Monday, July 20, 2009

OPLAN SAGLIT, SAGIP BATANG YAGIT ng Candelaria MPS

Candelaria, Quezon - Masusing ipinatutupad na ng Municipal Police Station (MPS) ng bayang ito ang Oplan Saglit, Sagip Batang Yagit upang masagip ang mga batang pakalat-kalat sa mga lansangan laban sa mga masasamang elemento ng lipunan.

Ayon kay P/Supt Renato Alba, hepe ng kapulisan dito ay ginawa nilang bahagi ng naturang adbokasiya sa kanilang isinusulong na Barangay Visitation Program upang mabawasan ang street children sa mga lansangan nang sa ganoon aniya ay magawan ng paraan na mapabalik ang mga ito sa kani-kanilang tahanan.

Nakapaloob sa naturang adbokasiya ang pagdampot sa mga street children , pag-iimbistiga sa kung saan ang pinanggalingan at sino ang mga magulang upang maibalik sa barangay na nakasasakop sa mga ito.

Pinag-aaralan rin ng Candelaria MPS ayon kay SP02 Myrcelia Ladiana ng womens desk kung may kakayanan ang mga magulang ng mga batang yagit na sila’y papag-aralin. At kung hindi kaya ngunit gusto ng batang mag-aral ay kanila itong sinusuportahan.

Pangunahing ibinibigay ng Candelaria MPS sa mga batang yagit ay ang damit, pagkain at gamit pang eskwelahan. Tinuturuan din ang mga batang ito ng wastong asal at maging masunurin. (tribune post)

No comments: