Sunday, August 23, 2009

NCAA SOUTH, 11 YEARS NA

Nakatakdang simulan sa Agosto 29 ang National Collegiate Athletic Association (NCCA) South 11th Season sa Lunsod ng San Pablo kung saan ang host school ay San Pablo Colleges, na lalahukan ng siyam na member institution of higher learning na matatagpuan sa timog na bahagi ng Maynila.

Bagamat sari-saring sports ang itatanghal sa paligsahan ay basketball pa rin ang mananatiling crowd drawer ng sasapit na NCAA South 11th Season sanhi ng maraming fans at nagkakahilig sa naturang sport.

Bukod sa basketballay tampok din sa paligsahan ang mga larong volleyball, foothball, chess, badminton, taekwando, table tennis at swimming. Sisimulan din ngayong taong ito ang demo sport na boxing kaya’t inaasahang magkakaroon ng matinding excitement ang paligsahan.

Si Atty. Noli M. Eala ang over-all Chairman ngayong taong ito kaya’t nakatitiyak ito ng tagumpay sapagkat bilang sportsman ay naging Chairman din si Atty. ng Philippine Basketball Association (PBA) nang nakaraang mga panahon patunay ng mayaman nitong karanasan sa pamamalakad ng liga.

Ang mga member ng NCAA South ay Don Basco sa Mandaluyong, Lyceum of the Philippines University, Batangas City; First Asia Institute of Technology and Humanities (FAITH), Tanauan City; University of Perpetual Help System, Biñan, Laguna; San Pablo Colleges, San Pablo City; Colegio de San Juan de Letran, Calamba City; San Beda College, Alabang; De la Salle, Lipa City; at Philippine Christian University, Dasmariñas, Cavite.

Sa idinaos na press conference kahapon na ipinirisinta sa media ang mga nagkikisigang mga binata at naggagandahang mga dilag buhat sa siyam na eskwelahan bilang kalahok sa search for MR & MS NCAA South. Wala kang itulak kabigin sa mga ito kung kisig, ganda at talino ang pag-uusapan at pawang deserving sa nasabing titulo. Siguradong mahihirapan ang mga judges sa timpalak na ito.

Mula kay Noli Eala ay nalaman nating open pa for membership ang NCAA South at may dalawa pang nag-aapply na maging miyembro, iyon nga lang siyempre may limitasyon marahil kung ikaw ang maaari nilang tanggapin sapagkat hindi magiging realistic kung sobra sa dami ang kanilang members.

Maigting na isinulong ng NCCA South ang pagkakaroon ng disiplina,pagpapalawak ng sportsmanship, camaraderie, harmony sa mga member schools at paghubog sa kanilang mga mag-aaral na magkaroon ng tiwala sa kanilang sarili. Support NCCA South 11th Season.

Poging UAAP,kalian naman kayo tutungo sa Calabarzon?

No comments: