Parang kailan lamang, na marahil ay hindi namamalayan ng marami sa atin, nang simulang umugit sa tungkulin ang mga nagsipagwagi sa midterm elections noong Mayo 2007, ngayon ang kanilang ika-isang taon sapul ng manumpa at umupo sa trono ng katungkulan.
Ang tanong ay nasaan sila makaraan ang unang taon at saan tayo pinulot matapos magpasya kung sino ang mamumuno sa pamamagitan ng balota? Ang unang taon ba natin sa ilalim ng kanilang pangangasiwa ay naging kabagot-bagot, kawili-wili o naging kapanapanabik? Sino ang nagkulang, sila o tayo? At sa malapit na pag-uugnay ay sino ang higit na nagkamali, ang inihalal o ang naghalal?
Nakatitiyak na iba’t-ibang reaksyon ang makakalap dito sapagka’t ang inihalal natin noong midterm elections ay 12 senador, isang congressman, gobernador at bise-gobernador, 2 0 3 board member, isang mayor at vice-mayor, 10 konsehal at isang party list representative para sa mababang kapulungan. Sa kanilang hanay ay nasisiguro ng pitak na ito na may tumupad sa kanilang mandato, at ang iba’y hindi man masasabing nag-walanghiya ay tinimbang ngunit kulang.
Nananatiling mataas ang pagpapahalaga ng taumbayan sa senado, na ibig lang sabihin ay naipagkaloob ng mga senador ang serbisyong kanilang ipinangako. Ikinatuwa ng bayan ang ginawa nilang pagmamatyag laban sa pang-aabuso. Sa pagitan ng pagbalangkas ng mga batas ay sila ang naging matang lawin na tagabantay sa kayamanan ng bansa bagama’t may ilan sa mga ito ang mistulang color blind sa pangungurakot ng mga “kapak-ners” nila. Ang mga ito ay kilala ng bayan, ngunit sa kabuuan ay performer ang senado.
Sa mababang kapulungan ay naku po, Susmaryusep!! Ang kongreso kung ito ay isang produkto ay walang bibili kahit iyong i-bargain sale. Sari-saring interes ang kanilang ipinaglalaban na karaniwang pangsarili lamang. Dito pa lang ay bagsak na sila kaya hindi sila pinapansin sa mga pamilihan. Ito rin lang ang kapulungang hirap na hirap makabuo ng QUORUM sa dami ng umaabsent sa sesyon. Daig pa sila ng mga grade 1 sa elementary na takot umabsent. Kahit itanong mo kay MAM.
Ano pa’t iba-iba ang nararanasan sa bawat probinsya. May mga gobernador na nagdi-deliver at may naglalako ng pagkakalat. Kaya nga lang ay paper bag na may lamang pera ang idinideliber at hindi pagsi-serbisyo sa bayan. Meron din namang matitino tulad nina Gob. Panlillo at Mendoza na umamin agad at hindi tumatanggi. Sa mga Sangguniang Panglalawigan ay medyo may kabagalan ang lehislasyon ngayon na nakakaantala sa mga proyektong pambayan.
Higit na malawak subalit mas madaling tantiyahin ang mga alkalde, bise-alkalde at mga konsehales kung sila’y tumupad sa kanilang plataporma de gobyerno sa panahon ng kampanya. Batid ng taumbayan ang mga may sigasig at kung sino ang ningas kugon sa mga ito. Isa’t dalawa lang ang mga bagay na ito, ang ikaw ay mainip sa pagsapit ng 2010 election upang mapalitan ang mga lumihis sa kanilang pangako o kuntento ka na dahil nadadama mo ang malasakit ng tunay na lingkod bayan ng tulad ng sa Lunsod ng San Pablo.(SANDY BELARMINO)
Friday, June 27, 2008
RELASYON NG PNP at MILITAR SA LUNSOD MAS TUMIBAY
San Pablo City - Nagkaisa ang San Pablo PNP at Armed Forces of the Philippines na magtulungan upang higit na maisulong ang katahimikan at kaayusan sa lunsod na ito at paligid bayan sa isinagawang pagpupulong ng Peace and Order Council (POC) kamakailan.
Ang pakikiisa ay inihayag ni 202nd Brigade Commander Col. Tristan Kison sa harap ng mga stakeholder na kinabibilangan ng PNP, BJMP, BFP, DOJ, DENR, mga NGO’S at iba’t-ibang ahensya ng pamahalaang lokal at nasyunal sa pangunguna ng DILG.
Iminungkahi ni Col. Kison ang paglulunsad ng isang programa na magpapatibay sa relasyon ng AFP-PNP sa komunidad upang matamo ang patuloy na kapayapaan sa lunsod at buong lalawigan. Nakapaloob sa kanyang panukala ang madalas na pakikipagtalastasan sa mga opisyal ng barangay at mga residente nito upang alamin ang kanilang suliraning pangkatahimikan para sa kaukulang alalay sa taumbayan.
Agarang sinangayunan ni P/Supt. Joel Pernito, Chief of Police ng lunsod ang suhestyon ni Kison sapagkat aniya’y talagang epektibo ang naturang panukala batay sa kanilang ipinatutupad na barangay visitation. Ibayong tulong din sa katahimikan ng lunsod ang intelligence sharing na nakapaloob dito ayon pa sa hepe ng kapulisan.
Ang pulong ng POC ay dinaluhan din nina Asst. Provincial Prosecutor Florante D. Gonzales, J/S Insp. Arvin T. Abistillas, SPC Secretary to the Mayor Rudy Laroza at mga personaheng nagmamalasakit sa katahimikan ng lunsod. (NANI CORTEZ)
Ang pakikiisa ay inihayag ni 202nd Brigade Commander Col. Tristan Kison sa harap ng mga stakeholder na kinabibilangan ng PNP, BJMP, BFP, DOJ, DENR, mga NGO’S at iba’t-ibang ahensya ng pamahalaang lokal at nasyunal sa pangunguna ng DILG.
Iminungkahi ni Col. Kison ang paglulunsad ng isang programa na magpapatibay sa relasyon ng AFP-PNP sa komunidad upang matamo ang patuloy na kapayapaan sa lunsod at buong lalawigan. Nakapaloob sa kanyang panukala ang madalas na pakikipagtalastasan sa mga opisyal ng barangay at mga residente nito upang alamin ang kanilang suliraning pangkatahimikan para sa kaukulang alalay sa taumbayan.
Agarang sinangayunan ni P/Supt. Joel Pernito, Chief of Police ng lunsod ang suhestyon ni Kison sapagkat aniya’y talagang epektibo ang naturang panukala batay sa kanilang ipinatutupad na barangay visitation. Ibayong tulong din sa katahimikan ng lunsod ang intelligence sharing na nakapaloob dito ayon pa sa hepe ng kapulisan.
Ang pulong ng POC ay dinaluhan din nina Asst. Provincial Prosecutor Florante D. Gonzales, J/S Insp. Arvin T. Abistillas, SPC Secretary to the Mayor Rudy Laroza at mga personaheng nagmamalasakit sa katahimikan ng lunsod. (NANI CORTEZ)
Thursday, June 26, 2008
KARAPATANG PAMBATA, PINALAKAS
Calamba City, Laguna - Higit na pinalakas ng lokal na pamahalaan ang kampanya sa pagtataguyod ng karapatang pambata upang mas madaling matamo ng lunsod ang pagiging Child Friendly Community sa rehiyon.
Aktibong isinusulong ni City Mayor Joaquin Chipeco Jr. ang pagpapatupad ng mga polisiyang pinalalaganap ng Child Abuse Prevention Intervention Network (CAPIN) sa kalunsuran upang maunawaan ng mas nakararami ang Child’s rights hanggang sa kanayunan.
Sa pakikipagtulungan ng Open Heart Foundation ay nabalangkas na ni City Social Services Development Officer (CSSDO) Atty. Manuel Ladrido ang mga programang isasagawa para sa taong 2008-2009 na may pakikipag-unawaan sa mga stakeholders partikular ang nakapaloob sa 5 Pillars of Justice System, at mga opisyal ng barangay.
Ibabatay sa naturang programa ang karapatan ng mga kabataan maging ito ay biktima o lumabag man ayon sa tinatadhana ng RA 9344 na mas kilala sa Child in Conflict with the law Act of 2007, kung saan binibigyan ng pagkakataon ang nagkasalang kabataan na magbago at mapasailalim sa pagtutuwid sa tulong ng pamahalaang lunsod.
Panimulang hakbang ay ang pagsasagawa ng walang humpay na seminar tungkol sa Alternative Dispute Resolution upang sanayin ang mga chairmen at kagawad ng barangay at ang pagkakaroon ng Women’s Desk sa kanilang lebel nang sa gayon ay tuwirang maresolba ang kaapihang sinasapit ng mga bata. (NANI CORTEZ)
Aktibong isinusulong ni City Mayor Joaquin Chipeco Jr. ang pagpapatupad ng mga polisiyang pinalalaganap ng Child Abuse Prevention Intervention Network (CAPIN) sa kalunsuran upang maunawaan ng mas nakararami ang Child’s rights hanggang sa kanayunan.
Sa pakikipagtulungan ng Open Heart Foundation ay nabalangkas na ni City Social Services Development Officer (CSSDO) Atty. Manuel Ladrido ang mga programang isasagawa para sa taong 2008-2009 na may pakikipag-unawaan sa mga stakeholders partikular ang nakapaloob sa 5 Pillars of Justice System, at mga opisyal ng barangay.
Ibabatay sa naturang programa ang karapatan ng mga kabataan maging ito ay biktima o lumabag man ayon sa tinatadhana ng RA 9344 na mas kilala sa Child in Conflict with the law Act of 2007, kung saan binibigyan ng pagkakataon ang nagkasalang kabataan na magbago at mapasailalim sa pagtutuwid sa tulong ng pamahalaang lunsod.
Panimulang hakbang ay ang pagsasagawa ng walang humpay na seminar tungkol sa Alternative Dispute Resolution upang sanayin ang mga chairmen at kagawad ng barangay at ang pagkakaroon ng Women’s Desk sa kanilang lebel nang sa gayon ay tuwirang maresolba ang kaapihang sinasapit ng mga bata. (NANI CORTEZ)
EDIPISYO NG CITY HALL, IPINAGAMIT NI AMANTE SA LAND BANK
San Pablo City- Umabot na sa humigit kumulang na 7,000 ang nabayaran ng Land Bank of the Philippines simula nang ipagamit ng lokal na pamahalaan ang mga edipisyong Pamana Hall at One Stop Shop sa ilalim ng Pantawid Kuryente Katas ng VAT subsidy program ng pambansang pamahalaan sa mga below 100 KW end user ng Meralco.
Ang pagpapagamit sa mga naturang edipisyo ay bilang tugon ni Mayor Vicente B. Amante sa mga karaingang nakarating sa kanyang tanggapan sa unang araw nang pagdagsa ng mga claimants sa sangay ng Land Bak, kung saan ay kanyang napag-alaman na maraming nagtitiyaga sa pagpila sa ilalim ng init ng araw.
Ikinatuwa ng mga taga Land Bank ang kagandahang-loob ng alkalde sapagkat nagbigay ito ng kasiguruhan sa kaligtasan ng mga claimants laban sa anumang sakuna at kaukulang proteksyon sa mga nabanggit laban sa anumang sakuna at kaukulang proteksyon sa mga nabanggit laban sa init ng panahon o biglang pag-ulan. Nagbigay din ito ng kaluwagan sa mga kawani ng naturang bangko at mga support group buhat sa DSWD bukod pa sa mga tauhang pinatulong ng punong lunsod na umalalay sa mga claimants.
Ang mga tumanggap ng P500 subsidy ay nagbuhat sa lunsod na ito, mga bayan sa ikatlong purok ng Laguna at mga bayan ng Tiaong at Dolores sa Quezon.
Sina P/Supt Joel C. Pernito, P/Insp. Rolando Libed at CESPO SPO4 Guevarra ng San Pablo City PNP ang nagbigay siguridad sa kasagsagan ng bayaran sa pamamagitan ng pagtatalaga ng 12 pulis sa paligid ng mga nabanggit na edipisyo. (SANDY BELARMINO)
Ang pagpapagamit sa mga naturang edipisyo ay bilang tugon ni Mayor Vicente B. Amante sa mga karaingang nakarating sa kanyang tanggapan sa unang araw nang pagdagsa ng mga claimants sa sangay ng Land Bak, kung saan ay kanyang napag-alaman na maraming nagtitiyaga sa pagpila sa ilalim ng init ng araw.
Ikinatuwa ng mga taga Land Bank ang kagandahang-loob ng alkalde sapagkat nagbigay ito ng kasiguruhan sa kaligtasan ng mga claimants laban sa anumang sakuna at kaukulang proteksyon sa mga nabanggit laban sa anumang sakuna at kaukulang proteksyon sa mga nabanggit laban sa init ng panahon o biglang pag-ulan. Nagbigay din ito ng kaluwagan sa mga kawani ng naturang bangko at mga support group buhat sa DSWD bukod pa sa mga tauhang pinatulong ng punong lunsod na umalalay sa mga claimants.
Ang mga tumanggap ng P500 subsidy ay nagbuhat sa lunsod na ito, mga bayan sa ikatlong purok ng Laguna at mga bayan ng Tiaong at Dolores sa Quezon.
Sina P/Supt Joel C. Pernito, P/Insp. Rolando Libed at CESPO SPO4 Guevarra ng San Pablo City PNP ang nagbigay siguridad sa kasagsagan ng bayaran sa pamamagitan ng pagtatalaga ng 12 pulis sa paligid ng mga nabanggit na edipisyo. (SANDY BELARMINO)
Tuesday, June 24, 2008
BAGYONG FRANK, EYE OPENER
Sa tuwing may magdaraang kalamidad sa bansa ay saka lamang nagkukumahog sa paghahanda ang mga kinauukulan gayong sa ating katatayuan ay bahagi na ng ating buhay ang mga natural calamities na ito.
Marami pa rin ang nagkukunwaring nangabibigla sa dulot nitong pinsala, pinalilitaw na nasorpresa sa kaganapan sa kabila ng katotohanang batid na nila na ang mga likas na sakunang sumasapit ay pabalik-balik lang tulad ng paglakad ng mga araw sa bawat panahon, at inilalabas ang pagka-henyo sa dagliang pagbuo ng mga alituntunin na susundin para sa kaukulang pag-iingat.
Hindi nakatutulong ang reaktibong pamamaraan sa disaster management tulad ng nabanggit na nauuwi sa nakaugaliang pagsisisihan at kadalasang paghuhugas kamay ng mga ahensiyang naatasan upang ibsan ang pinsalang maaaring idulot ng mga natural na kalamidad na sumasapit at nakaaapekto sa buhay ng bawat Pilipino.
Tanggap ng marami na palaging nandiyan ang panganib at pinsalang maaaring idulot ng mga bagyo at lindol sa ating buhay. Dumarating ang mga ito ng may kasiguruhan na kaparis ng pagsikat ng araw katunayan ay kinakapos ang alpabetong Pilipino upang ipangalan sa mga bagyong nagdaan sa bansa. Wala tayong iwas sa mga sigwang ito ngunit kakayanin nating maging ligtas gaano man ito katindi.
Panahon na upang baguhin ng National Disaster Coordinating Council (NDCC) ang kanilang oryentasyon tungo sa isang pananaw pangkaligtasan para sa mga mamamayan. Nakikiusap na ang pagkakataon upang magpatupad sila ng istratihiya kaugnay sa kanilang mandato na mahusay nilang natutupad- ang pagtulong sa mga biktima ng kalamidad gaano man kalawak. Sa laki ng kanilang pondo ay ano kaya kung gunawa sila ng kaparaanan sa kung paano ang mga Pinoy ay hindi maging biktima ng kalamidad?
Sana ay binuksan ng Bagyong Frank ang isipan ng mga kinauukulan. Ang pinsalang kanyang iniwan ay nakapanghihilakbot. Nawasak ang maraming ari-arian, pampubliko man o pribado kabilang ang ating mga pananim na pantugon natin sa krisis ng pagkain. Daan-daang buhay rin ang nangawala sanhi ng mga pagbaha sa mga lugar na ngayon lang nila naranasan. Biktima sila ng kawalang malasakit ng ilan nating kababayan, katulad sa mga namatay sa paglubog ng MV Princess of the Stars.(NANI CORTEZ)
Marami pa rin ang nagkukunwaring nangabibigla sa dulot nitong pinsala, pinalilitaw na nasorpresa sa kaganapan sa kabila ng katotohanang batid na nila na ang mga likas na sakunang sumasapit ay pabalik-balik lang tulad ng paglakad ng mga araw sa bawat panahon, at inilalabas ang pagka-henyo sa dagliang pagbuo ng mga alituntunin na susundin para sa kaukulang pag-iingat.
Hindi nakatutulong ang reaktibong pamamaraan sa disaster management tulad ng nabanggit na nauuwi sa nakaugaliang pagsisisihan at kadalasang paghuhugas kamay ng mga ahensiyang naatasan upang ibsan ang pinsalang maaaring idulot ng mga natural na kalamidad na sumasapit at nakaaapekto sa buhay ng bawat Pilipino.
Tanggap ng marami na palaging nandiyan ang panganib at pinsalang maaaring idulot ng mga bagyo at lindol sa ating buhay. Dumarating ang mga ito ng may kasiguruhan na kaparis ng pagsikat ng araw katunayan ay kinakapos ang alpabetong Pilipino upang ipangalan sa mga bagyong nagdaan sa bansa. Wala tayong iwas sa mga sigwang ito ngunit kakayanin nating maging ligtas gaano man ito katindi.
Panahon na upang baguhin ng National Disaster Coordinating Council (NDCC) ang kanilang oryentasyon tungo sa isang pananaw pangkaligtasan para sa mga mamamayan. Nakikiusap na ang pagkakataon upang magpatupad sila ng istratihiya kaugnay sa kanilang mandato na mahusay nilang natutupad- ang pagtulong sa mga biktima ng kalamidad gaano man kalawak. Sa laki ng kanilang pondo ay ano kaya kung gunawa sila ng kaparaanan sa kung paano ang mga Pinoy ay hindi maging biktima ng kalamidad?
Sana ay binuksan ng Bagyong Frank ang isipan ng mga kinauukulan. Ang pinsalang kanyang iniwan ay nakapanghihilakbot. Nawasak ang maraming ari-arian, pampubliko man o pribado kabilang ang ating mga pananim na pantugon natin sa krisis ng pagkain. Daan-daang buhay rin ang nangawala sanhi ng mga pagbaha sa mga lugar na ngayon lang nila naranasan. Biktima sila ng kawalang malasakit ng ilan nating kababayan, katulad sa mga namatay sa paglubog ng MV Princess of the Stars.(NANI CORTEZ)
Monday, June 23, 2008
WHO IS NANI CORTEZ?
What is in a name? Name is nothing but a group of letters put together to produce a distinct sound every time it is read and pronounced. A name is insignificant unless it is attached to a specific thing like a statue or to a specific place like birth city of a noted personality like a hero or to a person with sterling qualities. The name is use to recon something worth remembering or worth talking about. A name factors in as a universal denominator of his value to fellow. That is in a name. The personality behind the name give it value and the worth to his environment.
In a name like ERNANI “NANI” CASTILLO CORTEZ is there something to ring a bell? It is a plain name to other with nothing but trivial meaning. It is a naught analogous to hundreds perhaps thousand bearing the calling in many places with Spanish sounding languages but for us in Seven Lakes Press Corps the name Nani Cortez signifies the presidency of the corps, the unassuming writer, a media man who never get tired in search for truth and part it to his readers. Not the value in term of peso of a scoop but the worth of a story. He is a true blue blood media man who checks and double checks his facts before releasing them for publication.
Nani Cortez is a reporter whose prose can give life and excitement to otherwise monotonous events. He gives dept into one-dimensional story with his razor-sharp analyses and pointed correlations of them to persons and personalities creating the news. How it impacts every one thus, giving a local news national significant and national news local relevance is patent in his hypothesis. He is an under-rated writer in term of acknowledgment and of course in term of compensation. Had he chose to hang about in national broad sheet and be an AC/DC correspondent he could have been a affluent man now. Who are Batuigas and Tulpos to his writing prowess?
But his being is designed to be of service to local communities. He finds fulfillment writing about real people not the ones whose images were created by media releases for specific ends. He rather shares his talents with budding reporters whose minds have not been polluted and corrupted by the system of formatted journalism.
Yes Nani opted a simple living around many straightforward friends. Big politicians woe him to become their public relation writer but he loves independence of mind. He loves to inscribe what he thinks merit writing even without incentive. He supports cause and meaningful thoughts, something that will promote the enhancement of the majority meaning the masses and not spouse selfish interest. Going out of his way to drive his message is not novel to him. Not the gold or gun could bring to a halt his exposes but a whisper from esteemed buddy can tame the fang of his bites.
To us JULY ONE is a marked day for a friend. A day when a man was born destined to be in the media. The unrewarding life he chooses to pursue and be at his best. The choice that makes the man happy and be in communion with himself, HAPPY BIRTHDAY NANI. (Sandy Belarmino)
MALAYA NA PO TAYO, MAM
Langit nang maituturing para sa isang bansa na makaraang magtigis ng dugo at magdusa ng walang hanggang pagpapakasakit ay makapagtamo ng paglayang inaasam. Glorya ito para sa kanyang mamamayan ngunit sa pasubaling kung hindi mag-iimbot ang mga namiminuno sa bayan ay patuloy na magpapahalaga sa ating kalayaan.
Makailang ulit nang natala sa kasaysayan na pinatunayan ng ating mga nagdaang lider na bagama’t ganap pa sa ubod ng dalisay ang natamo nating kalayaan ay wala silang kahandaan na unawain ang ibig nitong ipakahulugan. Ano man ang kanilang kadahilanan, pang sarili o pang-bayan man, ay iisa ang magiging kasagutan – nagbabalik ang kanilang kaisipan sa pagka-busabos ng pagka-alipin.
Sino ba naman sa mga mag-aaral ng kasaysayan ang makalilimot nang itaas ni Pangulong Emilio Aguinaldo ang watawat ng lahi sa Lalawigan ng Cavite bilang sagisag ng pagsasarili? Sariwa pa rin sa ating alaala ang kombensyon Konstitusyunal para sa ating saligang batas sa Malolos, Bulacan. Maraming marurunong ang nakiisa upang maging bahagi ng naturang yugto ng ating nakaraan.
Subalit talagang may panghalina ang Pilipinas. Matapos ang pamamayagpag ng mga kastila sa loob ng tatlong daang taon ay naakit naman ang bansang Amerika upang sila naman ang manakop.
Habang buong giting na ipinaglalaban ni Pangulong Aguinaldo ang ating kalayaan ay buong gilas namang sinasalubong ng mga ilustrado ang mga Amerikano, na hindi pa nagtatagal ay katulong ng pangulo sa paglikha ng saligang batas ng unang republika. Namayani ang mga dayuhan na nagresulta sa ilang dekadang panunupil sanhi upang mauntol ang ating kalayaan.
Nagamit ng marurunong ang kanilang talino laban sa bayan kapalit ng mga ipinangakong posisyon ng mga Amerikano sa kanilang itinatag na pamahalaan. Ang mga magigiting na nagpatuloy sa pakikipaglaban ay ang siyang pinaratangan pang siyang nagtaksil sa bayan.
Muli tayong lumaya noong 1946 pagkaraan ng maraming dekada ng mga pagtitiis at pagiging alipin sa sariling bayan. Subalit gaano ba tayo kahanda? Wari’y hindi pa dahil nakasanayan na ng ating mga lider ang pagiging busabos na kinailangan pang amyendahan ang saligang batas upang mapagbigyan ang PARITY RIGHTS pabor sa mga Amerikano.
Noon hanggang ngayon ay hawak pa ng ilang lider natin ang tsupon na handog ng mga dayuhan, natatakot itapon dahil sa pangambang masuklam ang itinuturing na kaibigan. Hindi mailapag man lamang, hindi makakilos ni makagalaw sapagkat bagama’t tayo ay malaya na ay nananatili sa kanilang kaisipang ang damdamin ay pagka-alipin. Malaya na po tayo, Mam. (NANI CORTEZ/President 7LPC)
Makailang ulit nang natala sa kasaysayan na pinatunayan ng ating mga nagdaang lider na bagama’t ganap pa sa ubod ng dalisay ang natamo nating kalayaan ay wala silang kahandaan na unawain ang ibig nitong ipakahulugan. Ano man ang kanilang kadahilanan, pang sarili o pang-bayan man, ay iisa ang magiging kasagutan – nagbabalik ang kanilang kaisipan sa pagka-busabos ng pagka-alipin.
Sino ba naman sa mga mag-aaral ng kasaysayan ang makalilimot nang itaas ni Pangulong Emilio Aguinaldo ang watawat ng lahi sa Lalawigan ng Cavite bilang sagisag ng pagsasarili? Sariwa pa rin sa ating alaala ang kombensyon Konstitusyunal para sa ating saligang batas sa Malolos, Bulacan. Maraming marurunong ang nakiisa upang maging bahagi ng naturang yugto ng ating nakaraan.
Subalit talagang may panghalina ang Pilipinas. Matapos ang pamamayagpag ng mga kastila sa loob ng tatlong daang taon ay naakit naman ang bansang Amerika upang sila naman ang manakop.
Habang buong giting na ipinaglalaban ni Pangulong Aguinaldo ang ating kalayaan ay buong gilas namang sinasalubong ng mga ilustrado ang mga Amerikano, na hindi pa nagtatagal ay katulong ng pangulo sa paglikha ng saligang batas ng unang republika. Namayani ang mga dayuhan na nagresulta sa ilang dekadang panunupil sanhi upang mauntol ang ating kalayaan.
Nagamit ng marurunong ang kanilang talino laban sa bayan kapalit ng mga ipinangakong posisyon ng mga Amerikano sa kanilang itinatag na pamahalaan. Ang mga magigiting na nagpatuloy sa pakikipaglaban ay ang siyang pinaratangan pang siyang nagtaksil sa bayan.
Muli tayong lumaya noong 1946 pagkaraan ng maraming dekada ng mga pagtitiis at pagiging alipin sa sariling bayan. Subalit gaano ba tayo kahanda? Wari’y hindi pa dahil nakasanayan na ng ating mga lider ang pagiging busabos na kinailangan pang amyendahan ang saligang batas upang mapagbigyan ang PARITY RIGHTS pabor sa mga Amerikano.
Noon hanggang ngayon ay hawak pa ng ilang lider natin ang tsupon na handog ng mga dayuhan, natatakot itapon dahil sa pangambang masuklam ang itinuturing na kaibigan. Hindi mailapag man lamang, hindi makakilos ni makagalaw sapagkat bagama’t tayo ay malaya na ay nananatili sa kanilang kaisipang ang damdamin ay pagka-alipin. Malaya na po tayo, Mam. (NANI CORTEZ/President 7LPC)
Subscribe to:
Posts (Atom)
