Napag-alamang hindi ito umusad sapagkat halos wala man lamang nagaganap na budget hearing ang komitibang naatasan hinggil dito na pinamumunuan ni Kon. Jojo Biglete bilang chairman at Kon. Abi Yu bilang vice-chairman.

Nabatid na ang kawalang aksyon ng SP ay repleksyon sa liderato ni Vice-Mayor Martin A. Ilagan na bukod sa nagdulot ng pinsala sa mga mahahalagang lehislasyon ay naging sanhi sa pagka-lugi ng P2-milyon piso sa kabang-yaman ng lunsod.

Sa ngayon ang SP ay may taunang budget na P25-milyon na kinapapalooban ng suweldo at benepisyo ng vice-mayor, 12 konsehal, 89 regular at co-terminus na kawani at humigit kumulang na 40 kaswal na empleyado. Suma-total nito ay P2-milyong pagkalugi ng taumbayan katumbas ng apat na linggong walang sesyon. (Sandy Belarmino)

SPCWD AND MEDIAMAN SANDY

Nasa larawan ang mga taga-San Pablo City Water District (SPCWD) sa pangunguna nina Gen. Mgr. Roger Borja (ikatlo mula sa kaliwa), Evelyn Eje, Tessie Rivera at iba pang mga empleyado at opisyales ng naturang tanggapan. Kasama rin sa larawan si mediaman Sandy Belarmino (ikaapat mula sa kaliwa) at ito’y kuha bago ganapin ang Memoramdum of Agreement (MOA) signing sa pagitan ng SPCWD at Lunsod ng San Pablo hinggil sa pagsasaayos, pagpapaganda at pagmimintine ng Fountain na nasa Liwasan ng San Pablo. (JONATHAN ANINGALAN/SPC-CIO)

HOLIDAY SEASON, PINAGHAHANDAN NG CHO AT OSWD

San Pablo City – Bilang paghahanda upang kaagad ay matugunan ang mga tawag na pangkagipitan na maiuugnay sa disaster management, napag-alamang ang mga tauhan ng City Health Office sa pamamatnubay ni Dr. Job D. Brion ay bumalangkas na ng isang contingency plan na ipaiiral simula sa Disyembre 24, 2008 hanggang Enero 1, 2009, at ang lahat ng pinuno at tauhan ng tanggapan ay on-call at may katiyakang makararating sa kanilang tanggapan sa loob ng maikling panahon lamang matapos na sila ay mapaabisuhang kailangan ang kanilang paglilingkod o serbisyo.

Itinatagang Team Leader si Dr. Lucy Celino para sa Medicolegal examination and disease outbreak control, at si Dra. Ma. Victoria L. Guia para sa Child Abuse Prevention and Intervention Network (CAPIN) na katuwang niya si Social Work Officer Rolando Cabrera ng City Social Welfare and Development Office. May kinatawan din dito ang San Pablo City Police Station.

Nabanggit ni Dra. Marivic Guia na sina Bb. Filipina Catipon, Corazon Musicat at Genoveva Martinez ang bumubuo ng Surveillance and Disease Outbreak Control, at may mga sasakyan, kasama na ang mga ambulansiya ng pangasiwaang lunsod na nakatalaga para sa kanilang disposisyon para maging epektibo ang kanilang pagkilos at pagkakaloob ng mga pangkagipitang tulong ngayong panahon ng kapaskuhan at pagsalubong sa Bagong Taon.

Samantala, isang maikling pakikipanayam kay Chief of Police Joel C. Pernito, kanyang simpleng binanggit na gising-na-gising ang kapulisan sa panahon ng holiday season upang ang mamamayan ay mapayapang maisagawa ang pagdiriwang, upang ang mga pagod na manggagawa na sasamantalahin ang ilang araw na bakasyon ay makapamahinga ay magkaroon ng kapanatagan samantalang sila ay mahimbing na natutulog sa kanilang mga tahanan. (SEVEN LAKES PRESS CORPS)

ROLP CONVENTION

Nasa larawan sina (L-R) Col. Joseph G. Sevilla, Ginang Margarita M. Aviquivil, 1st Lt. Antonio L. Aviquivil, Col Andrew O. Nocon, Capt. Paul Anthony V. Aviquivil, Capt. Juanito M. Masa, Maj. Rustico M. Castañeda, Col. Aristeo C. Alvero at Lt. Col. Igmidio E. Boongaling matapos na ganapin ang 55th National ROLP Convention noong Dec. 6, 2008, sa Kampo Emilio Aguinaldo, Lunsod ng Quezon. (SANDY BELARMINO)

BAKIT MAY TAKOT SA PRIVILEGE SPEECH NI DANNY YANG?

Sa wakas ay natuloy rin ang special session ng Sangguniang Panlunsod (SP) noong Huwebes, Disyembre 11 makaraang ma-postpone sanhi ng adjournment ng mga regular sesyon nang nakalipas na Nobyembre 25, Disyembre 2, Disyembre 9 at special session noong Disyembre 4.

Marami tuloy ang nagtatanong kung bakit hirap na hirap makabuo ng quorum ang SP nang mga panahong iyon, lalo pa’t santambak ang mga panukalang kinakailangang mapagtibay para sa 80 barangay ng lunsod. Sari-saring kuro-kuro ang naglitawan at may mga grupo ng taumbayan ng nag-iisip na ipagsakdal ang SP sa hukuman sapagkat ito’y malinaw na dereliction of duty.

May pagkakataon pang may quorum talaga ang sanggunian particular noong Nobyembre 25, subalit ayon sa mga nakasaksi ay may dalawang konsehal na nagkulong na lamang sa kanilang tanggapan upang huwag makabuo ng tamang numero upang makapag-sesyon. Kung ano ang kadahilanan ng dalawa ay maaaring malalim na marahil ay may kaugnayan sa nakatakdang ganapin nang araw na iyon.

Naka-schedule na bigkasin noon ni Kon. Danny Yang ang kanyang privilege speech na magbubunyag sa natuklasan niyang lihim tungkol diumano sa kotongan sa sedera nang nakalipas na Enero. Sinasabing ang pagbubunyag na ito ang karugtong ng nauna niyang malayang pamamahayag kung saan itinatanong niya kina Vice-Mayor Martin Ilagan kung magkano ang halagang sangkot sa naturang extortion-bribery.

Public record naman kung sino-sino ang present sa hindi natuloy na sesyon noong Nobyembre 25, kaya madali nang tukuyin kong sino ang dalawang konsehal na sadyang hindi pumanhik sa session hall, na ayon sa mga nagmamasid ay posibleng sangkot sa ibubunyag ni Yang. Sariwa pa rin sa isipan ng mga nakakita sa dalawa nang araw na iyon ngunit absent sa talaan ng sanggunian secretariat.

Ano pa’t magic date na matatawag ang petsang Nobyembre 25 sapagkat simula noon ay sunod-sunod ng hindi makabuo ng auorum ang SP na tila may natatakot na magkaroon ng regular session upang huwag mabigkas ni Yang ang nasabing privilege speech. Bukod sa dalawa ay may mga naghihinalang may iba pang sangkot sa nangyari diumanong extortion-bribery sa sedera.

Buong tiyagang nagmamatyag ang bayan sa darating na Martes, December 16, araw ng regular sesyon, ay buong kapanabikang hinihintay kung matutuloy na ang privilege speech ni Yang na diumanoy parang bombang sasabog na mag-aalis ng maskara sa iba pang sangkot sa kurakutan sa sedera noong Enero taong kasalukuyan. (SANDY BELARMINO)

TENYENTE AVIQUIVIL, OUTSTANDING ROLP MEMBER SA TAONG 2008

Lunsod ng San Pablo - Kinilala at pinarangalan ng Reserve Officers Legion of the Philippines (ROLP) si 1st Lt. Antonio L. Aviquivil PA (Res.) bilang Most Outstanding ROLP member para sa taong kasalukuyan.

Si tenyente Aviquivil ay aktibong miyembro ng ROLP Laguna and San Pablo City Chapter at laging nagiging kaagapay sa mga proyekto at programang isinasagawa ng naturang asosasyon na isinusulong sa Lunsod na ito at sa kalakhang Lalawigan ng Laguna.

Itinaon ang pagkilala at pagpaparangalan kay Aviquivil sa ika-55 Pambansang Kombensyon ng ROLP noong nakaraang December 6, 2008, sa AFPRESCOM Bldg., Kampo Emilio Aguinaldo, Lunsod ng Quezon.

Sina Major Gen. Reu Lucio G. Samaco DCSRRFD, J9, Col. Edilberto Dorinila, JSC PA (Res.) , Col. Robert Theodore S. Romero, PAF(Res.) at ROLP National President Col. Andrew C, Nocon PAF (Res.) ang ilan sa mga dumalo at kumilala sa kasipagan at pagpupunyagi ni Aviquivil. Dumalo rin sa naturang okasyon ang anak ni tenyente Aviquivil na si Capt. Anthony V. Aviquivil, PAF, na siyang outstanding Philippine Military Academy Graduate noong taong 2000, SANGHAYA Class. (Jonathan Aningalan/CIO)

LT. AVIQUIVIL- 2008 MOST OUTSTANDING ROLP MEMBER

Nasa larawan (kanan) si 1st Lt. Antonio L. Aviquivil, PA (Res.) habang tinatanggap mula kay Gen. Reu Lucio G, Samaco ang plake ng pagkilala bilang Most Outstanding ROLP (Reserve Officers Legion of the Philippines) member sa buong Pilipinas para sa taong 2008. Si Tenyente Aviquivil ay isang aktibong miyembro ng ROLP San Pablo City and Laguna Chapter. Isinagawa ang pagkilala sa kanya noong nakaraang December 6 sa idinaos na ROLP 55th National Convention, AFPRESCOM sa Kampo Emilio Aguinaldo, Lunsod ng Quezon.(SANDY BELARMINO)

SA MATAGAL NA ISYU NG SEDERA: ILANG KONSEHALES SA SAN PABLO, MAY KINATATAKUTAN NGA BA?

Lunsod ng San Pablo – Ito ang tanong ng taumbayan matapos magkasunod na ma-postpone ang dalawang regular session at isang special session sa lunsod na ito dahil sa kakulangan ng korum.

Nauna na rito, kumalat ang bulung-bulungan sa paligid ng kapitolyo na may pasasabunging isyu umano si Konsehal Danilo “D.Y.” Yang na siyang pinaniniwalaang dahilan kung bakit umiwas ang mga diumano’y sangkot dito. Naging kapansin-pansin na marami ang umakyat sa ika-walong palapag ng Bagong Kapitolyo kung saan naroon ang Bulwagan ng Sangguniang Panlunsod upang makinig ng sesyon noong Nobyembre 25.

Hindi natuloy ang naturang sesyon dahil anim lang sa 12 konsehales ang dumalo, kabilang dito sina Ellen T. Reyes, Arsenio A. Escudero, Pamboy C. Lopez, Dante B. Amante, Leopoldo M. Colago at Danny R. Yang. Muling hindi natuloy ang sesyon ng sumunod na Martes, Disyembre 2, dahil kulang na naman ang bilang ng mga konsehales.

Matatandaan na noong nakaraang Enero 17 ng taong kasalukuyan, isang malayang pamamahayag (privileged speech) ang binigkas ni Kon. Danny Yang sa bulwagan ng Sanggunian na humihingi ng paliwanag sa mga kasamahang konsehal hinggil sa tinagurian niyang “baak-baak” ng ilang konsehal sa salaping “idinilig” diumano ng isang Erik Kaligayahan na siyang naging dahilan upang magsulputan ang mga “cedera” sa paligid ng kapitolyo at “sa mismong pusod ng ating kalunsuran”.

Hiniling din niya noon sa Sanggunian na magsagawa ng isang malalimang imbestigasyon dahilan sa ang nakataya aniya ay dignidad at integridad ng Sangguniang Panlunsod ng San Pablo. Ang kahilingang imbestigasyon ay hindi nagkaroon ng katuparan sa hindi malamang kadahilanan.

Ang pagkaantala ng mga sesyon ng magkakasunod ay isang manipestasyon na may mga sangkot na konsehal sa nasabing isyu, ayon sa mga tagamasid.

Kaugnay ng pangyayaring ito, nagpahayag ng pagkadismaya ang maraming mamamayan dahilan sa anila’y katamaran at kawalang-pakialam ng mga konsehales na dapat ay naglilingkod sa kanilang mga kababayan.

Habang sinusulat ito, hindi pa nakukuha ang panig ni Vice Mayor Martin Ambray- Ilagan na siyang Presiding Officer sa Sanggunian gayon ang mga konsehal na ang karamihan ay naka-leave. (MEL B. EVANGELISTA mula sa ulat ni Sandy Belarmino, 7LPC, LAGUNA COURIER Vol. XII No. 45, Dec. 8-14, 2008)

KWEN'TONG PISTAHAN

Pilipinas ay kilala noon pang panahong una
Dahil napakadakila pagsamba ay isang pista
Ang mga Santo at Santa ng debotong pinipita
Sa balikat dinadala at may dasal ng pagsamba

Ilang araw ang sedera, sa bayan ay nagtitinda
Sa gilid nitong kalsada, mamili ng murang mura
Saan ka man mapabanda,sigaw ay tila musika
Tumataginting sa tainga, nakalulugod sa mata

Bakit nakapagtataka, kung saan saan napunta
Mga kawawang tindera, nagpapalipatlipat na
Minsan sa sulok nakita, biglang lipat sa ilaya
Negosyanteng mapepera, ang nagpapalayas pala

Puna hindi mailagan, di dapat pahintulutan
Dahil di pa pinayagan, ng dakilang sanggunian
Marami ang naulingan at bulsa ay narumihan
Di ba dapat maambunan, upang bibig ay matakpan

Marahil ay nahirinan at biglang nabilaukan
Naghari’y katahimikan, mga dila napipilan
Dahil may pinaghatian, mga bibig natapalan
Pati mata ay natakpan, lubusan ng nabulagan

Baak baak ang dahilan, kaya sumaya ang bayan
Dahil itong kapistahan, tunay na ngang kasayahan
Nawawala ang silipan, kapag may pinagpartihan
Dahil walang karangalan, ngaw-ngaw sana ay tigilan

Bunga naman kagalitan, nitong dating kapatiran
Nalimot itomg sumpaan , hindi dapat mag-iwanan
Sana di pinagtaksilan at hindi nagsalawahan
Sa murang murang dahilan, barya na pinag-agawan

Wika ni Arnold Acebron, buti may Martin Ilagan
Ares at Gel pa ng bayan, sedera,y pinag-aralan
Hindi agad pinayagan dahil ayaw ni Danny Yang
Mahabang pinagtalunan wala lang kinahinatnan.

MARUPOK NA SUMPA

Sa nakalipas na dalawang linggo partikular tuwing Martes kung kailan nagdaraos ng sesyon ang Sangguniang Panlunsod (SP) ay may pinanabikan ang mga San Pableño na marinig, na ayon sa mga bulong-bulungan ay laman ng nauunsyaming privilege speech ni Laguna Philippine Councilor League (PCL) President Danny Yang.

Ang ipinagtataka ng marami ay kung bakit natataong laging walang quorum at parang hirap na hirap ang SP na makabuo ng pitong konsehal na dapat sanang dumalo sa sesyon. Naghihinala tuloy ang karamihan na ito ay sinasadya upang huwag matuloy ang pasabog ni Yang. Nabatid din ng may akda, na ang malayang pamamahayag ay tatalakay sa isyu ng sedera.

Ikinalito lalo ng may akda kung bakit parang may pwersang pumipigil sa naturang privilege speech gayong Enero 17 taong kasalukuyan ay nabigkas na ito ni Yang at ang record ay isa nang public document sa secretariat ng SP, na open book upang makita o mabasa ng lahat.

Tumatalakay ito sa ginawang paninindigan ni Yang, Vice Mayor Martin Ilagan, Kon. Gel Adriano, Kon. Ares Escudero at Kon. Pamboy Lopez laban sa paglalagay ng sidera sa gitna ng bayan na kanilang sinumpaan sa harap ng Kura Paroko ng San Pablo. Ikinatuwa ni Monsigñor Mel Barcenas ang ginawang paninindigan ng mga nabanggit lalo’t higit ang kay Vice Mayor Ilagan.

Makaraang ipa-blotter sa pulisya ay pinangunahan pa ni VM Ilagan ang pagpupulong ng mga pederasyon ng mga manininda sa palengke at diumano’y nanumpa itong muli. Nagbigay pa ng kasiguruhan ang Bise-Alkalde ayon sa privilege speech na handa niyang isugal ang katungkulan alang-alang sa bayan. Bayani sa isang iglap si Ilagan, pinarangalan at ipinagbunyi, at special mention pa ni Monsigñor Barcenas sa misa noong bisperas ng kapaskuhan dahil sa matatag na paninindigan.

Pero ito ang malungkot, batay sa naturang privilege speech ay muling nagsulputan ang sedera sa plaza noong Enero 3, 2008 at base sa hanay ng pagtatanong ni Yang kay Ilagan ay “magkano ang napagkasunduan?” “Sino-sino ang naghati-hati?” At sa tema ng talumpati ni Yang ay malinaw na wala siyang kinalaman, subalit hanggang sa ngayon ay hindi pa nasasagot ni VM Ilagan ang mga simpleng katanungan.

Ano pa’t ito ang humigit kumulang ang nilalaman ng malayang pamamahayag ni Yang na humihingi ng katugunan. Walang naglakas loob na sumagot nito sa loob ng labing-isang buwan. Bakit ngayon ay muling nais buksan ni Yang ang nasabing usapin? Hindi kaya hawak na ni Yang ang kasagutan kung bakit naging marupok ang sumpa ni Vice-Mayor Martin A. Ilagan sa tao at sa alagad ng simbahan? Ilan ba talaga ang konsehal na nasasangkot dito? Naging OK ba naman ang “share-share” nila dito? Tanging si Vice-Mayor Ilagan lang ang susi sa lahat ng ito. (SANDY BELARMINO)

PUREGOLD TO INVADE SAN PABLO BY STORM

San Pableños are just as excited as over to grand opening of Puregold which will be definitely before Christmas. The management is working double time just to meet its commitments to future clientele, like providing high quality goods and merchandize at low, low prices that built a name for Puregold as what it is today. (NANI CORTEZ)

SEN. VILLAR MEDICAL MISSION

Seated from left are Asst. Provincial Prosecutor (Lt. Col. Res.) Florante “Ante” Gonzales, Col. Samson Tocino, Engr. Popoy Briñas, Rodolfo Borja, CEU College of Optometry Dean Jessica Flor-Torre and some of medical. Dental and optical staff from Centro Escolar University Outreach Program who assisted in said mission at Brgys. San Antonio I, Sta. Ana and San Vicente, San Pablo City recently. (NANI CORTEZ)

YOUNG ESSAYISTS

Inset are the winners in the recently concluded English Essay Writing Contest for senior high school students sponsored by the Rural Bank of Seven Lakes (San Pablo City), Inc. that commemorated their 34th Founding Anniversary last November 21, 2008. The awarding ceremonies held last Saturday, November 29, 2008 presided by Bank Chairman and President Odilon I. Bautista and witnessed by the representatives of the academic, business, and research and development (R&D) communities in the Province of Laguna. From left are Lanna Alvarez of San Pablo Colleges, champion; Sandy Marie Belarmino of San Pablo City Science High School, first runner-up; and Jeanne Loraine Amponin of Laguna College, second runner-up. They received cash prizes and plaques of recognition from the bank. The contest was participated by 21 students representing 21 public and private secondary institutions in the city. (Seven Lakes Press Corps)

ANG MENSAHE NG MGA PAROL

Sa temang How to Fight Aids ay inilunsad ng City Health Office (CHO) ang Christmas Lantern Contest sa layuning pasiglahin ang paglaban sa sakit na Acquired Immunity Deficiency Syndrome (AIDS) na nakasisigurong makatatawag pansin at makakakuha ng suporta mula sa publilko sa isinasagawang educational campaign ng CHO ukol ditto.

Binabati natin ang kabuuan ng City Health Office mula kay Dr. Job D. Brion hanggang sa kaliit-liitang field personnel nito sa ganitong makabuluhang pagsusulong, na lingid sa lahat ay nakapag-iwan ng mahalagang mensahe sa pitak na ito sapagkat ang ginamit na materyales sa bawat parol ay mga recycled na gamit na kung walang inobasyon ang isang nilalang ay itatapon na lamang sa basurahan.

Hindi na sinubukang alamin ng pitak na ito kung sino ang nanalo dahil sa aking isipan ay pawang nagwagi na ang lahat ng kalahok. Marahil ang unang dahilan ay ang paghanga sa pagkamalikhain ng bawat isa sa pagbuo ng parol na halos walang ginastos ngunit naipararating pa rin ang diwa ng kapaskuhan. Sa panahong ito ng mga pagsubok sa ating ekonomiya ay ito ang ating kailangang gawin.

Maaari na’y pwede pa pala tayong magdiwang ng Pasko sa likod ng mga simpleng bagay sa ating paligid. Walang binago kundi ang disiplinahin ang ating sarili sa pagtitipid upang makaangkop sa hinihingi ng panahon, ngunit pareho pa ring nandoon ang ispiritu ng kapaskuhan.

Ang mensahe ay hindi kinakailangan ang rangya upang matamo ang tunay na kasiyahan sapagkat kung paano nagpakumbaba si Hesukristo nang Siya’y isilang ay ito na ang tampok na rurok sa nais Niyang iparating. Na ang ibig sabihin ay hindi lang salapi ang susi upang ang tao ay lumigaya.

Hinatulan ng mga inampalan ang bawat parol sang-ayon sa ipinaabot na mensahe na pinakamalapit sa tema at ang mga nagwagi ay ang mga nagbigay ng malinaw na pamamaraan upang maiwasan ang AIDS, sa ilalim ng basehang tugma sa layunin ng kampanya. Bukod dito ay nararapat din sana silang kilalanin, kabilang na ang mga hindi nagwagi sapagkat nabigyang halaga nila ang mga bagay na wala nang katuturan at higit sa lahat ay binuksan nila ang ating isipan na huwag bigyan ng pagkakataon ang lungkot sa ating buhay. (SANDY BELARMINO)

ANG LAGUNA SA 2010

Nalantad man ang pagkilos ng panibagong proponent ng Charter Change (CHACHA) sa Mababang Kapulungan ng Kongreso upang muling tangkain sa pamamagitan ng constituent assembly na baguhin ang saligang batas ay hindi ito nakapagpapalamig sa naisin ng mga nagbabalak na pumailanlang sa pampanguluhang halalan sa 2010.

Kung ang mga nagbabalak na tumakbo sa pambansang posisyon ay hindi nangangamba ukol dito, sa paniwalang hindi naman ito nagtatagumpay, ay mas lalong hindi ang nag-a-aspire sa local elective position. Saan mang dako ay masigla na ang galawan upang makaungos sa kung sino man ang kanyang makakatunggali.

Sa lalawigan ng Laguna, malayo pa man 2010 ay batid na ng taumbayan ang posibleng magkalaban sa pagka-gobernador. Dalawa ang matunog na madalas pag-usapan sa mga umpukan, ngunit hanggang sa ngayon ay wala pang makapagsabi kung sinong nakalalamang kina dating Gob. Joey Lina at Provincial Administrator Dennis Lazaro. Napapabalita na sumang-ayon si Ex-Vice Gov. Edwin Olivarez na tumiket kay Lina at sakaling ito’y may katotohanan, well, nakalalamang ang dating gobernador.

Si Cong. Dan Fernandez pa lang ng 1st District ang kumpirmadong may hahamon sa katauhan nina BID Comm. Rey Almaro at BM Dave Almarinez. Matibay pa rin daw si Cong. Timmy Chipeco sa 2nd District at wala pang lumulutang o nagpaparamdam na katunggali, na ayon sa mga dalubhasa ng halalan ay pumapabor kay Cong. Chipeco ang sitwasyong ganito.

Marami ang nakakapansin sa pagiging aktibo ni Cong. Maria Evita Arago sa kanyang distrito sa ikatlong purok. Sinasabi ng mga nagmamasid na mahirap tapatan ang sipag ng batang kongresista bukod pa sa mga proyektong naipararating niya sa mga kanayunan na dating hindi naaabot ng kalinga ng mga nagdaang congressman. Habang papalapit ang 2010 ay mas tumatatag umano ang pundasyong kinatatayuan ni Cong. Arago.

Ayon sa mga taga 4th District ay mahihirapan nang gibain si Cong. Edgar San Luis dahil sa ipinakikita nitong kakayanan at paninindigan bilang mambabatas. Madali din daw itong lapitan sa oras ng pangangailangan ng kanyang constituents at may nakatalaga pang tauhan na siyang aalalay sa mga panahong tumutupad siya ng tungkuling sa mababang kapulungan bilang congressman.

Done deal na rin ang tatlong city mayor sa Laguna batay sa mga nasasagap ng pitak na ito. Ang magandang performance bilang punong lunsod ni Mayor Arlene Arcillas-Nazareno ang pinaka-mabisang campaign manager ng alkalde tungo sa kanyang re-eleksyon ayon sa mga taga Sta. Rosa. Mahahatak din daw ni Mayora pataas sino man ang kanyang bise-alkalde na batay sa ulat ay malamang na si Kon. Arnel Gomez dahil si Kon. Ian de Guzman ay pang-congressman sa 1st District sa 2013.

Old reliable na umano sina Calamba City Mayor Joaquin “Jun” Chipeco at San Pablo City Mayor Vicente B. Amante kaya kapwa solido pa rin ang suporta ng kanikanilang mga constituent. Kapwa din daw may naipundar ng pangalan ang dalawang opisyal dahilang upang magdalawang isip ang mga nagnanais na sila’y harapin sa larangan ng pulitika.

Ang lahat pong ito ay general sentiments ng taumbayan na kasalukuyan na nakararating sa pitak na ito, na nagsilbing tagahanay lamang. Sa susunod pong isyu ay ilalathala natin ang saloobin sa iba pang bayan ng lalawigan. (NANI CORTEZ)

DFA REGION 4, AKTIBO SA MOBILE PASSPORTING

Naging aktibo ang Department of Foreign Affairs (DFA) Region 4 sa pagsasagawa ng mobile passporting service mula buwan ng Enero hanggang sa kasalukuyan sa mga nasasakupang lalawigan ng Calabarzon at Mimoropa.

Ito ay bilang katugunan sa kahilingan ng mga lokal na pamahalaan sa mga lalawigan ng Cavite, Laguna, Rizal, Batangas, Quezon at mga siyudad o munisipalidad dito. Nakapagsagawa rin ng mobile passporting ang naturang tanggapan sa mga island province ng Mindoro at Palawan.

Ayon kay DFA Regional Director Edmundo Mangubat ay 16 Mobile Passporting na ang kanilang natugunan sa ibat-ibang panig ng rehiyon at muling nakatakdang magsagawa nito sa San Pablo City sa Nobyembre 29 sa paanyaya ni Cong. Maria Evita Arago.

Sa 75,715 passport na prenoseso ng kanilang tanggapan ay 6,203 ang nagmula sa mobile passporting. Sinabi ni Mangubat na bago matapos ang taon ay inaasahang aabot sa sampung porsiento ang output ng field passporting sa kabuuang passport na kanilang mapoproseso

Nagbigay katiyakan ang regional director sa mga LGU’s na kanyang tutugunan ang bawat kahilingan sa katulad na serbisyo angkop sa panahon upang mas marami ang makinabang nang sa ganoon aniya ay makatipid sa gastusin habang nag-a-apply ng trabaho.

Napag-alaman buhat kay RD Mangubat na ang kanyang tanggapan ay binubuo ng 20 staff kung saan ay hinahati sa tatlong grupo kapag may mga out of town passporting upang makasigurong mga episyenteng makagaganap sa misyon ang DFA sa mga malalayong lugar.

Si Mangubat ay isang career official ng kagawaran, na nagsimula bilang kaswal labing-isang taon na ang nakararaan. Nakapaglingkod na siya sa embahada ng bansa sa Nigeria, West Africa, England at USA, bago naging regional director sa Region 4. (NANI CORTEZ)

BEAUTIFICATION NG CITY PLAZA AT MOBILE SOUVENIR SHOP, PREMYONG NATANGGAP NG LUNSOD MULA SA ANILAG 2007

San Pablo City- Naging kapuna-puna sa lahat ng taga-lunsod ang pagpapaganda ng 10 islands sa kahabaan ng Rizal Avenue patungong City Plaza at pagkakaroon ng isang Mobile Souvenir Shop (multi-cab) ang Pamahalaang Lunsod.

Ang landscaping ng city plaza at pagkakaroon ng isang multi-cab bilang isang mobile souvenir shop ay mula sa P500,000.00 worth of projects na premyong natanggap ng lunsod mula sa Pamahalaang Panlalawigan ng Laguna sa pamumuno ni Gob. Teresita Lazaro.

Lubos na pasasalamat namang tinanggap ni Mayor Vicente Amante at City Administrator Loreto Amante ang mga nabanggit na proyekto bilang premyo ng lunsod sa pagiging 3rd place sa float competition nuong nakaraang Anilag 2007.

Ang landscaping ay isinagawa ng Forest Wood Garden na matatagpuan sa Brgy. San Francisco, lunsod na ito. Mahigit sa 7,000 halaman ang itinanim sa may 10 islands na binubuo ng Spada, White Angel, Blodedred, Golden Lily, Pandanus, at Pokien Tea Topiary. Makikita din dito ang 7 Handcarved Woods kung saan nakaukit ang pangalan ng 7 lawa ng lunsod.

Magsisilbi namang isang mobile souvenir shop ang multi-cab kung saan maaaring maglagay at magdisplay ng iba’t-ibang produkto ng lunsod, partikular ang mga coconut products. Ito ay upang makabili naman ng mga pasalubong at mga souvenir items ang mga local at foreign tourists na nabisita sa lunsod. Ang nasabing multi-cab ay under supervision ng City Tourism Office sa ilalim ng pamumuno ni Exec. Asst. at Tourism Officer-in-Charge Edwin Magcase. (CIO-SPC)

ALTERNATIBONG HANAPBUHAY NG LLDA SA LAGUNA

San Pablo City- Inilunsad ni Laguna Lake Development Authority (LLDA) General Manager Edgardo C. Manda ang alternatibong hanapbuhay para matugunan ang suliranin ng mga mangingisda sa pitong lawa ng lunsod na ito sa isinagawang konsultasyon ng nasabing tanggapan kahapon.

Naging bahagi sa naturang konsultasyon ang Tanggapan ni City Mayor Vicente B. Amante, Cenro, Tourism Council, Friends of Seven Lakes Foundation, OSAD, M2K, Farm-C, PNP, AFP at iba’t-iba pang NGO. Ang talakayan ay isinulong ni Arvin Carandang na isang mamamahayag at environmentalist.

Napag-alaman sa talakayan na ang bumababang kalidad ng tubig ang nagiging sanhi ng mahinang ani ng isda sa lawa at nagbuhat sa mga basura ng illegal settlers sa lugar. Dahil dito ay napagkasunduan na magkaroon ng 4 hanggang 5 metrong easement sa mga baybayin kung saan ipagbabawal na pagtayuan ng anumang istraktura.

Habang nilulutas ang suliranin ay sinang-ayunan ni City Administrator Loreto “Amben” Amante ang mungkahi ni Manda na Seven Lakes Diversity Program on Eco-Tourism.

Hinikayat din ni Manda sa mga apektado na samantalahin ang programa ng LLDA ukol sa pagtatanim ng kawayan sa bakanteng bahagi sa gilid ng lawa. Sa ilalim ng programa ay sasanayin ng nasabing ahensya ang mga mangingisda ng tatlong araw upang ituro ang teknolohiya sa pagpapatubo ng kawayan.

Inisa-isa pa ng LLDA general manager ang pakinabang sa kawayan na bukod, sa nakatutulong na sa watershed protection, eco-tourism ay mapagkukunan din ng pagkain at ornamental para karagdagang hanapbuhay.

Sa kasalukuyan ayon pa kay Manda ay hindi matugunan ng LLDA ang demand sa kawayan dahil sa kakulangan nito.

Kabilang sa mga nagsidalo sa pagpupulong sina COP Supt. Joel C.Pernito, Kon. Arsenio Escudero, City Assessor Celerino Barcenas, Atty. Lat, Bobby Chan, Nilo Tirones, dating RTC Judge Bienvenido Reyes, Lerma Prudente, Gene Orence ng 202 BDE, Donna Eseo, mga pangulo at miyembro ng Farm-C sa pitong lawa at iba pang stakeholder na umaasa’t nabubuhay sa biyaya ng lawa. (NANI CORTEZ/Pres. Seven Lakes Press Corps)

LURAY NA ANG LAWA KO

Maaaring totoo nga na ang kahapon ay hindi na magbabalik pa ngunit ang anino naman nito sa pamamagitan ng gunita gamit ang mapaglarong isipan ay posibleng likhain ang larawan ng lumipas lalo pa’t ang buod ay ibayong kasayahan ng nagdaang kabataan.

Isa sa mga kinagigiliwan ng may-akda ay ang pagbalik-balikan sa alaala ang anyo ng Lawa ng Sampalok noong likas pa ang kanyang ganda, natural sa kung paano nalikha ng Poong Maykapal at ligtas pa sa kapangahasan ng tao. Ang kanyang kaanyuan na may malinis na tubig ay kasiya-siyang pagmasdan, lalo pa’t sa kalagitnaan ng lawa ay hihihip ang hanging amihan na marahang pinahahalik ang kanyang munting alon sa damuhan ng kanyang baybayin.

Sa malayo kung umuulan ay kaiga-igayang panoorin ang bawat butil ng tubig buhat sa alapaap, na parang sabik sa kanyang pagbabalik makaraang dalahin sa itaas sa pamamagitan ng alinsangan. Ramdam ng bawat nakakakita ang pagniniig ng ulan at malinis na tubig ng lawa.

Sa katag-arawan, ang tubig ng Lawang Sampalok ay animo’y kristal na ipinababanaag ang buhangin na kanyang nalililiman. Parang ipinasusukat ang kanyang lalim. Ito ang silbing anyaya sa akin at kapwa batang kalaro na parang himok ng kasiguruhan na ligtas at walang panganib na lumangoy at maligo.

Dahil sa angking ganda ng Sampalok lake ay hinandugan siya ng tao ng Hagdang Bato upang mas maraming makapunta at mamasdan ng malapitan. Ikinalugod ito ng lawa dahil naragdagan ang kanyang kaulayaw. Nagdugtong ito sa kanyang alamat kung kaya’t naging simbolo ang hagdanan ng Lunsod ng San Pablo.

Mas natuwa ang lawa ng ligiran ng daan ang kanyang baybayin. Siya’y naging bukambibig sapagkat lumitaw ang kanyang kariktan, naging pasyalan bawat oras, dinayo at naging libangan hanggang mapansin ng mga tampalasan. Siya’y inalila, inabuso at kinasangkapan sa hanapbuhay. Pinilit niyang makaganap ngunit may hangganan ang lahat.

Ngayong luray na ang aking Lawang Sampalok, tao kailan ka titigil? (SANDY BELARMINO/Baybayin ng Lawang Sampalok, Barangay V-A, Lunsod ng San Pablo)

INDEPENDENT SENATE

Bagong yugto ng kabanata ang kakaharapin ng senado ng bansa sa ginawang pagbibitiw sa tungkulin ni Senate President Manny Villar bago pa man maipatupad ang resolusyon ng mayorya ng mga senador na nagdi-deklarang bakante ang nasabing posisyon. Kapagdaka’y nahalal na pangulo ng senado si Senador Juan Ponce-Enrile.

May kaselanan ang posisyon ng panguluhan ng senado dahil dito nakasalalay ang pagpapanatili ng nasabing tanggapan bilang isang institusyong Malaya kung saan bagamat maliit lang ang komposisyon ay nagtataglay ng napakalawak na kapangyarihan. Ito ang pangunahing katungkulan na nakaatang kay bagong Senate President Enrile na malugod niyang tinanggap.

Si Villar sa isang banda, sa kahuli-hulihang sandali ng kanyang panunungkulan bilang pangatlong pinakamataas na lider ng bansa ay nagpamalas ng pagka-maginoo sapagkat tanggap niya ang kalakarang ito sa mataas na kapulungan – ang paghahari ng mayorya.

Kung tutuusin ay hindi ito ang unang rigodon sa kapulungan ng senado na nagsimula pa noong panahon bago pa man ang Commonwealth era. Unang nagsagawa ng reorganisasyon si Senate President Quezon kung saan napatalsik niya sa tungkulin si Senate President Pro-Tempore Sergio Osmeña, Sr.. At sa makabago nating panahon ay ang pagka-kuha sa tungkulin ni Senador Angara buhat kay Senate President Neptali Gonzales, Sr..

Noon hanggang nagyon at sa maraming pagkakataon ay naipamalas ng senado ang katangian sa pagiging indipendyanteng batasan kung saan nananaig ang malayang kaisipan ng bawat senador. Si Senador Miriam Defensor-Santiago bagamat umaming kaalyado ng palasyo ay nagningning sa isinagawang pagsisiyasat ng naturang kapulungan sa P728-milyong Fertilizer scam.

Naipamalas rin ito ni Senate President Jovito Salonga at iba pang mga senador ukol sa isyu ng American Military Bases sa bansa nang salungatin nila ang kahilingan ng palasyo noon, at sa halip ay pinanaig nila ang damdamin sa mataas na kapulungan. Ang senado sa maraming pagkakataon sa mahabang panahon ay nasubok pa ng makailang ulit kung independence ang pag-uusapan.

Change of guard lang na maituturing ang pagkakahalal kay Senate President Enrile sapagkat kilala ang mamang ito sa tibay ng paninindigan katulad ng kanyang ipinamalas na pagkalas sa diktaturyang Marcos, maipaglaban lang ang kanyang prinsipyong kumakatig sa katotohanan. Iisa ang ibig ipakahulugan ng mga bagay na ito – na muling kikilos ang senado upang maging kaalyado ng taumbayan, noon at magpakaylan man. (NANI CORTEZ)

SANA'Y IKAW NA NGA

MARAMING HIWAGA, MAHIRAP ARUKIN
AT KABABALAGHAN, SA ATING PANINGIN
MGA PANGYAYARING, DI SUKAT ISIPIN
NGUNIT NAGAGANAP, HINDI MAN GUSTUHIN

NOON AY WINIKA, NG PAHAM AT PANTAS
ANG NGALANG “MAREA”, GAGAWA NG LANDAS
PAMUMUNUAN DAW, SOBERENYA’T BATAS
BILANG PRESIDENTE, NITONG PILIPINAS

ANG UNA’Y SI MARCOS, SUNOD SI AQUINO
RAMOS AT ESTRADA, NGAYO’Y SI ARROYO
HINDI NAGKAMALI, ANG HUMULA NITO
SADYANG NAGANAP NA, ANG LAHAT NG ITO

SAPAGKAT TAPOS NA, ANG NAUNANG LIMA
NA SIYANG KABUUAN, TITIK NA “MAREA”
MAY BAGO NG HULA, SA BAGONG PAG-ASA
JESUS…JOSE… MARIA.., NGALANG PINAG-ISA

AT ITO’Y “JEJOMAR”, NA KANYANG PANGALAN
PUSONG MAKATAO, AT GINTONG ISIPAN
SUBOK NA MATATAG, SA PANININDIGAN
SA PAGKAKAISA, AT PANG-KAUNLARAN

MGA KAHIRAPAN, AY KANYANG TINIIS
SA WASTONG LANDASIN, AY DI NAPALIHIS
NAGSIKAP TUMAYO, NA KANAIS-NAIS
UPANG MAGING LIDER, NA PUSO’Y MALINIS

NGAYO’Y KILALA NA, ANG KANYANG PANGALAN
PANG-APAT SA MUNDONG, “ALKALDE NG BAYAN”
AT SA BUONG ASYA, SIYA ANG NAMBER WAN
ANG MAKATI CITY, LIPOS KAUNLARAN

ANG LUNSOD NA ITO, ANG BUSINESS CAPITAL
NITONG PILIPINAS, BANSA NATING MAHAL
BILANG PILIPINO, LIGAYA NA’T DANGAL
DISIPLINA RITO, PINA-IIRAL

SANA’Y IKAW NA NGA, O, JEJOMAR BINAY
ANG MAGING PANGULONG, AMING KAAGAPAY
BANSANG PILIPINAS, SAYO’Y NAGHIHINTAY
DIYOS ANG BAHALA, SA IYONG TAGUMPAY
(tula ni romy "palasig" evangelista)

GBI SPC CHAPTER NEW SET OF OFFICERS

Nasa larawan ang mga bagong halal na mga opisyales ng Guardians Brotherhood Incorporated (GBI) San Pablo City Chapter na maglilingkuran sa naturang kapatiran para sa taong 2009-2010. Nahalal na pangulo ng GBI SPC Chapter si kapatid Bernie Ramos, Bernie E. Perez, vp for operation; Rene Q. Brion, vp for admin; Loreto Gaurana, secretary at Bro. Victorino Anyayahan, treasurer. Ginanap ang halalan noong nakaraang Linggo, Nobyembre 9. (SANDY BELARMINO)

DYARYO SA TELEBISYON, TATLONG TAON NA

Tatlong taon na ang ating programa sa local cable na DYARYO SA TELEBISYON ngayong buwang ito. Hindi natin namamalayan ang paglipas ng panahon na kahit wala tayong sponsor ay umabot tayo ng ganitong katagal.

Nais nating samantalahin ang pagkakataon upang mag-pasalamat sa kagandahang loob ng TELMARC CABLE TV at CELESTRON CABLE TV na sa loob ng tatlong taon ay nagtiwala sa atin kahit tayo ay masasabing non-revenue generating program.

Thank you din sa ating mga nakapanayam at mga naging panauhin sa palatuntunan, sa ating director at editor na si “Bambu”, sa ating mga cameramen, mga kasamahan sa local na pamamahayag, sa City Information Office, sa pahayagang ito at sa mga matiyagang sumubaybay sa DYARYO SA TELEBISYON. God Bless You and God Bless Everybody!!! (SANDY BELARMINO)

13TH MONTH PAY SA CITY HALL IBINIGAY NA

Natanggap na ng mga government employee partikular sa San Pablo City Hall ang kanilang 13th month pay nang nakaraang linggo, na masasabing tamang-tama sa timing sapagkat higit na marami ang mabibili ng mga tumanggap nito kumpara sa kung malapit na ang kapaskuhan nila matatanggap.

Batay sa karanasan ng mga kawani ay nangangahulugan ito ng maagang pagpaplano sa kung ano-ano ang kanilang bibilihing mga pangangailangan ng kanilang pamilya sa panahon ng Christmas Season. Ilang bagay ang maisasagawa nito. Una marahil ay mas mura pa ang bilihin, maiiwasan ang pakikipag-siksikan at higit sa lahat ay kakayanang makapag-desisyon kung ano talaga ang kanilang higit na kailangan.

Ngayon na halos lahat ay nakararamdam ng hirap dulot ng economic crisis sa buong daigdig ay napakalaking tulong sa mga karaniwang kawani ang pagkakabigay sa tamang panahon ng kanilang 13th month pay. Hindi birong ginhawa ang maidudulot nito sa kanilang pamilya, na talaga naman lahat na ng pagtitiis ay naranasan na.

Kung kaya nga isang napakalaking insulto sa kanila na tuwing kanilang maririnig ang propaganda ng pambansang liderato na aniya’y ramdam na ramdam ang kaunlaran sa kabila ng katotohanang marami ang naghihirap at nagsisikap lamang na makaraos sa dumadaang kahirapan. Ito ang dahilan kung bakit ipinagkaloob ng maaga ng lokal na pamahalaan ang naturang 13th month pay.

Bago sumapit ang kapaskuhan, kung ipahihintulot ng budget ay baka muling makatanggap ang mga empleyado ng City Hall ni Pablo’y ng karagdagang cash bonus, na marahil ay isasabay sa mga kaswal ng lunsod at ito ay kung saka-sakali lamang. (SANDY BELARMINO)

13th MONTH PAY

Maagang ipinagkaloob ng Lunsod ng San Pablo ang 13th month pay ng mga empleyado ng city hall upang umabot ang mga ito sa agarang pangangailangan ng kani-kanilang pamilya para sa kapaskuhan. Sinisikap din ng lokal na pamahalaan na matugunan ang kahilingan ng mga empleyado na magkameron ng kaunting “extra bonus” sa darating na pasko upang kahit paano’y maging malaking tulong ito sa mga naturang manggagawang pampubliko, (SANDY BELARMINO)

JOLLIBEE PUREGOLD BRANCH IN SPC

JollibeeMascot flashes No. 1 sign as it opens its 5th outlet to be located at Puregold along C. Colago Ave.. Officials of said establishment made a courtesy call to San Pablo City Mayor Vicente B. Amante to seek his assistance in their recruitment of personnel. (Seven Lakes Press Corps)

KAMUSTA NA PO MA LARRY?

Si former Vice-Mayor Lauro “Larry” Vidal habang masayang sinasalubong ni City Administrator Loreto “Amben” Amante at City Secretary Rody Laroza noon ito’y bumisita sa dati niyang mga kasamahan sa City Hall ng San Pablo. Magpahanggang ngayon ay todo suporta pa rin si Vice-Mayor Vidal sa mga proyekto at programang isinusulong ng administrasyon ni Mayor Vicente B. Amante. (SANDY BELARMINO)

PROBLEMA SA CHEMICAL WASTE, LUTAS NA

San Pablo City - Umaabot na sa tinatayang 300 tonelada ng kemikal at toxic waste ang nahahakot buhat sa ipinasarang treatment plant sapul nang magbaba ng kautusan ang Department of Environment and Natural Resources (DENR) hinggil dito

Ang kautusan ng Pollution Adjudication Board (PAB) ng DENR ay nag-aatas sa mga kompanyang nagtambak ng mga naturang chemical at toxic waste sa compound ng ipinasarang Clean Earth Solution International (CESI) sa Barangay Balanga lunsod na ito na ito’y malipat sa ibang processing plant para sa kaukulang treatment.

Magugunitang umani ng batikos ang PAB buhat sa iba’t-ibang sektor bago ang naturang pagpapasya kung kaya’t umaksyon ng mabilisan si DENR Sec. Lito Atienza upang magkaroon ng agarang kalutasan.

Sabay na nag-akda ng resolusyon ang mga kagawad ng Sangguniang Panlunsod ng San Pablo at si 3rd Dist. Board Member Reynaldo Paras para naman sa Sangguniang Panlalawigan na humiling sa kalihim ng agarang aksyon sanhi ng pangambang baka ito makapinsala sa kalusugan ng mga mamamayan.

Ayon kay PENRO Isidro Mercado ay matatapos ang paghakot ng 900 toneladang kemikal waste sa susunod na buwan kung saan ay sisimulan na nila ang rehabilitasyon ng naturang lugar. (NANI CORTEZ/President-Seven Lakes Press Corps)

PISTODPILA, WALANG LEGAL NA PERSONALIDAD

Inihayag ng Kaisahan ng mga samahan ng magtatraysikel sa Lunsod ng San Pablo,KASAMA-LSP (nasa kaliwang larawan), na walang legal na personalidad ang Pinag-isang Samahan ng Traysikel drayber association sa pitong lawa PISTODPILA (nasa kanang larawan), upang ang mga ito’y maghain ng petisyon sa Sanggunian Panlunsod upang pawalang saysay ang akreditasyon ng KASAMA-LSP sa naturang kapulungan. Madiin na binanggit ng KASAMA-LSP na mula pa noong taoong 2005 ay “revoked” na ang Security & Exchange Commission (SEC) registration at paso na rin ang akreditasyon sa Sangguniang Panlunsod ng PISTODPILA bilang isang legal na samahan. Noong nakaraang biyernes, Nobyembre 7, isinagawa ang Committee Hearing hinggil sa naturang usapin ng 2 grupo ng mga magta-traysikel at ito’y dininig nina Konsehal Dante B. Amante at Leopoldo M. Colago. (SANDY BELARMINO)

PISTODPILA/PETITIONERS, NO LEGAL PERSONALITY (Accreditation having been revoked by operation of law)

San Pablo City - In a committee hearing on the petition filed by Pinag-isang Samahan ng Traysikel Drayber Association sa Pitong Lawa Inc. (PISTODPILA) represented by its alleged president, Hermis Hernandez, Elvin Leonzon, Virgilio Gesmundo, Rolando Atienza, Cesar de Leon and Edwin Ilagan, before the Sanggunian Panlunsod, the hearing officers composed of City Councilors Dante A. Amante and Leopoldo M. Colago allowed the parties to substantiate their respective stand.

Fernandez initially raised the issue that respondent Kaisahan ng Mga Samahan ng Magtatraysikel sa Lunsod ng San Pablo (KASAMA-LSP Inc.) did not hold election of officers at the same time he questioned the propriety of the accreditation granted by the August Body to the respondent. He also questioned the appearance of Mr. Perfecto a.ka. “Talbos Tubo” Marcelo in the hearing contending that he (Marcelo) is not the President of KASAMA-LSP.

Marcelo produced a document signed by all the officers and notarized by Atty. Esperidion L. Gajitos to prove his legal capacity to represent KASAMA-LSP. The document was read by Councilor Amante for the information and guidance of everybody then allowed Marcelo to speak in behalf of the respondent.

It was alleged that Fernandez has “no legal capacity” to file the petition much more to represent the PISTODPILA considering that up to the present time, all the records of the organizations is still in the name of Cesar Agno. “Si Mr. Hermis Fernandez ay walang legal personality dito”, said Marcelo.

He also pointed out that the accreditation of PISTODPILA at the Securities & Exchange Commission (SEC) and at the Sangguniang Panlunsod had long been deemed revoked by operation of law considering that the same was never renewed since December 1, 2005. These statements of Marcelo were not controverted by the petitioners.

When asked about the issue raised by Fernandez, after the hearing, Marcelo said: “we will file the proper pleading in due time just to comply with the request of Councilor Amante but I am confident that the petition of Fernandez, ET. Al., will not prosper”. (mbe/seven lakes press corps)

DILG-LIGA NG MGA BARANGAY SEMINAR-WORKSHOP

Nang nakaraang buwan ng Setyembre at Oktubre ay ginanap sa One Stop Shop Processing Center ang refresher course para sa 80 barangay dito sa lunsod na ito sa pamamagitan ng DILG San Pablo City Office sa pangunguna ni City Director Herminia Arcelo.

Ang taunang seminar-workshop ay isinasagawa upang higit na matutunan ng mga barangay official ang local governance. Ito ay kadalasang ginagawa sa labas ng lunsod ngunit upang makatugon sa hinihingi ng panahon na dala ng economic crisis na dinaranas ng daigdig ay nag-isip ang pamunuan ng liga na dito na ganapin upang makatipid.

Hindi lamang katipiran ang natamo nito buhat sa pondo ng mga barangay, manapa’y napatunayang mas higit itong epektibo sapagkat halos 100% ng mga barangay official ang nakadalo sa dalawang buwang pagpupulong na ginaganap tuwing Sabado at Linggo. Bukod ditto ay nagagampanan pa ng mga chairmen ang kanilang tungkulin dahil sa nakauuwi sila sa kani-kanilang mga barangay tuwing hapon, at anumang oras ay laging on-call sa mga hindi inaasahang aberya sa kanilang mga barangay.

Ilan lamang ito sa mga pakinabang ng mga barangay na natamo na ayon kay ABC President Gener B. Amante ay naging bonus bukod pa sa kanilang natutunan sa naturang Seminar-Workshop ng DILG. Binabati natin ang DILG at ang Liga ng mga Barangay sa kanilang gawain sapagkat ang halagang kanilang natipid ay mailalaan ng mga barangay sa iba pang pangangailangan na dulot ng dinaranas nating economic crisis. (SANDY BELARMINO)

BENDISYON NG LUNSOD, MAHALAGA SA MGA PRESIDENTIABLE

Dalawang opposition presidentiable ang bumisita sa San Pablo City nang nakaraang lingo. Unang dumating noong Lunes si Senate President Manny Villar upang bumati sa kaarawan ni Mayor Vicente B. Amante, samantalang Miyerkules dumating si Makati City Mayor Jejomar Binay upang lumagda sa sisterhood agreement sa pagitan ng San Pablo at City of Makati.

Kapwa opisyal ang kanilang biyahe pagtungo sa atin ngunit bilang sentro ng mga mamamayang nagtataglay ng malayang kaisipan ay tila humihingi sina Binay at Villar ng bendisyon buhat sa mga San Pableño sa kanilang susuunging larangan. Ang dalawa ay kapwa malapit sa damdamin ni Pangulong Erap, si Binay ay kaylan ma’y hindi umalis sa tabi ng dating pangulo sa kabila ng pang-uusig na siya’y personal na maigupo, samantalang si Villar ay minanok ni Erap bilang senate president.

Masusi nang pinag-aaralan ng mga San Pableño kung sino sa dalawa ang ipangtatapat sa kandidato ng administrasyon sa 2010 presidential election. Sino at kanino kayo papanig? (SANDY BELARMINO)

USAPIN LABAN SA CLINICAL LABORATORY, ISINAMPA NA SA HUKUMAN

San Pablo City - Dahil sa nakitang probable cause ay isinampa na ng piskalya sa hukuman ang reklamo ng isang senior citizen laban sa isang clinical laboratory na nabigong magkaloob ng discount na lumalabag sa tadhanain ng RA 9257 na nangangalaga sa mga senior citizen.

“Probable cause has been sufficiently established and the defenses raised by respondent are evidentiary in nature and should be ventilated in full blown court trial. Appropriate information shall be filed against the respondent” ayon kay Assistant Regional State Prosecutor Elnora Largo-Nombrado na may pag-sangayon mula kay City Fiscal Dominador A. Leyros.

Ang usapin ay nag-ugat nang si Office of Senior Citizen Affairs (OSCA) Chairman Hilario Cornista ay hindi pinagkalooban ng 20% discount ng DBD Clinical Laboratory sa kabila ng pagpresenta ng ID bilang senior citizen ng lunsod sangayon sa ipinag-uutos ng RA9257 o Expanded Senior Citizens Act.

Minaliit ng piskalya ang katwiran ng respondent na hindi personal na humarap sa kanila ang complainant at sa halip ay kanyang maybahay lamang na may dalang authorization letter buhat kay Cornista. Kalakaran na at ipinahihintulot ng batas ang ganitong sitwasyon sa lahat ng botika sapagkat walang pagbabawal ang Implementing Rules and Regulations (IRR) ng RA 9257 hinggil dito.

Hindi rin binigyang halaga ng piskalya ang katwiran ng respondent na messenger lamang ng klinika ang naka-transaksyon ng complainant sapagkat ito ang tumanggap ng urine sample at nag-isyu ng resibo sa halagang P650.00 na walang discount.

Sinikap na makapanayam ng pahayagang ito ang may-ari ng DBD Clinical Laboratory na si Dolores D. Monzones upang makuha ang kanyang panig ngunit hindi siya natagpuan. (Seven Lakes Press Corps)

CHAMPAGNE, CAKE AND CAMERA

Ipinagtataka ng marami na kapag may kasalang bayan sa lunsod ay sina CIO officer Ito Bigueras at Exec. Asst. Paul Cuadra ang palaging namamahala sa disenyo ng wedding cake at ang pagbubukas ng champagne na palagian ding ikinukober ni mediaman Sandy Belarmino. (seven lakes press corps)

WELCOME SENIOR CITIZEN MAYOR VIC AMANTE - Sinalubong ng mag-asawang Mayor Vicente B. Amante at Ginang Nercy S. Amante sa pamamagitan ng isang awitin ang ika-60 taong kaarawan ng pagsilang ng alkalde. Simpleng tanghalian ang inihanda ng mga pinuno ng iba’t-ibang tanggapan ng lokal na pamahalaan upang maipakita at maipadama ang kanilang pakikisaya at pagbubunyi sa mahalagang araw na ito ni Amante. Ipinahayag ng alkalde na higit pa niyang pag-iibayuhin ang paglilingkod sa kanyang mga nasasakupan lalo na’t ganap na siyang Senior Citizen. (Seven Lakes Press Corps)

MAYOR BINAY, WALANG PAGKALUPIG

Sa hanay ng mga Pilipinong lider ng ating makabagong panahon ay isa si Makati City Mayor Jejomar Binay sa mga hinahangaan ng balana dahil sa naipamalas at ipinakikitang tibay ng paninindigan sa kabila ng hayagang pananakot at pananabotahe ng kanyang mga nakalaban sa pulitika.

Masasabing sa aspeto ng pakikibaka ay laging nangunguna si Binay sa pagtatanggol sa mga nagnanais magpahayag ng kanilang damdamin dahil sa pagsasaalang-alang sa tamang katwiran. Sanhi nito ay ang pagka-irita ng mga nasa kapangyarihan na harapan siyang binabalikan at pinagbabantaan.

Ngunit ni minsan ay hindi natinag si Binay, ipinagtanggol ang katwiran na mas lalong nagpainit sa damdamin ng mga palalong nangaghahawak sa timon ng kapangyarihan. Bumigay na ang maraming lider at nilasap ang biyaya sa ilalim ng mga hunghang subali’t nanatiling nakatayo si Binay na lumalaban, hindi yumuko ni sumuko at hindi nagpalupig sapagkat taglay niya’y kakaibang sandata ng wastong pangangatwiran.

Kung may mga katangian si Binay na naghatid sa kanya sa tugatog na kanyang kinalalagyan sa ngayon, sa loob o sa labas man ng Lunsod ng Makati, ay ito’y ang paninindigang wala pang nagkakalakas na loob na tularan. Simbolo si Binay ng mga taong nanaisin pa na masakripisyo ang sariling kapakanan kaysa kaginhawahang natamo sa pagluhod sa mga imbing nasa kapangyarihan.

Hindi iilang ulit na tinangka ng kanyang kaibayo sa pulitika na pasukuin si Binay subalit ang mga ito’y pawang nangabigo. Mas higit ang nalikha nitong kinang sa pagkatao ng alkalde na umani ng paghanga at paggalang buhat sa masang Pilipino. Para kay Binay ay ginagawa lang niya ang kanyang tungkulin bilang punong lunsod, bilang manananggol at bilang isang taong naniniwala sa pantay na karapatan ng bawat isa.

Dahil sa paniniwalang ito ay kaylan ma’y hindi nagdalawang isip si Binay sa pagkakaloob ng tahanan sa mga mamamayang nais maghayag ng damdamin sa dinaranas at nakikitang kabulukan na ginagawa ng ilang opisyal ng pamahalaan. Marami pang pagbabanta ang ibinigay ng liderato ng bansa, muli’t-muli ay hindi siya natinag at sa halip ay hinayaang manaig ang malayang daloy ng opinyong publiko.

Iisa ang ibig ipakahulugan ng mga bagay na ito. Si Binay ay isang nilikhang hindi para sa kanyang sarili lamang, hindi lang sa Makati, hindi lang para sa oposisyon manapa’y sumasagisag sa tunay na damdamin ng masang Pilipino.(NANI CORTEZ)

BUSINESS SUMMIT sa SM CITY, PINASINAYAAN ni PGMA

Sta. Rosa City - Pinasinayaan ni Pangulong Gloria Macapagal-Arroyo ang paglulunsad ng Laguna Business and Investment Expo (LBIX) 2008 sa SM City rito kahapon

Ang LBIX ay nabuo sa pakikipagtulungan nina City Mayor Arlene Arcillas-Nazareno, Gob. Teresita Lazaro at business communities ng lalawigan sa pag-alalay ng maraming sector buhat sa academe. Ito ay may temang “Boundless Possibilities” kung saan ipakikita ang kakayanan at pagka-malikhain ng mga Lagunense sa pagharap sa krisis na dinaranas ng daigdig.

Kapapalooban ang anim na araw na business summit ng business fora, networking session, exhibits at entertainment and cultural events na sumisimbolo sa nakaraang pagsisikap at kaunlarang natamo ng lalawigan na pinapurihan ng pangulo sa kanyang talumpati. Ikinatuwa ni Arroyo ang layunin ng LBIX na papag-isahin ang lahat ng sektor ng industriya, negosyo at academe para sa ikasusulong ng kabuhayan ng mga Lagunense.

Bilang suporta ay tiniyak niyang patuloy ang kanyang administrasyon sa paghimok sa mga foreign investor na maglagak ng puhunan sa 18 industrial estate ng Laguna.

Ang summit ayon kay Mayor Arlene Arcillas-Nazareno ay kapapalooban ng Macro-Micro Situationer, Cooperative Forum, One Town One Product Forum, Tourism and Cultural Forum, Academe-Industry Forum at Laguna Jobs Fair Forum. Itatampok din dito ayon pa sa alkalde ang socio-cultural events para sa mga home grown talents ng probinsiya.

Bukod kay PGMA ay naging bisita rin sa pasinaya sina DTI Sec. Peter Fabila, Rep. Ivy Arago, BM Rey Paras, BM Neil Nocon, PCL President Danny Yang, Provincial Administrator Dennis Lazaro at Provincial Planning Officer Valentin Guidote, Jr.. Magtatapos ang summit sa Nobyembre 9. (NANI CORTEZ)

PRIDE OF SAN PABLO CITY SCIENCE HIGH SCHOOL

Si Sandy Marie D. Belarmino (kaliwa) at Geri Mae A. Tolentino (kanan) kapwa 4th year student ng San Pablo City Science High School (SPCSHS) ay muling nag-uwi ng karangalan para sa kanilang paaralan matapos na mamayani sa katatapos lamang na DepEd Regional Schools Enviromental Camp (RSEC) na ginanap sa Siniloan, Laguna noong Oktubre 29-31, 2008. Si Belarmino ang nagkamit ng ikalwang karangalan sa Filipino essay writing contest, samantalang si Tolentino naman ang nakakuha ng unang karangalan sa English Essay Writing. (PEDRITO BIGUERAS)

TOLENTINO AT BELARMINO NG SPCSHS, NAMAYANI SA DEPED RSEC

Siniloan, Laguna - Nakamit ng San Pablo City Science High School ang unang karangalan sa essay writing (English) at ikalawang karangalan (Filipino) sa ginanap na Regional Science Environmental Camp (RSEC) sa bayang ito.

Sa temang GLOBAL PROTECTION AND CONSERVATION FOR MOTHER EARTH (Ingatan si Inang Kalikasan para sa masaganang kabuhayan ngayon at sa kinabukasan) ay napagwagian ni Geri Mae A. Tolentino ang unang karangalan sa English Essay Writing Contest, samantalang si Sandy Marie D. Belarmino naman ang nakakuha ng ikalawang karangalan sa Filipino essay writing.

Nagbuhat sa mga lalawigan at lunsod ng Region 4A (CALABARZON) ang mga mag-aaral na nagsilahok sa naturang timpalak paligsahan sa pagsulat ng sanaysay at tanging ang Lunsod ng San Pablo ang mayroon pinakamaliit na delegasyon ikumpara sa mahigit na isang daang kalahok ng iba’t-ibang lalawigan at lunsod ng rehiyon.

Naunang napanalunan nina Tolentino at Belarmino ang unang karangalan sa essay writing contest ng San Pablo City Division of Public and Private Schools noong nakaraang Oktubre 15, 2008 kung kaya’t ang nabanggit na mga 4th year student ng San Pablo City Science High School ang awtomatikong naging opisyal na kalahok sa tatlong araw na RSEC (Oct. 29-31) na itinataguyod ng DepEd Region 4A.

Lubos ang naging kasiyahan ni San Pablo City Mayor Vicente B. Amante ng makarating sa kanya ang balitang pagkapanalo ng mga mag-aaral ng SPCSHS: “Ito na marahil ang pinaka-magandang regalong natanggap para sa aking kaarawan nitong nakaraang Oktubre 27. Namumunga na ang bisyon at misyon ng ating lokal na pamahalaan sapagkat ng ipinatayo ng inyong lingkod ang SPCSHS ay nakatuon lang ito para sa pagpapalawak ng karunungan sa agham at makabagong teknolohiya subalit pati ang pagsibol ng magagaling na manunulat ay dito rin pala magmumula” wika ni Amante.

Si Bb. Helen A. Ramos (Education Supervisor I of Secondary Science) ang Officer-In-Charge ng SPCSHS samantalang ang tumatayong mga coach/trainor sa nagwaging sina Tolentino at Belarmino ay si Bb. Venus B. Endozo at Rosette P. Hernandez. (RAMIL BUISER/spc-cio)

KASIGLAHAN TODO BIGAY

Sa ika-apat na pagkakataon ay matagumpay na nairaos ang taunang Kasiglahan Todo Bigay Year 4 na proyekto ng Liga ng mga Barangay sa pangunguna ni ABC President Gener B. Amante sa tulong ng mga barangay chairmen at ng Seven Lakes Press Corps sampu ng marami pang naniniwala sa kahalagahan ng naturang proyekto.

Kapansin-pansin ang nakagugulat na ipinakitang kakayanan ng bawat contestant sa timpalak awitan ng Original Pilipino Music (OPM) ng mga kalahok na hindi mo aakalaing sila ay amateur kundi mga professional singers na. Malaki ika nga ang ipinagbago sapul nang simulan ni Pangulong Gener ang proyekto, sa paglitaw ng maraming mahuhusay na talents buhat sa mga barangay.

Ito naman talaga ang nilalayon ni Pangulo kung kaya’t nalikha niya ang konsepto, apat na taon na ang nakararaan, sa kapakanan ng mga hidden talents sa bawat sulok ng lunsod, na talaga namang pinaglalaanan niya ng pagsasakripisyo bawat taon upang maitaguyod lamang. Wika nya’y tatlo o apat na buwang sweldo ang kanyang inilalaan kada taon upang ito ay maisulong.

Ikinatuwa ni Pangulong Gene rang husay ng bawat talent na sa elimination pa lang ay nahirapan na ang mga hurado sa pagpili ng mga papasok sa qualifying round. At sa mga hindi pinalad, sa maniwala kayo’t sa hindi, ay sila pa ang unang nakapag-uwi ng kanilang premyo.

May pangako si ABC President na sa susunod na taon daw kung loloobin ng Poong Maykapal ay mas higit na Kasiglahan Todo Bigay ang ihahandog ng Liga ng mga Barangay.(SANDY BELARMINO)