CHURCH OF CHRIST (SAN PABLO CITY)

SAN PABLO CITY CHURCH HISTORY - Ang Church of Christ ay nakarating sa Lunsod ng San Pablo noong Agosto, 1910. ang pagdating ng Ebanghelyo ay sa pamamagitan ng pangangaral ng dalawang misyonerong nagmula sa kamaynilaan sa katauhan nina Juan Baronia at Daniel Flores. Sa loob ng dalawang buwang pangangaral ay limang pamilya ang tumanggap ng mabuting balita na binubuo ng 25 miyembro. Ang limang pamilya ang mga sumusunod: AGUILAR, ALCAZAR, CANLAS, CARBUNGCO at SALUDO.

Ang pangangalaga sa batang Iglesia ay buong sikap na isinakatuparang nang itala bilang mga diakono na sina Martin Saludo at Gregorio Ibañez. Sina Ester Flores at Flora Aguilar naman ang itinalaga bilang mga diakonesa.

Sa pagtutulungan ng mga kapatiran ng Iglesia ay nakabili ng lote at nakapagtayo ng Bahay-Sambahan sa Kalye G. Lopez, subalit lumipas ang mga panahon, ang Iglesia ay nahati. Ang isang grupo ay tinawag na Church of Christ (Disciples) at ang isa namang grupo ay tinawag na Church of Christ (1901 o Missionaries) na sa ngayon ay ang ating kinaaniban. Ang dalawang grupo ay tuluyang nagkahiwalay ng maayos upang makapangaral ng mga kalayaan.

Taong 1932 ang grupo ng Church of Christ (1901) na may 30 miyembro ng panahong yaon ay lumipat at muling nagtipon sa bahay ni Matias Alcazar sa Kalye Lakandula (malapit sa Franklin Baker Co.) sa pangunguna ni Daniel Flores. Sa paglipas pa ng mga panahon ay patuloy na dumarami ang mga kapatiran ng Church of Christ (1901) kung kaya’t kinakailangang maghanap ng malaking lugar ang Iglesia. Sa pagkakataong yaon ang Iglesia ay lumipat sa bahay ni Sebastian Odonel sa Paterno St.. Lumipas pa ang maraming taon hanggang sa dumating ang ikalawang digmaang pandaigdig at patuloy na dumarami ang mga kapatiran.

Taong 1940-1944 - Sa panahon ng ikalawang digmaang pandaigdig, walang makitang ulat o napatala sa kasaysayan ng Iglesia. Matapos ang digmaang nabanggit (1945-1949) ang mga kapatiran ay nagtipong sa isang gawang Bahay-Sambahan na hindi maganda ang pagkakayari na matatagpuan sa Gen. Malvar St.. Ngayon, ito ay ang panulukan ng Balagtas Blvd. at P. Cabrera St., kasalukuyang nakatayo ang isang car wash. Mga matanda sa Iglesia Escolastico Martin, Pedro Atienza, Cresenciano Orillaza. Mga dumadalaw na mangangaral: Santos Formales, Jose Oro, may pagkakataong si Cresenciano Orillaza ang gumaganap na mangangaral.

Taong 1950-1956 - Muli ay patuloy na dumami ang mga kapatiran. Kinakailangan ang muling paglipat. Sa pagkakataong yaon, ang mga kapatiran ay nagtitipon sa Bahay Sambahan na nakatayo sa lote na pag-aari ni Pedro San Agustin. Ito ngayon ay ang katabing lote ng Marilyn’s Restaurant sa Schetelig Avenue. Matagal ding panahon na nanatili ang Iglesia sa dakong yaon. Ang mga aktibong opisyales ng Iglesia ng panahong yaon ay sina Raymundo Emralino, Pedro Orillaza, Emilio Vida, Gonzalo Carbungco, Cerilo Canlas, Cresenciano Orillaza, Mariano Aguilar, Eliza Alcazar Alon, Pablo Canlas, Maring Canlas, Esperanza Saludo Bombio, at Clemente Bombio. Ito ay sa panahon ng mangangaral na sina Santos Formales at Jose Oro.

Taong 1957-1963 - Patuloy ang mga gawain ng Iglesia at patuloy din ang mga panalangin. Bunga ng maningas na panalangin ng Iglesia, binuksan ng Panginoon ang puso ni Hospicio Cornista. Inialok niya ang kanyang lupa sa halagang P1,000.00 na sa katotohana’y kalahati lamang ng tunay na halaga ng lupa. Nagtulong-tulong ang mga kapatiran at nakalikom ng halagang P1,500.00.

Nabili ang lote na may sukat na 213 metro kuwadrado at nagpatayo na rin ng Bahay-Sambahan. Natayo ang Bahay-Sambahan sa pamamagitan ng pagtutulungan ng mga magkakapatid maging sa paggawa ng concrete hollow block.

Ang lupa at Bahay-Sambahang ito ay ang kasalukuyang kinatatayuan ng ating kapilya na matatagpuan sa panukulan ng Schetelig Avenue at Balagtas Blvd.

Noong Nobyembre 9, 1972 ay napatala ang pangalan ng Iglesia (Church of Christ at San Pablo City, Inc.) sa Securities and Exchange Commission. Si kapatid na Pedro Orillaza ang unang Chairman ng Board of Trustees.

Taong 1974 - Isang napakalaking pagsubok ang dumating sa Iglesia ng San Pablo City simula 1974 hanggang 1978 subalit ito’y ginabayan ng Panginoon na malampasang matiwasay ng kapatiran. Sa katunayan nga’y taong 1975 ay natatag ang Iglesia sa dako ng Calauan, Laguna. Nagkaroon ng pangangaral ng Salita ng Dios gabi-gabi ng buwan ng Abril, 1975. marami ang nagsitanggap sa Panginoon dahilan upang matatag ang Iglesia sa Calauan, Laguna. Taong 1975, ika-29 ng Abril, isang gabi ng pangangaral ng Salita ng Dios sa Calauan, Laguna, isang trahedya ang nangyari sa mga kapatid na nakasakay sa isang sasakyan na pag-aari ni Kptd. Jose Oro patungo sa dako ng Calauan, Laguna. Ang sasakyan ay bumangga sa isang pampasaherong bus. Sa nasabing aksidente ay namatay sina Kptd. Raymundo Emralino (Elder ng Church), Kptd. Elisa Alon (Deakonesa) at ang driver ng sasakyan. May mga kapatid na nasaktan, may nabalian ng buto sa paa, Kptd. Na Josefina Rivera (Deakonesa), subalit may mga kapatiran na hindi nasaktan.

Dahil sa nabanggit na malaking pagsubok ay may mga kapatid na lumabas pansamantala gaya ng Kptd. na Pedro Orillaza Sr. na pansamantala ring tumulong sa Calauan, Laguna bilang evangelist, Bro. Ismael Orillaza, pansamantalang nanambahan sa dako ng Lakeside Park Church of Christ na ang mangangaral ng panahong yaon ay si Kptd. Ricardo Moldogo, kasama si Kptd. Amador Tan Sr. Ang buong sambahayan ni Cresenciano Orillaza Sr. ay dumako sa Iglesia sa San Diego, San Pablo City hanggang sa tuluyan nang maging permanent members sampu ng kanyang mga anak at anak ng kanilang mga anak na sa panahong ito ay nagagamit ng Iglesia sa San Diego, San Pablo City.

Taong 1977 to 1978 – Dahil sa mabigat na pagsubok ay lumabas na ang layunin o motibo ng isang mangangaral subalit mayroong mga kapatiran na gumawa ng paraan upang hindi mangibabaw ang anumang personal na motibo sa loob ng kapatiran. Nangyari ang dapat na mangyari, napaalis ang naulit na mangangaral subalit sumama sa kanya ang halos 40% ng kapatiran, halos 20% ng kapatiran ay nanghina hanggang manglamig, subalit sa gabay ng Panginoon ay halos 40% naman ng kapatiran ang namalagi at buong tatag na naiwan. Ang mga nanatiling kapatiran ay buong ningas na dumalangin upang magpadala ang Dios ng isang tunay na mangangaral na siyang maninindigan sa Turo at Aral ng Iglesia.

Taong 1978 - Sinagot ng Panginoon ang dalangin ng Iglesia na magpadala ng isang mangangaral upang muling ibalik ang halos wasak nang kalagayan ng Iglesia sa kabuuan at ito ay tumutugon sa pangalang Melchor Maldupana. Sa loob ng anim na taong pamamalagi ni Bro. Mel (1978-1985) ay muling bumalik ang kayusan sa Iglesia (spiritually, physically, materially at financially) sa tulong, gabay at pagpapala ng Panginoon.

Taong 1982 - Ang Iglesia ay nakabili ng isang na lupa na may sukat na limang daan at pitumpo (570) metro kuwadrado sa C. Brion St. (Labak) San Pablo City sa halagang limapu’t pitong libong piso (P57,000.00)

Taong 1984 - Ang Iglesia ay nagpatayo ng Pastoral House sa nabiling lupa taong 1982 upang tirahan ng kasalukuyang mga ministro ng Iglesia na sina Kptd. Ferdinand Rosete at Rustom Pel. Ang halaga ng pagpapatayo ng Pastoral House (duplex) ay P111,664.09.

Taong 1989 - Ang Iglesia ay nakalibi ng isang lagay na lupa sa bayan ng Dolores, Quezon sa halagang P55,000.00 at may sukat na 1,431 metro kuwadrado.

Taong 1990 - Ang Iglesia ay nakabili ng lupa at bahay sa katabing lote ng Bahay-Sambahan sa halagang P450,000 at may sukat na 105 metro kuwadrado.

Taong 1991 - Ipinagbili ng Iglesia ang Pastoral House (Duplex) sa halagang P410,000, gayun din ang lupa sa Dolores, Quezon sa halagang P116,000.00.

Ang Iglesia ay nagpa-renovate ng bahay sa nabiling lote na katabi ng Bahay-Sambahan sa halagang P413,583.80. Ang nasabing nagastos sa renovation ay galing sa mga naipagbiling lote sa Dolores, Quezon at Pastoral House (Duplex) sa C. Brion St. (Labak). Sa kasalukuyan, ito ay ginagamit bilang silid-aralan ng mga bata sa Sunday School.

Taong 1992 - Karagdagang renovation ng Children Sunday School sa pamamagitan ng paglalagay ng mga divider, pagpapa-pintura sa loob at sa labas sa halagang P23,000.00.

Taong 1993 - Ang Iglesia sa pamamagitan ng Board of Officers ay nagpasiyang magtayo ng paaralan para sa maliliit na bata (Preparatory School). Ang maliit na pasimula ay ganap na naisakatuparan sa loob ng 7 taon. Sa pangunguna ni Kptd. Ismael Orillaza bilang Administrador, ang paaralan sa ngayon ay isa nang kumpletong paaralang elementarya (Pre-Elementary and Elementary School) na kila sa pangalang “The San Pablo Christian School, Inc.”

Taong 1994 - Nabili ng Iglesia ang isang lote na may sukat na 193 metro kuwadrado sa halagang 545,000 sa Schetelig Avenue, San Pablo City at ito ay sa pagtutulungan ng mga kapatiran dito sa San Pablo City.

Taong 1996 - Nagpatayo ang Christian School ng dalawang silid-aralan sa loteng may sukat na 193 metro kuwadrado sa halagang P322,164.40.

Taong 1997 - Nagpatayo ang Iglesia sa kaliwang bahagi ng Bahay-Sambahan ng isang 2 ½ storey building na sa kasalukuyan ay ginagamit bilang pastoral house sa halagang P188,784.80.

Taong 1998 – Nagpatayo muli ang San Pablo Christian School ng isang gusali na may tatlong-palapag (3 storey Building) sa loteng nabili ng Iglesia noong taong 1994 sa halagang P1,125,963.00.

January, 1999 - Binuksan ang Iglesia sa Dolores, Quezon sa pangunguna ng mga kalalakihan ng San Pablo City Church of Christ (Bro. Ed Millares-Pangulo; Bro. Ave Lajara – Pangalawang Pangulo). Lumipas ang ilang panahon nakabili ng lote na may sukat na 150 metro kuwadrado sa halagang P150,000.00 subalit ito ay pinabayaran lamang ng kalahati (P75,000.00) at sa pamamaraang buwanang hulugan hanggang sa lubusang mabayaran. Nakapagpatayo rin ng Bahay-Sambahan sa halagang P127,354.00. May panahon na ang Iglesia sa Dagatan (Dolores, Quezon) at Schetelig Ave, San Pablo City ay magkatulong upang lalo pang maisulong, mapasigla at mapatatag ang kanyang kalalagayang pisikal at ispiritwal. Sa kasalukuyan, ang Iglesia sa Dagatan, Dolores, Quezon ay sinusuportahan ng Iglesia San Diego, San Pablo City sa pangunguna ni Kptd. Ricardo Moldogo at Kptd. Amador Tan Jr..

September, 1999 - Binuksan ang gawain sa Santiago I, San Pablo City. ang outreach na ito ay pinasimulan ng mga kapatid sa Calamba, Laguna at may ilang panahon na ang Calamba Church of Christ at San Pablo City Church of Christ ay nagkatulungan. Subalit sa panahong ito ay ipinagpapatuloy na muli ng mga kapatiran sa Calamba, Laguna. Nakabili na rin ng sariling lote at kasalukuyan ding nagpapatayo ng Bahay-Sambahan.

October, 2000 - Ganap na nagsimula ang Outreach sa San Crispin, San Pablo City. Kasabay ng pagsisimula ang isang tapos na Bahay-Sambahan na nagkakahalaga ng P456,059.45. Ang lote na pinagtayuan ng Bahay-Sambahan na may sukat na 374 metro kuwadrado ay kusang kaloob ni Sis. Luring de Mesa Orillaza.

July, 2002 - Binuksan ang Outreach sa San Marcos, San Pablo City - Ang San Crispin Outreach ang may malaking bahagi kung bakit nabuksan ang Outreach sa San Marcos. Ito ay sa pangunguna ni Bro. Francis Mariano na noon ay Ministro ng San Crispin. Sa kasalukuyan ang outreach sa San Marcos ay mayroon ng sariling Bahay-Sambahan. Dahilan sa pagmamalasakit ni Sis. Lucia Becina na magkaroon ng maayos-ayos na dako, na mapagtitipunan ng mga kapatiran ay kusang loob niyang ipinagamit ang bahagi ng kanyang bahay upang gawing Bahay-Sambahan. Ito ay walang kaupahan maging ang paggamit ng kuryente at tubig.

Taong 2002 - May mga kapatiran na nagkaloob ng 3 units, 3 toner refrigerated type aircon na hanggang sa ngayon ay ating nakikita, maging ang kaginhawahan sa ating katawan ay ating nararamdaman.

Taong 2002 - Natayo ang Iglesia sa Colago Avenue, San Pablo City, sa pangunguna ni Bro. Pablo Carbungco.

Taong 2004 - Ang Outreach Ministry na sinimulan noong taong 2000 sa pangunguna ni Bro. Ismael Orillaza bilang Chairman, au nagkaroon ng opisyal na pangalan at sariling opisina. Ito ay tinawag na Schetelig “Church of Christ Outreach Ministry” o SCCOM. Niloob ng Panginoon na ito ay maisakatupran sa pamamagitan ng mga kapatid sa ibang bansa at maging dito din sa San Pablo City na buong pusong nagpaunlak na tumulong bilang mga sponsors ng outreach ministry. Sa kasalukuyan, ito ay pinapangunahan nina Bro. Kevin Ticzon bilang Chairman at Bro. Ismael Orillaza bilang Vice-Chairman.

October 2004 - Binuksan ang outreach sa Sta. Veronica, San Pablo City. Sa unang taon ang Sta. Veronica Outreach ay nanambahan sa isang pansamantalang built-in chapel, subalit pagkalipas ng isang taon, isang lote ang nabili ng Sta. Veronica Outreach na may sukat na 372 metro kuwadrado sa halagang P260,400.00. Nakapagpatayo na rin ng Bahay-Sambahan sa halagang P147,441.05. Sa panahong ito ay patuloy pa rin ang mga pagawain sa Sta. Veronica Outreach gaya ng comfort room, ceiling at painting works. Ang mga pagawaing ito ay kusang kaloob ng isang mag-asawa na gayon na lamang ang kanilang pagmamahal sa mga kapatiran sa Sta. Veronica Outreach.

February, 2005 - Muling binuhay ang pansamantalang natigil na pananambahan sa Iglesia sa Calumpang, Liliw, Laguna. Dahilan sa pagmamalasakit ng isang mag-asawa ( Bro. Frank at Sis Frannie Orillaza) muling nabuksan ang Iglesia sa Calumpang subalit ito ay tinawag na Calumpang Outreach sa kadahilanang ito ay suportado ng Schetelig Church of Christ Outreach Ministry (SCCOM).

Taong 2005 - Nagkaloob ang mag-asawang Paul at Francing Aguilar Jr. at Garden State Christian Church New Jersey USA ng mga aklat na humigit kumulang sa anim na raan (600) at dalawang units ng personal computer with printer, scanner at video-camera.

Taong 2006 - Ang Iglesia sa Lunsod ng San Pablo (Church of Christ San Pablo City) ay patuloy sa paglago sa bilang, sa pagkakaisa, sa pananampalataya at sa pag-asa sa buhay na walang hanggan na siyang ipinangako ng Panginoong Hesus sa Kanyang Iglesia. SA KANYA ANG KAPURIHAN!!

IKA-11 KONPERENSYA NG NCAA SOUTH, GAGANAPIN SA SAN PABLO

SAN PABLO CITY - Bilang tagapangulo ng 11th Season ng National Collegiate Athletic Association (NCAA) South, iniulat ni former PBA Commissioner Jose Emmanuel “Noli” M. Eala na ang mga opisyal na paglalaro ay gaganapin dito sa Lunsod ng San Pablo sa pagtangkilik ng San Pablo Colleges.

Sa kasalukuyan, ang mga competition sports na itinatampok sa komperensya ng mga kolehiyong nakatatag dito sa Timog ng Maynila ay basketball, volleyball, football, swimming, chess, badminton, taekwando, at pingpong o table tennis. Ang demonstration sports ay boxing, at beach volleyball. Ang kahalok na mga institusyon ay ang Don Bosco Technical College sa Mandaluyong City, Lyceum of the Philippines University sa Batangas City, First Asia Institute of Technology and Humanities sa Tanauan City, University of Perpetual Help System sa Biñan, Laguna, Colegio de San Juan de Letran sa Calamba City, San Beda College sa Alabang, Muntinlupa City, De La Salle Lipa City, Philippine Christian University-Dasmariñas, Cavite; at San Pablo Colleges sa lunsod na ito.

Sa press conference na ginanap sa President Hall ng San Pablo Colleges noong nakaraang Martes ng tanghali, na dinaluhan ng mga bumubuo ng Policy Board and Management Committee, ipinahayag ni Eala na ang operning ceremonies para sa pagsisimula ng basketball competition ay sa Sabado, Agosto 29, simula sa ganap na ika-5:00 ng hapon sa pinaunlad na SPC Gymnasium. Subali’t bago ang paglalaro, ay magkakaroon ng ceremonial tree planting sa kapaligiran ng Sampaloc Lake sa pakikipag-ugnayan kay Alkalde Vicente B. Amante, at mula sa kapaligiran ng City Hall ay magsasagawa ng pagparada ng mga manlalaro hanggang sa kampus ng San Pablo Colleges sa kahabaan ng Hermanos Belen Street.

Sa unang pagkakataon, ang host school, sa pakikipagtulungan ng San Pablo City Fashion Designers Association ay magtataguyod ng pagpili ng Miss NCAA South, at Mr. NCAA South, at ang mga kandidata at kandidato ay ang mga sumusunod: Colegio de San Juan de Letran: Lorraine Ramirez at Brian Jerico B. dela Rosa; De La Salle Lipa: Dawn Peral I. Dimayuga at Cyrus R. Vatha; Don Bosco Technical College: Jasmine May Sauza at Robbie R. Cruz; First Asia Institute of Technology and Humanities (FAITH): Mary Grace C. Pujanes at Jhun R. Pescadero; Lyceum of the Philippines University: Disayrey D. Sayat at John Raphael R. Panganiban; Philippine Christian University: Christine Joy Bender at Paul John Dabandan; Sazn Beda College: “Toni Mae Martinez at Nic Lawrence Manalo; San Pablo College: Cherrylyn G. Cus at Reymark A. Caponpon; at University of Perpetual Help: Rhea Rose Fatima L. Alvarez at Raymond T. Fortunado.

Ang basketball competition, kung saan ang Don Bosco ang depending champion, ay inaasahang matatapos sa o bago sumapit ang Oktubre 15

Ayon kay Dr. Maria Socorro M. Eala, Executive Vice President ng San Pablo Colleges, at kagawad ng Policy Board and ManCom Committee, layunin ng NCAA South na makapagpatatag ng isang pamantayan ng kahusayang sa paglalaro o athletic excellence, at mapagsakitang mapangalagaan at mapaunlad ang mga natamo ng tagumpay ng palatuntunan, samantalang pinagsisikapang mapaunlad ang paglikha ng mahuhusay na mag-aaral-na-manlalaro tungo sa kanilang ikapagiging mabubuting kagawad ng lipunan, sapagka’t ang paglalaro ay lumilikha ng pagiging mahusay sa pakikisama, mapagpaumanhin, at sariling pagsisikap na mapangalagaan ang kalusugan ng kanilang katawan..

Kaugnay ng pagiging host ng SPC sa 11th Session, humihiling si Dr. Eala sa pamayanang lunsod, na makipagtulungan, upang mapatunayan sa mga dayuhang mag-aaral-manlalaro na ang pamayanan ay marunong tumanggap at maginoo sa mga dumadalaw na mga kaibigan, at marunong maglaro. (SLPC/rt)

REP. IVY ARAGO, DAPAT IPAGMALAKI

Mapalad ang mga San Pableño nang maging panauhin si Quezon 2nd Dist. Cong. Proceso Alcala sa palatuntunang PAKSA ni Roni Mirasol sa Celestron Cable TV noong nakaraang linggo sapagkat direct from him ay nabigyang linaw ang maraming isyu sanhi ng mga maling akusasyong ibinabato sa Mts. Banahaw-San Cristobal Protected Landscape Act (HB 4299) na siya ang principal author.

Una rito ay tungkol sa 50 pamilya na diumanoy pinalikas na at naninirahan ngayon sa Brgy. San Cristobal, sinabi ng kongresista na 31 istraktura sa Brgy. Sta. Lucia, Dolores, Quezon, ang binigyan ng notice, kung saan 15 lang ang tumanggap ng notice noong Nobyembre, 2008, at sa pagbabalik ng PAMB noong Pebrero, 2009, ay nakakita ang mga ito ng dalawang abandonadong istraktura, ito ay kanilang dinimolis na at sa kasalukuyan ay ito pa lang dalawang ito ang natatala na abandonado pa.

Imposible umano ayon pa kay Cong. Alcala na walang public hearing na naganap nang tinatalakay pa ang panukala sapagkat lahat ng dokumento ay magpapatunay na ito’y nagdaan dito at pawang authenticated.

Kinikilala rin ng batas ang mga tenured migrants at mga karapatan ng mga ito subalit kung may notice kang matatanggap ay mangangahulugan ito na walang karapatang mamalagi sa Mt. Banahaw sa ilalim ng isinasaad ng NIPAS Act.

Madali aniya ang magsabi ng kanilang karapatan subalit kung biglang may dumating na tribu mula sa Mindanao at namalagi sa Mt. Banahaw, sumisigaw at ipaglalaban ang kanilang karapatan ay dapat ba natin itong kilalanin? Ganito rin ang paniniwala sa Dolores, Quezon kaya nga’t umabot ang reklamo sa San Pablo City, dapat aniya ay win-win solution ang ipatupad at huwag laging opensiba.

Dapat rin aniyang ipagmalaki si Laguna 3rd District Congresswoman Ivy Arago bilang co-author ng HB 4299 sapagkat nangangahulugan na alam ni Rep. Arago ang suliranin natin ukol sa environment at gumagawa siya ng pamamaraan upang ito ay malunasan.

Napatunayang maling lahat ang akusasyon ng kampo ni BM Karen Agapay sa HB 4299, na kung iyong pag-aaralan ay may bahid pulitika sapagkat ang tunay na pakay ay bigyang dungis ang malinis at magandang record ni Cong. Ivy Arago sa mata ng publiko. Tigilan na po ninyo ito sapagkat sa pagdaan ng mga araw ay lalo kayong lumulubog at lumalabas na kahiyahiya sa paningin ng taumbayan. (SANDY BELARMINO)

LILIW BEST OTOP IMPLEMENTER, SAN PABLO CHAMBER OF COMMERCE MOST SUPPORTIVE PARTNER

Santa Cruz, Laguna - The Municipality of Liliw was selected the Best OTOP Implementer award during the National OTOP Awards - provincial level selection at the Cultural Center in Santa Cruz yesterday, August 17, 2009.

Liliw Mayor Cesar Solivit claimed the award and a cash prize of P15,000.

Winning the Best OTOP SME category is Ai-She Footwear of Liliw, the renowned footwear capital of Calabarzon. Corazon Coligado, the entrepreneur behind the fast-growing enterprise, received a cash award of P15,000. Ai-She Footwear, with its winning footwear made of water lily fibers, also won the most innovative product award during the OTOP Luzon Island Fair in July at the SM Megatrade Hall at the SM Megamall.

The San Pablo (City) Chamber of Commerce and Industry, chosen as the most supportive OTOP partner organization, receives P10,000 cash prize.

The Best OTOP Implementer Award is given to the local government units who have shown enthusiasm in implementing OTOP; has committed resources and have taken concrete action towards the attainment of the program’s objectives.

The Outstanding OTOP SME is given to the enterprise that have cooperated with the LGUs and partner agencies; has invested resources in the program; and has contributed to the local economy in terms of employment and trade.

The Most Supportive Partner Organization award is given to OTOP partner organizations that provide crucial assistance in terms of resources, program support, linkages, among others, which positively influenced the progress of the program.

Composing the board of judges charged in the selections are Mario Mamon, President, Laguna Chamber of Commerce and Industry; Dr. Virginia Cardenas, Vice-Chancellor for Community Affairs, University of the Philippines in Los Baños; Valentin Guidote, Jr., Laguna Provincial Planning & Development Officer; Lanie Lapitan, Provincial Coconut Development Manager of Philippine Coconut Authority Laguna Office; and Susan Palo, Provincial Director, DTI Laguna.

The three (3) winners will compete with their counterparts in Batangas, Cavite , Quezon, and Rizal - all in Calabarzon- at the regional OTOP awards in September.

Winners of the regional awards will then vie for the national level selection in October.

The National OTOP Awards aims to recognize the active participation and contribution of OTOP stakeholders; to motivate and challenge key players to support the program; to institutionalize OTOP Awards System as a mechanism to deepen & broaden involvement of stakeholders; and to identify benchmarks for upcoming OTOP projects.

The OTOP program, or the One Town, One Product Program, is a strategy to develop local micro, small and medium enterprises (MSMEs) in towns, cities, provinces or even regions possessing a strong domestic product base with local ingenuity and skills to be globally competitive consequently bringing out the prominence and uniqueness of each locality, or vice-versa.

Under the OTOP program, The Department of Trade and Industry (DTI) - in convergence with the LGUs and other agencies - provides assistance to entrepreneurs in forms of product and packaging development, management, and marketing strategies so that products or services would become attractive to both the domestic and international markets.

BALADAD ASSUMES HELM OF 202ND BDE

Rizal, Laguna - B/Gen. Jorge V. Segovia, Commander of Philippine Army 2nd Infantry Division has installed Co.. Leo B. Baladad as the new 202nd Brigade Commanding Officer-in-Charge vice Col. Bobby Calleja in an appropriate ceremony held here recently.

Col. Baladad is author of many books in military science dealing with rules on engagement, conflict management, civilian-military operations and other topics dealing with academic fields.

The 202nd Commander is a much sought after lecturer at the Philippine National Police Academy and his own alma mater Philippine Military Academy to which he belongs to Class ’82.

Col. Baladad brought with him his rich experience in the field, from actual combat to civil relations which the Armed Forces of the Philippines has adopted with much success in the campaign against insurgency.

The new Commanding Officer used to be deputy commander of 202nd BDE under Gen. Segovia until his promotion as Assistant Chief of Staff for Civil Military Operation (G7) Philippine Army last year at Fort Bonifacio.

Philippine Army Commanding General Delfin Bangit saw the leadership potential of Col. Baladad hence promoted him as 202nd BDE Commanding Officer.

The ceremony was witnessed by Mayor Rolen Urriquia, Fiscal Ante Gonzales, Laguna Police Director Manolito Labrador, P/Supt. Raul Bargamento, P/Supt. Kirby Kraft, Ltc Arnel Villareal, Ltc. Carlo Orcina, Ltc. Eduardo Torrizo, Ltc. Jaime Anawag Jr., junior officers and soldiers of the whole brigade. (NANI CORTEZ)

33RD NATIONAL MILO MARATHON IS SET ON SEPT. 6 AT SAN PABLO CITY

San Pablo City- All roads is set to the City of Seven Lakes this coming September 6, 2009 for the 33rd National Milo Marathon Elimination Race. City Mayor Vicente Amante will fire up the starting gun at 5:30 A.M. to signal the 21-K Run. While the 10-K Run, 5-K Fun Run and the 3-K Kiddie Run will kick-off at 6:00 A.M. Starting point will be at the Trese Martires St. going to Mabini Extension and around the Horseshoe Area.

More than 5,000 runners from the area and other adjoining cities and municipalities will be expected to join this prestigious event, according to City Sports Development Officer Emerson Alcos. Champions will receive P10,000 (21-K run), P5,000 (10-K run), P2,500 (5-K run) and P1,500 (3-K run). Runner-ups, 3rd to 10th placers also gets cash prizes. All winners will also get trophy/medal and a Certificate of Finish.

A non-refundable entry fee of P100 (21K & 10-K), P40 (5-K) and P30 (3-K) and 1 Milo Label (minimum of 300g) must accompany the accomplished/signed official entry form. All runners will receive their T-Shirt upon registration and submission of 300g Milo Pack.

Registration is on a first come first served basis. Entry form of participants below 18 y/o and children who are 7-12 y/o on Race Day must be signed by a parent/guardian. Children must also submit a photocopy of their birth certificate or school ID.

For further details and information proceed to the PESO Office, 3rd Flr., 8th Storey Bldg., City Hall Cpd. (CIO-SPC)

DENR REGION 4A, SUMUSUPORTA SA MTS. BANAHAW-SAN CRISTOBAL LANDSCAPE ACT

Lubusang sinuportahan ng Department of Environment and Natural Resources (DENR) Region 4A ang panukalang batas HB 4299 at SB 2392 na gawing ganap na batas upang higit na mapangalagaan ang likas na kalagayan ng Mt. Banahaw at Mt. San Cristobal para sa kapakanan ng mga Lalawigan ng Laguna at Quezon.

Nilinaw ni DENR Region 4A Director Red Nilo Tamoria na bagama’t may mga hakbang na silang ginagawa upang proteksyunan ang mga naturang bundok sa ilalim ng NIPAS Act of 1992 (RA 7586) ay higit nila itong mapapangalagaan kung tuluyang mapagtitibay ang mga nasabing panukala sapagkat mas magkakaroon ng ngipin ang PAMB (Protected Area Management Board) sa pagpapatupad ng mga forest law.

Ang PAMB ay binubuo ng mga stakeholders tulad ng NGO, barangay, at environment officers ng bayan-bayan at probinsiya na nasa paligid ng mga naturang kabundukan.

Positibo ang naging resulta ng kautusan ng PAMB ng kanilang ipagbawal ang pag-akyat sa Mt. Banahaw ilang taoon na ang nakakaraan. Muling tumubo ang mga puno at nagkaroon ng buhay ang tuyot na batis sa paligid nito.

Ito ang kadahilanan ayon kay Tamoria kung kaya’t nais ng kanyang tanggapan ang maagang pagsasabatas ng mga nasabing panukala na nagsimula ng talakayin noon pang 13th Congress at naisakatuparan lang ngayong 14th Congress sa pamamagitan nina Cong Proceso Alcala, Mark Enverga, Ma. Evita Arago at Edgardo San Luis.

May kasabay itong pagsusulong sa senado sa pamamagitan nina Senador Jamby Madrigal, Pia Cayetano, Miguel Zubiri at Miriam Defensor-Santiago. Kapwa unanimous na napagtibay sa dalawang kapulungan ang mga nasabing panukala.

Samantala ay matinding reaksyon ang ipinaabot ng PAMB bilang tugon sa privilege speech ni Bokal Karen Agapay sa Sangguniang Panlalawigan sa akusasyon na pagtatayo ng gold course sa kanilang nasasakupan.

Nakatakda nilang sulatan si Agapay upang alamin kung saan nanggaling ang kanyang impormasyon.