Sunday, December 20, 2009

DLSP CAMPUS NEWSLETTER "SINAG" BAGGED 13 AWARDS

San Pablo City - Thirteen (13) college students from the Dalubhasaan ng Lunsod ng San Pablo (DLSP) bagged major awards from the recently concluded Regional Higher Education Press Conference for 2009-2010 last December 9-11 held at Batis Aramin Resort, Brgy. Malupak, Lucban, Quezon.

Certificate of Excellence were given to the following Individual categories: 2nd place- Editorial Writing/English & 4th place-Column Writing/Filipino (Vea Marie Torress); 2nd place-Editorial Writing/Filipino & 10th place-Special Contest in Digital Photography (Von Rein Prince Pasco) and 6th place-Newswriting/Filipino (Rommel Cagitla).

For the Group awards for Tabloid Category were Best Tabloid-9th place; Best Sportspage-6th place, Best Opinion/Editorial Page-8th place, Best News Page-9th place and Best Dev. Com. Page-10th place. For the Magazine Category were Best Feature Page-8th place, Best Page Design-9th place and Best Dev. Com. Page-10th place.

The said presscon conducted by the Association of Tertiary Press Advisers of Southern Tagalog with the theme “Responsible Campus Journalism: Invigorating the Essence of Genuine Democracy” were participated by more than 400 students from among 47 Colleges and Universities. (CIO-SPC)

MOUNTS BANAHAW-SAN CRISTOBAL PROTECTED LANDSCAPE ACT OF 2009

Ang Pangulong Gloria Macapagal-Arroyo habang nilalagdaan ang RA 9847 na sinasaksihan nina Cong. Girlie Villarosa at Principal Author Cong. Proceso Alcala (seated). Standing L/R BM Rey Paras, BM Bong Palacol, BM Juan Unico, Mayor Joaquin Chipeco, Cong. Egay San Luis, Cong. Maria Evita Arago, Sec. Lito Atienza, Cong. Timmy Chipeco, Governor Teresita Lazaro, BM Neil Nocon at Cong. Dan Fernandez at iba pang LGU official mula sa dalawang lalawigan ng Laguna at Quezon.

Saturday, December 19, 2009

FIRECRACKER ZONES, SADYANG KAILANGAN

Ganap na pinahahalagahan ni City Administrator Loreto S. Amante ang pamuling pagtatagubilin ni Local Government Secretary Ronaldo Puno sa mga pinunong lokal, lalo na ang mga punong barangay, na sa kanilang pamayanan ay magtalaga ng firecracker and pyrotechnics zones kung saan ang mga mamamayan ay ligtas na makapagsisindi ng rebentador at iba pang uri ng paputok kaugnay ng nalalapit na pagsalubong sa Bagong Taon.

Ang “firecracker and pyrotechnic zones” ay gagawa sa mga pagdiriwang na kaugnay sa pagsalubong ng Bagong Taon na ligtas, at maiiwasan pa ang insidente ng sunog.

Nabatid pa rin mula kay City Administrator Amben Amante na bahagi na ng security plan ng pangasiwaang lunsod na inihanda sa pangunguna ni Chief of Police Raul Loy Bargamento ang makatotohanang impllementasyon ng “An Act Regulating the Sale, Manufacture, Distribution, and Use of Firecrackers and Other Pyrotechnic Devices” sa ilalim ng Batas Republika Bilang 7183.

Ayon pa kay Amben Amante, may tagubilin na rin si Alkalde Vicente B. Amante sa City Solid Waste Management Office na madaling-araw pa lamang ng Bagong Taon ay lilinisin na kaagad ang mga lansangan upang maalis ang mga depektoso o hindi pumutok na mga rebentador, na may pasubaling ang mga magwawalis ay gagabayang maging maingat, sapagka’t isang obserbasyon na maraming hindi pumutok na rebentador, ang biglang sumasabog sa sandaling ito ay makibo o magalaw, kaya dapat na maging maingat sa paglilinis ng mga dakong nahagisan ng paputok. (Ruben E. Taningco).

BUNDOK BANAHAW AT SAN CRISTOBAL, ISA NANG PROTECTED AREA

Calamba City - Deklarado nang isang protected area ang Bundok Banahaw at San Cristobal sa Lalawigan ng Quezon at Laguna sa pagkakalagda ng Pangulong Gloria Macapagal –Arroyo sa RA 9847 dito kamakailan.

Ang RA 9847 ay nagtataglay ng mga probisyon buhat sa HB 4299 ng Mababang Kapulungan at SB 2392 ng Senado.

Ang nasabing HB 4299 ay inakda ni Quezon 2nd District Congressman Proceso Alcala at isinulong nina Laguna 3rd District Congresswoman Maria Evita Arago, 4th District Cong. Edgar San Luis at Quezon 1st District Cong. Mark Enverga bilang mga co-authors.

Sina senadora Jamby Madrigal at Pia Cayetano ang nagtaguyod ng SB 2392 na kinatigan naman ng buong Senado.

Layunin ng RA 9847 na higit na mapangalagaan ang mga nasabing kabundukan para sa kapakanan ng mga residente ng dalawang lalawigan, huwag itong mapinsala ng kaunlaran at mabigyan ng angkop na proteksyon laban sa mga mapagsamantala sa ating kalikasan.

Nakasaad din sa batas ang pagtatayo ng isang tanggapang magpapatupad ng bawat probisyon at mga alituntuning ipasusunod sang-ayon sa ipalalabas na Implementing Rules and Regulations kaugnay nito.

Magugunitang una nang tinutulan ng Sangguniang Panlalawigan ng Laguna at Gob. Teresita Lazaro ang panukalang batas sanhi ng malisyosong interpretasyon ng isang bokal ukol dito na humantong pa sa pagpapasa ng resolusyon sa Tanggapan ng Pangulo upang huwag itong pagtibayin.

Subalit sa talumpati ng pangulo ay nanindigan siyang ang lehislasyong katulad ng RA 9847 ay kailangan ng bansa upang mapaglabanan ang lumalalang suliranin sa climate change kung saan ay nagdudulot ng ibayong kalamidad tulad ng pagbagyo, pagbaha at mga landslide.

Samantala ay labis na ikinatuwa ni Cong. Alcala ang pagkakasabatas ng RA 9847 sapagkat aniya’y ito ang isa sa mga maihahabilin niyang legasiya matapos magpasyang iwan pansamantala ang posisyon bilang kinatawan at ipaubaya sa anak na si Irvin ang paghingi ng mandato sa mga taga ikalawang purok ng Quezon bilang congressman sa May 2010 election.

Bukod sa mga nag-akda ng RA 9847 ay dumalo rin sa seremonya sina DENR Sec. Lito Atienza, Gob. Teresita Lazaro, Mayor Joaquin Chipeco Jr., Cong. Girlie Villaroza, Cong. Timmy Chipeco, Cong. Dan Fernandez at mga Board Member na sina BM Rey Paras, BM Bong Palacol, BM Juan Unico at BM Niel Nocon. (Sandy Belarmino)

COMPUTER LITERACY TRAINING, PANGKA-ARAWANG HANDOG NI CONG. ARAGO

San Pablo City – Nakatakdang ilunsad sa Enero 4, 2010 ang tatlong linggong Computer Literacy Training Program sa lunsod na ito sa pamamagitan ng A1-HU Foundation at TESDA Laguna upang palaganapin ang kaalaman sa makabagong teknolohiya.

Ang proyekto ay handog ni Laguna 3rd District Congresswoman Maria Evita Arago sa mga kababayan sa pagdiriwang ng kanyang kaarawan sa tulong nina Mayor Vicente B. Amante at City Councilor Angie Yang.

Gaganapin ang pagsasanay sa isang 40-footer container van sa harap ng One Stop Processing Center, City Hall Compound, kung saan ito ay nagtataglay ng 21 computer na aktwal na magagamit ng mga mag-aaral.

Kapapalooban ang hands on na pagtuturo ng tig-dadalawang oras at binubuo ng limang sesyon kada araw, Lunes hanggang Sabado. Ang schedule na mapamimilian ay (1) 8:00-10:00 a.m. (2) 10:00-12:00 (3) 1:00-3:00 p.m. (4) 3:00-5:00 p.m. (5) 5:00-7:00 p.m..

Ang programa ay may tatlong batches kung saan ang kada isa ay 105 at magpapatuloy hanggang umabot sa kabuuang 315. Makikinabang sa libreng pagsasanay ang mga kawani ng pamahalaan, mga maybahay, mga out-of-school-youth at iba pang nagnanais tumuklas ng bagong kaalaman.

Para sa karagdagang detalye ay pinapayuhan ang lahat na makipagtalastasan kina John Cigaral at Jenny Amante sa tanggapan ni Cong. Ivy Arago, Tel. No. 049-801-3109 o kay Leo Abril sa City Information Office, Tel. Nos. 049-562-3086 at 562-5743. (SANDY BELARMINO)

Sunday, November 22, 2009

TARPAULIN

Ang isa sa mga isyung inilalabas ng mga kakandidato sa iba’t-ibang posisyon laban sa mga kasalukuyang halal na opisyal ng pamahalaan ay ang naglipanang mga tarpaulin sa mga lansangan sapagkat ayon sa kanila ay sobra na’t masakit para sa kanilang paningin.

Sa isang banda’y maaaring balido ang kanilang mga pagpuna upang mapangalagaan ang kanilang interes partikular ang pagsusulong sa binabalak na kandidatura, sapagkat paano nga naman nila masasabayan ang mga tarpaulin ng mga incumbent.

Hindi layunin ng artikulong ito na puwingin ang sino man sa kanilang paniniwala bagkus ay magbigay linaw sa mga taong madali nilang napapaniwala at naaakay sa mali o lisyang katwiran.

Pinaka-praktikal ang tarpaulin sa ngayon na pumalit sa mga materyales na tulad ng plywood, lawanit at metal na dating ginagamit sa outdoor advertising upang mag-anunsyo ng mga adbokasiya, bago o dati nang produkto sa ating merkado at programa’t mga ginagawa ng gobyerno.

Ang katotohanan dito ay isa ito sa mga ipiang-uutos ng batas lalo pa’t mga pagawaing bayan ang nakasalalay. Proteksyon ang mga tarpaulin laban sa pagmamalabis, pagkukulang at pang-aabuso sa mga kontratang pinapasok ng ating pamahalaan sa mga private contractor.

Nakasaad sa mga tarpaulin ang technical description ng bawat proyekto tulad ng halaga, pangalan ng contractor, palugit kung kailan matatapos at iba pang alituntunin hinggil sa proyekto upang mapangalagaan ang interes ng publiko.

Hindi political issue ang dami ng tarpaulin saan mang dako ng Calabarzon sapagkat sumasagisag ito sa sipag ng inyong mambabatas at local na opisyal, sa halip ay mangamba ang lahat sa mga maiingay na walang maipakitang tarpaulin.

Thursday, November 19, 2009

THANK YOU CONG. IVY, MAYOR VBA at KONSEHALA YANG

Talagang Champion sa husay at galing ng ating people’s champ at kababayang Manny “Pacman” Paquiao, sa ipinamalas niyang performance sa pinakahuli niyang laban kay Miguel Cotto ng Puerto Rico, nagbigay karangalan sa kanya na tanging boksingero sa buong mundo na nagtamo ng pitong championship belt sa iba’t-ibang division sa larangan ng boksing.

Isa itong positibong kaganapan sa ating bansa na kailan lang ay sinalanta ng apat na sunod-sunod na kalamidad, katunayan ay nakaapekto nga ito sa ginagawang pagsasanay ni Pacman sa Baguio ngunit ang Pinoy ay Pinoy, parang kawayan na hahapay lang sandali upang muling tatayo kapag lumipas na ang sigwa.

Nagkapalad ang maraming boxing apisyunado dito sa Lunsod ng San Pablo na masaksihan ito ng live sa Amante Gym kung saan humigit kumulang sa 3,000 ang nanood sa pay-for-view sa kagandahang loob nina Cong. Ivy Arago, Mayor Vicente B. Amante at Konsehala Angie Yang.

Ipinagpasalamat ng lahat sa tatlo ang pambihirang pagkakataong ito sa pamamagitan ng malalakas na pagbubunyi at palakpakan habang binabanggit ang pangalan nina Cong. Ivy, Mayor Vic at future VM Angie Yang. Bakit nga ba hindi ay dahil sa mga panahong lumipas ay palaging delayed telecast ang kanilang napapanood noon.

Incidentally ay magkakasama ang tatlo sa Lapiang Pitong Lawa. Thank You po sa inyong tatlo.

0-0-0-0-0-0-0-0-0-0-0-0-0-

May mga lumalapit po sa inyong lingkod upang magpasalamat sapagkat ngayon ay higit nilang naunawaan ang mga isyung bumabalot kung bakit may mga interes na pumipigil na maisabatas nang tuluyan ang Mts. Banahaw-San Cristobal Protected Landscape Act gayong ang mapangalagaan pala naman ang layunin nito.

Sa pitak na ito din daw nila nalaman ang mga kasinungalingang ipinagkakalat ng isang kampo na sa una’y kanilang pinaniniwalaan subalit ang labis nilang ipinagtataka ay kung bakit ang problema ng kabilang probinsya ang kanilang inuuna at hindi ang sariling distrito na kanyang pinaglilingkuran.

Ngayong nabisto na daw nila ang mga kasinungalingang ito ay inaasahan nila na sa susunod ay pawang katotohanan na ang mamumutawi sa labi nito. (SANDY BELARMINO)

CLIMATE CHANGE LAW

Ang Philippine Climate Change Act of 2009 (RA 9729) na kamakailan lamang naging ganap na batas ay isang patotoo na kinikilala ng pamahalaan ang nagdalang panganib ng pabagu-bagong klima mula sa global warming na ating nararanasan na kakaiba sa atin nang kinagisnan.

Sa nagdaang ilang taon ay nasaksihan na nating palubha ng palubha ang pinsalang idinudulot nito sa mga Pilipino gayong kung tutuusin ay halos wala pang isang bahagdan ang ambag ng bansa sa pagkakaroon ng global warming, kumpara sa mga industriyalisadong bansa.

Dahil dito ay patindi nang patindi ang mga bagyong dumarating sa atin na kumikitil ng maraming buhay at pumipinsala sa mga ari-arian sanhi ng mga pagbaha, at landslide na ngayon lamang natin nararanasan kaya’t napapanahon ang pagsilang ng batas na ito.

Iminamandato ng batas na gawing polisiya na maibsan ang apekto ng pagkawasak kung hindi man ay lubusang gawan ng kaparaanan sa kung paano ito maiiwasan. Ang tanggapan ng pangulo, Liga ng mga Gobernador, Liga ng mga siyudad at munisipalidad, at Liga ng mga Barangay ay inaatasan ding bumuo ng isang konseho para sa isang pro-aktibong pagkilos.

Lilikha rin ito ng isang malakas na tinig upang manawagan sa mga industriyalisadong bansa na tumupad sa angkop na carbon emission sa himpapawid sang-ayon sa isinasaad at itinatalaga ng Kyoto Protocol na magtatapos ang bisa sa 2012.

Ang batas na ito ay isinulong sa senado ni Senadora Loren Legarda, nagmula sa panukala nina Cong. Roilo Golez, Congresswoman Ivy Arago, Cong. Neptali Gonzales, Cong. Eric Singson at ilan pang mambabatas sa mababang kapulungan ng kongreso. (Tribune Post)

Tuesday, November 17, 2009

MOBILE LIBRARY PROGRAM, NAILUNSAD NA

Umaani na ng papuri mula sa mga guro at magulang ng mga mag-aaral sa elementarya partikular ang mga nasa malalayong lugar ng ikatlong distrito ng Laguna ang Mobile Library Program na inilunsad ni Congresswoman Maria Evita “Ivy” Arago nang nakaraang buwan ng Oktubre.

Layunin ng nasabing programa ng kongresista na makapag-ambag sa ikatataas ng kalidad ng edukasyon sa mga pampublikong paaralan na salat sa mga makabagong teknolohiya upang makaangkop sa modernong panahon, gamit ang isang bus na sadyang idinisenyo upang maglaman ng mga pangangailagan ng isang aklatan.

Sapul nang malunsad ilang linggo lang ang nakaraan ay nakapagdulot na ang programa ng kislap sa mga mata at ngiti sa mga labi sa maraming mag-aaral na ang ilan ay ngayon pa lang nakahawak at nakasaksi sa kamanghaan ng laptop computer.

Bukod sa basic computer learning ay nagkakaloob din ito ng TV Eskwela gamit ang mga subok na at pinagtibay na educational films ng DepEd, at personal na story telling na ginagampanan ni Congw. Ivy kapag may session break sa kongreso.

Sa ngayon ay nakapaglibot na ito sa mga paaralang elementarya ng Atisan, San Marcos, San Mateo, De Mesa, San Miguel at Bagong Bayan sa Lunsod ng San Pablo, San Juan, San Gregorio at San Ildefonso sa Alaminos, Paliparan at Perez sa Calauan.

Ito ay sa pamamahala ni Bennette Brion, sa tulong nina Toni Evangelista, Edwin Pantas, Wana Flores, Mark John Valdez, Victor at Carlo. (Tribune Post)

Friday, November 13, 2009

ALAY PAGMAMAHAL NG M. LHUILLIER FOUNDATION







Nasa larawan ang mga opisyales at kaanib ng M. Lhuillier Foundation nang ang mga ito’y nagsagawa ng Relief Operation sa mga nasalanta ng bagyong Ondoy sa Sta. Cruz, Laguna. Dahil sa ang paninindigan ng mga sangay ng M. Lhuillier ay maayos, maganda at makataong pagseserbisyo sa mga taong tumatangkilik sa kanila ay sa tuwina’y kaisa ang kompanyang ito ng pamayanan sa oras ng kalamidad. Ang M. Lhuillier Foundation ay binubuo nina Regional Area Manager Analiza Cruz, Carolina Caday (auditor), Area Managers Ricardo Rioflorido, Reolito Ventocilla at Jason Lopez; OPEC Officers Chairwoman Josiephine Umali, Maricel Calimlim, Dominador, Viñas and Miracle Miranda. (Sandy Belarmino)

APAT NA KOLIHEYO SA LAGUNA NANGUNA SA PHILIPPINE STATISTICS QUIZ-PROVINCIAL ELIMINATION

Nais ipabatid ni Provincial Statistics Officer Magdalena T. Serqueña ng National Statistics Office (NSO)-Laguna na limang estudyante ng apat na kolehiyo ang nanguna sa tagisan ng talino sa estadistika sa Philippine Statistics Quiz- Provincial Elimination noong ika-23 ng Oktubre, 2009 sa Cultural Center, Provincial Capitol, Sta. Cruz, Laguna. Sila ay ipadadadala sa Lipa City sa ika-12 ng Nobyembre 2009 upang makipatunggali sa iba pang mga kalahok ng ibat-ibang lalawigan na nasasakop ng NSO-Region IV-A (CALABARZON). Ang unang mananalo sa Regional Elimination ay makakalahok naman sa national finals sa buwan ng Disyembre 2009.
Buhat sa Laguna, mapalad na nagwagi ng unang karangalan si Driesch Lucien R. Cortel, estudyante ng University of the Philippines – Los Baños, Laguna na kumukuha ng kursong Bachelor of Science in Statistics. Ginabayan siya ng kanyang coach na si Ms. Nellwyn M. Levita.
Dalawang estudyante naman buhat sa Laguna College ang magkasunod na umani ng ikalawa at ikatlong karangalan. Sila ay sina Michael A. Jaurigue at Adrian Jay S. Capiña na kapuwa kumukuha ng kursong Bachelor of Science in Accountancy. Si Ms. Niela Maghirang ang naging coach ng dalawang nanalong estudyante.

Umakyat sa pang-apat na pwesto si Krestian Lee Fernandez na kumukuha ng Bachelor of Science in Accountancy sa San Pablo Colleges. Siya ay sumailalim ng patnubay ni Professor Chona Y. Palencia.

Nagkamit naman ng ikalimang karangalan ang estudyante ng Bachelor of Secondary Education na si Marc Aller Anthony M. Guevarra ng Laguna State Polytechnic University-San Pablo City Campus. Si Ms. Arlene P. Mario ang kanyang naging coach.
Tumanggap ng salaping gantimpala at tropeyo ang limang nanalo buhat kay Gobernador Teresita S, Lazaro. Pinagkalooban naman sila ng NSO-Laguna ng Certificate of Recognition at token, gayundin ng salaping gantimpala, Certificate of Recognition at token ang mga coach bilang pagkilala sa kanilang kahusayan sa paggabay sa kani-kanilang contestants.

Ang resulta ng patimpalak na ito ay magpapatunay kung gaano ka-epektibo ang pagtuturo ng estadistika bilang bahagi ng matematika sa high school. Ang PSQ ay isinusulong din ng Commission on Higher Education (CHED). (NSO Laguna).

Wednesday, November 11, 2009

PACQUIAO VS. COTTO - LIVE


ANG TAMBULI NG SAN PABLO

San Pablo City - Maraming gawad ng pagpapahalaga, at mga parangal na tinanggap na ni Hometown Journalist Ruben E. Taningco, kasama na ang pagiging isa sa sampong (10) indibidwal na tumanggap ng Gintong Gawad mula sa Surian ng Wikang Pambansa o Institute of National Language noong Agosto 19, 1987 ang kanilang ika-50 Anibersaryo ng Pagkakatatag, at napabilang rin siya sa pinarangalan bilang One of the Ten Most Outstanding San Pableño (for Journalism) nang gunitaan ng Lunsod ng San Pablo ang ika-50 Taon ng Karta nito noong Mayo 7, 1990. Siya ay napasama rin sa 50 San Pableño na pinagkalooban ng Gawad ng Pagpapahalaga ng San Pablo City Red Cross Chapter ng kanilang gunitain ang ika-50 Anibersaryo ng Pagkakatatag bilang isang nagsasariling balangay o Red Cross Chapter, ay lubos niyang minamahalaga ang Gawad Gintong Tambuli, na tinataguriang Lifetime Achievement Award, na ipinagkaloob sa kanya ni late Professor Hipolito B. Aycardo, na Regional Director noon ng Department of Science and Technology-Region IV, nang gunitain ng nabanggit na tanggapan ang kanilang ika-tatlong dekada ng paglilingkod sa Katimugang Tagalog noong Nobyembre ng Taong 2000, o siyam (9) taon na ang nakalilipas.

Ang tambuli, sang-ayon sa kasaysayan ay isang katutubong instrumento para sa dagliang paghiling ng tulong, at sa panahon ng kapanatagan ay isang paraan ng pagtawag ng pansin ng lahat para gumawa ng isang bagay para sa kagalingan ng nakararami sa pamayanan. Naniniwala si Prof. Aycardo na siya ay naging instrumento upang makilala sa Lunsod ng San Pablo, at mga kanugnog na munisipyo, ang mga gawain ng Field Office ng National Science Development Board (NSDB) na binuksan noong Marso ng 1968.sa pangangasiwa ni Bb. Marcela Catibog, upang mahikayat ang marami na gamitin ang mga impormasyon na bunga o natamo sa mga pananaliksik sa larangan ng siyensya at teknolohiya sa paggawa ng mga artikulo ng kalakalan, na naging sandigan ng kabuhayan at pamumuhay ng ilang indibidwal sa Katimugang Tagalog simula noon. Ang gawad ay pagpapaalaala kay Taningco na siya ay 32 taon ng isang kusangloob na tumutulong sa pagpapasigla ng mga disiplina sa siyensya at teknolohiya, na tulad ng isang tambuli, na habang naluluma ay lalong umaayos at nagiging maganda at natatangi ang tunog nito.

Nang ang NSDB ay maging National Science and Technology Authority (NSTA), si Taningco ay naging kabalikat nina Engr. Dionisio O. Santos, at Science Researchers Adventor Neri at Luis Cervantez. Kasama rin nila si Silvestre Villavicencio na noon ay kumakatawan sa Philippine Inventors Commission (PIC).Noon nakilala ang itinatag nilang Out of School Science Education Laboratory (OSSEL) na naging paksa ng mga lathalain na nalathala sa mga pahayagan, at natampok sa mga palatuntuna sa telebisyon sa Maynila noon..

Ang malasakit ni Taningco sa pagsusulong ng technology transfer program ay pinasigla noong Dekada Otsenta, sapagka’t noon, ang mga gawain ng National Science and Technology Authority ay sinusuportahan ng Small Business Advisory Council (SBAC) na pinakikilos noon ni Engr. Malou P. Orijola na ngayon ay isa ng Assistant Secretary sa Department of Science and Technology; at ng National Cottage Industry Development Authority (NACIDA) sa ilalim ng Department of Trade and Industry, kaya naging malawakan siyang nagagamit sa pagpapalawak ng kamalayan tungkol sa mga industriyang pantahanan na salig sa siyensya, na pinahahalagahan din noon ni Alkalde Cesar P. Dizon kaya siya ay naging malaya sa pagkakaloob ng suportang pangkumunikasyon sa mga gawaing ito. Ang kanyang pagsusulat sa mga pahayagang lokal, at pagbobrodkas ay nakahikayat sa marami na pagyamanin ang industriyang pangtahanan sa mga kanayunan.

Katunayan nito, maging ang Department of Information noon sa ilalim ng pangangasiwa ni Kalihim Francisco “Kit” Tatad ay kinilala si Taningco na isa sa limang (5) “Outstanding City Developmental Information Officer” noong 1978.

Sa mga kasapi ng Seven Lakes Press Corps, si Kuya Ruben ang ang “Pinakamatandang Nabubuhay na Tambuli.” (SLPC)

Monday, November 9, 2009

PULPITO, GINAGAMIT NA NI BM AGAPAY SA PAMUMULITIKA

Patuloy pa pala si BM Karen Agapay sa pagkakalat ng mga “misinformation” ukol sa Mounts Banahaw-San Cristobal Landscape Act na ngayo’y naghihintay na lamang na malagdaan ni Pangulong Gloria Macapagal-Arroyo upang maging ganap na batas.

Layunin ng naturang bill na lubusang mapangalagaan ang mga nasabing kabundukan upang maiwasan ang mga sakunang nagdudulot ng kalamidad tulad ng mga pagbaha, mga landslide na sanhi ng kawalang ingat sa kalikasan. Nilalayon din nito na mapIgilan ang walang habas na pagputol ng mga puno at pagsalaula sa Bundok Banahaw at San Cristobal nang sa gayo’y patuloy na dumaloy ang malinis na tubig sa kapatagan.

Subalit tila may personal na kadahilanan si Bokal Agapay sa pagtutol na maisabatas ang nasabing bill sa kabila na ito ang napapanahong tugon sa ating suliranin laban sa mga kalamidad na dumarating dito sa Timog Katagalugan. Lumilitaw tuloy na mas pinahahalagahan ni BM Agapay ang personal niyang ambisyon na maging congresswoman kapalit ng kapakanan ng taumbayan.

Isinasagawa ito ni Board Member Agapay sa pamamagitan ng iba’t-ibang uri ng manipulasyon, hayagan man o lihim na pagkilos gamit ang mga kinaaanibang samahan na madali niyang napapaniwala na dalisay ang kanyang hangarin sa bayan sa likod ng mala-hunyangong adhikain.

Nakapanlulumong nagtatagumpay si BM Agapy sa panghihikayat na tutulan ang malakalikasang batas na Mts. Banahaw-San Cristobal Bill, nahimok niya ang mga kapwa bokal sa Laguna at kamakailan ay nakumbinsi ang samahan ng bokal ng bansa na lumagda sa isang resolusyon na nakikiusap sa pangulo na huwag lagdaan ang naturang panukalang batas. Sa pag-iiba’t-ibang kulay ni Bokal Agapay ay naisangkot din niya ang Commission on Human Rights sangkalan ang mga illegal settlers ng Bundok Banahaw na nagtayo ng mga istraktura sa lugar na ipinagbabawal ng batas.

Nakaligtaan ng ating mga magigiting na bokal na isaalang-alang na tuklasin kung ano ang nasa likuran ng pagkilos ni BM Agapay nang pagtibayin ang resolusyong isinulong na dikta ng isang ambisyon. Hindi nila inalam na ang mga pamayanan sa Brgy. Kinabuhayan at Sta. Lucia ay mananatili at ang mga pinaaalis lamang ay ang mga istrakturang direktang nakapipinsala sa bio-diversity ng lugar sa Mt. Banahaw. Nakalulungkot malamang ang bayan mismo ng Dolores, Quezon ay hindi pumanig sa mga illegal settler na siya namang patuloy na ikinapapaso ni Senior Board Member Atty. Agapay.

At ang mas nakahihindik ay ang pagsangkalan ni BM Agapay sa pulpito ng simbahan. Muling naghabi ng kasinungalingan ang bokal sa walang kamatayang likha ng kanyang guni-guni na pagtatatayo daw ng golf course at paglalagay ng cable car sa Mt. Banahaw. Naging batayan ito ni Father Arnulfo Arupo ng San Francisco Parish sa kanyang “homily” o sermon ng kanyang Banal na Misa ilang araw na ang nakaraan.

Subalit mas matimbang ang katotohanan kaysa kasinungalingan. Nakita ng butihing pari ang kanyang pagkakamali at inaming “half-baked” ang impormasyong isinubo ni Agapay sa kanya, naging maginoo at nagpahayag ng public apology na pumapabor kay Incumbent 3rd Dist. of Laguna Congw. Maria Evita “Ivy” Arago. (SANDY BELARMINO)

COMPREHENSIVE INFORMATION CAMPAIGN ISINAGAWA NG SPC SOLID WASTE MANAGEMENT OFFICE

Nagsagawa ng isang comprehensive information campaign sa buong buwan ng Oktubre ang San Pablo City Solid Waste Management Office para sa implementasyon ng RA 9003 o Ecological Solid Waste Management Act of 2000 at ng City Ordinance No. 2003-15 sa iba’t-ibang barangay ng lunsod.

Ang lecture-seminar na isinabay sa iba’t-ibang Barangay Assembly ay pinamunuan ni Engr. Ruel Dequito, City Solid Waste Management Officer at kanyang mga staff. Ipinaliwanag sa nasabing seminar na ang problema ukol sa garbage disposal at ang waste segregation ay hindi lamang urgent issue kundi isang mahalagang bahagi ng environmental protection.

Isinagawa rin ang kampanyang ito kaugnay ng naging problema ng bansa sa basura na lalo pang nagpalala sa nangyaring pagbaha nuong nakaraang Bagyong “Ondoy” at “Pepeng”. (CIO-SPC)

Saturday, October 31, 2009

OLIGARKONG PAGNANASA

Epektibo ang binuong kilusan para sa kabataan ng isang giant TV network upang diumano ay matamo’t makita ang landas ng pagbabago na tila nga naman isang napakadalisay na layunin.

Nakapagbibigay ito ng inspirasyon sa mga kabataan upang maging makabayan, makkatwiran at kumilos ng agaran nang sa ganoon ay maligtas ang bansa sa pagkaduhagi, subalit ano nga ba ang pakay ng TV network na ito, at sino ang nagmamaniobra?

Sa bawat araw na magdaan ay libu-libong kabataan ang kanilang nahihimok dahil sa mala-manopulyang pag-angkin na sila lang ang tanging daan patungo sa landas ng pagbabago, sila lang ang nagtataglay ng katotohanan at sila lang ang may kakayanang umakay.

Hindi maikakaila na tayo’y nasa kalagayang nakalulunos, na kinakailangang magkaroon ang lahat ng alab sa puso para sa bayan, na kinakailangan makipaglaban para manaig ang katwiran at kinakailangan na ang pagtayo sapagkat mabigat na ang gawain na hindi na kaya kapag nakaupo.

Ngunit nakapagdududa ang nasa likod ng kilusan na kahit sinong batang kalsada at karaniwang mamamayan ay may hinuha na sa pagkakakilanlan, sapagkat kataka-taka nga namang ngayon lang tinubuan ng pag-ibig sa bayan at ginagamit pa ang mga kabataan.

Kabataan gamitin ninyo ang inyong talino. Maging mapagmasid kayo sa inyong “Tagapagligtas” sapagkat baka sila na ang salarin kung bakit tayo’y nagdaranas ng kahirapan, kasiphayuan at kaapihang nais nating takasan.

Kaiingat kayo! Magsuri at huwag masyadong padala sa simboyo ng damdamin. Kilanlin ninyo mga kabataan ang mga umaakay sapagkat baka sila na ang bulaang mangingibig na may oligarkong pagnanasa. (tRIBUNE POST)

MASA LABAN SA OLIGARKIYA

Masakit man isipin ngunit hindi maiiwasang dito patungo ang takbo ng halalan sa panguluhan ng bansa sa Mayo 2010 sa pagkakadeklara ni dating Erap na tumakbong muli sa nasabing halalan.

Kakatawanin ng ERAP-BINAY tandem ang pangkatin ng mga mahihirap o iyong tinatawag nating masa samantalang ang NOYNOY-ROXAS ay grupo ng mga eletista at mga negosyante na kinabibilangan ng mga oligarch na kumukontol sa kabuhayan nating mga Pilipino.

Maaaring may magtatwa subalit reyalidad na ang bumubuo ng larawan sa ganitong kaganapan sapagkat ang kilos at iginagawi na ng mga tagapagtaguyod ng bawat kampo ang magpapahiwatig ng nakatakdang mangyari – ang paglalagay ng pagitan sa malakas at mahina, makapangyarihan at karaniwang mamamayan, o mayaman at mahirap.

Kung saan ito hahantong ay walang makapagsasabi, subalit ang nakatitiyak ay ang uri ng kampanyang magaganap dahil ang kandidatong kakatigan ng mga oligarch ay makapagtataguyod ng marangyang paglilibot sa mga lugar ng botanteng naghahanap ng pansamantalang ginhawa.

Walang magiging sagabal sa takbo ng kampanya ng kandidatong suportado ng mga oligarch sapagkat ituturing ng mga itong investment ang financing na ipinagkakaloob na babawiin balang araw. Ang campaign fund na ito ang patuloy na magluloblob sa taumbayan sa kahirapan, ngunit rangya naman para sa kandidatura ng kanilang tinutulungan.

Medyo dehado ang NOYNOY-ROXAS tandem sa ganitong sitwasyon sapagkat ang pagdikit sa kanila ng mga oligarch ay tumatatak na sa isipan ng taumbayan. Sana hangga’t maaga ay makawala sila dito sapagkat hindi ito makakatulong. (TRIBUNE POST)

LANDSCAPING PROJECT HANDOG NG SAINT PAUL COOPERATIVE UNION KAY MAYOR VBA

SAN PABLO CITY - Naghandog ang Saint Paul Cooperative Union sa pamumuno ni Chairperson Hector A. Capuno ng SPC Pinagbuklod Multi-Purpose Cooperative sa pakikipagtulungan ng City Cooperatives Office sa pamumuno ni City Coop. Officer Concepcion Biglete ng isang “landscaping project” para sa kaarawan ni Mayor Vic Amante. Ang community project na ito ng union ay bahagi na rin ng pagdiriwang ng Buwan ng Kooperatiba ngayong Oktubre.

Ang landscaping project sa tagiliran ng Old Capitol Bldg. sa superbisyon ni Gng. Lisa Biglete-Aquino ay naglalayong maimulat sa mga taga-lunsod ang kahalagahan ng maayos, maganda at malinis na kapaligiran.

Naging kaisa sa nasabing proyekto ang labing-isang (11) primary coops sa Lunsod ng San Pablo na miyembro ng SPC Coop Union. Tumulong sa pinansyal na aspeto ng proyekto ang mga Manager ng mga multi-purpose cooperatives (MPC) na sina Milo Tirones ng GEMCO MPC, Loida Dantic ng SPC Nat’l HS MPC, Pablito Bagsic ng Franklin Baker Employees MPC , Rey Salud ng Sandigan ng Mamamayan MPC , Lilia Bautista ng DLSP MPC, Lita Latade ng Tilapia Fish Vendor MPC, Guiller Villanueva ng Brgy. II-F MPC, Leopoldo Devanadera ng Guro sa Pagsulong ng Pamumuhay MPC, Albeniz Calapine ng Saint Christopher MPC, Oscar Pelea ng MARILA MPC at Narciso Bautista ng Salba Dairy MPC. (CIO-SPC)

PANLILINLANG

Hinahanap pa magpahanggang sa ngayon ng pitak na ito ang lohika sa likod ng mga pag-aaral at pananaliksik ng mga survey firm kung saan kapwa nanguna si Sen. Noynoy Aquino sa hanay ng mga presidentiable.

Immaterial sa pitak na ito sa kung sino ang nanguna sa mga naturang pag-aaral at kung si Sen. Noynoy nga ay so be it. Ang nakakatawag pansin lang at medyo nakakabahala ay ang paraan at pamamaraan ay lubhang hindi makatotohanan na tila guni-guni lamang na unfair sa bahagi ng senador.

May mga lumilitaw na opinion dito na parang may iniiwasang masaling ang mga nagsagawa ng survey at may itinatagong resulta na ayaw ipaalam sa taumbayan. Ito’y dahil tila selective sila sa nais lamang na pakinanging personalidad sapagkat ang mga talang pumapabor lang ang inihahayag sa publiko.

Dapat nilang isaisip na ang sangkot dito ay damdaming bayan sapagkat ang posisyon ng panguluhan ng bansa ang nasasalalay at hindi dapat paglaruan lamang. Kapag ganito ang mangyayari palagi ay mawawalan na ng tiwala ang taumbayan sapagkat lumilitaw na nagsasagawa lang ng trending ang mga research firm na ito.

Bakit nga hindi? Saan ka ba nakakita ng presidentiable na mistulang inihambing lamang sa isang produkto na pili ang merkado? At saan ka nakakita ng eleksyon na tatlong kandidatong pangulo ang inihahalal? Ano ang kanilang iniiwasan? Ano ang kanilang itinatago? Ano ang nais nilang palitawin?

Sa survey na isinagawa sa tinatawag na Dagupan-Lucena Corridor ay nanguna si Sen. Noynoy laban sa kanyang mga katunggali, ngunit ang pinag-uusapan po natin ay pangulo ng republika at ang naturang lugar ay bahagi lamang ng bansa. Hindi ito ang kabuuan ng Pilipinas. Unfair ito sa mga kababayan nating Ilokano, Bikolano, Bisaya hanggang sa kaliit-liitang tribo sa Mindanao.

Susundan ito ng isa pang survey na kung saan ay hinahayaang pumili ang respondent ng tatlong kandidato sa pagka-pangulo na tila baga may 1st President, 2nd President at 3rd President of Republic of the Philippines. Isa na itong panlilinlang sapagkat marahil ay batid nilang malaki ang pagkakataon ng kanilang nais itampok na mapasama bilang 2nd o 3rd choice sa mga pagpipilian. Sa kung isa lang at nag-iisa ang pangulo ng bansa ay dapat sanang isa lang ang dapat maging sagot.

May konklusyon ang mga mapagmasid sa mga bagay na ito – mayroong interest group na gumagawa ng trending, they’re just buying time hanggang totoong ang kanilang pet ay maging number one sa survey. (laser/Tribune Post)

MAYOR SOMBRANO, KATULONG ANG BARANGAY SA KATAHIMIKAN

Mataas na Kahoy, Batangas - Lubusang pinahahalagahan ni Mayor Danilo Sombrano ang papel na ginagampanan ng kanyang mga barangay chairman sa bayang ito na patuloy sa pagpapanatili ng katahimikan ng nasabing munisipalidad.

Ito ang dahilan ayon sa alkalde kung kaya’t palagian ang ginagawa niyang konsultasyon sa mga opisyal ng 16 barangay na bumubuo ng naturang bayan tuwing araw ng Lunes kung saan kanilang tinatalakay ang mga suliranin upang magkaroon ng kalutasan.

Sa kaparaanang ito dugtong pa ni Mayor Sombrano ay naiiwasan ng kanyang bayan na matulad sa ibang lugar agrikultural na dumadanas ng problemang pangkatahimikan lalo pa’t humihina kada taon ang ani ng bukirin.

Isa sa may pinakabatang kasaysayan sa lalawigan ng Batangas (naging bayan Enero 1, 1921 mula sa Lipa City) ang bayang ito ay nabiyayaan ng dalawang barangay na overlooking sa tanyag na Taal Lake na nagbunsod sa pangasiwaan ng alkalde na isulong ang eco-tourism ng munisipalidad sa kapakinabangan ng 28,000 residente ng lugar.

Bagama’t bago pa lang nakakaakyat sa pagiging 4th class mula sa 5th class municipality ay nakakapagpatupad pa rin si Mayor Sombrano ng mga proyekto tulad ng pagpapasemento ng mga daan at iba pang pagawaing-bayan. Sa kasalukuyan ay ginagawa pa ang extension ng municipal building upang mapunan ang kakulangan ng mga tanggapan.

Ang alkalde ay nasa pangalawa patungo sa pangatlo at huli niyang termino bilang punong bayan. (NANI CORTEZ)

Wednesday, October 28, 2009

IVY FOR THE PEOPLE

Naging kapansin-pansin sa libo-libong kataong dumalo sa ginanap na soft blessing ng bagong tayong San Pablo City General Hospital (SPCGH) noong umaga ng Oktubre 26, 2009, na hindi lantad na nagpakita si 3rd District Of Laguna Rep. Ivy Arago manapa’y nanatili lamang sa tabi ng mga ordinaryong mamamayang dumalo sa nasabing okasyon. “Likas kay Ivy ang manatiling tahimik at mapagkumbaba kahit na laksa-laksang proyekto at pagtulong sa mga kababayan ang kanyang naisasakatuparan” pahayag ng mga nakasaksi. “Si Congresswoman Arago sa kabatiran ng lahat ay kabalikat at katuwang ko sa pagtataguyod ng Ospital ng Lunsod ng San Pablo at ng marami pang mga proyekto at programa ng ating mahal na lunsod. Hindi lang dito nagtatapos ang kanyang mga itutulong sa halip ay sa darating na mga araw ay inyong masasaksihan ang gagawin karagdagang pag-alalay ng Tanggapan ni Ivy sa ospital na ito at sa iba nating mga proyekto at programa” dagdag naman ni Mayor Vicente B. Amante. Kuha ang larawan matapos ang isinagawang soft blessing ng naturang SPCGH. (Sandy Belarmino)

MAHIGIT 3,000 KATAO DUMALO SA SOFT BLESSING NG SPCGH

San Pablo City - Lubos na suporta ang ipinakita ng iba’t-ibang mamamayan ng Lunsod ng San Pablo sa isinagawang “soft blessing” ng isa na namang legacy ni Mayor Vicente Amante, ang San Pablo City General Hospital sa Brgy. San Jose “Malamig” nuong Oktubre 26, 2009, isang araw bago ang kaarawan ng punonglunsod.

Mahigit sa 3,000 ang dumalo at nakiisa sa pagbabasbas ng nasabing hospital na pinangunahan ni Msgr. Mel Barcenas, Mayor Vic Amante, First Lady Nercy Amante, City Admin. Loreto Amante, at iba pang mga panauhin. Kasama rin ang buong puwersa ng Pamahalaang Lunsod na pinamunuan ng lahat ng department heads at kawani. Nakiisa rin ang Sangguniang Panlunsod.

Dumalo rin ang iba’t-ibang samahan, grupo, at mga tanggapan ng lokal at nasyonal na ahensya ng pamahalaan. Nakiisa rito ang mahigit na 60 barangay chairman kasama ang lahat ng kanilang brgy. officials, lahat ng guro at mag-aaral ng DLSP, mga guro ng DepEd at may 500 senior citizens.

Dito na rin isinagawa Pagtataas ng Watawat ng pamahalaang at isang maikling programa kung saan nagkaroon ng mga natatanging bilang handog na rin sa kaarawaan ng punonlunsod. Isang tula ang inihandog na may titulong “Nobody, Nobody But You”. At isang talumpati naman ang binigkas ni Bb. Via Mare Torres ng DLSP na may titulong “Kalusugan at Karunungan Ugat ng Kaunlaran” na likha ni Gng. Milagros Alimane, isang guro ng DLSP. Naghandog rin ang mga senior citizens ng isang pinoy folk songs medley samantalang ang drum & lyre band ng Central School ay tumugtog rin ng ilang natatanging bilang.

Sa maikling mensahe ni Dr. Job Brion, City Health Officer, ang SPC Gen. Hospital ay ang tunay na kaganapan sa pangarap ni Mayor Amante na makapagbigay ng mataas na kalidad ng serbisyong medikal. Dagdag pa niya na hindi ito makikipagtunggali sa iba pang hospital sa lunsod, manapa’y ito ay karagdagang serbisyo sa pangkalahatang medical service program ng pamahalaang lunsod.

Lubos naman ang paghanga at pasasalamat ng panauhing tagapagsalita na si G. Jose Reano may-ari ng kumpanyang BroadChem Bio Pharma at isa ng “adopted son” ng lunsod kay Mayor Amante sa pagsasakatuparan ng isang pangarap na magkaroon ng sariling hospital ang mga mamamayan ng Lunsod ng San Pablo. Matagal ng natulong si G. Reano sa lunsod kung saan simula pa nuong 2005 ay mayroon na siyang 15 scholars sa DLSP na may libreng tuiton fees at monthly allowance. Ayon kay G. Reano na patuloy pa rin ang kanyang pagtulong sa punonglunsod partikular na sa bagong hospital, lalo’t higit na mas makakatulong ito sa mga mahihirap nating kababayan.

Una namang pinasalamatan ni Mayor Amante ang Panginoon sa konkretong resulta ng kanyang pangarap na magkaroon ng sariling hospital ang lahat ng mamamayan ng lunsod. Isa isang pinasalamatan ng punonglunsod ang lahat ng tumulong, mga nagbigay ng iba’t-ibang medical equipment at mga nagbahagi ng kanilang expertise sa pagbubuo ng nasabing pagamutan.

Pinasalamatan niya ang kanyang bunsong anak , si City Admin. Amben Amante na siya munang namuno at gumanap ng iba niyang mga naiwang gawain sa pagtataguyod ng pamahalaang lunsod habang isinasagawa niya ang personal supervision sa simula pa ng konsepto hanggang matapos ang pagpapatayo ng general hospital. Lubos din ang kanyang papuri sa kanyang maybahay at buong pamilya sa kanilang ibinigay na pang-unawa at pagtulong rin sa kanyang paglilingkuran.

Sa lahat ng dumalo at nakiisa ay isa ring taos-pusong pasasalamat ang kanyang ipinaabot, sa buong Sangguniang Panlunsod, kina Congresswoman Ivy Arago, kay Dr. Job Brion, sa kanyang mga medical consultants at sa iba pang sumuporta sa kanyang mga pangarap.

Binigyang diin naman ni Brgy. Chairman Arnel Ticzon at Auditor ng Liga ng Barangay, ang lubos na suporta ng Liga sa Administrasyong Amante. At sa kanilang pagtulong at pakikiisa sa patuloy na pagbibigay ng serbisyo ng punonglunsod lalo’t higit sa pagpapaunlad ng serbisyong medikal ng lunsod. (CIO-SPC)

MOBILE PASSPORT SERVICE NI AMANTE, TAGUMPAY

San Pablo City - 347 katao ang nabigyan ng passport sa isinagawang Mobile Passport Service nuong Oktubre 24, 2009 sa One Stop Processing Center na isinagawang muli ng City Mayor’s Office sa pakikipagtulungan ng Dept. of Foreign Affairs Manila at Lucena.

Regular na isinasagawa ni Mayor Vicente Amante ang mobile passporting upang huwag ng mahirapan at magastusan ng malaki ang mga taga-lunsod at mga karatig bayan para sa pagkuha ng passport.

Namuno sa pag-iissue ng passport ang mga kawani ng DFA MDC-Mla Photo Section na sina Donald Moreno, Melbert Gabuan at Fred Fernand. Mula naman DFA RCO Lucena sina Admin. Offcr. Raul Villanueva, Records Offcr. Ceres Jaca, Cashier Hazel Pena, Encoder Dee Jay Maog at Processors Herman Ric Vilegano at Lourdes Marie Reyes.

Nakiisa at tumulong rin sa matagumpay na passporting ang iba pang tanggapan ng pamahalaang lunsod tulad ng City Legal Office para sa mga legal assistance. Nakiisa rin ang City Civil Registrar para naman sa mga problema o pangangailangan sa iba’t-ibang civil registry documents na kailangan sa pagkuha ng passport. Tumulong naman sa pagpapatupad ng maayos na sistema ng issuance ng passport ang SPC Police Station. (CIO-SPC)

DATING MAYOR CORALES, MAGBABALIK

Nagcarlan, Laguna - Ang panunumbalik ng kaunlaran, pagpapatibay ng makataong paglilingkod at pagsusulong ng transparency and accountability ang pangunahing hangarin ni dating Mayor Rosendo R. Corales sa kanyang muling pagtakbo bilang alkalde ng bayang ito.

Magugunitang si Corales ay nakapag-silbi ng tatlong magkakasunod na termino bilang punong bayan mula 1998 hanggang 2007 kung saan natamo ng lugar ang ibayong kaunlaran. Mula sa taunang kitang P27-milyon ng munisipyo ay napaunlad niya ito sa P63-milyon kada taon sa pagtatapos ng kanyang termino.

Partikular na binigyang pansin ni Corales ang pagpapagawa ng mga farm-to-market road na lubhang kailangan ng isang lugar na agrikultura ang ikinabubuhay ng maraming mamamayan.

Naipagawa rin ng dating alkalde ang water system ng bayan na sa ngayo’y dumadaloy na sa 52 barangay, pinaunlad ang komunikasyon, nagsulong ng livelihood projects at higit na pinagtuunan ang kahalagahan ng edukasyon sa pagpapagawa ng mga gusaling pampaaralan sa mga barangay.

May mga proyekto ayon kay Mayor Corales na hindi siya natapos at ito aniya ang kanyang ipagpapatuloy sakaling muling maluklok sa tungkulin. Kabilang dito ang pagkakaroon ng nursery para sa mga magsasaka kung saan magsasaliksik ng mga high value crops, pagtatayo ng feed mills at pagsisikapang magkaroon ng low cost housing sa bayang ito.

Lahat ng ito ay kayang gawin ayon pa kay Mayor Corales sa pamamagitan ng cost cutting o iyong tamang paggamit ng salapi mula sa kabang yaman, pro-people sa pamamahala at pangangasiwang walang bahid ng graft and corruption. (NANI CORTEZ)

SPCGH. BUNGA NG DETERMINASYON NI AMANTE

Nagtagumpay ang mga kritiko ni Mayor Vicente B. Amante na huwag mabuksan ang ipinagawang San Pablo City Emergency Hospital isang dekada na ang nakararaan sa tulong ng mga nalalabuang homeowners at alalay ng mga walang sibling pulitiko na ang mga nasa sa isip ay sariling kapakanan.

Gaano man kadeterminado ang alkalde na tulungan ang nasasakupan sa kanilang pang-kalusugang pangangailangan ay sumunod siya sa ipinag-utos ng batas na huwag buksan ang nasabing emergency hospital at ginawa na lang itong tanggapan ng Woman Center.

Subalit taimtim ang kanyang pananalig, na pinalakas ng paniniwala at determinasyon na ang panahon ay ngayon na, hindi bukas o sa mga panahong darating pa upang magtayo ang lokal na pamahalaan ng sariling pagamutan na kakalinga sa kanyang mga mamamayan.

Sa kung gaano kahaba ang panahong lumipas upang manatili ang determinasyon ni Mayor Amante na maitayo ang state of the art na San Pablo City General Hospital (SPCGH) ay ganoon din ang dami ng pinagdaanang balakid upang ito’y maisakatuparan.. salamat at hindi siya sumuko upang ito’y ipaglaban.

Noong Lunes, Oktubre 26, ay tuluyang napasinayaan ang SPCGH na badya ng inisyal na tagumpay ng mga San Pableño. Sinaksihan ito ng mga kawani ng City Hall na kinusang dito ginanap ang flag raising ceremony, mga barangay officials at ibang kagawad ng Sangguniang Panlunsod (SP) na marahil ay upang tingnan ang kanilang kakulangan.

Ngunit walang dapat ikabahala sapagkat hindi man lubusan ang naging pakikiisa nina Vice-Mayor at ilang kagawad ng SP ay buhay naman ang determinasyon ni Alkalde Vic Amante na isulong ang ikabubuti ng taumbayan. Katunayan ay wala siya kapaguran sa patuloy na pakikipaglaban para sa ating kapakanan at ni hindi kababakasan ng pagsuko.

Ang isang bagay na dapat nating isaalang-alang ay ang SPCGH ay atin, na pag-aari ng bawat isang San Pableño at si Mayor Vic Amante ay kinasangkapan lamang ng Panginoong Diyos upang ito’y maisakatuparan. Pagaanin natin ang kanyang gawain sa ikapagtatagumpay ng SPCGH. Hikayatin nating ang Sangguniang Panlunsod na lubusang makiisa at punuan na ang kakulangan upang ito’y maging ganap. (SANDY BELARMINO)

Tuesday, October 27, 2009

MASA LABAN SA OLIGARKIYA

Masakit man isipin ngunit hindi maiiwasang dito patungo ang takbo ng halalan sa panguluhan ng bansa sa Mayo 2010 sa pagkakadeklara ni dating Erap na tumakbong muli sa nasabing halalan.

Kakatawanin ng ERAP-BINAY tandem ang pangkatin ng mga mahihirap o iyong tinatawag nating masa samantalang ang NOYNOY-ROXAS ay grupo ng mga eletista at mga negosyante na kinabibilangan ng mga oligarch na kumukontol sa kabuhayan nating mga Pilipino.

Maaaring may magtatwa subalit reyalidad na ang bumubuo ng larawan sa ganitong kaganapan sapagkat ang kilos at iginagawi na ng mga tagapagtaguyod ng bawat kampo ang magpapahiwatig ng nakatakdang mangyari – ang paglalagay ng pagitan sa malakas at mahina, makapangyarihan at karaniwang mamamayan, o mayaman at mahirap.

Kung saan ito hahantong ay walang makapagsasabi, subalit ang nakatitiyak ay ang uri ng kampanyang magaganap dahil ang kandidatong kakatigan ng mga oligarch ay makapagtataguyod ng marangyang paglilibot sa mga lugar ng botanteng naghahanap ng pansamantalang ginhawa.

Walang magiging sagabal sa takbo ng kampanya ng kandidatong suportado ng mga oligarch sapagkat ituturing ng mga itong investment ang financing na ipinagkakaloob na babawiin balang araw. Ang campaign fund na ito ang patuloy na magluloblob sa taumbayan sa kahirapan, ngunit rangya naman para sa kandidatura ng kanilang tinutulungan.

Medyo dehado ang NOYNOY-ROXAS tandem sa ganitong sitwasyon sapagkat ang pagdikit sa kanila ng mga oligarch ay tumatatak na sa isipan ng taumbayan. Sana hangga’t maaga ay makawala sila dito sapagkat hindi ito makakatulong. (tribune post)

WALANG PERSONALAN TRABAHO LAMANG

Hindi naging sagabal kay Cong. Ivy Arago ang buhos ng malakas na ulan sa pagtupad ng tungkulin para sa serbisyo sa kanyang nasasakupan sa 3rd District ng Laguna.

Sa panahon ng tag-ulan kung saan iba’t-ibang sakit ang naglalabasan pangkaraniwan na ang sipon, ubo, lagnat, sakit sa balat, sa baga at iba pa.

Alam ng butihing mambabatas na kailangan ng mga tao ang kanyang tulong sa pamamagitan ng kanyang medical and dental mission upang tuwiran niyang matulungan ang mga nangangailangan.

Kamakailan ay muling ginanap ang medical and dental mission ni Cong. Ivy Arago sa compound ng Parokya ng Del Remedio ADB Subd., at sa San Pablo City One Stop Shop Processing Building.

Humigit kumulang sa 20 doktor at dentista ang naglingkod at nakinabang ang maraming mamamayan ng Lunsod ng San Pablo, na tumanggap ng mga libreng gamut, bunot ng ngipin at libreng konsultasyon.

Makaraan ng ilang ulit na bagyo na sumalanta ng maraming pananim at puminsala ng mga ari-arian at kumitil ng maraming buhay hindi nag-aksaya ng panahon ang kongresista at agat itong nagdala ng tulong sa mga nangangailangan sa kanyang nasasakupan.

Ilang beses na namahagi ng relief goods sa mga nasalanta ng baha sa Victoria, Laguna, hindi nagpabaya si Congresswoman Arago na personal na pangasiwaan ang pagsasaayos at pag-aabot nito sa higit na nakararaming nangangailangan.

Hindi alintana ang hirap at pagod ng mambabatas sa pagtulong sa mga kawawamg biktima ng bagyo sapagkat ito ay bahagi ng kanyang tungkuling sa kanyang nasasakupan sa oras ng pangangailangan.

Sa araw ng Linggo, People’s Day ni Rep. Arago sa Sitio Balok, Brgy. San Ignacio sa nasabing lunsod ay napakadaming tao ang dumadating at ito ay kindi kayang harapin lahat ni Cong. Ivy kung kaya ang kanyang butihing mga magulang na si Mam Eva at Atty. Hizon Arago ang humaharap sa mga tao na humihingi ng tulong.

“Ang pondo ng distrito ay ibinabalik ko rin sa mga tao” ito ang pahayag ni Arago, makaraan ipagkaloob niya sa mga Barangay ng pitong bayan na nasasakupan ng Laguna 3rd District ang 18 multi-cab at 2 garbage compactor.

Ang 7 bayan sa 3rd District ng Laguna na kinabibilangan ng Lunsod ng San Pablo, Alaminos, Calauan, Victoria, Rizal, Nagcarlan at Liliw.

Ang mga bayan ito ay nabiyayaan ng pagpapagawa ng mga gawain tulad ng mga sumusunod: Const.-Repair of Farm to Market Road, Completion of Foot Bridge, Const. of Multi-Purpose Building, Const. Rehab of Pathway, Const. of Water Reservoir, Improvement of Farm to Market Road, Repair/Rehab of School Building Project, ang lahat ng ito ay ginastusan ng milyon-milyon.

Ayon kay Congresswiman Arago ay wala siyang panahon sa mga naninira sa kanya at abala siya sa pagpapaganda ng bayan nasasakupan ng Laguna 3rd District. (EDDIE TICZON)

HUSTISYA IPATUTUPAD NG ERAP-BINAY TANDEM

Kumpleto na ang mukha ng May 2010 elections kung ang mga pangunahing kalahok ang pag-uusapan sa pagkakadeklara nina dating Pangulo Joseph “Erap” Ejercito Estrada at Makati City Masyor Jejomar Binay bilang pambato ng genuine opposition sa pagka-pangulo at pagka-pangalawang pangulo ng bansa.

Sa makasaysayang seremonyang ginanap sa Tondo, Manila, ay inihayag na ng Erap-Binay tandem ang kanilang kahandaan sa pagtakbo sa nasabing posisyon na ikinatuwa ng libo-libong mga sumaksi dahil ayon sa kanila ay katuparan na ito ng kanilang inaasam na magkaroon ng sariling kandidato ang tunay na oposisyon.

Iba’t-ibang kulay at uri nga naman ang klase ng oposisyon sa bansa. May malasado, may maputla at alanganin, at may hindi mo mawari ang ipinaglalaban na ang paninindigan ay nakadepende sa pansariling interes kaya’t nakalagay sa abang katayuan ang taumbayan.

Ang tambalang ERAP-BINAY anila ang malaon na nilang hinihintay sapagkat kaakibat nito ang walang alinlangang pagpapatupad ng hustisya na waring naipagkait ng kasalukuyang administrasyon sa pagtangging malitis o maimbistigahan man lamang, maging sa korte o kahit sa kapulungan ng senado at kongreso.

Wala silang alinlangan sa tambalang ERAP-BINAY dahil subok na nila ang mga ito sa paninindigan at pakikipaglaban. Humantong pa nga ito sa pagkakakulong ni Erap sa loob ng anim na taon sa kasalanang sa wari ay likhang isip lamang, na ang tanging layunin ay mapigilang makabalik ito sa upuang inagaw sa kanya.

Kilala rin si Mayor Binay sa kanyang determinasyong ipaglaban ang tama, mangahulugan mang manganib ang kanyang buhay at panunungkulan. Kasama lagi si Binay sa pagbubunyag ng katiwalian sa gobyerno, hindi natatakot katunayan ay ipinagtanggol ang kanyang sarili sa mga nanggigipit sa katwirang kung magagawa ito sa alkalde ng pangunahing lunsod ng bansa ay mas lalong kakayanin sa mga karaniwang mga mamamayan.

Sa halip na magpasindak, ay binigyan pa ni Mayor Binay ng tahanan ang mga nagnanais magpahayag ng kanilang damdamin upang makapaglantad ng mga kabulukang nangyayari sa loob ng pamahalaan, dangan nga lamang at naging bingi ang mga nasa kapangyarihan.

Salig sa karanasan at kakayanan nina Pres. Erap at Mayor Binay ay nakasisigurong madidinig na ang sigaw at tuluyang malulunasan ang injustice na malaon nang idinadaing ng bayan.(nani cortez)

Wednesday, October 21, 2009

SANGGUNIANG PANLUNSOD NG SAN PABLO, NAGHAHANAP NG LABAN?

Sapul noong Setyembre 26 sa pananalasa ng bagyong Ondoy na nagdala ng malakas na pagbuhos ng ulan, na naging sanhi ng mga pagbaha ay hindi na tumigil ang Tanggapan ni Congresswoman Ivy Arago sa pagtulong at pag-alalay sa mga naging biktima partikular ang mga nasalanta sa ilang barangay sa Victoria, Laguna.

Hindi na nga inalintana ng mambabatas ang panganib, at sinuong ang ulan at baha upang alamin ang kalalagayan ng mga nasalanta para sa angkop na pag-ayuda, katunayan ay siya ang pinakaunang opisyal na natalang nakarating sa nasabing bayan.

Sa loob ng humigit kumulang na isang buwan ay makailang ulit na nakabalik si Rep. Arago sa lugar upang mamahagi ng relief goods at kaukulang gamot sa kanyang mga nasasakupan, na ginagawa niya sa kaparaanang tanging ang mga biktima ng baha sa Bayan ng Victoria ang nakakaalam.

Batid ni Cong. Ivy Arago na magtatagal pa bago humupa ang baha kaya naman personal nang pinangangasiwaan ang relief efforts at medical missions sa nasabing lugar. Sa bawat pagkakataon ay walang sinayang na sandali ang mambabatas sa pagkalap at paghahanap pa ng mga donors na taos-pusong tutulong sapagkat kagyat ang kinakailangang lunas.

At sa mga sandaling ganito, madalas na makikitang kasama ng kanyang mga staff ang kongresista sa pagbabalot ng relief goods upang madaling maipaabot sa mga kawawang biktima na magpahanggang sa ngayon ay nasa evacuation centers sapagkat ang kani-kanilang mga tahanan ay lubog pa sa baha.

Kung natural kay Cong. Ivy ang pagtulong ay nakalulungkot naman ang inasal ng Sangguniang Panlunsod ng San Pablo nitong nakaraang Lunes, Oktubre 19, sa kanilang regular na sesyon particular ang privilege speech ni Konsehala Ellen T. Reyes na bumabatikos sa makataong gawain ng kinatawan ng Ikatlong Purok ng Lalawigan. Naging bahagi dito sina Presiding Officer ng Sanggunian na si Vice-Mayor Martin Ilagan at kaniyang mga kaalyadong mga konsehales na tila ikinatuwa pa ang pamamahayag ni Konsehala Reyes.

Nakalulungkot din isipin na sa halip gumawa ang Sangguniang Panlunsod ng San Pablo ng paraan upang agad na makatulong sa mga kalalawigang biktima ng kalamidad ay nais pang papaghinain ang loob ng mga taong kasalukuyang nagtataguyod sa mga ito. Na kung ating muling sisilipin ang inasal ng mga taga-Sanggunian Panlunsod ay animoy mga payaso ng karnabal na ginagawang katawa-tawa ang mga pangyayari. Nasaan na po ang inyong mga budhi? May panahon pa upang magbago. Pakatandaan ninyong may paghuhukom sa Mayo 10, 2010 at hindi makabubuti sa inyong katayuan ang lumikha ng maraming kalaban. (SANDY BELARMINO, VP-Seven Lakes Press Corps)

Tuesday, October 13, 2009

BARANGAY SERVICE PATROL, IPINAMAHAGI

SAN PABLO CITY- Labing-walong multicab at dalawang garbage compactor ang ipinamigay ng tanggapan ni Congresswoman Ivy Arago sa 20 barangay ng ikatlong purok ng Lalawigan ng Laguna.

Ang 20 sasakyan ay buhat sa inisyatiba ni Rep. Ivy arago at mula sa bahagi ng kanyang Priority Development Assistance Fund (PDAF) ng kongresista bilang pag-alalay sa mobility ng mga nasabing barangay.

Kamakailan ay nagkaroon na ng simbolikong turn-over ng mga susi ang tanggapan ng mambabatas bilang kasiguruhan sa mga chairman, subalit ang actual na pag turn-over ay ginawa nitong nakaraang linggo, People’s Day ni Rep. Arago sa Sitio Balok, lunsod na ito.

Ang mga tumanggap na mga chairman ng service multi-patrol car ay sina Chairman Agripino Vineza ng Malabo Kaluntukan at Eduardo Dimaguila ng Palayan, Liliw, Laguna; Barangay Maiit Chairman Loidigo Consebido, Danilo Commendador, Cabuyao, Rene Dorado, Sabang at Amado Cruzine, Palina, pawang sa Nagcarlan, Laguna, sa bayan ng Calauan ay sina Lamot 1 at Hanggan Chairman Gregorio Ocampo st Rufino Magdatu, samantalang sa Alaminos ay sina Chairman Emerson Maligalig ng Poblacion 2 at Chairman Wilson Marake ng Poblacion 3.

Benepisyaryo rin ng multi-cab mula kay Rep. Arago sina Barangay III-A Chairman Glen Avanzado, Arnel Ticzon, Barangay III-D, Ronaldo Castillo, Barangay VI-A, Bernabe Morta, VII-A, Roberto Magdae, VII_B, San Pedro Chairwoman Nida Almario, Soledad Chairman Romeo Gonzales at Santisimo Chairwoman Ana Calabia pawang ng San Pablo City.

Ang mga garbage compactor naman ay para kina Chairmen Ferdinand “Taggy” Reyes at San Isidro Chairman Eloy de la Paz.

HAPPY BIRTHDAY VBA

Dalawang mahahalagang kaganapan ang nakatakdang mangyari sa Lunsod ng San Psblo sa darating na Oktubre a bente siete na kapwa may kinalaman sa araw ng pagsilang- ang birthday ni Mayor Vicente B. Amante at ang pagbubukas ng San Pablo City General hospital (SPCGH) na hudyat ng pagsisimula ng paglilingkod sa sambayanang San Pableño.

Sumasagisag ang SPCGH sa mga hangarin ng mga residente ng lunsod na binigyang katuparan ng alkalde bilang bahagi ng kanyang vision para sa mga nasasakupan na higit na mapaglingkuran ang pangkalusugang pangangailangan ng kanyang mga kababayan.

Makailang ulit itong ipinaglaban ng punong lunsod at makaraan ang maraming pagbatikos mula sa mga walang malasakit sa mga San Pableño ay tuluyang natapos ang konstruksyon, at natayo nga ang SPCGH na tila isang obra maestrang sumisimbolo sa naisin ng mga San Pableño na magkaroon ng sariling pagamutan.

Matatagpuan ang bagong tayong SPCGH sa Dalubhasaan ng Lunsod ng San Pablo (DLSP) Complex sa Brgy. San Jose Malamig na isang paghahanda para sa pangarapin ng mga San Pableño sa malapit na hinaharap na magkaroon o mag-offer ng College of Nursing, tungo sa posibilidad para sa College of Medicine balang araw dahil wika nga’y hindi naman masama ang mangarap, basta lang ba nandyan si Mayor Amante na nakahandang tumugon. Happy Birthday sir.

0-0-0-0-0-0-0-0-0-0-0-0

Patuloy ang UGNAYANG I.V.Y. sa masigasig na paglilingkod sa taumbayan kung kaya’t sa bawat araw na magdaan ay higit silang umaani ng simpatiya at suporta buhat sa mga mamamayan. Sa kanilang ugnayan ay mas napapagaan ang mga gawain, mas napapabilis ang bawat serbisyo at mas marami ang higit na napaglilingkuran.

Mahusay ang blending ng grupong ito sa ngalan ng serbisyo publiko kaya’t nakatitiyak na pagkakalooban ng taumbayan ng mandato bilang mga lingkod bayan sa Mayo 2010. ang teamwork ay binubuo nina Congresswoman Ivy Arago, Mayor Vic Amante at future Vice-Mayor Angie Yang, na ayon sa mga nagmamasid ay mas lalong tumitibay habang papalapit ang halalan.

Good Luck and God Bless po sa UGNAYANG I.V.Y. (Sandy Belarmino)

Wednesday, October 7, 2009

2010 ELECTION BARANGAY LEADER HANDANG TUMULONG

San Pablo City - Upang mapanatili ang kaayusan at katahimikan ng darating na elekson sa Mayo 10, 2010, tiniyak ngayon ng local na pamahalaan ng Lunsod ng San Pablo na kanilang tutulungan ang Commission on Election (COMELEC) sa ilang gawain nito.

Ito ang ipinahayag ni San Pablo City Mayor Vicente B. Amante matapos manawagan ang Comelec na hihilingin nito ang tulong ng mga barangay official upang maisaayos ang kauna-unahang national poll automation sa darating na Mayo 10, 2010.

Ayon kay Amante malaking papel ang gagampanan ng mga barangay leader sa darating na eleksyon particular na ang information campaign ng Comelec kabilang na ang pagpapanatili ng katahimikan at kaayusan sa mga barangay kung saan naroroon ang mga poll precent.

Hindi pa umaalis sa kaisipan ng ating mga mamamayan ang diumanoy mga anomalya at kaguluhang naganap sa mga nakaraang National Election na nagdulot ng pag-aalinlangan sa integridad nito.

Inaasahang makikipag-ugnayan ang mga offfical ng barangay sa Comelec at maaaring magbigay ng seminars ang mga barangay official sa mga botante kung papaano mag-fill-up ng balota para sa poll automation. Magaling at bihasa ang mga tao natin sa mga barangay at tiyak na kukunin ng Comelec ang mga leader na nasa grass root level at nakakatiyak tayo na magtatagumpay sila, pahayag pa ni Amante. (Eddie Ticzon)

Thursday, October 1, 2009

IBA'T-IBANG PROYEKTO HANDOG NI AMANTE SA KANYANG KAARAWAN

Iba’t-ibang proyekto ang handog ni Mayor Vicente B. Amante sa mga taga lunsod upang lalo pang maging makabuluhan ang pagdiriwang ng kanyang kaarawan sa Oktubre 27.

Isang mahalagang proyekto ay ang isasagawang JOBS FAIR (Local at Abroad Employment) sa Oct. 23 na gaganapin sa PAMANA Hall mula 8:00 a.m.-3:00 p.m. Ang Jobs Fair ay sa pagtataguyod rin ni City Administrator and PESO Manager Loreto Amante.

Kinabukasan, Oct. 24 naman ay isasagawang muli ang MOBILE PASSPORTING sa pagtataguyod ng Office of the City Mayor at sa pakikipagtulungan ng Dept. of Foreign Affairs. Ang pagkuha ng passport ay mula 7:00 a.m.-3:00 p.m. sa One Stop Processing Center.

Pangungunahan naman ng punonglunsod ang isang KASALANG BAYAN sa kanyang mismong kaarawan sa Oct. 27 ganap na 10:00 a.m. sa One Stop Processing Center at susundan ito ng pagpapasinaya at pagbubukas ng bagong tayong San Pablo City General Hospital na nasa Brgy. San Jose. (CIO-SPC)

Wednesday, September 30, 2009

PULSO NG BAYAN

Pabagu-bago ang naging takbo ng pulso ng taong-bayan hinggil sa maaaring maging kapalaran ng ating mga lingkod bayan na naghahangad pang maiapagsilbi sa mataas na antas pa ng panunungkulan, na tila isang dula na hitik sa mga eksenang kapanapanabik na walang tuldok na pinatutunguhan.

May iba’t ibang tagpo rin ito na walang masasabing bida o pangunahing tauhan na gumaganap katulad sa kung ito ay isasalin sa isang script na kung papaano ang pulso ng bayan ay nakapagdidikta sa resulta ng isang survey.

Sa mga nakalipas na pag-aaral ay nasaksihan natin ang pagpapalitan ng bida sa mga tauhang nagnanais na tumakbo sa pagka-pangulo ng bansa. Matagal na namayagpag dito sina Vice-President Noli de Castro, Senator Loren Legarda, Senator Panfilo Lacson at ilan pang personahe na manaka-nakang sumusulpot sa eksena.

Unti-unti ay may nawala sa eksena samantalang pumapasok sina Sen. Manny Villar, Sen. Chiz Escudero, Sen. Dick Gordon at sa pagitan nito ay may mga mahalagang papel na ginagampanan si dating Pangulong Erap at Makti Mayor Jejomar Binay na seryosong tinitingnan ng bayan. Humanay din si Sen. Mar Roxas, MMDA Chairman Bayani Fernando at DND Sec. Gilbert Teodoro.

Ang labis na ikinabigla ng lahat ay ang paglitaw ni Sen. Noynoy Aquino na humakot ng simpatiya mula sa taumbayan nang yumao ang ina na si dating Pangulong Cory, subalit palaisipan pa rin sa marami kung hanggang saan hahantong ang lahat at kung habang buhay bang makikiramay sa kanya ang bayan lalo pa nga’t nababalot tayo ng sari-saring problema.

Ito ang katanungang inaabangan ng bayan ang kasagutan sapagka’t nandiyan at nananatile pa rin sina Erap, Villark, Escudero, Legarda at Teodoro na patuloy na pinag-iisipan ng taumbayan.

Hindi limitado sa nasabing posisyon, ang pabagu-bagong pulso ng taumbayan sapagka’t maging sa lokal na antas ay patuloy pa rin itong gumagalaw. Batay sa pinakahuling ulat ay nangunguan sa isinasagawang pag-aaral ng isang independent survey firm si Board Member Dave Almarinez sa pagka-kongresista ng First District ng Laguna.

Matiyaga at masipag umano ang batang opisyal na ito na marahil ay napansin ng mga residente ng San Pedro, Biñan at Lunsod ng Sta. Rosa na sumisimbolo sa isang lingkod bayan na kanilang ninanais na maglingkod sa kanila. Ngayong No. 1 na si BM Dave ay nakasisigurong mas lalo niya paghuhusayin ang paglilingkod sa unang distrito ng Laguna.(nani cortez)

Monday, September 28, 2009

CONG. IVY ARAGO, TUMUTUGON SA MGA CONSTITUENTS

Kasama si Dra. Jill Gutierrez sakay ng isang maliit na bangka ay sinuong ni Congresswoman Ivy Arago ang panganib maabot lang ang Sityo Kapiligan na isolated sanhi ng baha sa Brgy. San Benito na isa sa mga apektadong barangay ng Victoria, Laguna.

Sa tulong ni Chairman Aurelio Corcuerra na nagsilbing tagasagwan ay nagdaan ang grupo sa ibabaw ng lubog na palayan na ikinamangha ng mga residente sa lugar sapagkat ngayon lang daw nangyari sa kanilang kasaysayan na makakita ng isang opisyal ng pamahalaan sa ganitong panahon ng kalamidad.

Mas namangha ang mga taga nasabing sityo at nagpasalamat kay Rep. Arago sa pagsuong sa panganib upang alamin at damayan lamang sila sa kanilang abang kalalalagayan, na sa kabutihang palad na sa kabila ng lubog sa baha ay ligtas naman sa karamdaman. Nag-iwan na lamang si Cong. Ivy ng relief goods na may lamang bigas, de lata at noodles.

Parang heroes welcome ang ginawa ng mga taga-barangay nang simula silang kausapin ng kongresista at inalam ang pangunahin nilang pangangailangan sa pagbabalik niya sa kanayunan.

Hindi makapaniwala ang mga taga Brgy. Pagalangan na si Cong. Ivy ang kanilang kaharap nang sapitin ng grupo ang nasabing lugar. Nag-iwan din ang mambabatas ng relief goods sa mga barangay officials sa pangunguna ni Chairman Romulo Oca na siyang mamamahala sa pamamahagi kinabukasan dahil gumagabi na. Bukas aniya sa biglaang tulong na maaaring kailanganin ayon sa kongresista.

Isa-isang pinuntahan ni Rep. Ivy ang mga nagsilikas sa Brgy. San Roque evacuation center na bakas sa mga ngiti ang pagkabanaag ng pag-asa nang makita ang mambabatas. Hindi ikinaila ng mga pansamantalang humihimpil doon ang kanilang pangangailangan ng tulong subalit sapat na raw ang maalala sila ng mahal nilang si Ivy.

Pinagkalooban din ni Cong. Ivy ang mga taga San Roque ng relief goods sa pamamagitan ni Chairman Ric Larano at kanyang mga kagawad. Muli ay nagbigay katiyakan ang mambabatas na isang text lang ang kailangan upang maipaabot ng mga naroroon ang kanilang mga problema. Ang mga nasabing barangay ay pinagkalooban ng kongresista ng mga kaukulang gamot na magagamit sa mga emergency cases. (TRIBUNE POST)

SALAULA

Muling iminulat ng bagyong Ondoy ang kalubhaan ng pagkasalaula ng ating kalikasan at nakatitiyak na muling aalab ang ningas kugong pagmamalakasakit sa kapaligiran nating mga Pilipino dahil sa sinapit sa sakunang hindi sana mangyayari kug hindi nagkibit balikat lamang sa mga kampanyang isinusulong ng mga mapagmahal sa kalikasan.

Si Ondoy ay nagdala ng kakaibang istratihiya na maaaring gumising sa ating lahat, na sa halip malakas na hangin ang isinama ay ubod na lakas na buhos ng ulan ang kaakibat. Hindi ito kinaya ng ating kalbong kagubatan sa mga bundok na nagdulot ng malaking pagbaha, pumasok ang tubig sa mga guwang ng kabundukang naging sanhi ng mga landslide na kumitil ng maraming buhay.

Malawak ang idinulot nitong pinsala na marahil ay upang tuluyang gisingin ang mga tulog na diwa ng lahat, na sa kanyang kasagsagan ay pinilit ipadama maging sa mga salarin sa pagkasalaula ng kapaligiran ang kanilang kasalanan. Hindi man direktang pininsala ang mga salarin ay iniwan ni Ondoy sa mga salaulang ito ang larawang nilikha ng kanilang krimen.

Ipinarinig din ni Ondoy sa mga salaula ang mga panaghoy ng mga walang muwang na biktima na nangasawi sa baha, mga natabunan ng pagguho ng lupa at mga nadamay sa sanhi ng kaugnay na pinsala.

Bagamat ang pagkakakulong sa kanilang mga mansyon at pagkatinggal ng kanilang limosina sa hindi gumagalaw na trapiko ang direktang parusa na kanilang tinanggap buhat sa mabigat na kasalanang pagsalaula ay maituturing nang isa itong mabuting simula upang suriin nila ang kanilang mga budhi. Tagumpay ito para sa kalikasan kung mula dito ay iiral ang kanilang konsensya.

Sa panig ng pamahalaan ay iisa ang nakatitiyak ang pagkakaroon ng paghihigpit, ngunit sana naman ay hindi ito ningas-kugon lamang na hihintayin lamang na lumipas ang alaala ni Ondoy at muling sasamantalahin ang pag-i-issue ng logging at mining permit sakaling malingat na ang bayan. (nani cortez/TRIBUNE POST)

Sunday, September 27, 2009

2 SUNDALO AT 4 NA CAFGU PATAY HABANG NAGSASAGAWA NG RESCUE

Siniloan, Laguna - Anim sa pitong miyembro ng Rescue Team na kinabibilangan ng dalawang militar at limang miyembro ng Citizens Armed Forces Geographical Unit (CAFGU) na tinangay ng malakas na agos ng tubig sanhi ng paghagupit nang bagyong Ondoy ang kapwa bangkay na nang marekober ng pinagsanib na elemento ng militar at pulisya sa bahagi ng Bgy. Tunhac, Famy at Brgy. Nanguma, bayan ng Mabitac, kahapon ng umaga.

Base sa ulat ni 202nd Unifier Brigade Philippine Army Commanding Officer Lt Col. Aurelio Baladad kay 2nd Infantry Division Commanding General Lt.Gen. Jorge Segovia, nakilala ang mga biktimang sina PFC Venancio Ancheta Jr.,CPL Adriano Regua, miyembro ng CAFGU na sina Joel Hernalin, Reno Olaguer, at Florencio de Quiño kung saan kinikilala pa ang isa sa mga ito habang patuloy pa rin na pinaghahanap ang kanilang kasamahan na si Artemio Descotido.Ang mga biktima ayon sa report ay nakatakdang magsagawa ng rescue operations sa nabanggit ng lugar kasama ang apat pa nilang kasamahan sa pamumuno ng kanilang team lider na si Ancheta samantalang patuloy ang pagbuhos ng malakas na ulan at ang pagbaha kamakalawa ng hapon.Dito aksidente umanong tinangay ng malaking bugso ng tubig ang mga biktima kung saan tuluyan itong naglaho at nilamon sa bahagi ng malalim na ilog sakop ng magkaratig na bayan ng Mabitac at Famy.

Unang narekober ang bangkay ni Ancheta sa bayan ng Famy samantalang magkakasunod ang iba pa sa bayan ng Mabitac habang ang mga ito ay nakalutang na sa ilog.Sa pakikipagtulungan ng Laguna PNP,pinagsanib na elemento ng 1IB, 16thIB, 59thIB, Regional Mobile Group (RMG) 405th Provincial Police Mobile Group (PPMG) agad na nailigtas ang maraming residente sa lugar samantalang sinawing palad na tinangay ng agos at tuluyang nalunod ang mga biktima. Samantala, isa pa sa lungsod ng Calamba ang iniulat na nalunod makaraang matagpuan ang bangkay nito sa river banks sakop ng Brgy. 6, na nakilalang si David Rafols habang sa bayan ng Sta. Cruz at sa kabuoang bahagi ng ika-apat na distrito ay nananatiling paralisado ang operasyon ng public market, at walang suplay ng kuryente bunsod ng patuloy na pagtaas ng tubig baha.

Tuesday, September 22, 2009

CAPIN SAN PABLO UNDERGO TRAINORS TRAINING

San Pablo City - To fully strengthen the city’s child protection services of CAPIN-San Pablo (Child Abuse Protection & Intervention Network), fifty (50) barangay official members and line agencies attended a 3 days live-in seminar/training on “Trainors Training on Paralegal Mediation and Diversion” last Sept. 16-18 held at Bunot Lake Resort Munoz, Brgy. Concepcion, San Pablo City.

The said training is through the invitation and sponsorship of Open Heart Foundation Inc. headed by Exec. Director Norie Tabios and Mr. Derek Zunio, Head, Training Secretariat & Project Coordinator with the coordination of Mayor Vicente Amante and the City Social Welfare and Dev’t Office headed by City Welfare Officer Grace Adap.

New information and insights for the protection of children were gained by the participants from the guest speakers. Discussed also were related laws like RA 7610 (Child Abuse Law ), RA 7658 (Child Labor Laws), RA 9208 (Child Trafficking), RA 9262 (Anti Violence against Women and Children) and other new laws. Workshops and film showing were also conducted. (cio-spc)

DEPED REVISES GUIDELINES IN SELECTION OF HONOR STUDENTS

The Department of Education (DepEd) has revised its guidelines in the selection of honor pupils and students in public elementary and secondary schools, respectively, for the current school year which is scheduled to end in late March 2010.

The guidelines, contained in DepEd Order No. 92, series of 2009, and issued recently by Education Secretary Jesli A. Lapus, stipulate that candidates for honors at any elementary grade or high school year level shall be chosen from among the top 10 pupils or students of the school.

They must not have a final rating lower than 80 percent in any subject or learning area, the DepEd said.

The guidelines mandate that the top 10 pupils/students, who must be of good moral conduct, shall be determined through ranking using the 7-3 point system where 7 points represent academic performance and 3 points co-curricular activities.

In the ranking of honors for graduating elementary pupils and high school students, only the grades in the current curriculum year shall be included, thereby disregarding their ratings in the previous curriculum levels.

The guidelines also provide that transferees shall be considered in the ranking of honor children provided they were enrolled in the school not later than the second week of classes in school year 2009-2010.

The final rating shall be computed to the three decimal places, the guidelines said, adding that in case of tie, both candidates shall be declared in the same honor ranking, say, both as valedictorians, salutatorians, first honorable mentions and so on.

The rules further gave recognition to achievements of pupils/students in specific academic discipline such as Mathematics, Science and English or in co-curricular areas including athletics, campus journalism and performing arts.

Duly recognized annexes of public elementary and secondary schools with complete curriculum grades or year levels have now been allowed by the education department to choose their own set of honor school children.

The DepEd named the school principal as chairman of the School Selection Committee (with three qualified teachers as members) which it required to officially announce the selected honor pupils/students not later than 15 days before the school's graduation day.

In case of protest, the DepEd required the aggrieved candidate with his or her parents to file the complaint to the school head within five working days from the formal announcement.

The protest shall be settled by the school selection board within five days from the filing of the complaint, the education department said. (PNA-Provincial)

Monday, September 21, 2009

BAKIT PA?

Sumapit na sa sukdulan ang ika-3 termino sina Cavite Gov. Ayong Maliksi at Laguna Gov. Teresita Lazaro na nakatakdang magtapos sa 2010, kasabay ng maraming LGU Chief Executive ng mga bayan at lunsod dito sa Calabarzon.

Masigla na ang takbo ng pulitika sa mga nasabing lugar sa kadahilanang wala nga namang depending champion kung baga sa makakalaban ng mga challenger sa darating na 2010 election dahilan sa term limit ng mga nakaupong opisyal.

Sa lalawigan ng Laguna ay apat ang kompirmadong nag-gigirian na sa pagka-gobernador na kinabibilangan nina dating gobernador Joey Lina, Vice-Governor Ramil Hernandez, Mayor E.R. Ejercito at provincial administrator Dennis S. Lazaro, samantalang sa lalawigan ng Cavite ay ang napapabalitang manok ni Gob. Ayong na si Vice-Gov. Ompong Campaña at Jonvic Remulla ng Partido Magdalo.

Tatakbong muli sa reeleksyon sina Quezon Gov. Raffy Nantes, Rizal Gov. Jun Ynares at ang napapabalitang nililigawan ng administrasyon na ipanlabang pangalawang-pangulo ng bansa subalit matatag ang paninindigang hindi iiwan ang Batangas bilang gobernador ng lalawigan si Gob. Vilma Santos-Recto.

Last term na rin ni Lucena City Mayor Ramon Talaga dangan nga lamang at inabot ng 57 day suspension sapagkat nawalang bisa na ang TRO na ibinigay ng hukuman sa panahon ng kanyang 2nd term kung saan ang napigil ay ang pagpapatupad nito. Medyo may epekto ito sa kung sino man ang mamanukin ni Talaga at magpapalutang sa tsansa ni Vice-Mayor Philip Castillo bilang mayoralty bet sa Lucena.

Sa Batangas City ay hayag nang sinasanay ni Mayor Eddie Dimacuha ang kanyang maybahay na si ABC President Vilma A. Dimacuha sa tungkulin ng isang city executive bilang paghahanda sa pagtatapos ng kanyang termino. Medyo mahihirapan ang makakatunggali ni Mam Vilma Dimacuha sapagkat batid naman ng lahat kung gaano kamahal ng mga taga-Batangas City si Mayor Eddie.

May mga gumigire naman na ang puntirya ay ang posisyon nina San Pablo City Mayor Vicente B. Amante, Calamba City Mayor Jun Chipeco, Sta. Rosa City Mayor Arlene Nazareno, Tanauan City Mayor Sonia Aquino, Lipa City Mayor Oca Goza, Dasmariñas Mayor Jonny Bargaza, Laguna’s 3rd Dist. Rep. Ivy Arago, 4th Dist. Cong. Egay San Luis, Cong. Procy Alcala ng Quezon at marami pang iba.

Well good luck na lamang sa mga challenger sapagkat ang performance ng mga incumbent officials na ito ang mahigpit ninyong kalaban.(SANDY BELARMINO)

Wednesday, September 16, 2009

HANDOG NI MAYOR AMANTE SA KANYANG KAARAWAN, MOBILE PASSPORT SERVICE SA OKTUBRE 24

Upang lalo pang maging makabuluhan ang pagdiriwang ng kaarawan ni Mayor Vicente Amante sa Oktubre 27 ay magsasagawa muli ang Pamahalaang Lunsod sa pakikipagtulungan ng Dept. of Foreign Affairs ng isang Regular Mobile Passport Service sa Oktubre 24, 2009 sa One Stop Processing Center mula 7:00 n.u. hanggang 3:00 n.h.

Ayon kay Mayor Amante ang mas mahalaga ay siya ang makapagbigay ng regalo o mga programa para sa kapakinabangan ng mga mamamayan ng lunsod sa kanyang nalalapit na kaarawan. Kaya taun-taon sa pagsapit ng kanyang kaarawan ay sinisigurado niya na siya ang makapagbibigay kasiyahan at tulong sa kanyang mga nasasakupan bilang sukli sa ipinakikitang suporta at pagmamahal ng mga taga Lunsod ng San Pablo.

Sa kagustuhan ng punonglunsod na huwag ng mahirapan at magastusan ng malaki ang mga taga-lunsod at mga karatig bayan ay isasagawa muli ang mobile passporting dito sa Lunsod ng San Pablo.

Kaya sa mga nagnanais na kumuha ng kanilang passport ay magsadya lamang sa City Mayor’s Office sa One Stop Center para sa application forms o kaya ay tumawag sa mga telepono 562-0863 o 800-2770 para sa katanungan at karagdagang impormasyon. And deadline ng submission ng application form at requirement ay hanggang September 30, 2009 lamang. (CIO-SPC)

SPC MEDICAL SOCIETY NAGSAGAWA NG MGA PROGRAMA PARA SA PAGDIRIWANG NG 106TH FOUNDATION DAY NG PMA

San Pablo City - Kaugnay ng pagdiriwang ng 106th Foundation Day ng Philippine Medical Society (PMA) nuong Sept. 15, 2009, iba’t-ibang programa at proyekto ang isinagawa ng San Pablo City Medical Society (SPCMS) kung saan ang tema ay “Manggagamot, Mamamayan, Pamahalaan Nagkakaisa sa Kalusugan”.

Pangunahin na dito ang pamumuno sa nakaraang Pagtataas ng Watawat ng Pamahalaang Lunsod nuong Sept. 14, 2009 ng mga miyembro at opisyales ng samahan na sina Dra. Marisonia Belen-Tan, Vice-Pres., Dr. Emmanuel Loyola, Former Pres., PMA Governor at City Mayor’s Medical Consultant on the SPC General Hospital; Dra. Cynthia Sanchez; Dra. Natividad Cariaga at Dr. Norman Alidio.

Ayon sa mensahe ni Mayor Vicente Amante napapanahon ang tema ng PMA kung saan mahalaga ang pagtutulungan ng mga duktor at mamamayan lalo’t para sa pagsulong ng mga health program at services na ipinatutupad ng pamahalaang lunsod. Kaya naman hinihingi ng butihing mayor ang lubos na pagtulong mga miyembro ng SPCMS lalo’t higit sa kasalukuyan na ipinatatayo ng punonglunsod sariling hospital para sa lahat ng mamamayan ng Lunsod ng San Pablo.


Isinagawa rin ng samahan ang Medicine Week nuong nakaraang Sept. 20-26, 2009. Nagsagawa sila ng wreath laying ceremony sa Rizal Monument nuong Sept. 20, pagkatapos ay isang pag-aalay ng isang misa sa SPC Medical Center; photo exhibit opening ng SPC nature/view sa medical center lobby at Alay Lakad sa Sampalok Lake; Sept. 21- Medicup 2 Badminton Tournament sa Greencourt, Vesco, Subd., Sept. 22-National Medical Screening Day/Free Clinic in partnership with Emerald Lions Club; Singing Physicians Elimination Round at Scientific Lecture on Diabetes sa Palmeras Restaurant; Sept. 23- Singing Contest PMA National Office, Quezon City at Anti-Tobacco Campaign Lecture; Sept. 24-Introduction to Golf at Sto. Nino Driving Range at Fellowship Night nuong Sept. 30. (CIO-SPC)

SUSPENSYON NI CAVINTI MAYOR, INUUPUAN LANG?

Cavinti, Laguna - Bigo pa rin ang Tanggapan ng Gobernador ng lalawigang ito at Department of Interior and Local Government (DILG) na ipatupad ang kautusan ng Office of the Ombudsman na suspendihin ang alkalde at municipal administrator ng bayang ito sa kabila ng ang desisyon ay naibaba na noon pang Mayo 29, 2009 at may pagsang-ayon mula kay Acting Ombudsman Orlando Casimiro.

Sa usaping OMB-L.A. 07-0542-H na may pamagat na “Rosendo G. dela Torre vs. Florecelie Esguerra et al” ay napatunayan ng Ombudsman na sina Cavinti Municipal Mayor Florecelie Esguerra at Municipal Administrator Frederic Lubuguin na kapwa guilty of Oppression and Conduct Prejudicial to the Best Interest of the Service.

Sila ay nahatulan ng six (6) months suspension without pay ayon sa ipinag-uutos ng Section 10, RuleIII, Administration Order No.7 as amended by administration Order No.17 in relation to Section 25 ng Republic Act No. 6770.

Naghain ng motion for reconsideration sa Ombudsman ang alkalde at kanyang municipal administrator noong Mayo 4, 2009 subalit noong Hunyo 9, 2009 ay nagpadala ng 1st endorsement si Deputy Ombudsman for Luzon Victor Fernandez sa DILG para ipatupad ang suspension.

Ang motion for reconsideration ay nagdulot ng kalituhan sa panig ng DILG, partikular sa rehiyunal at panlalawigang tanggapan nito, kaya’y sila’y nag-atubili na sundin ang iniaatas ng Ombudsman, gayong malinaw ang tagubilin ng Office of the Ombudsman na Memorandum Circular No.01 Series of 2006 na inilabas ni Ombudsman Ma. Merceditas Gutierrez.

Mababasa sa nasabing memorandum na sa Section 7 Rule III ng Administrative Order No.07 na tumatalakay sa Ombudsman Rules of Procedure na ang desisyon ng naturang tanggapan ay dapat agarang ipatupad at tanging Temporary Restraining Order (TRO) o Writ of Preliminary Injunction ang makakapigil.

Sa ngayon ay nababahala na ang mga residente ng lugar dahil sa nasabing kabiguan ng DILG at Panlalawigang Pamahalaan na maipatupad ang hatol ng Ombudsman, sanhi nito ay ang pagtaas ng tension sa nasabing bayan dahil sa possible anilang may nagmamaniobra upang ito ay pigilan.

Monday, September 14, 2009

LOS BAÑOS CELEBRATES BAÑAMOS FESTIVAL

Los Baños, Laguna - The special Science and Nature City of the Philippines will hold its annual Bañamos Festival on September 16-20, 2009. The event coincides with the 394th foundation anniversary of the town of Los Baños in Laguna.

The festival is spearheaded by Mayor Caesar P. Perez with the support of the Sangguniang Bayan, Los Baños Tourism Council led by Anthony Genuino and various agencies, civic groups, institutions and corporate sponsors.

Bañamos (“we bathe” in Spanish) commemorates the founding of the town whose name is derived from hot spring baths abundant in the area. The celebration also showcases local products, talents and beauties, and the townspeople’s pride of place in week-long festivities that include a civic parade, foundation anniversary program, Himigsikan battle of the bands, musical concerts, Miss Los Baños pageant, spa and wellness fair, Buko Pies Atbp and street dancing competition called Bayle de Kalye.

The festival promises lots of surprises to local and foreign tourists which will enable them to discover more about Los Baños said Prof. Roberto P. Cereno, Chairman of Bañamos 2009 Festival Program.

SPA AND WELLNESS HIGHLIGHTS - According to Los Baños Tourism Council Chairman Anthony Genuino, one of the highlight of the festival is the promotional sampling of its spa and wellness products and services on the duration of the festivities at the Paciano Rizal Park, Los Baños Municipal Hall compound. The daily fair is part of Bañamos Festival which will coincide on the celebration of the 394th foundation anniversary of this university town that was proclaimed as the “Special Science and Nature City of the Philippines”.

The fair showcases an array of therapeutic treatment ranging from the indigenous Filipino Hilot to Shiatsu Body works, to foot reflexology, hydrotherapy, head, back and facial massage. Booths will provide samples of locally made herbal oils, aromatherapy candles, health and beauty products.

The fair aims to promote spa and wellness at Los Baños’ OTOP under the Department of Trade and Industry’s One Town One Product Program. This is in recognition of the town’s historical place as the country’s first medical tourism town since the establishment of the Spanish colonial government’s Hospital de Agua Santa in 1590. The town’s name alludes to the hot spring baths abundant in the foot of Mount Makiling, an inactive volcano, a scientific and educational nature reserve, a critical watershed, a biodiversity conservation area, and now one of the key ecotourism destinations of the Philippines.

PORQUE BAÑOS?

Commemoration of a colorful history and culture - Bañamos is Spanish for “we bathe”. The word appropriately traces the founding of the town during the Spanish period. The Franciscan Friars who were captivated by the abundance of hot springs and steam vents in the small settlement of Mainit set up public bathing places with spring water believed to be holy and to have curative effects. These baths were so popular that they attracted tourists from Manila and nearby provinces. This convinced the Spanish authorities to officially establish a town they called Los Baños or “the baths”.

Celebration of great natural wonders and local products - Los Baños is bounded by two natural geologic wonders. Mount Makiling and Laguna de Bay. These landforms afford fertile soil, clean air, potable water, and a rustic ambiance that influence and sustain the livelihood and lifestyle of residents. These fortunes further gave rise to popular indigenous products – buko pie, ornamental plants, souvenir items and various homemade foodstuffs.

A recognition of immense scientific talents - Los Baños is synonymous to advances in agricultural science and technology, recognized not only in the Southeast Asian region, but also worldwide. This Science and Nature City hosts educational and research institutions that offer opportunities for study visits or science appreciation and discovery to visitors.

A festivity of community spirit and pride of place – This is an occasion to demonstrate the strong social responsibility and cooperation values instilled in the citizenry of Los Baños. This is a chance to show off home-grown talents and beauties, a time for families and friends to get connected, as well as to bridge generation and socio-economic gaps through community-wide activities with the support and participation of government agencies, commercial establishments, civic associations and other private organizations and individuals. (NANI CORTEZ)

Saturday, September 12, 2009

MAHIGIT 500 PASYENTE NATULUNGAN SA MEDICAL-DENTAL MISSION NG PCSO AT CHO

San Pablo City- Kaugnay ng pagdiriwang ng 75th Anniversary ng Philippine Charity Sweepstakes Office (PCSO), nagsagawa ang ahensya ng isang medical-dental mission sa pakikipagtulungan ng City Health Office (CHO) at ni Mayor Vicente Amante, kung saan mahigit 500 pasyente ng lunsod ang naserbisyuhan. 430 sa mga ito ang napagkalooban ng medical services at 150 naman sa dental na isinagawa noong Sept. 6, 2009 na ginanap sa CHO Extension Office, Brgy. San Jose. Nagsimula ang proyekto mga bandang 6:45 ng umaga at natapos ng 4:00 ng hapon.

Pinamunuan ni Dr. Job Brion, City Health Officer at Dra. Nida Glorioso, Asst. CHO ang nasabing proyekto kasama ang iba pang medical officers na sina Dr. Ed Quiambao, Dra. Ruth Belulia, Dra. Dina Caponpon at Dra. Melissa Aningalan. Katulong rin ang mga dentists na sina Dra. Nemia Bundalian, Dra. Blessie Reyes, Dra. Miriam Palomar, at Dr. Jhun Vidal at dent`al aides na sina Rustico Baliton at Shiela Calatraba. Naging kaagapay rin ang mga public health nurses na sina Fe Tan, Amihan Bondad, Emelita Gutierrez, at Lourdes Paladio, Pharmacist Janice Aningalan, Sanitary Inspectors Divinia Paulino at Angela Almario, Driver Filoteo Cosico at Casual Employees Rosalie Lasig, Jeffrey Cornista, Randy Calderon, Walter Sitia at Edna Maula. (CIO-SPC)

Wednesday, September 9, 2009

MAGKASANGGA

Sa larawang ito ay masayang ipinarating ni Brgy. Del Remedio Chairman Nap Calatraba (kaliwa) ang kanyang taos-pusong pagbati at pakikiisa sa pagdiriwang ng ika-60 araw ng kapanganakan ni dating San Pablo City Administrator Atty. Hizon A. Arago kamakailan. Isa si Chairman Calatraba sa libo-libong kataong dumalo sa ginanap na pagpapasalamat ni Atty. Arago sa mga kaibigan at kababayang patuloy na tumatangkilik at nagmamahal sa kanya. Si Arago ay ama ni kasalukuyang Laguna 3rd Dist. Rep. Maria Evita “Ivy” Arago. (SANDY BELARMINO)

CITY TASK FORCE LABAN SA MULING PAGLITAW NG INFECTIOUS DISEASES, BINUO

San Pablo City- Kamakailan lang ay nilagdaan ni Mayor Vicente Amante ang Executive Order No. 05-2009 para sa isang “City Task Force for the Control of Emerging and Re-Emerging of Infectious Diseases”. Ito ay isang multi-sectoral task force na pinamumuan ng punonglunsod bilang chairman at ng City Health Office (CHO) bilang crisis manager kasama rin ang DepEd/CHED, PNP, Sangguniang Panlunsod, SPC Medical Society, Private-Public Hospitals, Philippine National Red Cross-SPC Chapter, Senior Citizens, Women’s Federation, Association of Barangay Chairman at City Information Office.

Binuo ang task force upang higit pang maging handa ang pamahalaang lunsod kung sakali mang muling lumitaw ang iba’t-ibang infectious diseases tulad ng naranasan ng lunsod sa Influenza A H1N1 virus nitong nakaraang Hunyo hanggang Agosto taong kasalukuyan.

Kaugnay nito ay nagpatawag ang CHO ng isang pagpupulong nuong Setyembre 2, 2009 na ginanap sa CHO Main Office, 8thStorey Bldg ganap na ika-1:00 ng hapon upang ipaliwanag sa mga task force members kung ano ang nilalaman ng nasabing E.O. at kung anu-ano ang mga roles and responsibilities ng bawat miyembro.

Ang CHO bilang crisis manager ang siyang magsasagawa ng mga meetings/conferences para sa coordination ng mga gov’t agencies at private sectors at para sa issuance ng mga issue bulletin, advisory at general warning.

Ang mga miyembro tulad ng DepEd/CHED ay in-charge sa order of closure/suspension of classes, paggamit ng mga school building/edifice at health warning/advisories. Ang PNP naman ay para sa peacekeeping/checkpoint, transport/conduction ng pasyente sa mga hospital/health centers, quarantine measures at pag-aresto sa mga nagbebenta ng counterfeit drugs. Ang legislation naman ng mga kaugnay na batas ay nakaatas sa Sangguniang Panlunsod partikular na sa Chairman on Committee on Health and Sanitation. Ang medical sector at PNRC naman ay para sa paghahanda ng mga kinakailangang medicines at equipment, referral sa mga hospital at pagpapalakas ng surveillance at infection control. Samantalang ang Sr. Citizen, Women’s Fed., ABC at CIO ay para sa pagsasagawa at distribution ng mga info materials, pagbubuo ng public assemblies for health education at para sa iba pang community services. (CIO-San Pablo City)

Sunday, September 6, 2009

PULITIKAHAN, SUMISIGLA NA

Nagkaroon ng pagbabago ang mukha ng political landscape sa bansa lalo pa ngayong papalapit na ang halalan sa Mayo 2010, at sakop nito ang mga naghahangad sa mga pambansang posisyon maging ng mga nais maglingkod sa lokal na elective position.

Pinakabago dito ang pagbibigay daan ni Liberal Party President Senator Mar Roxas sa kandidatura ni Sen. Noynoy Aquino. Una nang naghayag si Senador Panfilo Lacson ng kanyang pag-atras bilang kandidato sa pagka-pangulo. Sa darating pang araw at linggo bago ang official filing of candidacy ay inaasahan pang may mga aatras pa bilang kandidato.

Ang maliwanag sa ngayon ay kung may mga umaatras ay meron namang sumusulong tulad ng Kay Sen Aquino at Sen. Jamby Madrigal, na tila patotoo sa katotohanang kung may lumulubog ay mayroon namang lumulutang.

0-0-0-0-0-0-0-0-0-0-0-0-0-0-0-0-

Sumisigla ang lagay ng pulitika dito sa Calabarzon, na sa ngayon ay langhap na langhap na ang simoy ng tunggalian saan mang dako ng rehiyon.

Sa Cavite ay nanindigan na si Vice-Gov. Campana na wala nang atrasan sa pagtakbo niya bilang gobernador ng lalawigan bilang pambato ng magre-retirong si Gob. Ayong Maliksi. May deep bench ang pinamimilian nilang kandidato bilang bise-gobernador na makakaharap ng grupo ng mga Remulla.

Maigtingan ang pag-ikot ng mga nagnanais kumandidatong gobernador sa Laguna, na pinangungunahan nina dating Gob. Joey Lina, Vice-Governor Ramil Hernandez, Mayor ER Ejercito at Provincial Administrator Dennis S. Lazaro. Sa 1st Dist. ay makakatunggali ni Cong. Dan Fernandez si dating Cong. Uliran Joaquin at BM Dave Almarinez; wala pang lumulutang na kalaban si Cong. Timmy Chipeco sa 2nd Dist., matibay pa rin sa kanilang kinatatayuan sina Cong. Ivy Arago at Cong. Egay San Luis sa ika-3 at ika-4 na distrito.

Sa Batangas ay wala pang pumupormang makakalaban si Gob. Vi at sa Quezon kahit hindi naghahayag ay batid na doon ang muling paghaharap nina Gob. Nantes at pamilya Suarez. Wala pa tayong balita sa Rizal.

Next issue ay tatalakayin natin ang iba’t-ibang posisyon sa mga siyudad at bayan-bayan ng Calabarzon. (LASER ni NANI CORTEZ para sa TRIBUNE POST)

TANGGAPAN NG CITY ADMINISTRATOR

Parang pinagtiyap ang pagdiriwang ng kaarawan nina dating San Pablo City Administrator Atty. Hizon A. Arago at incumbent City Administrator Loreto “Amben” Amante nang magkasunod na Linggo, si Atty Arago noong August 30, samantalang si Amben ay September 1.

Ang dalawa ay humawak at humahawak ng napakahalagang posisyon sa siyudad, sapagkat ang Tanggapan ng City Administrator ay gumaganap ng mahalagang papel sa pangasiwaang panlunsod. Sila ang nagbibigay alalay sa punong lunsod kaugnay sa pang-araw-araw niyang gawain upang higit itong mapagaan nang sa ganoon ay higit na mapag-ibayo ng isang local executive ang kanyang paglilingkod.

Bagamat ang paglilingkod ng dalawang City Administrator ay sa magkaibang panahon ay kapwa nagampanan nila ang kaukulang serbisyo sa bayan na hinihingi ng kanilang tungkulin, naitaguyod nila ang panunungkulan ng city executive na kanilang pinagsisilbihan upang higit na maging epektibo ito bilang punong bayan.

Matatandaang dahil kay Atty. Arago ay matagumpay na nakapasa si Mayor Vicente B. Amante sa reeleksyon ng una niyang tatlong termino. Ang teamwork ng dalawa ay nagdulot ng ibayong pakinabang sa mga kababayang San Pablenyo. Hindi rin matatawaran ang naging ambag ni Arago sa naidulot na kaunlaran ng kanilang tambalan.

Samantalang sa panahon ng pagsubok dahil sa kawalan ng pakikiisa ng Sangguniang Panlunsod sa ginawa ng mga itong pag-upo’t pagbalewala upang hindi pagtibayin ang budget ng lunsod ay naging matatag pa rin ang Administrasyong Amante sa pamamagitan ni Amben nang hindi naantala ang daloy ng basic services sa mga kababayan.

Lubos na nadama ng mga San Pablenyo ang paglilingkod ng punong lunsod sa pagganap nina Atty. Arago at kasalukuyang City Admin Amben sa mga mandatong naiatang sa kanila. Sa kabila na sila’y mga alter ego lang ng alkalde ay nagawa nilang higit na mapaningning ang nasabing tanggapan para sa mata ng taumbayan.

Maligayang kaarawan po sa inyong dalawa, Atty. Arago at City Admin Amben. (SANDY BELARMINO)

Friday, September 4, 2009

ANG ALKALDE AT ANG KAPITAN

Nasa larawan si Alkalde Vicente B. Amante (kaliwa) habang masayang kasama si Kapitan Benjamin “Benbong” Felismino ng Barangay San Cristobal ng Lunsod ng San Pablo. Kuha ang larawan matapos dumalo at kapwa maging panauhin at tagapagsalita ang dalawa sa ginanap na Soft Opening ng San Pablo City Health Office sa gawi ng Brgy. San Jose. (SANDY BELARMINO

JCI SAN PABLO 7 LAKES 13TH KABYAW PARA SA KALIKASAN KICK-OFF ON SEPT. 13

San Pablo City- To promote environmental awareness and develop sportsmanship thru cycling, JCI San Pablo (Jaycees) will be holding its 13th Kabyaw 2009 (Kabyaw Para sa Kalikasan) on Sunday, Sept, 13, 2009 at 6:00 a.m. at Dona Leonila Park. Participants in this annual mountain bike race are amateur cyclists from all over the country.

According to JCI Mem. Jose Agoncillo, Jr., 2009 Chapter Pres., they are expecting 100 bikers for the Open (20-30 y/o), Age (31-40 y/o) and Executive (40 y/o and above) Categories. Cash prizes, trophies and medals at are stake for this bike race. Marshall for the said event is the radio group Kabalikat Com.

City Administrator Loreto Amante as a JCI member, also requested the different local departments to assist in the foregoing event. They requested the support of the City Health Office and Phil. Nat’l Red Cross-SPC Chapter for medical assistance; PNP and PSAF for peace and order and security purposes, Association of Barangay Chairman for other assistance, City Tourism and Information Offices for information dessimination. For more details and information please contact the following numbers, 09177907890, 09227778272 or 562-0314. (CIO-SPC)

ACTIVITIES SA WORLD AIDS DAY BINUO NG LAC

San Pablo City- Sa hiling ni Mayor Vicente Amante bilang Local Aids Council (LAC) Chairman ay muling nagpulong ang mga miyembro ng LAC sa pangunguna ni Councilor Chad Pavico, LAC Vice-Chairman at ni Dra. Mercydina Caponpon, Social Hygiene Clinic Head, City Health Office, upang pagtibayin na ang iba’t-ibang activities o programa para sa pagdiriwang ng World Day Aids sa Disyembre 1, 2009.

Isinagawa ang pagpupulong nuong September 2, 2009 sa CHO Main Office ganap na ika-3:00 n.h. na dinaluhan ng mga pinuno at representative ng bar association, peer educators, PNP, Women’s Federation, Red Cross-SPC Chapter, DILG, JCI-San Pablo, CIO, DepEd, PSAF, CPDO at iba pang LAC members.

Una munang pinagtibay ng grupo ang official logo ng council kung saan makikita dito ang official seal ng Pamahalaang Lunsod. Pangunahing activity na isasagawa sa WAD ay ang ribbon cutting at turn-over ceremony ng Condom Corner sa Shopping Mall at Battle of the Bars (Clubs at GRO’s) at Gay Boxing na gaganapin sa PAMANA Hall. Bahagi rin ng programa ang pagsasagawa ng film showing sa AIDS awareness para sa mga TODA members na itataon sa seminar ng grupo sa November.

Iniulat naman ni Dra. Caponpon na sila ay nagsagawa ng isang raid ng mga bars sa kahabaan ng Maharlika Highway nuong Agosto 28. Ang mga na-raid na bars ay napag-alamang nag-ooperate sa nakaraang dalawang buwan ng walang kaukulang business permits. Nakahuli rin sila ng 6 unregistered GRO’s sa Day & Night at 5 GRO’s sa Lucky 3 Bars. (CIO-SPC)