M. LHUILLIER OPERATION TULI SA MALAMIG, TAGUMPAY!

Noong nakaraang Martes, ika 26 ng Mayo, ay matagumpay na naisagawa ng M. Lhuillier Pawnshop ang libreng pagtutuli sa 44 na kabataan ng Brgy. San Jose (Malamig), Lunsod ng San Pablo. Sa ilalim ng programa ng M. Lhuillier SEL OPEC ay patuloy na isinasagawa ng naturang kompanya ang pagkakaloob ng pag-alalay at pagtulong sa mga maralitang mamamayan sa mga bayan at lunsod na may mga sangay ang M. Lhuillier. Nakabalikat at nakaisa sa programang ito ang pamunuan ng Brgy. San Jose sa pangunguna ni Brgy Chairman and ABC President Gener B. Amante, San Pablo City Health Office na kinatawan ni Dra. Celino at mga nurses nito, at sa panig naman ng M. Lhuillier Pawnshop ay sina Regional Managers Melvin Balanghic, Ricardo Rioflorido, Roelito Ventocilla at Jason Lopez. Katuwang din sina Josephina Umali, Dominador Viñas, Maricel Calimlim, Caroline Gonzales at Miracle Miranda. Sa lunsod ng San Pablo ay matatagpuan ang sangay ng M. Lhuillier sa M. Basa at Flores Sts. Kung saan ay nagseserbisyo sila ng Quick Cash Loan, Money Changer, Assurance Plan at ML Kwarta Padala. (SANDY BELARMINO/VP Seven Lakes Press Corps)

OPERATION TULI SA MALAMIG

Nasa larawan ang ilan sa mga kabataang natulian ng libre sa isinagawang Operation Tuli ng M. Lhuillier Pawnshop sa Barangay San Jose Malamig, Lunsod ng San Pablo noong nakaraang Martes, Mayo 26. Nasa larawan sina Brgy. Kagawad Fidel Alvarez (ikalwa sa kaliwa), Kaddie Eronico (ikatlo mula sa kaliwa), Ginoong Tael at mga opisyales at tauhan ng naturang M. Lhuillier Pawnshop.(SANDY BELARMINO)

ANG BUHAY NGA NAMAN

Panahon na naman ng pasukan at tiniyak ng Kagawaran ng Edukasyon na lolobo ang bilang nga mga istudyanteng magbabalik at magpapa-enroll sa lahat ng antas mula elementarya, high school at maging sa koliheyo. Dahilan anila ito sa lumalagong populasyon ng bansa sa kasalukuyan.

Walang nakababatid kung gaano kahanda ang DepEd sa pagkakataong ito bagamat madalas nating madinig ang kanilang inilalabas na alituntunin ukol sa mga nararapat gawin ng mga school authorities ng bansa na kasing dalas nalalabag ng ilang mga guro sanhi sa maling interpretasyon sa kautusan, na ang iba nama’y talagang nilalabag lalo na ang paniningil sa mga bagay na hindi sakop ng direktiba.

Sa panig ng ating kapulisan partikular dito sa San Pablo City PNP sa ilalim ng pamunuan ni hepe P/Supt. Raul Bargamento ay naghayag na ng kahandaan upang umalalay sa mga mag-aaral ngayong pasukan.

0-0-0-0-0-0-0-0-0-0-0-0-0-0

Nanariwa sa pitak na ito ang diumanoy balak at pagnanais ng dating Administrasyong MBA na ipasa sa San Pablo City Trade School ang Dalubhasaan ng Lunsod ng San Pablo (DLSP) saka-sakaling mapagtitibay ang panukalang batas ng noo’y Cong. Danton Bueser na gawing unibersidad ang naturang trade school.

Naging ganap na batas nga ang nasabing panukala kaya nga’t ang Trade School ay kilala ngayong Laguna State Polytechnic University (LSPU) subalit sa kung ano mang kadahilanan ay nanatili ang DLSP at hindi natuloy ang naturang balakin.

Hindi naman talaga ito magtatagumpay sa dahilang tututulan ito ng mga San Pableño kung ito’y ipinagpilitan pa at nakatitiyak na magiging mariin ang paghadlang sa nasabing balakin sapagkat ang DLSP ang sagisag ng pagsisikap ng lunsod upang kalingain ang mga mahihirap na mag-aaral ng lunsod.

Ano pa’t makalipas ang mahabang panahon ay may pangyayaring kagulat-gulat na sumurpresa sa pitak na ito, sa dahilang kung paano naging handa ang LSPU at ang pangulo nito na kupkupin ang DLSP noon ay ika nga’y nagkaroon ng “twist of event” sa ngayon sapagkat ang LSPU at ang pangulo nito na ang “nagpa-adopt” o nagpa-ampon sa lunsod sa kasalukuyan.

Ang buhay nga naman, hindi mo mawari at minsan ay nakakatawa!!! (SANDY BELARMINO)

GEN. VERZOSA SUMABAK SA 10K TORCH RUN

Camp Vicente Lim - Pinangunahan ni Philippine National Police (PNP) Director-General Jesus A, Verzosa ang sampung kilometrong torch run bilang simbolikong paglulunsad ng Integrated Transformation Program (ITP) sa Police Regional Office 4A dito noong nakataang Miyerkules.

Nagsimula ganap na ala singko ng madaling araw sa Monte Vista Resort sa Brgy. Pansol ay nakasabay ng heneral sa pagtakbo ang maraming opisyal buhat sa pambansang tanggapan ng PNP sa Camp Crame, liderato ng kapulisan sa PRO 4A at mga hepe ng kapulisan sa rehiyon ng Calabarzon.

Si Chief Superintendent Perfecto P. Palad ang tumanggap ng Sulo na pansamantalang ililigid sa mga provincial command ng Cavite, Laguna, Batangas, Rizal at Quezon upang lalong mapasigla ang layunin ng ITP mula sa provincial police director, hepe at hanggang sa pinakamababang tauhan ng pulisya.

Ang ITP na simulang inilunsad noong 2005 bilang reporma sa pambansang pulisya ay tatagal hanggang 2015 na siyang target date upang lubusang matamo ng ahensya ang makabuluhang pagbabago.

Ibinatay ang programa sa resulta ng UNDP Study, PNP Reform Commission at Transformation Study, na ang adhikain ay ang makalikha ng kapulisang makabansa, makatao, maka-Diyos at makakalikasan.

Sa talumpati ni Verzosa ay kanyang hiniling sa taumbayan, mga samahang sibiko, mga nagmamahal sa kapayapaan at iba pang stakeholder na makipag-tulungan sa pulisya upang ang ahensya ay maging capable, effective at credible organization na maglilingkod sa sambayanan.

Ang torch run ay sinundan ng power point presentation kung saan idinitalye ang ibinunga ng ITP sa nakalipas na apat na taon. (SEVEN LAKES PRESS CORPS)

PROBLEMA SA KAWALAN NG BUDGET

Lilikha pala ng isang napakalaking issue sa 2010 election ang hindi pagpapatibay ng annual budget ng Lunsod ng San Pablo para sa taong 2009 dahil sa kabiguan ng Sangguniang Panlunsod na ito ay maresolba sa tamang panahon noong ito ay kanilang tinatalakay.

Dalawang grupo ang magiging sangkot dito at ang pagpapaliwanag sa taumbayan ay depende sa kanikanilang paninindigan. Hati ang mga konsehal sa pagitan ng pagpabor na maratipika ang annual budget for 2009 at mga kumontra na ito ay maaprubahan. Ito ang dapat paghandaan ng ating mga konsehal sa gagawing paglilinaw sa mga San Pableño.

Matagal nang hindi tumatalakay ng lokal na isyu ang pitak na ito kung kaya’t hindi natin alam kung sino-sino ang pumabor at sino-sino ang mga kumontra sa naturang budget, subalit sa mga nakikita natin ay may malaking perwisyo ang kawalan ng umiiral na budget.

Paminsan-minsan ay may lumalapit sa pitak na ito na may mga dala-dalang reseta subalit walang stock na gamut na maipagkaloob ang city government dahil walang pambili na side effect ng wala nga tayong budget per se. kaya nga’t sa Tanggapan ni Cong. Aragon na natin nairi-refer, at sa iba pang congressman na ating kaibigan.

Isa lang ito sa pinsalang idinulot ng SP sa kanilang kabiguan. Maraming mga indigent ang kadalasang umuuwi ng luhaan sanhi nga ng katigasan ng loob ng ilan nating mga konsehal. May mga domino effect pa ito doon sa mga humihingi ng alalay na lalabas sa mga pagamutan at mga namatayan na lumalapit ng tulong sa pagpapalibing.

Wala nang tigil sa pagluha ang mga naulila kahit nailibing na ang mahal sa buhay na namayapa sapagkat luluha na naman sila sa araw-araw na paniningil ng punerarya.

Epekto rin pala ng kawalan ng aprubadong budget ang pagkaka-delay sa pagbubukas ng city hospital natin sapagkat nakapaloob doon ang items para sa mga doctor na halos ay gasoline allowance lamang, sweldo ng mga nurse at midwife, at iba pang health workers ng pagamutan. Pakatandaan sana ng mga tumutol sa annual budget na itinayo ang pagamutan para sa mga mahihirap na San Pableño.

Sa ayaw at sa gusto ng mga konsehal ay magiging election issue ang annual budget 2009 sa eleksyong darating kaya ngayon pa lang ay dapat na ninyong pag-aralan ang itutugon sa maraming tanong ng bayan. Ano kaya ang posisyon ni Friend Kon. Gel Adriano sa isyung ito? Sabagay ay isang kanta lamang ito at solve na, kaya lang baka tumakbo ulit bilang konsehal si Roni Mirasol na may maganda ring tinig. (NANI CORTEZ)

DISPLAY PHILIPPINE FLAG - AMANTE

City Administrator Loreto S. Amante announces last Monday morning that the celebration of the 111th Independence Day on June 12 will officially starts on Thursday, May 28 which is being commemorated as National Flag Days.

The Flag and Heraldic Code of the Philippines, also known as Republic Act No. 8491, states that every year, from May 28 (National Flag Day), to June 12 (Independence Day), all offices, agencies, and instrumentalities of government, business establishments, schools and private homes are enjoined to display the Philippine flag throughout this period.

This is to give respect and reverence to our symbol of national sovereignty and solidarity. The Philippine flag is the embodiment of all our country’s ideals, culture and tradition Amben Amante said.

RA 8491 also mandates that the national flag should be permanently displayed or hoisted, day and night, all year round, in front of important buildings such as the Malacañang Palace, the Congress of the Philippines building, Supreme Court Building, Rizal Monument, Aguinaldo Shrine, Barasoain Shrine, Tomb of Unknown Soldiers, Libingan ng mga Bayani, Mausoleo de los Beteranos dela Revolucion and in all international ports of entry. And young Amante reminded the public that the national flag can be displayed inside or outside a building or be raised on flagpoles. If the flag is displayed indoors, it should be to the left of the observer as one enters the room. If outside, the flagpole should be stationed in a prominent place or in a commanding position.

As a national symbol, the Philippine flag can also be flown from a staff projecting upwards from the windowsill, canopy, balcony or facade of a building or in a suspended position from a rope extending from the building to a pole outside. It can also be displayed flat against the wall vertically, with the sun and the stars on top. The flag can also be hung in a vertical position across a street, with the blue pointing east, if the road is heading south or north, or pointing north if the road is heading east or west. (7LPC/Ruben E. Taningco)

PRIDE OF SAN NICOLAS, MOST OUTSTANDING SAN PABLEÑO

Masayang tinanggap ni Electrical Engineer Maximo Enriquez Daquil (dulong kaliwa) ng Brgy. San Nicolas ang Plake ng Pagkilala bilang Most Outstanding San Pableño mula kay Mayor Vicente B. Amante (ikalawa mula sa kaliwa). Ginanap ang pag-gagawad ng karangalan kay Engr. Daquil noong nakaraang Mayo 7 kaalinsabay ng pagdiriwang ng 69th Foundation Day ng Lunsod ng San Pablo. Kasama rin sa larawan sina dating Vice-Mayor Palermo Bañagale (ikalawa mula sa kanan) at City Administrator Loreto “Amben” Amante. (Seven Lakes Press Corps/Sandy Belarmino)

NAMUMUKOD TANGING SAN PABLEÑOS

Nasa larawan ang nahirang na mga Namumukod Tanging San Pableños 2009 (Most Outstanding San Pableños 2009) na sina (L-R) Mr. Joselito O. Follosco, Ramon Go Bun Yong, Atty. Antonio E. Lacsam, Mayor Vicente B. Amante, Mrs. Perla D. Escaba, Dr. Lilia T. Reyes, Mr. Palermo A. Bañagale (Chairman-Search and Award Committee), Engr. Bernardo C. Adriano, Jr., Mr. Rodrigo B. Supeña, Mr. Blairwin Angelo M. Ortega, Engr. Maximo E. Daquil, Dr. Alexander C. Cortez, Mr. Rodrigo “Jiggy” D. Manicad, Jr., at City Adminstrator Loreto “Amben” S. Amante. Ginanap ang programa noong nakaraang Mayo 7 sa Function Hall ng Palmeras Garden Restaurant kaalinsabay ng pagdiriwang ng 69th Foundation Day ng Lunsod ng San Pablo. (SANDY BELARMINO-7LPC)

PAANO KA NA PINOY?

Ang mga araw na pag-ulan na sinamahan pa ng ilang ulit na pag-bagyo ay palatandaan na pumapasok na tayo sa panahon ng tag-ulan, na ibig sabihin ay pagwawakas ng pagsasaya ng mga mag-aaral sa pagtatapos ng bakasyon.

Mayroon din itong mensahe sa bawat magulang sapagkat magsisimula na rin ang enrollment sa mga paaralan at ang pangyayaring ito ay may kaakibat na gastos.

Wala sanang problema dito ngunit sa maraming mga magulang ay masasabing napakalaking suliranin ng mga bagay na ito. Isaalang-alang natin ang kararampot na sweldong hindi naman tumataas subalit ang tuition sa mga paaralan ay parang hindi ma-kontrol ng mga otoridad sa pakikipagsabayan sa pagtaas sa mga pangunahing bilihin.

Paano pa kaya ang bigat na nararamdaman ng ilan nating mga kababayang natanggal sa trabaho dahilan sa pagbulusok ng ating ekonomiya. Ramdam na ramdam ng pitak na ito ang kanilang paghihimutok sa pagtingin sa kawalan.

Ang ilan pa sa kanila’y hindi pa nakakabangon sa pagkaka-utang nang nakaraang school year at ito na naman ang eksena sa maraming pamilya. Tangan ang kakarampot na perang kahit paulit-ulit na bilangin ay sadyang kulang.

Ito ang kabuuang larawan na nakikita ng mga magulang sa ngayon. Hindi alam kung paano pagkakasyahin ang tangang budget na kung pakasusuriin ay maaaring galing sa paluwal ng mga nakakaunawang kamag-anak. Sa tuition at miscellaneous ay kulang na, paano pa kaya kapag isinama dito ang tuition increase, ang uniporme, mga libro, bayarin sa mga projects at allowance o baon sa araw-araw?!

Paano pa ang mga kulang palad na magpahanggang ngayon ay wala pang hawak kahit isang kusing? Maikli na lang ang panahong nalalabi para umabot ang sukdol ng enrollment. Hindi na rin makalapit sa mga dating kanilang inuutangan sapagkat sila man ay gipit din.

Ngunit iba sa lahat ang Pinoy. Hindi tayo madaling mawalan ng pag-asa. Gagawa at gagawa tayo ng paraan kahit na manikluhod sa namamahala ng paaralan, makasiguro lang na mapapatala ang anak para sa napipintong pagbubukas ng klase.

Subalit sa mga hindi papalaring makaamot ng unawa ay iisa ang ibig nitong sabihin – mabibilang ang kanyang anak sa lumalagong bilang ng out-of-school youth sa kasalukuyan! Kung magkakaganon, paano ka na Pinoy? (SANDY BELARMINO)

SANTINO, Magdu-doktor din!

Matapos ang kursong Nursing sa Perpetual Help College of Manila ay sa darating na pasukan ay isa nang Incoming First Year Medicine student sa San Beda College of Medicine si Mikhail Santino Gamo-Quiambao. Si Santino ay anak nina Dra. Lourdes Gamo Quiambao at Dr. Ed Quiambao ng San Pablo City Health Office. (SANDY BELARMINO)

DRAFT BENBONG FELISMINO MOVEMENT

May mga kadahilanang magka-minsan ay nakasasagabal sa naisin ng isang nilalang gaano man ito kadalisay kung kaya’t ang ating pag-usad ay nananatiling mabagal, gaano man kasidhi ang ating pagnanais makahulagpos sa kinalalagyan.

Dito nabibilang ang mga tao sa ating paligid na sa kabila ng pagiging kwalipikado sa alin mang tungkulin ay nag-aalinlangang tumuklas ng panibagong larangan sa kung saan siya’y isang kakulangan lalo na sa pangangailangan ng bayan. Subalit mas madalas na tulad sa likido’y kaganapan na ang naghahanap ng kaparaanan.

Naging saksi ang marami sa atin na dahil sa hinihingi ng pagkakataon ay naging pangulo ng bansa ang isang karaniwang ina at balo ng napaslang na Senador Ninoy Aquino, na sa hinagap ay hindi pinangarap ni dating Pangulong Cory Aquino. Kinailangan niyang tumayo alang-alang sa pagkakaisa laban sa diktaturya.

Sinundan pa ito ng hindi mabilang na paghimok sa mga pribadong indibidwal upang maglingkod sa pamahalaan, na siyang nagpuno sa kakulangan ng gobyerno.

Hindi nga ba’t kinakailangan pa ng kilusang ADOPT SAGUISAG upang siya’y kumandidatong senador sapagkat siya mismo ay ayaw lumahok sa pulitika? Nakatulong ito ng malaki sapagkat dahilan sa tibay ng kanyang paninindigan ay naisulong ang NO NUKE policy. Tuluyan ring tumatag ang soberensya ng bansa sa pagkawala ng US bases.

Kung wala ang kaparehong kilusan, marahil ay walang Mayor Robledo ang Naga City, mananatili ang political dynasty sa Isabela sapagkat mawawalan ng lakas ng loob ang isang Gob. Padaca at walang Gob. Panlillo na magmumulat ng kabutihan at katotohanan sa Pampanga.

Ang mga nasabing kadahilanan ang naging matibay na batayan ng pitak na ito upang ilunsad ang DRAFT BENBONG FELISMINO MOVEMENT, sapagkat nakita nating lahat ang kakulangan ng Sangguniang Panlunsod (SP) ng mga magigiting na babae at lalakeng tatayo para sa ikabubuti ng sambayanang San Pableño.

Nagiging kaduda-duda na ang performance ng ating Sangguniang Panlunsod sapagkat magpahanggang sa ngayon ay hindi pa napagtitibay ang ating annual budget, at lahat ng palatandaan ay nandoon na upang sila’y mapalitan ng mga baguhang uugit sa sanggunian. Kasama ng indikasyong ito, ay paniniwalang karapat-dapat si San Cristobal Brgy. Chairman BENBONG FELISMINO na maluklok sa konseho ng Lunsod.

Bagama’t may kakayanan at kahandaang maglingkod sa SP si Chairman Benbong ay may kinakaharap siyang kakaibang suliranin. Ayaw siyang payagan ng kanyang mga magulang at pamilya na magbago ng larangan at mahigpit ang yakap ng kanyang mga kabarangay upang huwag silang iwanan sapagkat sa kanyang panunungkulan nakamit ng barangay ang ganap na pagkakaisa.

Ang tanong marahil ay paano naman ang samo ng sambayanang San Pableño, na nakikiusap na paglingkuran ni City Councilor-to-be Benbong?! Sa ngayo’y lumalawak na ang panawagan, katunaya’y lumalaganap na ang DRAFT BENBONG FELISMINO MOVEMENT!!! (Sandy Belarmino)

TATLONG PINAG-ISANG PROYEKTO SA STA. FILOMENA

Tiniyak nina Alkalde Vicente B. Amante at City Administrator Loreto “:Amben” S. Amante ang kanilang pagdalo sa nakatakdang pagbabasbas at pagpapasinaya sa tatlong proyektong naipatupad ng Sangguniang Barangay ng Sta. Filomena sa darating na Sabado ng hapon, Mayo 16, 2009.

Tinatawag ni Punong Barangay Jimmy A. de Mesa na “3-in-1 Project”, ang naipatapos na paggawain sa pagtutulungan ng Pangasiwaang Lunsod at Pangasiwaang Pambarangay ay ang isang Basketball Covered Court, 2-Storey Schoolbuilding para sa bubuksang Santa Filomena Annex ng San Pablo City National High School, at pagpapalaki sa dating Barangay Hall sa pamamagitan ng paglalagay ng extension.

Malaki rin ang naitulong ng Parents Teachers Association sa Santa Filomena Elementary School upang maisulong ang pagpapatayo ng mga impraistraktura na natitiyak na magiging malaking tulong sa kaunlaran ng barangay.

Halimbawa ayon kay Punong Barangay Jimmy de Mesa, ang covered court ay magiging sentro ng mga gawain ng senior citizens association at sangguniang kabataan, tulad ballroom dancing para sa ikasisigla ng kanilang katawan at isip; dako para sa pagsasagawa ng mga community assembly at iba pang mga papulong na pambayan; angkop na lugar para sa pagsasagawa ng mga medical and dental mission. Ang proposed high school annex ay sa kapakinabangan din ng mga kabataan sa mga kanugnong na Barangay San Crispin, at San Juan.

Isang pangangailangan na palakihin ang barangay hall upang matugunan ang pangangailangan para sa office space para sa pagpapatupad ng Gender and Development Program at ng Women and Children Welfare Act sa pakikipag-ugnayan sa City Social Welfare and Development Office, at maging sa mga skill development program para sa kabataan para sila ay mapagkalooban ng mga kasanayan panghanapbuhay, palaiwanag pa ni Chairman de Mesa. (Sandy Belarmino)

GOV. NANTES SETS RDC 2009 - 2ND QTR. MEET

Lucena City - The Calabarzon Regional Development Council (RDC) has set its 2nd quarter full council meeting for the year on May 14, 2009 at Kamayan sa Palaisdaan in Barangay Dapdap, Tayabas, Quezon.

This was announced by Quezon Governor Rafael Nantes in his capacity as RDC Chairman in Region 4A comprising the provinces of Cavite, Laguna, Batangas, Rizal and Quezon to all provincial, city and municipal planning officers.

Department of Transportation and Communication (DOTC) Sec. Leandro Mendoza, the Cabinet Officer for Regional Development (CORD) is the resource speaker and will share his thoughts on the government information campaign strategy in addressing the impact of global financial crisis.

Also expected to attend are local government unit executives from governors, city and municipal mayors, and other LGU officials whose primary functions are planning and development concerns of their locality.

Governor Nantes enjoins all members of the council to personally attend for their presence will mean a great help in reaching a consensus for a unified stand in battling the economic crisis. (NANI CORTEZ)

BATANGAS CITY TO HOST WORLD ENVIRONMENT DAY

Batangas City - The World Environment Day (WED), a United Nations mandated program and advocacy that promote awareness on the puzzle of impending global climate change is slated to be held in this port city on June 1-7, with a theme “Your Planet Needs You! Unite to Combat Climate Change!”

Host City Mayor and concurrent chairman of WED Philippine 2009 Eduardo B. Dimacuha said that the event will bring together local stakeholders in partnership with local civil society environmentalists, civic and professional groups, academic institutions, non-government organizations, national and local instrumentalities for a discussion in reaching a unified plan of action to address global climate change.

Mayor Dimacuha stressed that the alarming occurrence of extreme weather conditions that causes heat waves and floods from pollution of air, water and surroundings are manifestations for a need to forge a collective path in combating global warming.

The mayor further said that all nations no matter how great or small, fully developed or developing must act with decisiveness to ensure mankind survival on planet Earth.

“And act now we must before it is too late” said Dimacuha as he extends the invitation to all provincial, city and municipal officials to take part and be heard during the celebration of World Environment Day.

ENVIRONMENT BIG DAY

Schedule of EVENTS:

GREEN EXPO June 1-7 at Plaza Mabini - Participated by various exhibitions from cooperatives with green products and Industrial organizations with their best environmental practices.

GREEN CAMP June 4-7 – Collegio ng Lunsod ng Batangas - Environmental related activities of Boy Scout and Girl Scout of the Philippines.

ENVIRONMENTAL PARADE/A Day of Clean Air June 5 – A grand opening of NON-MOTORIZED parade to be participated in by the multi-sectoral groups with awards for Best Float and Best Contingent. Coincidentally with a car less/smoke free day in the city street where walking and biking for a clean air are encourage.

HANDSHAKE and HUGS for EARTH SYNERGY June 5, 7 p.m. at Chiz Amis Garden, Hilltop - the highlight fellowship activity where various sector leaders and multi-races meet and greet for the environment.

GARBO-FORESTRY June 7, 7:00 a.m. at Old City Dumped Site – A continuous effort of reforestation and rehabilitation program of Mayor Dimacuha in converting a closed city dumped site into a green park and wildlife sanctuary.

LAKAN at LAKAMBINI ng KALIKASAN ng PILIPINAS 2009 SEARCH - June 6, 7:00 p.m. at Batangas City Sports Coliseum - Search for a lady and gentleman from different provinces and cities nationwide vying for said title to become the Philippine Ambassador for the Environment.

This pageant was launched in 1999 as a highlight for city’s clean and green program, that for the sake of environment the City Government of Batangas through Mayor Dimacuha has graciously lent franchise with WED Philippines, for re-launched on a national level to give face for the celebration of 2009 World Environment Day.

WED Philippines Annual General Assembly meanwhile will be held at Sangguniang Panlunsod session hall on June 7 at 1:00 o’clock in the afternoon.

WED – Batangas City Directory

Ms. Luz Amparo - Secretary to the Mayor Tel. No. (043) -722-0579
Fax – (043) 723-1558
Dr. Angelito Bagui – CSWMO – (043) 300-3373/706-0629
Mr. Oliver C. Gonzales – CENRO (043) 723-8844/706-0626
Mr. Ed Borbon – Pageant Chair (043) 723-2791
Ms. Letty Chua – PIO – (043) 723-2344/723-6746

By: NANI CORTEZ. President, Seven Lakes Press Corps

LILIW GAT TAYAW TSINELAS FESTIVAL

Sina Senador at Nacionalista Party President Manny Villar at Mayor Cesar Sulibit sa pagbubukas ng Liliw Gat Tayaw Tsinelas Festival kamakailan, kasama sina Cong. Timmy Chipeco, Vice-Mayor Raymundo Pales, at NP Secretary General Cong. Gilbert Remulla. (NANI CORTEZ/President Seven Lakes Press Corps)

NP PRESIDENT VILLAR DUMALO SA TSINELAS FESTIVAL

Si Senator Manny Villar habang minamasdan ang tsinelas na gawang Liliw. Kasama rin sa larawan sina Cong. Timmy Chipeco, Mayor Cesar Sulibit at NP Sec. Gen. Gilbert Remulla. (NANI CORTEZ/President Seven Lakes Press Corps)

OUTSTANDING SAN PABLEÑOS 2009

Kikilanlin at pararangalan ang mga natatanging anak ng lunsod sa kanilang pagganap ng tungkulin ay nagtampok sa San Pablo bilang lunsod ng mga magigiting.

Ang parangal at pagkilala ay gaganapin sa Mayo 7, ang araw ng pagkakatatag ng San Pablo City, sa isang makahulugang seremonya sa Palmeras Garden and Restaurant. Ito bale ang ika-69 taon foundation day ng lunsod.

Taon-taon ay parami ng parami ang mga personaheng naitatampok bilang mga Outstanding San Pableño na kasing kahulugan na nagiging mabunga ang ginagawang pagsisikap ng marami nating kababayan sa mga piniling larangan. At ang lahat ay nakapag-ambag mula sa kanilang katangian ng mga kapuri-puring gawain bilang alay sa bayang sinilangan.

Kaakibat ng pagsisikap na ito ay ang kanilang sakripisyo na makapaglingkod, hindi lamang sa Lunsod ng San Pablo manapa’y sa bansa sa kabuuan. Ang kalidad ng serbisyong ito, katambal ng kanilang pagpapakasakit ang ating binibigyan ng kahalagahan sa mga ganitong pagkakataon.

Ang ilan sa kanila, sanhi ng kanilang gawain ay nagtiis malayo sa sariling bayan dahil na rin sa hinihingi ng pangangailangan ng kanilang propesyon. Ito ay kahit na masuong sa kakaibang kultura na hindi nakasanayan, ngunit hindi ito nakasagabal upang ipamalas ang angking kakayanan bilang tunay na San Pableño.

Sa kabilang banda ay walang katotohanan ang kasabihang walang propetang sumisikat at pinaniniwalaan sa sariling bayan. Napatunayan ito ng ilang outstanding San Pableños na piniling dito maglingkod, at mag-alay ng kakayanan sa mga kababayan. Sila ang mga uri na naniniwalang higit silang kailangan ng lunsod, na hindi naamuki sa laki ng pagkakataong umasenso sa labas ng bansa.

Magkaganoon may ay walang ipinagkaiba ang mga nabanggit sapagkat ang mahalaga ay sa kung paano nila isinabuhay ang pagiging San Pableño, na sa pamamagitan ng kani-kanilang propesyon at katangian ay nagbunga sa bandang huli ng lubos na kaluguran sa Diyos, sa bayan at sa sangkatauhan.

Nakatakdang parangalan sina Rodrigo “Jiggy” Manicad (media), Alexander C. Cortez (art), Perla Escaba (business), Engr. Maximo E. Daquil (industry), Ramon Go Bun Yong (civic & Humanitarian), Dr. Lilia T. Reyes (education), Rod B. Supeña (banking & accountancy),Joselito Follosco (government service), Dr. Godehardo G. Raymundo (health service), Atty. Antonio E. Lacsam (law), Justice Celia L. Leagogo (Judiciary), Engr. Bernardo C. Adriano Jr. (Science & technology/engineering civil) and Blairwin Angelo M. Ortega (Youth & Sports/shooting).

Binabati ng pitak na ito ang 13 outstanding San Pableño 2009 sa parangal na kanilang tatanggapin at naway kasihan kayo ng Panginoon Diyos upang higit pang makapaglingkod, makatulong at makaalalay sa inyong mga kababayan.

CONGRATULATIONS PO. Ang inyong tagumpay ay tagumpay nating lahat bilang mga magigiting na San Pableños.(SANDY BELARMINO)