BALITANG PABLOY

CITY DAD TO JOIN MAYORALTY RACE

2011-05-18T15:50:00.000-07:00

San Pablo City --- A last termer councilor has announced his intention to join 2013 open mayoralty race to be vacated by third termer City Mayor Vicente B. Amante here.

Serving the unexpired term of the late councilor Delo Cortez when appointed, Councilor Angelo Adriano was elected for three successive term ever since even topping the last 2010 synchronized national and local elections.

Adriano brings with him his rich experience as local lawmaker, his connections to national leadership and personalities, as well as his know how in civic and philanthropic advocacies being an active member of Rotary Club of San Pablo City South, in presenting his program of government to San Pableños.

Adriano will complete the 4As who will vie for mayorship in 2013 and is considered as one of the frontrunners of the said race.

Earlier it has been rumored that former Congressman and Mayor Florante “Boy” Aquino was seen going around possibly for inventory of his political leaders and loyal supporters. He was congressman for three terms and once a city mayor.

Also talk of the town to join 2013 mayoralty race are City Administrator Loreto “Amben” Amante, son of the incumbent mayor and Atty. Hizon Arago, the father of the incumbent Laguna 3^rd District Cong. Maria Evita Arago.

The city positively received the entry of Adriano and many consider him the dark horse of the race.

LITTLE AT MISS TEEN PAGEANT SA TRACE COLLEGE

2011-05-11T06:34:00.000-07:00

Los Baños, Laguna- Bilang pagpapahalaga sa kalikasan ay itinaguyod ng Trace College ang ika-6 na taunang Little at Miss Teen Earth pageant nang nakaraang Sabado ng gabi.

Ang timpalak kagandahang ito ay binuo ng mga environmental advocates sa ilalim ng World Team Earth na may pagsasaalang-alang sa pangangalaga sa kapaligirang ating ginagalawan, at nasimulan sa bansa noon pang 2006.

Sa pamamagitan ng pasilidad ng Trace College at kagandahang loob ni Campus Administrator Joatam Siytiap at kanyang maybahay ay maluwalhating nairaos ang matagumpay na timpalak.

Walang ipinag-iba sa ibang beauty pageant ang Teen Earth maliban sa long gown competition kung saan ang mga isinuot ng mga contestant ay yari sa mga recycled materials na nagpalitaw sa talino at pagka-malikhain ng mga Filipino Designers.

Nahahati sa tatlong kategorya, ang mga nagwagi ay sina Althea Capuchino, ng Sta. Rosa City, Little Miss Earth Philippines; Miamor Perido ng Paete, Laguna, Miss Pre-Teen Earth Philippines; at Gabrielle Alipino ng San Jose Del Monte, Miss Teen Earth Philippines na pawing kakatawanin ang bansa sa kaparehong timpalak sa mga bansang Thailand, China at Malaysia.

Ikinatuwa ni Siytiap na maging bahagi ang Trace College sa Teen Earth Pageant sapagkat una na nila aniyang itinataguyod ang Miss Earth World Pageant na sinasalihan ng buong daigdig.

Samantala’y nagging lubos ang pasasalamat ni event organizer Ferbg Custodia kina Siytiap at Helen Carandang ng Trace College.

Tumayong mga hurado sina Miss Asia Heart Crisbell de los Reyes, Maribeth Barin, Frederick Tan, Angelica Fernandez, Annalisa Ibariga, Veronica Viejo, Shelaine Manuel, Mark Anthony Anjero, Banlabas Wong, Joe Mari Quibilan, Rolly Robino at Mona Liza Swang.

BAGONG LAGUNA, PANG-GABI?

2011-05-11T06:28:00.000-07:00

Pabigla-bigla ang nagiging pagtaas ng presyo ng krudo at gasolina sa ating pamilihan na hindi pa tapos ang computation ng Dept. of Energy (DOE) kung tama nga ang nangyaring pagtaas ay heto na naman tayong mga Pinoy na paggising sa umaga ay bubulagaain ng mataas na presyo ng petroleum products.

Hindi natin malaman kung niloloko na tayo ng mga dambuhalang kompanya ng langis dito sa ating bansa na tulad noong nakaraang linggo na over ang ginawa nilang pagpapataw ng karagdagan presyo na nabisto ng DOE.

Oo nga’t marami sa atin ang walang pribadong sasakyan na direktang naaapektuhan nito, subalit ang crude oil dito sa ating bansa, na kapag may pagtataas ng presyo sa gasolina ay may chain reaction na nangyayari.

Simpling-simpli na sa presyo ng gulay lang, tiyak na ito’y tataas din dahil ipapataw dito ang transportation cost mula sa taniman hanggang pamilihan. Sakop nito ang lahat ng uri ng pagkain, tulad ng karne, itlog, bigas, asukal at iba pang pangunahing pangangailangan natin tulad ng tubig at kuryente.

Sana ay palaging alisto ang DOE sa mga bagay na ito dahil ang mga ganid na kompanyang ito sa halip na unawain ang ating kalagayan ay sa maraming pagkakataon ay tila nagsasamantala pa sa ating kahirapan.

----0o0----

Nakakatuwa naman itong ating mga punong bayan, mga konsehal at mga barangay officials ng Lalawigan ng Laguna, na ating nakakapanayam dahil ang “Bagong Laguna”daw ay gabi dahil iyon daw ang oras kung kalian nagri-report ang gobernador sa kanyang opisina.

He-he-he.. Sobra naman kayo wika ko, baka naman hindi totoo ‘yan? At totoo daw anila, ang hindi totoo ay iyong sinasabi ng mga staff ng gobernador na mula umaga hanggang gabi nag-o-opisina si Gob. E.R. dahil kung araw ay wala ito sa kanyang tanggapan at ang palusot ay nagbibisita sa kanyang mga projects. Nasaan kaya ang mga projects na iyon?

So batay sa mga mayors at barangay chairmen ay baligtad pala ang work ethics ni Gob. E.R. – gabi hanggang umaga! Kawawa naman ang mga mangangailangan ng tulong mula sa mga bayan-bayan ng Bagong Laguna, bibiyahe ng last trip ng alas syete ng gabi at pagkatapos naman ay hindi nila makikita at makakausap si Gob E.R, baka sa TV o sine na lang! (SANDY BELARMINO)

SM CITY SAN PABLO, KAISA SA NATIONWIDE JOB FAIR

2011-05-11T06:23:00.000-07:00

San Pablo City, Laguna - Matagumpay na naisagawa dito ang Jobs Fair sa pakikipagtulungan ng SM City San Pablo at Department of Labor and Employment (DOLE) kahapon, Mayo Uno bilang handog sa mga San Pableño sa Araw ng Paggawa.

Bahagi ang nasabing gawain sa isinulong na nationwide Jobs Fair ng DOLE at SM Malls sa buong kapuluan kung saan nilahukan ng maraming pagawaan, tanggapan at bahay kalakal na nangalap ng mga manggagawa para sa mga bakanteng posisyon sa kanikanilang kompanya.

Ang Jobs Fair sa Atrium ng SM City San Pablo ay binuksan nina Mall Manager Timothy Gabriel Exconde, PR Manager Mara Roxas at DOLE Senior Labor Employment Officer Lorena Gacosta na maghapong naglingkod sa mga aplikante, sa tulong ni San Pablo City PESO Officer Melinda Bondad.

Kahit dinagsa ng mga aplikante ay naging maayos ang daloy ng aktibidad dahil sa sistematikong pamamaraan na ipinatupad sa SM City San Pablo Atrium sanhi upang mapaglingkurang lahat ang mga nagsipag-apply.

Tinatayang lalampas sa isang libo ang mga aplikanteng nag-apply dahil umaga pa lang ay dagsa na ang mga nagpatala sa PESO counter ng atrium.

BIYERNES TRESE

2011-05-04T00:31:00.001-07:00

Mababago ang paniniwala ng marami ngayong taon sa petsang ito partikular sa Lunsod ng San Pablo sapagkat bukod sa walang nilikhang negatibo ang Panginoon na ikapapahamak ng Kanyang mga kinapal ay nasalig ito sa maling paniniwala ng tao.

Bukod pa diyan ay nataon ito sa kaarawan ng isang taong naghatid sa marami ng ligaya, nagbigay solusyon sa ating mga problema at nagpagaan sa mga mabibigat nating dalahin sa buhay.

Siya ang taong nakapaglalayo ng lungkot ng iba sa kabila ng hindi naman siya gaanong masaya, may laang gamot sa ating mga suliranin kahit siya mismo ay batbat ng problema at nagpapasan ng dalahin ng iba sabihin mang hirap na siyang buhatin ang kanyang pasanin sa buhay.

Halimbawa siya ng tinimbang ngunit kulang as in “an indigent helping fellow indigents,” magkaroon lang ng katiwasayan ang mundong ginagalawan.

Sa Mayo a trece, araw ng Biyernes… Happy, happy birthday kapatid. Happy Birthday SANDY A. BELARMINO! (Nani Cortez- Seven Lakes Press Corps)

UGNAYAN

2011-04-29T14:43:00.000-07:00

Sa nakalipas na dalawang taon ay tagumpay na magkatuwang ang ilang programa nina Mayor Vic Amante at Cong. Ivy Arago, na dahil dito ay libu-libong San Pableño ang natutulungan ng pag-alalay partikular ang sektor ng mga maralita na bawa't suliraning dumarating sa kanilang pamilya ay ang dalawang opisyal ang nagiging sandigan.

Hindi man lubusang may kaugnayan sa bawa't proyekto ay nagkakataon namang halos nagkakapareho ang mga adbokasiyang kanilang isinusulong sa maraming aspetong panlipunan tulad ng sa kalusugan, edukasyon, pangkabuhayang programa sa mga mamamayan at ilan pang gawaing pambayan sapagka't iisa ang kanilang paniniwala sa mga nababanggit na constituency advocacies.

Marami sa kanilang mga natulungan at tinutulungan ang nananalanging manatili ang kanilang magandang ugnayan para sa kabutihan ng bayan sapagkat sa maraming pagkakataon ay naging epektibo ito lalo na sa oras ng kanilang kagipitan at pangangailang medikal dahil kapwa mahusay at matibay ang kanilang indigency program.

Ang pagkakasakit sa panig ng mga mahihirap ay maituturing nang isang napakahigpit na pagsubok dahil isa ito sa pangyayaring hindi nila inaasahan lalo na iyong mga nasa ilalim pa ng pagkamaralita na di malaman kung saan at kanino lalapit upang makabili sa iniresetang gamot, na lalo pang titindi kapag lalabas na sa pagamutan.

Isa ito sa mga kapakinabangan ng taumbayan sa programa nina Cong. Ivy at Mayor Amante dahil kahit paano ay kanilang natutugunan dahil nga nagkakatulungan sa pagpuno sa pangangailangan ng mga indigents.

Tinatalakay lang natin ang bagay na ito sapagkat may ilang sektor na nais sirain ang magandang ugnayan nina Cong at Mayor gamit ang intriga ng pulitika na batid naman nating pinaka short cut na paraan upang magkaroon ng iringan ang bawat isa na kapwa ikahihina ng programang pambayan.

At nais lang ng may akda na maiparating ang tahimik na kalooban at kaisipan ng mga maralita na huwag sanang sirain ng pulitika ang pagkakaisa nating lahat. (SANDY BELARMINO, VP-SEVEN LAKES PRESS CORPS)
.

DAYALOGO

2011-04-25T17:12:00.000-07:00

Isang kaiga-igayang pangyayari ang naganap na dayalogo sa pagitan ng grupo ng mga manananggol na kinatawan ng liderato ng San Pablo Bar Association(SPBA) at mga huwes, piskal , at iba pang opisyal ng mga hukuman sapagka't natala dito ang nakamit na unawaan sa magkabilang panig ng practicing bar at judiciary.

Sa pamamagitan ni Bar Committee Chairman Atty. Gregorio Villanueva ay naisaayos niya ang pagkakaroon ng talakayan na nagbunga ng produktibong resulta para sa ikapagtatamo ng mabilis at parehas na hustisyang nakasalig sa mekanismo ng pamantayang legal sa kapakanan ng mga nagsasakdal at nasasakdal, na sa ngayon ay maituturing na isang milestone sa lunsod na ito o maging sa buong bansa.

Kapag nasa loob na ng korte ang usapin ay wala nang pagkakataon pang pag-usapan pa ang ganitong mga bagay sapagka't ang tinatalakay dito ay syempre pa kundi ang merito ng kaso sangayon sa iniharap na sumbong ng tagapag-usig at demirito sa panig ng tagapagtanggol.

Kaya naman ikinatuwa ni RTC Executive Judge Agripino Morga ang inisyatibo ng SPBA na pinangunguluhan ni Atty. Hizon Arago na maisagawa ang bench and bar dialogue sapagka't daan aniya ito upang maayos na mapadaloy ang usad ng katarungan, na mangangahulugan ng mabilis na disposisyon ng mga kaso na samakatuwid ay makaiiwas o makababawas sa pagkakabinbin ng mga ito sa mga hukuman.

Bukod sa kasapian ng SPBA ay naging aktibo rin sa talakayan sina MTC Judge Jose Lorenzo de la Rosa, Chief State Prosecutor Ernesto Mendoza, City Prosecutor Dominador Leyros, mga clerks of court at iba pang court officials.

Hinimok ni Judge Morga sa mga manananggol na huwag mangiming magsumbong sa kanya sakasakaling may nais ireklamong kawani ng hukuman na nagpapabaya sa kanilang mga tungkulin at nagbigay kasiguruhang aaksyunan niya ang lahat ng valid complaints na darating sa kanyang tanggapan.

Tagumpay ng parehong panig ang naganap na dayalogo na sa pagkakaalam ng pitak na ito kung hindi tayo nagkakamali ay kaunaunahang ginanap dito sa lunsod.

Congrats po sa inyong lahat, lalo na kay San Pablo Bar President Atty. Hizon Arago. (SANDY BELARMINO)

BENCH AND BAR DIALOGUE PROVES PRODUCTIVE

2011-04-25T17:06:00.000-07:00

San Pablo City Bar President Atty. Hizon A. Arago, together with member-lawyers held a no-holds-barred dialogue with RTC Judge Agripino Morga, MTC Judge Jose Lorenzo dela Rosa, Chief Regional State Prosecutor Ernesto Mendoza, City Prosecutor Dodie Leyros and Clerks of Courts on April 14, 2011 at Glyden Josh Restaurant, Dagatan Boulevard this city under the sponsorship of the Bench and Bar Relations Committee chaired by Atty. Gregorio Villanueva.

The luncheon meeting which lasted until about 3 in the afternoon, focused on ways to set in place within the limits of legal framework, mechanisms that can effectively contribute to swift and just dispensation of justice.

Executive Judge Morga expressed elation over such collective show of commitment to establish communication lines between the Bench and Bar aimed at enhancing judicial image as the true and reliable ally of the oppressed. Important issues, which were brought to the fore, pertained to excessive fees and expenses that litigants had to bear to pursue their cases in court to include commissioners fees, Sheriffs fees, costs of transcripts and publication of orders and notices.

The Executive Judge encouraged lawyers to come forward and initiate formal complaints against any court personnel perceived to be exorbitantly charging their fees. He promised to act on grievances in earnest and with dispatch. He emphasized that unless a written complaint supported by affidavits is presented before him, he would have no adequate and plausible grounds to proceed and see it through up until its conclusion. On publication charges Judge Morga announced that he had a letter ready for distribution to all accredited publishers defining guidelines on how charges should be billed.

Atty. Arago expressed gratitude, in behalf of the Bar, to the attending judges, prosecutors and clerks of courts for their show of interest in supporting healthy dialogue between and among the principal players in the administration of justice. He assured them of the Bar’s resolve to serve as a potent partner in the efficient delivery and dispensation of justice in the city. The president added that the Bar shall regularly provide opportunities for similar interactions with the end in view of enhancing harmonious working relationship with courts and staff. (SEVEN LAKES PRESS CORPS)

MAGKAPATID, MAGKASABAY SA TAGUMPAY

2011-04-20T18:32:00.000-07:00

Magkasabay na tumapos ang magkapatid na Maria Elena "Happy" D. Belarmino (kaliwa) na natamo ang titulong Bachelors of Science in Civil Engineering, at Joanna Finna "Ana" D. Belarmino na ang natamo ay titulong Bachelors of Science in Nursing, sa Laguna College. Kuha ang larawan pagkatapos ng commencement exercises na ginanap sa LC Quadrangle noong nakaraang Linggo, Abril 10, 2011. Sina Happy at Ana na kapuwa naghahanda para sa kanilang pagkuha ng government examination ay anak ng mag-asawang Sandy at Maricar Belarmino ng Seven Lakes Press Corps in San Pablo City. (CIO-Jonathan Aningalan)

BAGONG LAGUNA, DI MAGALANG?

2011-04-17T02:06:00.000-07:00

Dahil marahil sa kawalang galang at pagpapahalaga sa kababaihan lalo’t higit sa nakatatanda ay napaulat na nademanda si Laguna Governor ER Ejercito, na kahit nanalo na sa eleksyon ay wala pa ring humpay sa paninira sa mga nakaibayo sa pulitika.

Ito ba ang Bagong Laguna na kanyang ipinagmamalaki?

Batay sa naglitawang ulat ay idinimanda umano ng dating Gobernador sa Ombudsman ng 11 counts of oral defamation o paninirang puri si Gob ER na ibig sabihin ay hindi na nakatiis ang dating gobernadora sa mga nakararating sa kanyang paninirang puri ng gobernador ng Bagong Laguna.

Hindi mawari ng may akda kung ano ang nasasaisip nitong si Gob ER, na tila hindi niya batid na tapos na ang halalan at malapit na siyang mag-isang taon sa panunungkulan bilang punong ehekutibo ng lalawigan, at siya ang pinuno, ang gobernador ng lahat maging kakampi at lahat ng nakalaban.

Unsolicited advice lang: “dapat sana’y nag-reach out siya sa lahat ng nakatunggali.” Katulad ng ginagawa ng mga matitinong lider saan mang dako ng daigdig na matapos ang halalan ay pakumbabang lumalapit sa mga naka-ibayo sa eleksyon upang mahimok ang kanilang kooperasyon.

Sa nangyaring demandahan ay nakatitiyak nang maaapektuhan ang paglilingkod ni Gob ER sa buong lalawigan at mas lalong mababawasan ang oras na kanyang inilalaan sa buong lalawigan, na baka sa halip na kahit gabi ay nagtitiyaga ang mga Lagunense sa paghihintay sa kanya ay tuluyang hindi na siya makita dahil mabigat magkaroon ng kaso sa Ombudsman. Baka gawin pa siyang sample ngayon ni Tita Merci?

Ang pinangangambahan ko lang ay baka magkaroon ito ng domino effect sakali mang ang ginagawa niya sa pamilya Lazaro ay nagawa rin niya sa iba pang kalaban.

Hay naku! Malaking abala ito para sa isang lingkod bayan, masasayang din ang Bagong Laguna na may masipag na gobernador kung gabi! Ang tanong ng marami ay may kasunod pa kaya ito? Sana naman eh wala na. (sandy belarmino)

IVY SCHOLARS SA LILIW, NAGTAPOS

2011-04-15T10:34:00.000-07:00

Nagtapos na nang nakaraang Linggo ang grupo ng Ivy Scholars sa bayang ito na sumailalim ng pagsasanay sa Kursong basic computer training na binubuo ng 268 sa pakikipagtulungan ng TESDA at Bagong Henerasyon (BH) Party List.

Sa nasabing bilang ay 208 ang nagsanay sa computer literacy, samantalang 60 ang kumuha ng computer technical na kaalaman na pawang pinagtibay ni TESDA Provincial Director Luisita de la Cruz makaraang kumpirmahin ni BH Partylist Congresswoman Bernadette Herrera-Dy ang kanilang pagtatapos

Ang computer learning program ay bahagi sa isinusulong na adbokasiya ni Laguna 3^rd District Congresswoman Maria Evita Arago sa buong distrito kung saan libo-libo na ang natulungan sapul ng masimulan noong Pebrero nang nakaraang taon.

Naniniwala si Arago na ang teknolohiyang ito ay sagisag ng makabagong panahon kaya marapat lang aniyang makaangkop ang mga taga ika-3 purok ng lalawigan.

Magugunitang tatlong ulit nang nakapaghandog ng pagsasanay sa computer learning sa Lunsod ng San Pablo at dalawang ulit na sa bayan ng Victoria sa pamamagitan ng AiHu Foundation computer van aralan. Nagdulot ito ng malaking bilang ng mga nagtapos sa TESDA na dahil sa skills na natamo ay marami na rin ang nagtatrabaho na.

Ang BH computer van aralan ay pinangangasiwaan ng kanilang computer instructor na sina Mark Joseph Inawat at Elbert Santiago, sa pamamatnubay ni Cong. Herrera-Dy.

2011-04-15T10:27:00.000-07:00

(L-R) Atty Hizon A. Arago, San Pablo Bar Association President, House Speaker Feliciano Belmonte, Jr and IBP President Libarios. Photo taken at Subic, Zambales during the 13^th National Convention of Lawyers under the auspice of the Integrated Bar of the Philippines (IBP).

SAN PABLO LAWYERS ATTEND CONVENTION

2011-04-15T10:22:00.000-07:00

Members of San Pablo Bar Association headed by its president, Atty. Hizon A. Arago, left for Subic, Zambales on April 7, 2011 as official delegates to the 13^th National Convention of lawyers under the auspice of the Integrated Bar of the Philippines.

The 4-day gathering (April 7-10) with this year theme, “IBP, LIVING UP TO THE STANDARDS OF INTEGRITY AND COMPETENCE IN THE LEGAL PROFESSION” had as keynote speaker, Vice-President Jejomar Binay who underscored the significant roles lawyers play in building a just and humane society. He said that lawyers are agents of change with paramount influence to protect the poor and the powerless from those who break the law with impunity.

Highlights of the convention included the main address of Chief Justice Renato C. Corona to the delegates extolling the relentless efforts of IBP “to upgrade the professional standards of the legal profession and wield the law as an instrument for the protection of rights and liberties.”

The convention was a powerhouse of legal luminaries who collectively recognized the need for pro-active participation of lawyers in nation building. Senator Francis Escudero, House Speaker Feliciano Belmonte, Jr., Justice Santiago M. Kapunan, Secretary of Justice Leila de Lima, Cong. Ma. Milagros H. Magsaysay, Mayor James Gordon, Jr., former senator Aquilino Pimentel, Chief State Prosecutor Claro A. Arellano, SC Spokesman Midas P. Marquez, Cong. Neri Colmenares and UP Dean Raul Pangalangan were among those who addressed the delegates.

The convention incorporated lectures on various fields of law credited as full compliance with the prescribed requirements under the Rule on Mandatory Continuing Legal Education.

Delegation from San Pablo consisted of Atty. Hizon A. Arago as head, Attys. Deogracias Reyes, Edmundo Garcia, Alvin Exconde, Cosen Exconde, Karen Agapay, Restituto Mendoza, Butch Javier, Roderick Urrea, Von Supeña, Marcus Robles, Candido Javaluyas, Jr., and Prosecutor Leda Aninias.

An unprecedented volume of lawyers from all over the country numbering more than 3,000 signed in as delegates to discover and learn the latest Supreme Court issuances, laws, jurisprudence, trial techniques and other skills in legal advocacies.

Atty. Arago said that his attendance and participation in the convention significantly broadened his perspective and skill as a lawyer. (SEVEN LAKES PRESS CORPS)

3RD DISTRICT NG LAGUNA: YES!

2011-04-04T14:46:00.000-07:00

Sa botong 212 YES, 40 NO at 4 ABSTAINTION ay pumasa sa plenary ng Kongreso ang resolusyon ng impeachment kay Ombudsman Merceditas Gutierrez upang tuluyan na siyang malitis sa Senado sa mga usaping kanyang kinakaharap at nakasaad sa article of impeachment.

Medyo naging mainitan ang talakayang nangyari sapagkat umabot hanggang hatinggabi ang debate sa plenary dahil may mga interes pa ring pumipigil upang hindi ma-impeach ang ombudsman sanhi ng mga lihim na posibling mahukay sakasakaling umakto na ang mga senador bilang mga hukom sa usapin.

Ang ilan sa mga nakapaloob sa impeachment ay ang ukol sa fertilizer scam at NBN-ZTE broadband deal na talaga namang kasuklam-suklam ang pagtatakip ng ombudsman upang hindi maisampa ang kaso sa Sandigang Bayan sapagkat siguradong lilitaw ang partisipasyon ng mga taong kanilang diumano’y pinuproteksuyan at pinangangalagaan.

Hindi nga natin batid kung bakit nga ba sa hinabahaba ng panahon ay nabinbin ang mga usaping ito sa Ombudsman ganoong matagal nang tapos ang pagsisiyasat. Mabuti na lamang at dulot na rin ng kanilang kawalang ingat na makipag-“Plea-bargain” kay dating AFP Comptroller Gen. Carlos Garcia ganoong plunder ang kasong kinakaharap nito, ay nabuksan muli at narepaso ang mga nakabinbin pang mga usapin.

Halos in full force ang mga mambabatas nang tuluyang isalang ito sa plenary upang pagbotohan ang nasabing impeachment na marahil ay dahil na rin sa bigat ng usapin. Umabot nga sa 212 ang mga sumang-ayon sa impeachment ganoong 94 na boto lang ang kailangan upang ito ay maisakatuparan.

Kahit nga si Laguna 3^rd District Congresswoman Maria Evita “Ivy” Arago na sampung araw pa lang na nagpapagaling sa caesarian operationg nang isilang ang kanyang baby ay hindi nagpabaya sa tawag ng tungkulin.

Personal pa ngang pinayuhan ni President Noynoy Aquino si Cong. Ivy na huwag ng mag-attend sa House session dahil baka makaapekto sa kanyang kalusugan, subalit hindi nagpaawat ang mambabatas na maipaabot sa bansa ang damdamin ng mga kadistrito.

Dahil nagbi-breast feed si Cong. Ivy sa kanyang baby ay isinama niya ito sa kongreso at matiyagang sumubaybay sa House Proceedings mula alas tres ng hapon hanggang maghahating-gabi, na pagsapit ng botohan ay kanyang sinabing “the good people of the third district of Laguna vote YES for the impeachment.”(SANDY BELARMINO)

JUSTICE BRION INDUCTS INCOMING SAN PABLO BAR ASSOCIATION OFFICERS

2011-03-27T07:50:00.000-07:00

San Pablo City- Supreme Court Associate Justice Arturo D. Brion inducted incoming officials of elite San Pablo Bar Association in a fitting ceremony here also attended by Court of Appeals Justice Danton Q. Bueser. IBP Vice-President Atty. Roan I. Libarios and other legal luminaries of the profession last Thursday.

Brion lauded the assumption of Atty. Hizon A. Arago to the presidency of San Pablo Bar Association along with Atty. Antonio A. Lat, vice- president; Atty. Ereczurez A. Lanzuela, secretary; Atty. Jerson L. Belen, Treasurer; Atty. Epifanio E. Gamo Jr., and Atty. Deogracias C. Reyes, Jr., PRO; Attys Bienvenido V. Reyes, Gregorio T. Villanueva, Dionisio G. Aquino, Antonio Lacsam, Candido G. Javaluyas, Jr., Edgardo M. Maralim and Edmundo C. Garcia, board of directors,, as he give full confidence to the association as partner and officer of the court.

Given honor during the affair was Judge Dinah Evangeline Belulia-Bandong on her promotion to the RTC Lucena and welcome recognition to new passer and members of the club.

In his inaugural message Arago assure colleagues that the association in his leadership will contribute its tradition in the effective preservation and upholding of the Rule of Law, will exercise superior degree of fairness, observe reputable and reasonable behavior and worthy partner of the judiciary in the administration of justice.

Introduced by San Pablo RTC Branch 30 Judge Agripino G. Morga, as godfather of San Pablo Bar, Brion reiterated his trust and confidence to the association as important part in the promotion of justice which the courts alone can not do without the help of the practicing bar.

With the theme “the bench and the bar side by side for justice,” present during the induction were retired judges Bienvenido Reyes, Abelardo Escoses and RTC Judges Amy Melba S, Belulia and Honorio Guanlao. Atty Butch Javier was master of the ceremony. (Sandy Belarmino. Seven Lakes Press Corps)

WHO OWN THE CITY'S SEVEN CRATER LAKES?

2011-02-20T18:19:00.000-08:00

The Laguna Lake Development Authority (LLDA) was organized in 1966 by virtue of Republic Act No. 4850 authored by Senator Wenceslao Rancap Lagumbay from Laguna, as a quasi-government agency with regulatory and proprietory functions. Its powers and functions were further strengthened with the issuance of Presidential Decree No. 813 by President Ferdinand E. Marcos in 1975; and modified with the promulgation of Executive Order No. 927 in 1983.

Executive Order No. 927 expanded the so-called Laguna de Bay Region, so that Laguna Lake Development Authority will have authority or proprietory rights, control and supervision over the city’s seven crater lakes, as well as over all other bodies of water in as far as in Mauban in Quezon Province; in Tanauan City and Malvar in Batangas Province; and in Carmona in Cavite Province.

President Fidel V. Ramos issued Executive Order No. 149 to transfer the administration or administrative supervision over the LLDA from the Office of the President to the Department of Environment and Natural Resources, and Executive Order No. 240 to devolved some administrative control to the local government units in the CALABARZON Region to help establish the mechanics of cooperation in order that the framework of a comprehensive development program could be properly formulated.

Former Presidential Legal Adviser Antonio Carpio, now a justice in the Supreme Court, and former Secretary General Camilo Sabio of the House of Representatives issued separate opinions that Presidential Decree No. 813 and Executive Order No. 927 can only be amended, modified or repealed through act of Congress. These confirmed that the proprietary rights over the Seven Crater Lakes still belongs to the Laguna Lake Development Authority, though the City Government of San Pablo under the Local Government Code of 1991 or Republic Act No. 7160 is vested with specific powers to chart its own course, determine its own destiny by setting its own goals, and every member of the community have their own role to play for mutual benefit of every one.

Water coming from Calibato Lake through Palakpakin Lake and Mujicap Lake generate a hydro-electric plant for the Philippine Power Development Corporation, though the plant site is located within the jurisdiction of the adjoining town of Calauan.

During a meeting presided by then Laguna Governor and LLDA Chairman Jose D. Lina Jr. in March of 2000 held at the Barangay Training Center expressed his belief that the concept of synergy must be employed in planning, wherein every sectoral representatives can play an important role in translating the LLDA Programs into specific projects and activities. While local leadership believes that the administrative control and management of the lake must be returned to the City Government of San Pablo. (Ruben E. Taningco)

PROGRAMA NG PAGLILINGKOD, ISAGAWA NG MAY SISTEMA - REP. ARAGO

2011-02-18T17:11:00.000-08:00

San Pablo City - Mahigpit ang naging tagubilin ni 3^rd District Congresswoman Maria Evita Arago sa kanyang mga staff at volunteer dito hinggil sa mga gagawing pagpapatupad ng mga programa upang higit na mapaigting ang pagtugon ng kanyang tanggapan sa pangangailangan ng distrito.

Sa pulong na ipinatawag ng mambabatas sa kanyang district office ay hinimok niya ang mga ito na maging masigla sa paglilingkod, lagyan ng sistema ang nakalaang gawain at tuwinang isaisip ang papel na ginagampanan ng isang huwarang lingkod bayan na kaya nandoon ay upang tumugon sa maraming hinaing ng mga mamamayan.

Ayon sa kongresista ay “Public Office is a public trust, kaya ipadama sa mga constituents ang init ng paglilingkod na nararapat upang hindi mangimi ang nangangailangan ng tulong sa paglapit at maipabatid sa kanila na may pamahalaan silang masasandalan.”

“At upang mas mapagaan ang mga gawain”, dugtong pa ni Cong. Ivy “ay lakipan ninyo ng enthusiasm ang pagganap dito upang maibsan ang dalahin ng mga kababayang may mga suliranin.”

Ipinatawag ni Arago ang pulong sa mga staff at mga katulong ng kanyang tanggapan kaugnay sa nalalpit niyang pagluluwal ng sanggol at dahil na rin sa payo ng manggagamot na umiwas muna sa sobrang pagod at ipa pang stressful activities na kanya nang nakagawian.

Sa kaugnay na ulat ay muling magsasagawa ng MOBILE PASSPORTING ang tanggapan ni Cong. Arago sa darating na Pebrero 26 sa Villa Evanzueda, Sityo Baloc, Brgy. San Ignacio sa lunsod ding ito.

Bagamat 500 lang ang inihayag na maiisyuhan ng passport ay umabot naman sa 700 ang mga aplikanteng nagsumite ng requirements sa district office ng kongresista subalit dahil sa ipinatutupad na sistema ni Cong Ivy na may kanya-kanyang time schedule ang mga ito ay inaasahang hindi magkakaroon ng siksikan at ang lahat ay maluwag na mapaglilingkuran. (seven lakes press corps)

EMOSYON

2011-02-18T16:52:00.001-08:00

Hati ang opinyon ng mga Pinoy sa pagyao ni dating kalihim at AFP Chief of Staff Angelo Reyes nang kitlin niya ang sariling buhay kamakailan sapagka’t lumitaw ang emosyon ng sambayanang Pilipino dahil sa damdaming likas na paggalang sa isang namayapa.

Dahil sa kaugaliang Pinoy na iwasang dungisan ang alaala ng isang yumao ay may mga nagmumungkahing huwag nang isama ang kanyang pangalan sa ginagawang pagdinig sa senado hinggil sa katiwalaan sa AFP at isantabi na lamang ang kanyang partisipasyon ukol dito.

Samantalang may mga nagsasabing sa kanyang pagyao ay hindi ligtas ang kanyang pamilya sa pananagutang sibil sakasakali mang mapatunayang nagtamasa siya mula sa katiwalian sa panahon ng kanyang panunungkulan.

Walang nakakaalam sa tunay na dahilan ng pagpapatiwakal ni Reyes maliban sa pinalulutang ng ilan na dinamdam nito ang pagka-dungis ng karangalang lubos niyang pinahahalagahan bukod pa sa iginigiit ng marami na nasukol na ito at iniwasan na lamang na magdamay pa ng ilang personalidad.

Subalit ano man ang dahilan ay huwag nating ipagkait kay Reyes na malinis ang pangalan kahit siya’y nasa kabilang buhay na, ipagpatuloy ng senado ang pagdinig, bawasan ang emosyon at hayaang lumitaw ang dalisay na katotohanan.

BATAS NASYUNAL

2011-02-17T00:01:00.000-08:00

Mabuti na lamang at nalinawan ng marami nating mga kababayan ang tunay na katotohanan ukol sa pagiging requirement o pagkuha ng clearance sa Social Security System (SSS), Philhealth at Pag-ibig upang makakuha ng business permit o renewal ng mga prangkisa sa tricycle ay kautusang nanggaling mula sa pambansang pamahalaan at hindi sa lokal na pamahalaan.

May mga sektor kasing walang magawa na ipinagkakalat na ito raw ay kautusan mula sa mga punong lalawigan, lunsod at mga bayan na lubhang kay layo sa katotohanan.

Ang kautusang pong ito ay inilabas ng national government upang makatiyak na ang mga kawani at tauhan ng mga bahay kalakal at mga negosyante ay may angkop na proteksyon mula sa SSS, Philhealth o Pag-ibig nang sa ganoon ay mapangalagaan ang mga ito habang naghahanap-buhay.

Napakahalaga kasi ang SSS sa bawat empleyado sapagkat ito ang gumagabay sa kanila sa kanilang pagtanda at nagsisilbing insurance ng mga kawani, ang Philhealth naman ang tumutugon sa pangangailangang medikal ng isang manggagawa at kanyang pamilya, at sumasagot sa gastusin lalo na kung maoospital, samantalang ang Pag-ibig ang nilalapitan ng mga miyembro sa aspeto ng mga pabahay.

Dapat ding malaman ng ilang hindi nakakaunawa na may mga sariling charter na lumikha sa SSS, Philhealth at Pag-ibig, at ang mga ito ay sakop ng mga republic act o dekretong ginawa ng kongreso o pangulo ng bansa upang mapangalagaan ang sambayanang Pilipino, na katulad ng kautusang ang bawat kawani o manggagawa sa pamahalaan ay dapat may coverage ng GSIS.

Ang layunin ng gobyernong nasyunal sa pagsasama ng SSS, Philhealth o Pag-ibig bilang requirement sa business permit, mayor’s permit o prangkisa ay upang mapalaganap ang coverage ng mga ito alang alang sa kinabukasan ng mga manggagawa at taumbayan sa kanilang pagtanda.

Dapat ding linawin na ang mga batas nasyunal ay hindi maaaring ipawalang bisa ng alin mang Sangguniang Panlalawigan, Panglunsod o Bayan. Ang mga kautusang nakatadhana dito ay dapat ding ipatupad ng isang gobernador at alkalde, at kung hindi nila ipatutupad ay isang malaking pananagutan at possible silang makasuhan.

At ito rin ang dahilan kung bakit may mga nakatalagang mga tauhan ang SSS, Philhealth at Pag-ibig sa bawat lunsod at bayan sa panahon ng pagkuha at renewal ng business permit o prangkisa.(sandy belarmino)

HAPPY BIRTHDAY TITA EVA ARAGO

2011-02-13T21:57:00.000-08:00

Sa sandaling ito, di pa man nadating

Ang araw ng Puso, na nagluluningning

Ang 7 Lakes Press Corps, ika’y babatiin

HAPPY HAPPY BIRTHDAY, TITA EVA namin!

February 27, ang iyong kaarawan

Sa signo ng Pisces, ay matatagpuan

Sa magulong mundo, nitong sanlibutan

Ang iyong daigdig, ay makasaysayan!

Kahit nabulabog, itong uniberso

Mga bituin ma’y, nagkagulo-gulo

Ang iyong Horoscope, ay hindi nagbago

Nag-iisa ka lang, kay Hizon Arago!

Para kay Attorney, wala kang kapantay

Ika’y karagdagan, sa hiram na buhay

Sa hirap at dusa, galak at tagumpay

Kayo’y pinag-isa, laging magkaramay!

Ikaw ang nagdala, sa sinapupunan

At siyang nagluwal, sa lider ng bayan

Ikaw rin ang gabay, mula kamusmusan

Hanggang magtagumpay, bilang Congresswoman!

Ikatlong Distrito, dito sa Laguna

Ay nasisiyahan, lipos ng ligaya

Ang mga proyekto, lahat kitang-kita

Bukod ang personal, na tulong sa masa!

Ang aming dalangin, sa ‘yong kaarawan

Marami pang bertdey, ang iyong makamtan

Sumaiyo lagi, itong kagalakan

Ang Dakilang Diyos, ika’y patnubayan!

RABIES PREVENTION AT CONTROL PROGRAM ORIENTATION NG CHO

2011-02-09T16:04:00.000-08:00

San Pablo City – Seryoso ang lokal na pamahalaan ng Lunsod ng San Pablo sa pangunguna ni Mayor Vicente B. Amante at ng City Health Office na pinamumunuan ni Dr. Job Brion sa pagsusulong ng adbokasiyang naglalayong maiwasan at makontrol ang nakamamatay na Rabies.

Kaya noong Pebrero 4 ay nagsagawa ang CHO sa pangunguna ni Dra. Maria Victoria Guia ng isang oryentasyon sa mga barangay officials tungkol sa Rabies. Dinaluhan ito ng 72 Punongbarangay at ilang mga kinatawan buhat sa iba’t ibang tanggapan ng pamahalaang l

Naging resource person ang kinatawan ng Department of Health na si Bb. Emma Cardona. Masusing tumalakay ni Bb. Cardona ang R.A. 9482 o Anti-Rabies Act of 2007. Samantala, sina Dra. Guia at Dra. Gigi Orsolino, City Veterinarian naman ang magkatuwang na nagsagawa ng presentasyon ng kasalukuyang estado ng Rabies gayundin ang mga programang inihanda ng pamahalaang local ukol sa naturang sakit para sa Lunsod.

Matatandaan na ang Rabies ay isang uri ng sakit na nakamamatay buhat sa kagat o di kaya’y sa mga sariwang sugat o gasgas na nalagyan ng laway ng hayop na may rabies. Isa itong virus na direktang nakakaapekto sa central nervous system ng sinumang nakagat ng hayop na may rabies kung kaya’t ang sinumang tamaan nito ay 100% na namamatay.

Mahigpit naman ang paalala ng CHO na agad pumunta sa Animal Bite Treatment Center na matatagpuan sa Brgy. Bagong Pook Health Center kung nakagat o nasugatan ng hayop na hinihinalang may rabies upang mabakunahan. Ayon pa kay Dra. Guia, hindi dapat magtiwala o di kaya’y magpagamot sa “tandok o mga albularyo” sapagkat lubha itong delikad

Tiwala naman si City Admin. Amben na malaki ang maitutulong ng maigting na kampanya at pagbibigay ng sapat na impormasyon ukol sa Rabies upang ganap na mapuksa ito. Pinaalalahanan din ng Administrador ang lahat ng mga may-ari ng hayop na huwag pabayaang gumagala ang kanilang mga alaga upang hindi makakagat. Pinaalala rin niya na paturukan ang mga hayop upang maiwasan ang pagkakaroon ng rabies. (CIO)

MOBILE PASSPORTING SA LUNSOD NG SAN PABLO ISASAGAWA SA MAYO

2011-02-09T15:56:00.000-08:00

San Pablo City – Muling magsasagawa ng mobile passporting sa Lunsod ng San Pablo sa darating na Mayo bilang tulong ni Mayor Vicente B. Amante at ni City Administrator Loreto S. Amante sa mga mamamayan ng lunsod at karatig bayan upang mas madaling makakuha ng passport.

Paalala ng punonglunsdo sa lahat na ngayon pa lamang ay mag-asikaso na ng mga requirements para sa pagkuha ng passport. Ang mga requirements ay Birth Certificate (BC) na nakalathala sa Security Paper (SECPA) mula sa National Statistics Office (NSO) o di kaya’y Certified True Copy (CTC) ng BC na mula sa Local Civil Registar at NSO Authenticated, Identification Card (ID) kung saan ay kumpletong nakasaad ang inyong buong pangalan, petsa at lugar ng kapanganakan gayundin ang citizenship.

Para sa mga babaeng may-asawa na nagnanais na gamitin ang apelyido ng kanilang mga asawa, kinakailangang magdala ng Marriage Certificate (MC) na nakalathala sa SECPA mula NSO o di kaya’y CTC mula LCR at NSO authenticated.

Para naman sa 18 years old pababa na ang estado ay lehitimo ay kinakailangang isama ang alinman sa mga magulang sa pagkuha ng pasaporte samantalang para sa mga ang estado ay ilehitimo ay kinakailangan namang isama ang ina. Kung ang minor ay bibiyahe ng hindi kasama alinman sa mga magulang ay kakailanganin ang original at photocopy ng clearance buhat sa DSWD, affidavit of support at consent.

Ang lahat naman na nagnanais na mai-renew ang kanilang mga kulay brown pang passport ay kinakailangan dalhin ang lumang passport, photocopy ng pahina 1, 2, at 3 ng passport (amendment) at mga pahinang ipinapakita ang latest Bureau of Immigration departure at arrival stamps at ilang pang supporting documents na nagsasaad ng kumpletong middle name. Ang lahat naman ng mayroon pang MRP at Green Passport na nai-isyu matapos ang May 1, 1995 ay kinakailangang iprisinta ang lumang pasaporte at photocopy ng loob at hulihang cover nito, at ang mga pahinang nagpapakita ng departure at arrival stamps buhat sa BI.

Kinakailangan ng personal appearance para sa lahat ng mga magnanais na kumuha at mag-renew ng kanilang mga pasaporte. Para naman sa mga karagdagang impormasyon at katanungan maaaring tumawag sa numerong (049) 562-0863 at hanapin sina Trina Manalo at Nitz Marasigan. (CIO-SPC

MEDIA PROTOCOL

2011-02-06T13:22:00.000-08:00

Lumagda kamakailan ang ilang mamamahayag at publisher sa isang media protocol sa Camp Vicente Lim upang maging gabay ng mga journalist sa pagko-cover ng mga kaganapang katulad ng nangyaring hostage drama sa Quirino Grandstand sa Luneta noong isang taon.

Hindi natin kinukwesyon ang magandang layunin ni Calabarzon RD Gen. Sammy Pagdilao sa pagsusulong nito lalo pa’t para naman ito sa ikabubuti ng lahat na ibig sabihin ay lahat ng stakeholder mula sa mga alagad ng batas at ng mga biktima na lubhang napakahalaga na mapangalagaan ang kaligtasan, first and foremost ika nga.

Wala tayong tutol sa bagay na ito. Ang sa ganang akin lamang ay ang ilang probisyong na parang nasasagkaan ang karapatan sa pamamahayag na tila lumilitaw na supervisor ng mga journalist ang kapulisan sa nangyayaring kaganapan at tanging PNP ang saligan ng tinatawag nating Gospel Truth.

With due respect sa ilan nating kasamahan sa hanapbuhay, sana ay nakita at nabusisi nila ang probisyong nabanggit, humingi ng paglilinaw o pang personal ba nila itong kasunduan o nakipagkasundo sila in our behalf. Huwag naman po sana.

0-0-0-0-0

Nakakaawa naman si G. Angelo Reyes na nadamay sa usapin ni MGen Garcia sapul ng magkaroon ng plea bargaining agreement sa ombudsman, na sa kanyang pagkakadawit kung baga sa stage play ay siya na ngayon ang nasa leading role at main attraction na ng usapin sapagkat nabunyag ang di umanong katiwalian sa AFP noong siya pa ang Chief of Staff nito.

Ayon sa ginagawang pagdinig ng Senado ay may buwanang limang milyong pisong natatanggap si Reyes mula sa pondo ng sandatahang lakas bukod sa mga kapritso ng kanyang pamilya at may pabaon pang P50 milyong nang magretiro na pondo umano ng mga karaniwang sundalo na isinusugal ang buhay alang-alang sa bayan. Ganito pala kalawak ang korapsyon sa AFP at ito’y batay sa nalalamang ibinunyag ni dating Col Rabusa.

Vindicated kung ganoon si Sen. Antonio Trillanes IV at grupong Magdalo sa ginawang pag-aaklas noon dahil sa mga katiwalian ng kanilang mga senior officers, kung kaya’t ganoon na rin lamang ang pagnanais ng pamunuan ng hukbo na mabulok sa bilangguan si Trillanes kahit tahasan nang pinawalang sala ng taumbayan nang iluklok ito bilang senador.

Sa kanilang paghaharap sa pagdinig ng senado ay tahasang sinabi ng senador kay Reyes na “you have no reputation to protect” kaya pala! (SANDY BELARMINO)

LIBRENG PAP SMEAR AT BREAST EXAMINATION, IPAGKAKALOOB NI CONG IVY ARAGO

2011-02-06T12:53:00.000-08:00

San Pablo City - Ipinaaalaala sa lahat ng mga ina ng tahanan, lalo na yaong mahigit sa 30 taong gulang, na ang Tanggapan ni Congresswoman Ma. Evita “Ivy” Arago ay magkakaloob ng “Libreng Pap Smear at Breast Examination” sa darating na Marso 5, 2011, sa Siesta Residencia de Arago, Green Valley Subd., Barangay San Francisco sa lunsod na ito simula ika 8:00 ng umaga hanggang ika 2:00 ng hapon.

Ang palatuntunang ito ay maiuugnay sa pagdiriwang ng Women’s Month sa darating na Marso, at may suporta mula sa Philippine Foundation for Breast Care, Inc.

Layunin ni Arago na ang mga kapuwa niya ina ay magabayang malayo o makaiwas na makapitan ng sakit na kanser sa obaryo o sa dibdib.

Isang obstetrician-gynecologist o isang manggagamot na ang espesyalisasyon sa panggagamot at may kaugnayan sa panganganak at pagdadalangtao, ang nagpapaalaala na ang mga sasailalim ng pap smear examination ay dapat na walang regla at hindi nakipagtalik sa nalolooban ng nakalipas na 24 oras.

Para sa karagdagang impormasyon ukol sa libreng pap smear at breast examination ay maaaring tawagan sina Jenny Amante sa telepono bilang (049) 503-1472, Cora Escaño sa cp no. 0921-206-6932 at Wena Flores sa cp no.0919-651-8369.

Samantala, ang mga kabataang magsisipag-aral sa kolehiyo sa darating na School Year 2011-2012 ay maaaring humiling ng tulong na pinansyal para sa kanilang pag-aaral mula sa Scholarship Fund ni Congresswoman Arago na pinangangasiwaan ng Commission on Higher Education (CHED).

Ang aplikante ay dapat mag-submit sa Tanggapan ni Cong Ivy ng mga sumusunod: Certificate of Registration (photo copy in three copies); dalawang kopya ng resibo ng pagbabayad; dalawang kopya ng class record o report card; isang essay o sanaysay na may paksang “Bakit ako karapatdapat maging scholar ni Congresswoman Ivy Arago” na hindi bababa sa 300 salita o words; kopya ng pinakahuling electric bill at water bill, photo copy ng school ID; sertipikasyon ng punong barangay na ang estudyante ay sadyang karapatdapat tulungan (barangay indigency letter) at contact number ng aplikante, na ang lahat ng ito ay dapat makarating sa tanggapan ng kongresista sa o bago sumapit ang Hunyo 29, 2011.

Ipinauunawa na ang aplikante ay sasailalim ng nasusulat na pagsusulit o written examination; kakapanayamin at kukunan ng character investigation upang matiyak na hindi maaabuso o mapagsasamantalahan ang palatuntunang ito na pagtulong sa mga kabataang may talino, subalit maaaring kapus sa pang-araw-araw na gugulin sa pag-aaral. (SEVEN LAKES PRESS CORPS)

SOLON THANKS CONSTITUENTS , SAYS NOTHING TO WORRY ABOUT

2011-01-29T22:43:00.001-08:00

A Southern Luzon solon assured her constituents that she is now feeling well amidst reports of her delicate pregnancy she is undergoing since she was two months pregnant as reported by Abs-Cbn and broadcasted worldwide.

Alhough Laguna 3rd District Congresswoman Maria Evita Arago admitted that it was really the case during the early part of her proud pregnancy, things began to change for the better now as she reach the final stretch though she is at present under strict advice by her doctors to refrain from hectic physical activities.

It can be recalled that Rep. Arago was flooded by phone calls, text messages and in her facebook accout of constituents worrying on the health condition of the congresswoman in relation to her pregnancy based on the news reports but she took every thing positively, " Now the whole Philippines and those with TfC worldwide know my delicate pregnancy" the lady solon pasted in her facebook.

This being so painted negative implication at the once perfect attendance and 14th Congress grand slam outstanding lawmaker as other media practioneers deliverately omitted facts on her heatlh condition to near sensationalising.

Arago added " In the arena of public service, we are 24/7 under public scrutiny, so when I get pat on the back or a thumbs up sign and say I'm doing right, it reminds me why I'm here and that is to serve. My only heart's desire is to be the best public servant while being the best mom I can be for my upcoming baby and with God's grace I can strike a balance"

For the support and confidence of her constituents said " Thank you ABS-CBN and RG Cruz for a fair and balanced reporting.Likewise, thank you for all conerns for me and my baby's welfare as I'm now in the final strech of prenancy, it's been difficult but rest assured that I have not been remiss of my duty as people's servant".

MOBILE PASSPORTING SERVICE SA PEBRERO 26, 2011

2011-01-29T22:40:00.000-08:00

Sa pakikipag-ugnayan sa Consular Office para sa Katimugang Tagalog ng Department of Foreign Affairs, ang Tanggapan ni Congresswoman Ma. Evita R. Arago ay magtataguyod ng mobile passporting sa darating na Pebrero 26, 2011, araw ng Sabado, na gaganapin sa Villa Evanzueda sa Sityo Baloc sa Barangay San Ignacio, simula sa ika-8:00 ng umaga hanggang ika-3:00 ng hapon.

Ayon kay Congresswoman Ivy Arago, ang prosesong ito ay naaayon sa Philippine Passport Act of 1996.

Ang halaga ng passport na ito, na iyong may uring “Machine Readable” ay P1,200, at ang pangunahing pangangailangan ay ang mga sumusunod: birth certificate na authenticated ng National Statistics Office (NSO); 2 valid identification card; at kung babaeng may-asawa ay authenticated marriage certificate. Ang mga babaeng balo ay dapat magdala ng death certificate ng namayapang asawa na authenticated by NSO.

Sa pagtungo sa Mobile Passporting Service sa Pebrero 26, dapat ay may maayos na kasuutan, na kung lalaki ay may cuello o collar ang pang-itaas, at kung ngingiti ay “Mona Liza Smile” o hindi dapat na nakikita ang ngipin, natural o pustiso man.

Dahil sa prosesong ipinaiiral ngayon, ang tatanggapin lamang ay ang unang 500 passport applications.

Para sa kaayusan, ang passport application ay dapat na ipagkatiwala sa passport coordinator, na dito ay sa District Office ni Congresswoman Ivy Arago, nang hindi kukulangin sa dalawang linggo bago ang nakatakdang Mobile Passport Service o sa o bago sumapit ang Pebrero 10, 2011; upang sila ay mapayuhan sa tamang oras na sila ay haharapin ng mga Mobile Passport Service official.

Ang passport applicant ay dapat na personal na magsasadya sa Mobile Passport Service, liban na lamang ng mga batang wala pang walong (8) taong gulang, o matandang mahigit na sa 65 taong gulang.

Sa Mobile Passport Service ay hindi tinatanggap ang kahilingan para palitan ang nawawalang valid passport; pero tatanggapin ang kahilingan para palitang ang nawawalang paso ng passport o “lost expired passports.”

Para sa karagdagang kabatiran na may kaugnayan sa paghiling ng passport, ay maaaring tawagan si Bb. Len Baral sa cellphone number 0917-500 7707 o si Bb. Lorie Garcia sa cellphone number 0916-772 8388. Ang telepono ng District Office ni Congw. Ma. Evita R. Arago sa Siesta Residencia de Arago sa Green Valley Subdivision sa Barangay San Francisco ay (049) 503-1472) (Seven Lakes Press Corps)

REFORM BUDGET

2011-01-05T13:48:00.000-08:00

Nilagdaan noong nakaraang linggo ni Pangulong Benigno Aquino III ang national budget na nagkakahalagang P1.645-trillon para sa sasapit na 2011, na sinaksihan nina Senate President Juan Ponce Enrile, Speaker Sonny Belmonte at mga mambabatas ng dalawang kapulungan.

Kung ano ang kahulugan nito sa atin, aba’y napakahalaga sapagkat ang hatid nito ay pag-asa sa sambayanang Pilipino, sapagkat nakapaloob dito ang mga guguling kinakailangan ng bayan na siyang tutustos sa mga proyekto at programang ipinangako ni PNoy sa taumbayan noong panahon ng kampanya.

Marami ang nagsasabing ito ang Reform Budget sa dahilang dito nakasalalay ang ating kinabukasan na tila nakalimutan ng nagdaang administrasyon. Ito rin ang natitirang option ni PNoy upang ang kaunlaran ay higit nating makamit sapagkat medyo nadiskaril na ang tuwid na daan ng pagbabago na nais niyang ihandog sa atin sanhi ng hindi pakikiisa ng hudikatura, kaya medyo malabo na ang gagawing paghabol ni PNoy upang mabawi ang nawawalang yaman ng bansa.

Nasa timing ang pagkakapagtibay nito kaya higit na makatutulong sa taumbayan dahil naiwasan natin ang re-enacted budget na nakasanayan ng ating dating pinuno.

Sa reform budget 2011 ay mapasisigla ng pamahalaan ang kalakalan, komersyo at industriya na makapagbibigay ng maraming hanapbuhay sa mga Pinoy. Ibig lang sabihin na kung marami ang may hanapbuhay ay gaganda ang takbo ng buhay ng lahat, sapagkat may domino effect ang lahat ng ito lalo na sa peace and order natin, and everything follows after tulad ng pag-angat ng ating ekonomiya.

0-0-0-0-0

May pagka-killjoy talaga itong ating Supreme Court sapagkat ang pwede ay ginagawang hindi pwede at ang hindi pwede ay ginagawang pwede. Kamakailan ay idineklara nilang unconstitutional ang EO No. 1 ni PNoy na lumilikha sa Truth Commission na tila baga ka-tribo sila ng isang taong takot sa katotohanan.

Hindi po tayo nakikipag-debate sa Supreme Court sapagkat sila ang batas at nagbabasa ng batas (no matter how foolish is it). Ang sa ganang pitak na ito po lamang ay tanong na- bakit hindi naging unconstitutional ang PCGG at Saguisag Commission? Paki-explain nga po ang logic ng inyong desisyon.(SANDY BELARMINO)

YEAR-END PERFORMANCE SA DISTRITO, INIHAYAG SA BAYAN

2011-01-02T05:01:00.000-08:00

San Pablo City, Laguna - Inihayag sa bayan ni Laguna 3rd Disrict Congresswoman Maria Evita Arago ang mga gawaing nagampanan ng kanyang tanggapan sa nakalipas na taong 2010 nang nakaraang lingo bago ang recess sa sesyon ng kongreso.

Nahahati ang ulat ng mambabatas sa dalawang bahagi mula Enero hanggang Hunyo, 2010, na sakop ng 14th Congress, at Hulyo hanggang Disyembre sa pagpasok ng ika-15 Kongreso.

Sa unang bahagi ng taon ay naging kapansin-pansin ang pag-unlad ng distrito sa larangan ng pagawaing bayan na kinabibilangan ng road networks, gusaling pampaaralan at pangbarangay, farm to market road, patubig, pabahay at iba pang proyektong direktang pinakikinabangan ng taumbayan.

Naipagkaloob din ng mambabatas ang Certificate of Lot Award (CLOA) noong panahong nabanggit ang laon nang pinapangarap ng mga residente sa Ivyville sa Masapang, Victoria, Laguna, nakapagsulong ng scholarship program sa mga mag-aaral ng high school at kolehiyo ganoon din sa mga out of school youth, at vocational training sa mga unemployed sa tulong ng Tesda.

At sa ginawang pakikipag-ugnayan sa AiHu Foundation ay nakapaghandog si Rep. Aragon g Computer Literacy Training sa mga kababayan sa pamamagitan ng Computer Van Aralan, kung saan 280 ang nagtapos noong Abril sa lunsod na ito. Muli niyang nahimok ang nasabing foundation na magbalik sa Victoria, Laguna kung saan humigit kumulang sa 500 ang nagsipagtapos ngayong Disyembre.

Sapagkat lubos na pinahahalagahan ng mambabatas ang kalusugan ng mga constituents ay walang humpay na pakikipag-ugnayan ang isinasagawa ng kanyang tanggapan sa mga pagamutan sa loob at labas ng lalawigan upang higit na marami ang mapaglingkuran. Nagyayaot dito ang kanyang mobile clinic sa malalayong barangay katulad din ng kanyang ambulansya na naghahatid sa mg pasyente sa kamaynilaan.

Sa pagitan nito ay nagsasagawa ng madalas na medical mission sa mga barangay para higit na mapangalagaan ang kalusugan ng mga kababayan.

Bukod dito ay ang pag-anyaya sa mga espesyalista para sa eye clinic, cancer prevention and detections at pangangalaga sa mga nagdadalangtao, na sa ngayon ay nakapaglingkod na sa 217 barangay ng distrito.

Naisagawa ni Rep. Arago ang lahat ng ito sa unang bahagi ng taon, sanhi upang maparangalan siyang grandslam Outstanding Congresswoman dahil naisaalang-alang ng liderato ng Kongreso ang mahigit 80 panukalang batas at resolusyong naihain sa kapulungan kung saan sampu ang naging ganap na batas.

Naganap din sa panahong ito ang dalawa sa pinakamaligayang sandali sa buhay ng mambabatas. Ang una ay ang kanyang landslide victory noong eleksyon ng Mayo at ang pakikipag-isang dibdib sa kasintahang si Henry noong Hunyo.

Sa pagsapit ng 15th Congress noong Hulyo ay ganap na na-institutionalized ang lahat sa pagpa-follow up ng mga proposed bills, pagpapalawak ng sakop sa mga programa, pagsasaprayoridad sa mga proyektong higit na kapakipakinabang upang makamit ang higit na pag-unlad ng distrito at pagpapa-igting ng pagtulong sa mga nangangailangan.

ANG MAGING TSERMAN (tula ni Palasig)

2011-01-02T04:55:00.000-08:00

Sa mundong maharot, at puno ng kulay
Onli in da Pilipins, dito napalagay
Ang organization, tawag ay Barangay
Na siyang taga-tugon, sa hamon ng buhay.

Siyang taga-pasan, ng mga problema
Siyang taga-salo, ng buntong-hininga
Taga-pamagitan, nitong mag-asawa
Na kapag nag-away, ay isasali ka.

Nang magpasarapan, ay hindi kasali
Si Tserman ay wala, kahit isang kendi
Ngunit ng mabuntis, tiyan ay lumaki
Hanap na ay Tserman, gagawing kumpare.

Naging ugali na, sa lahat ng dako
Basta may problema, sa Tserman ang takbo
Walang piling oras, Sabado ma’t Linggo
Kahit nakabaon, huhugutin ito.

At laging kasali, sa mga gastusan
Paglapit kay mayor, gasgas ang pangalan
Pag napalimit pa, napagbibintangan
Na merong komisyon, na usap-usapan.

Pinakamabigat, pag nagkakagulo
Si Tserman ang tawag, bilang Super Hero
Gagawing “pansalag”, sa saksak at bato
Sa taga at baril, “dyahi” pag tumakbo.

Taga-resolba pa, sa mga nakawan
Detective ang style, at pulis ng bayan
Palagi pang saksi, binyag at kasalan
Suspek pa ng misis, s’yay nalilimutan.

Kaya ayoko nang, muling maging Tserman
Buti’t kukunti na, peklat ng katawan
Sa ABC miting, kapag naiwanan
Tiyak na may multa, kung dadalwang daan.

Ang Tserman naman, ng mga barangay
Di na makagayak, di na makasuklay
Pati ang asawa, nagiging alalay
Gipit sa romansa, nagiging mataray.

Happy New Year na lang, mga magigiting
Ang Dakilang Diyos, kayo’y pagpalain
Kayo’y napalagay, sa inyong tungkulin
Dahil kaya ninyong, “yan ay balikatin.

IVY'S PONKANA

2010-12-28T14:51:00.000-08:00

NASA LARAWAN SINA CONG IVY ARAGO (kaliwa) AT BB. LORIE GARCIA MATAPOS ANG MATAGUMPAY NA BUNTIS CONGRESS NA ISINAGAWA KAMAKAILAN SA SIESTA RESIDENCIA DE ARAGO KUNG SAAN AY HALOS 900 MGA NAGDADALANGTAO ANG NAKINABANG SA LIBRENG KONSULTASYON, ULTRA SOUND, VITAMINS PARA SA MGA BUNTIS, GAMIT NG MGA SANGGOL AT SEMINAR PARA SA MAINGAT AT MALUSOG NA PAGBUBUNTIS AT TAMANG PAG-AARUGA NG MGA SANGGOL. SI GARCIA ANG PANGUNAHING NAATASAN NI REP. ARAGO UPANG MANGASIWA SA NABANGGIT NA PROGRAMA GANOON DIN SA DARATING NA LIBRENG CHURCH WEDDING NG MGA MAG-ASAWANG NAGPIPISAN NA WALANG BIYAYA NG SAKRAMENTO NG KASAL. ANG MASS WEDDING AY GAGANAPIN SA DARATING NA HUNYO 30, 2011 SA SAN PABLO CITY CATHEDRAL. (Jonathan Aningalan/spc-cio)

PAG-IBIG

2010-12-22T11:32:00.000-08:00

Talagang iisa ang himig ng Pasko at ito’y madarama, maririnig at makikita saan mang dako kayo magtungo, na maaaring ipagkamali ng mga hindi nakauunawa na magkaminsan ay ipinagkakamali sa materyalismong naglipana sa paligid.

Ang pagbibigayan, unawaan, katahimikan o kapayapaan ay mga bagay lang ng isang kabuuan sa ilalim ng temang pag-ibig na bahagi ng mensaheng ipinarating ng Paginoong Hesukristo nang Siya ay isilang na buong linaw Niyang ipinaunawa ng may kababaang-loob nang makita ang unang liwanag bilang tao.

Sa mga isinagawang pananaliksik ay lumitaw ang maraming katanungang sa kung bakit ang Dakilang Manunubos na sugo ng Amang Diyos ay kinailangan pang sa hamak na sabsaban isilang ganoong higit Siyang nababagay sa pagtrato bilang prinsipe? At ano ang hiwaga sa likod ng tala na pumatnubay sa tatlong hari na mga naunang dumalaw sa Sanggol upang Siya ay sambahin?

Habang patuloy ang pananaliksik ay parami nang parami ang katanungan subalit nanatiling iisa ang katugunan – PAG-IBIG, sapagkat ito ang buod ng Kanyang pagsapit bilang tao sa mundong ibabaw. “For God so loved the world, He sent His begotten Son”, na samakatuwid ay nakatala na’t nasusulat sa ugat ng pag-ibig.

Ito ang kadahilanan sa kung bakit sa tuwing sasapit ang Pasko, saan mang bansa o lupalop, ano man ang dayalekto o wika ay lubusang yumuyuko sa gintong aral at banal na mensahe ng Pag-ibig na nagmula sa Ispiritu ng Diyos na nasa langit.

Merry Christmas and a Happy New Year sa lahat!! (sandy belarmino)

PROGRAMA AT PROYEKTO SA SUSUNOD NA TAON, NAKAHANAY NA

2010-12-22T11:28:00.001-08:00

San Pablo City – Inihanay na ng Tanggapan ni Laguna Third District Congresswoman Maria Evita Arago ang mga nakatakdang gawaing ipatutupad sa buong distrito sa pagpasok ng bagong taong 2011.

Napag-alamang kapwa binigyang diin ni Rep. Arago ang legislative duty sa kongreso at constituency work sa nasasakupang anim na bayan at isang lunsod na bumubuo sa ikatlong purok ng lalawigan.

Isa sa mga pinagtutuunan ng pansin ng mambabatas ay ang kanyang panukalang mabalik sa lunsod na ito ang pamamahala ng tanyag na pitong lawa na kinabibilangan ng Sampalok Lake,Bunot Lake, Palakpakin Lake, Yambo Lake, Pandin Lake, Calibato Lake at Mohicap Lake mula sa hurisdiksyon ng Laguna Lake Development Authority (LLDA) upang higit itong mapangalagaan.

Pinagsisikapan rin ng mambabatas ma kilanlin ng pambansang pamahalaan ang sampung barangay high school tungo sa pagiging national high school upang maiwasan ang suliranin sa kakulangan ng pondo na sanhi sa paghina ng kalidad ng edukasyon sa bansa.

Isa rin sa maraming nakatala sa legislative agenda ni Cong. Ivy ay ang pagsusulong ng Magna Karta para sa mga barangay tanod para mapangalagaan at mabigyan ng angkop na proteksyon ang nasabing sektor na ang paglilingkod sa kanayunan ay hindi matatawaran. Ang ilan pa sa mga panukalang batas na isinusulong ng mambabatas ay may kinalaman sa kalusugan, edukasyon at peace and order.

Samantala ay ipinabatid ni Rep. Arago sa pahayagang ito na magpapatuloy ang kanyang Peoples’ Day tuwing Lunes upang direktang dinggin ang mga suliranin ng kanyang mga constituents na nais iparating sa pamahalaan, na kadalasang sa lebel pa lang ng kongresista ay nabibigyan na ng solusyon.

Nabatid na mas paiigtingin ng mambabatas ang pagsasagawa ng mga medical mission sa dalawa hanggang apat na barangay kada linggo, ganoon din ang jobs fair, TESDA scholarship, livelihood seminars at iba pang gawaing ang mabibiyayaan ay ang mga dahop na pamilya sa ikatlong purok.

THANK YOU PO

2010-12-18T12:33:00.000-08:00

Dalawang linggo bago mag-pasko ay damang dama na sa simoy ng hangin ang kanyang pagsapit na walang kaduda dudang ito’y darating lalo na sa kabayanan na simula nang mapuno ng palamuti.

Ang Rizal Ave ng San Pablo ay tigib na ng pailaw sa kahabaan nito patungo sa City Plaza at San Pablo Cathedral, maliwanag na liwasan ang bubulaga sa sino mang manlalakbay dahil sa dinisenyong kaayusan ni City Administrator Amben Amante na tila dancing light na napakaamong pagmasdan.

Sa pinakagitna ay nandoon ang dalawang giant Christmas tree ng San Pablo City Water District(SPCWD) na nakapagitan sa water fountain na ang indayog ay sumasaliw sa kutitap ng mga Christmas lights. Hindi biro ang guguling ito na taon-taon ay pinasusumikapang maipagloob ng nasabing ahensya ng patubig para sa mga San Pableño.

______oOO______

Higit sa material na bagay na ating matatanggap ngayong kapaskuhan ay ang napagkassunduang tigil putukan ng pamahalaan at CPP-NPA mula Disyembre 16 hanggang Enero 3,2011. Mangangahulugan ito na pansamantalang makararanas ang ating mga kanayunan ng katahimikan at kapayapaan.

Ito ang pinakamalaking aginaldo na posibleng natanggap ng taumbayan partikular ang nasa magkabilang panig at masang na sa tuwina ay patuloy na nangangamba na maipit sa kanilan salpukan. Blessing din ito sa pamilya ng mga taga AFP at NPA sapagkat batid nilang walang dugo na dadanak sa mahigit na dalawang lingo.

Magkaganoon man ay patuloy tayong manalangin na walang sumuway sa ceasefire agreement sapagkat dito nakabatay ang ikapagtatagumpay ng usapang pangkapayapaan na kapwa nila isinusulong.

0-0-0-0-0

Hindi ko na iisa-isahin ang pasasalamat sa mga tumulong at sumuporta sa matagumpay na Christmas party ng Seven Lakes Press Corps kahapon, araw ng Linggo sa Patio Verde Restaurant. Talaga po naming lubos ang kagalakan ng lahat because in a short notice ay nagawa ng SLPC na mairaos ito.

Thank you po at Merry Christmas. (nani cortez)

DIGNIDAD

2010-12-18T12:27:00.000-08:00

Idinaos noong nakaraang Linggo ang kauna-unahang Christmas party ng Seven Lakes Press Corps (SLPC) sa Patio Verde Restaurant, Mabini St., Lunsod ng San Pablo. Una ito as far as sa pagiging simple, Masaya at matagumpay kung ang isasalang-alang ay ang natamong mainit na camaraderie ng grupo, na siya namang pangunahing layunin ng grupo sapul ng matatag.

Simple ito in the sense na Friday lang napagkasunduan ng grupo na ganapin sa araw ng Linggo at isang araw lang ang ginawang paghahanda subalit just the same ay tagumpay ito dahil na rin sa bigkis ng pagkakaisa ng bawat miyembro.

Bagama’t biglaan ang imbitasyon ay nagpaunlak si Board Member Angelica Jones-Alarva sa paanyaya ng grupo na parang Santa Clause sa daming dalang regalo at si Vice-Mayor Angie Yang ang unang nakaalam sa planong Christmas party at pinakaunang tumugon upang ito’y matuloy.

Sa kanyang year end report ay inilahad ni Pangulong Nani Cortez ang mga karangalang natanggap ng press corps sapul ng matatag tulad ng mga resolusyon ng pagpapahalaga mula sa Sangguniang Panlunsod ng San Pablo dahil sa sibikong gawain ng SLPC, pagkilala mula sa BJMP (regional) dahil sa alalay ng SLPC, command plaque mula sa Second Infantry Division ng Philippine Army sa Tanay, Rizal, pasasalamat mula sa iba’t-ibang pundasyon tulad ng SM Foundation at pasasalamat ng mga paaralan na kinabibilangan ng mga unibersidad, kolehiyo, high schools at elementary dahil sa isinusulong at itinataguyod ng grupo sa campus journalism.

Pinakabago sa mga natanggap ng grupo ay ang Tambuli Award buhat sa Department of Science and Technology (DOST) kamakailan lamang kung saan nakamit ni Kuya Ruben E. Taningco ang parangal at ito’y sa maraming sunod-sunod na taon. Ang may akda ay hindi man po dapat ay isa rin sa tumanggap ng parangal mula sa DOST.

Ang pinakamahalagang accomplishment ng SLPC ayon sa ulat ni Secretary General Taningco ay ang mapanatili nito ang dignidad sa larangan ng Journalismo na tulad nga sa tinuran ng isang heneral sa rehiyon ay isa sa iginagalang sa Calabarzon sapagkat ang SLPC ay kilala bilang “NO KOTONG GROUP.” He..he..he.. klaseng may tinutukoy si Heneral Ruben.

Kaugnay sa ginanap na Christmas party ay nagpapasalamat tayo sa mga nagtaguyod, tumulong at sumuporta lalung-lalo na sa mga patuloy na nagtitiwala sa SLPC. (sandy belarmino)

TAGUMPAY NG MGA PROGRAMA, DAHIL SA PAGHAHANDA- Rep. Arago

2010-12-15T16:44:00.001-08:00

Ito ang buod ng tagubilin ni Laguna 3rd District Congresswoman Maria Evita Arago sa lahat ng kanyang mga congressional at field advocacy staff sa ikapagtatagumpay ng mga programang pambayan.

Ang pulido at mahabang preparasyon ay mahusay na pamantayan upang makatiyak na ang mga nasabing programa ay makararating sa mas nakararaming nangangailangan sa distrito ayon pa rin sa tagubilin na mahigpit na ipinatutupad ng mambabatas.

Bunga nito ay ang mainit na pagtanggap at partisipasyon ng mga constituents na nagdulot ng higit na pakinabang.

Nabatid pang ang sistematikong mga pamamaraang ipinasusunod ng kongresista tulad ng maayos at detalyadong pagtupad sa gampanin ay malaki ang naiaambag sa tagumpay ng mga programa sabihin mang ito’y dagsain ng mga tao.

Dahil rin sa paghahanda ay kadalasang sabayang itinataguyod ni Arago ang medical mission sa dalawa o tatlong lugar sa isang araw, napaglilingkuran ang maraming aplikante sa mga jobs fair at nakakapanayam sa mga peoples day.

Kamakailan lang ay magkasunod na naidaos ang mobile passporting at Buntis Congress ng kongresista, samantalang sa ngayon ay inihahanda na ang cathedral mass wedding na gaganapin sa Hunyo 30, 2011.(SEVEN LAKES PRESS CORPS)

DOST AWARDEE

2010-12-09T16:38:00.000-08:00

Si Tribune Post Columnist at Vice President ng Seven Lakes Press Corps Sandy Belarmino habang tinatanggap ang plake ng pagkilala ng Department of Science and Technology (DOST) mula kay G. Ronald Liboro habang nakamasid si DOST 4A Regional Director Dr. Alexander Madrigal. (JONATHAN ANINGALAN- cio spc)

PINOY APRUB NG BAYAN

2010-12-09T16:22:00.000-08:00

Mataas pa rin ang tiwala ng sambayanang Pilipino kay Pnoy batay sa pinakahuling resulta ng survey ng Pulse Asia, sa kabila ng walang patumanggang batikos ng mga kritiko sa kanyang administrasyon na kadalasa’y walang basehan.

Nagtagumpay man ang kanyang mga kritiko na matapyasan ang dating 88% trust rating ay masasabing nasa pinamakataas pa rin ito kumpara sa marami nating opisyal ng pamahalaan, kaya maituturing na hindi nawawala sa pangulo ang tiwala ng mga karaniwang mamamayan.

Kung anu-ano kasi ang mga batikos sa pangulo nitong mga nagdaang buwan kabilang na ang mainit na tinatalakay sa Kongreso at Senado na Reproduction Health Bill na saan mo man silipin ay wala siyang kinalaman sapagkat ang panukala ay nasa lehislatibong sangay at wala pa sa executive branch.

Ang ating mga kaparian ay humantong pa sa sukdulan ng pagbabanta ng excommunication laban kay Pnoy na para bang sila lang ang tanging itinalaga ng Maykapal dito sa lupa upang magbawal sa tao na sambahin ang Banal na Pangalan ng Diyos.

Ganoon din ang nangyaring hostage drama na naging kalunoslunos ang kinahantungan na isa lang police matter at pilit iniuugnay sa pangulo, na tila baga inuudyukan si Pnoy na i-micro manage ang maliliit na detalye ng isang bagay.

Naglitawan rin ang mga guro, istudyante at mga tagapamahala ng ating mga state universities and colleges na nag-aakusa sa Malakanyang na binawasan daw ang kanilang mga budget, ganoon sa paliwanag ni Sen. Franklin Drilon ay nadagdagan pa nga ito, dahil ang katotohanan ay ang mga congressional insertion lang ang inalis dahil hindi naman talaga ito na-realized o nagamit sanhi sa kakapusan ng pondo ng nagdaang administrasyon.

Nandiyan din ang walang tigil na protesta ng mga militanteng grupo na pilit iniugnay si Pnoy sa kanilang kahirapan ganoong iilan pang-buwan ang pangulo sa panunungkulan. Salamat na lamang at mangilan-ngilan ang kanilang nahihimok katunayan ay mas marami pa ang placard kaysa sa nagpoprotesta.

Sa kabila ng lahat ng ito ay naging matalino ang taumbayan at nagtamo si Pnoy ng 79% trust rating, 3% ang hindi sumasang-ayon at 18% ang walang tuwirang opinion.(sandy belarmino)

CONGRESSWOMAN'S NIGHT SA ENERO 16, BAHAGI NG COCOFEST 2011

2010-12-09T16:15:00.001-08:00

San Pablo City, Laguna – Tulad nang nakagawian kaugnay sa kanyang kaarawan ay muling magkakaroon ng Congresswoman’s Night sa huling bahagi ng taunang Coconut Festival sa Enero 16, 2011 sa lunsod na ito.

Matatandaang ang paghahandog ng panoorin sa mga kababayan ay nasimulan na ni Laguna 3rd District Congresswoman Maria Evita Arago noong siya ay isang konsehala pa lamang ng lunsod na ngayo’y taunan niyang itinataguyod sa tulong ng mga kaibigan mula sa pinilakang tabing, telebisyon at tanghalan.

Ang Congresswoman’s Night ay kabilang sa mga unang gawain ng mambabatas upang salubungin ang bagong taon sa paniniwalang mas maaliwalas ang takbo ng buhay ng taumbayan kung mawawalan ng puwang ang lungkot sa susunod pang mga araw ng taon.

Ito rin ang nasa likod kung paano binabalangkas ni Rep. Arago ang paghahanay ng kanyang mga programa upang higit na makinabang ang mas nakararami sa distrito.

US AMBASSADOR VISITS QUEZON

2010-12-09T16:13:00.001-08:00

Tiaong, Quezon – A warm welcome greeted United States Ambassador Harry K. Thomas, Jr. on his arrival for a visit on the invitation of a Fulbright scholar here this morning.

On hand to meet the ambassador were Quezon Governor Jayjay Suarez, Mayor Rederick S. Umali, Division of Schools Assistant Superintendent Aniano Ogayon, District Supervisor Elizabeth de Villa, Barangay officials, Lusacan National High School principal Juana V. Villaverde along with her teaching staff and students.

The ambassador was invited by Sammy Luces, an alumnus of the US Government funded International Leadership in Education Program of the Philippine-American Foundation (PAEF) that brings teachers around the globe to United States to learn the latest advancement in educational methodology and policy for development of leadership skills that will be helpful on the implementation and promotion of change in their respective schools and communities.

Luces who took the course at Kent State University was praised by Thomas for coming back as the scholar can conveniently stay at US for economic advancement yet chose to return teaching at LNHS.

Thomas also impart to students the importance of education and encouraged them to dream to get the job of their choice that will enable each one to climb greater heights. He also promised to facilitate a request to US-AID to promote education in Quezon in form of infrastructure.

Meanwhile, Suarez invited the ambassador to visit the province more often as he pledged LNHS an airconditioned classroom as part of his computer literacy advocacies in the school division of Quezon.

LAKAN AT MUTYA NG SAN PABLO, TAMPOK SA COCOFEST 2011

2010-12-09T16:06:00.001-08:00

San Pablo City, Laguna- Bukod sa mardi gras, beer plaze at gabi-gabing pagtatanghal sa liwasang lunsod ay magiging tampok rin ang timapalak kagandahang Lakan at Mutya ng San Pablo sa gaganaping Coconut Festival sa Enero 8-16 sa susunod na taon.

Ngayon pa lang ay lubusan na ang ginagawang paghahanda ukol dito makaraang mapili ang tig-15 finalist sa isinagawang elimination round kamakailang sa tulong ng Circle of Fashion Designers ng lunsod na binubuo nina Archie Fandiño, Chris Gamo, Raul Eje, Chiva Siason, Jenny Belen, Nikki Hernandez, Louie Pangilinan at Atang Concibido.

Sa 15 pares ng contestant ay lima ang mananalo ng major prize kung saan magtutunggali sa titulong Lakan at Mutya, Mr and Miss Cocofest at Ginoo at Bb. San Pablo, samantalang ang dalawa ang tatayong runner-up.

Iba’t ibang uri ng award ang naghihintay sa mga candidates ayon kay Concibido, batay sa kani-kanilang katangian at performance tulad ng Ms. Talent, Photogenic, Darling of the Press, Best in Gown, Best in Swim Wear at marami pang iba na ipagkakaloob ng mga beauty products na tumatayong sponsors.

Ang mga lakan candidates na magtatagisan sa kisig at talino ay sina Aaron Joshua V. Carada, Allerson Exconde, Marvin A. Plazo, Jerome Lormeda, John Brett Shanty M. Tiongson, Jos Mari C. Gipal, San Kirvin Reyes, Ezekiel Almanza, Mark B. Dikitan, Jayvee C. Dimaano, Jerahmeel Tolentino, Mark Joseph Simon, Whilmart Dave A. Camado, Timothy Benedict Anastacio at Leslie Enero.

Samantalang ang mga dilag sa Mutya ay sina Charisse B. Bueser, Glady’s Bernardino, Angele Coline V. Quitain, Jaziel C. Cuenca, Mariz Ysabelle Amante, Jellence S. Macatangay, Marie Anthonette B. Alimagno, Angelica Oba, Darian Michaela Bajade, Jam Kenneth Manahan, Angelica Carandang, Carmela A. Alvarez, Jennifer M. Jarique. Charmaine L. Cortez at Mari Karlette L. Espinosa.

Nakatakdang gawin ang coronation night sa Enero 12, 2011 at ang magwawaging mutya ayon kay pageant director Egay Victorio ay ang magiging opisyal na kinatawan ng lunsod sa taunang Anilag Festival ng lalawigan.

Nagsimula ang Coconut Festival labing-anim na taon nang nakalilipas bilang proyekto ni Mayor Vicente B. Amante at ngayo’y pinamamahalaan ni City Administrator Loreto “Amben” Amante sa tulong ng mga NGO, civic groups at mga bahay kalakal sa lunsod.

PASKO 2010 SA CALAMBA, ISANG BUWANG IPAGDIRIWANG

2010-12-09T16:02:00.001-08:00

Tatagal sa isang buwan ang pagdiriwang ng Pasko sa lunsod na ito bilang handog ni Mayor Joaquin “Jun” Chipeco at Sangguniang Panlunsod sa mga Calambeño ngayong Disyembre at darating na buwan ng Enero 2011.

Ang Pasko sa Calamba 2010 ni Mayor Chipeco ay may temang “Nagpupuri, Nagmamahal at Nagbibigay”, at katulong ng alkalde sa programang ito ang DepEd Calamba, mga NGO’s, mga barangay chairman at mga department head ng kapitolyo.

Opisyal na sinimulan ito sa pagpapailaw ng mga Christmas tree sa Brgy. Punta para sa Calamba Upland Barangay Association (CUBA) at Brgy. Canlubang Disyembre 3 at sa Pamilihang Panlunsod, Baywalk ng PALISAM (Brgys Pangingan, Lingga at Sampiruhan) at City Plaza noong Disyembre 4.

Ngunit bago rito ay napasimulan na ni Mayor Chipeco ang pamamahagi ng hygiene kit sa mga piling paaralan ng lunsod mula Disyembre 1 na magtatagal hangang Disyembre 14, nakapagtaguyod ng JOBS FAIR noong Disyembre 4, at nailunsad ang food fair sa City Plaza Disyembre 5 hanggang Disyembre 30.

Ang iba pang naka-programa sa Tanggapan ng Alkalde ay ang mga sumusunod: Disyembre 8, Christmas Party for special children; Disyembre 8, kasalang bayan; Disyembre 10, caroling sa City Jail at Bahay ni Maria; Disyembre 13, Tulayaw/Sayawit sa City Plaza, Disyembre 14, street dancing at Disyembre 15-16, SAGIP (Share a Gift).

Samantala, ayon kay City Information Officer Chris Sanjie ay may gabi-gabi ring pagtatanghal na ihahandog si Mayor Chipeco sa City Plaza mula Disyembre 16, DepEd elementary schools; Disyembre 17, DepEd secondary schools; Disyembre 18, CAPRISAA I; Disyembre 19, CAPRISAA II; Disyembre 20, Lions Club/Rotary Club; Disyembre 21, DILG/SK/ABC; at Disyembre 22, City Government/City College,

Napag-alamang ang mga programa ay nailunsad bilang pagtanaw ng utang na loob ng alkalde sa mga Calambeño na patuloy na naniniwala sa kanyang liderato at sa walang hanggang pagsuporta ng mga ito sa kanyang anak na si Laguna 2nd District Congressman Timmy Chipeco.

POETIC JUSTICE

2010-12-02T16:16:00.000-08:00

Makaraan lang ang ilang linggo ay parang isang poetic justice ang naigawad sa “Pinas matapos nating maranasang mabiktima ng hindi makatarungang travel advisory laban sa atin buhat sa Estados Unidos (US) at ilan niyang kaalyado.

Tulad ng nalalaman ng lahat, ito’y nabatay sa intelligence report ng US na ang ating kahinaan ang magiging sanhi upang pamugaran at pagmulan ng terorismo sa bahaging ito ng mundo na naging gospel truth upang sang-ayunan ng anim pang bansa, na kung hindi tayo nagkakamali ay kinabibilangan ng South Korea.

Ang injustice na ito na ipinukol sa ating bansa ang nagdulot ng malubhang epekto partikular sa aspeto ng turismo na isa sa pinagkukunan natin ng dolyar at nagbibigay ng maraming hanapbuhay para sa mga Pinoy.

Ikinairita ito ng ating gobyerno sa dahilang iniisyu ang travel advisory base sa tinatawag na “raw intelligence report” na kasing kahulugang hindi mapagkakatiwalaang sabi-sabi na posibleng umabot sa US embassy, nalagyan ng dry seal at ipinaabot sa Washington.

Sumatotal, kung hindi man huwad ang intelligence report ay ito’y sumisimbolo sa mahinang hinala na hindi pinag-isipang mabuti nang hindi na sana nakaapekto sa ating ekonomiya at nakapagpabawas sa tiwala ng mga Pinoy sa mga ipinahahayag ng Estados Unidos.

0-0-0-0-0-0-0-0-0-0

Binomba ng North Korea ang isang isla na nasasakop ng South Korea nang nakaraang linggo na hindi namalayan o nahigingan man lamang ng CIA ng Estados Unidos o maging ng intel community ng South Korea.

Iisa ang mensahe ng pangyayaring ito- ang huwag kang makialam sa panloob na suliranin ng nagsasariling bansa, bagkus ay unahin mo ang iyong sariling interes. Dapat mabatid ng lahat na libo-libo ang kawal Amerikanong nakahimpil sa South Korea subalit sa kabila nito ay nalusutan sila ng kaaway kahit may mahigpit at disiplinadong paniniktik.

Maging aral sana ito. The bombing of the North to South Korea should teach United States a lesson and the victim country as well to enhance their intelligence community to prevent it to happening again. And despite the tension in that peninsula, South Korea must be informed that the Philippines as an ally has yet to issue travel ban. Not Yet!

BUDGET CUT

2010-12-02T15:59:00.000-08:00

Sa kabila ng mga pahayag ng DBM (Department of Budget and Management) na hindi nagkaroon ng pagtatapyas sa taunang gugulin ng mga state universities and colleges ay naghuhumiyaw naman ang katotohanang kabaligtaran ito sa nararamdaman ng mga iskolar ng bayan.

Mismong mga pinuno na ng mga paaralang ito ang nagpapatunay na nagkaroon nga ng budget cut at ito’y nagpasiklab sa damdamin ng mga mag-aaral, guro at magulang upang magsagawa ng serye ng mga protesta sa mga pangunahing lansangan ng kalunsuran.

Ang DBM sa isa ng banda ay walang sapat na paliwanag ukol dito maliban sa pagpanig sa mga state university na lumikha ng income generating activity gamit ang lupain ng unibersidad katulad ng ginagawa ng UP Diliman na pinauupahan ang ilang bahagi ng campus.

Nalimutan ng DBM na halos nag-iisa ang UP sa antas ng mayroon ganoong katangian na matatawag na exceptional, dahil nasa sentro ng pamayanan ang kinatatayuan at bawat bahagi ng lupain ay angkop sa kalagayang upang mapagkakitaan.

Tila nalimutan rin ng DBM na edukasyon ang pinakamatibay na legasiya na maaaring ihandog ng istado sa kanyang mga mamamayan at ang pagbabawas ng budget sa mga state colleges and universities ay makakapagparupok sa adhikaing ito.

Unawa natin ang kasalatan ng ating pamahalaan sa panahong ito kaya naman hindi natin hihilinging dagdagan pa ang gugulin ng mga pang-istadong paaralan bilang pakikiisa sa pagtitipid. Subalit nananawagan kami sa DBM for their patriotic duty and conscience na ibalik sa mga paaralang ito ang salaping laan at nararapat sa kanila.(TRIBUNE POST)

VALENTINE WEDDING SA PEBRERO

2010-12-02T15:55:00.000-08:00

Very romantic ang setting ng gagawing susunod na proyekto ni Cong. Ivy Arago para sa mga kadistrito sa Ikatlong Purok ng Laguna na Valentine Wedding 2011 sa araw ng mga puso sa Pebrero 2011.

Handog ito ni Cong. Ivy sa mga maralitang nais magpakasal na kaya hindi maisakatuparan ay dahil sa kahirapan. Ngayon pa lang ay pinapayuhan ang lahat ng mga gustong mag-avail ng libreng church wedding (at libreng sama-samang wedding reception sa Villa Evanzueda, Brgy. Baloc, San Ignacio, San Pablo City) na magtungo sa tanggapan ng mambabatas sa Siesta Residencia de Arago para sa kaukulang pag-aasikaso ng mga dokumentong maaaring kailanganin.

0-0-0-0-0-0-0-0-0-0-0

May 585 nagdadalangtao ang dumalo sa Buntis Congress na ginanap sa Hizon Hall ng Siesta Residencia de Arago nang nakalipas na Linggo kung saan natutunan nila sa mga dalubhasa ang wastong pangangalaga sa kalusugan tulad ng mga dapat at hindi dapat gawin habang nagbubuntis alang-alang na rin sa sanggol na dinadala nila sa sinapupunan.

Ipinaalam din sa kanila ang tamang pag-aalaga sa mga bagong silang na sanggol at ang importansya ng breast feeding upang higit na maging malusog ang sanggol at maging ligtas sa karamdaman.

Sa ginanap na kongreso ay nagkaroon ng raffle para sa 200 libreng ultrasound, at pamamahagi ng libreng damit at lotion na pangbata at vitamins para sa mga dumalong buntis. Ang tagumpay nito ay dahil sa sipag nina Bb. Lorie Garcia at mga staff ni Cong. Ivy sa pag-aanyaya sa mga buntis sa 217 barangay ng distrito, sanhi upang kahit umuulan ay 585 ang dumalo.

0-0-0-0-0-0-0-0-0-0-0

Walang itulak kabigin sa kisig at ganda ng mga kalahok sa isasagawang timpalak kagandahang Lakan at Mutya ng San Pablo 2011 na gaganapin sa pagdaraos ng Coconut Festival 2011 kaugnay sa kapistahan ng Lunsod ng San Pablo sa Enero 15, 2011.

Ito ang ika-16 taong pagdaraos ng pestibal na ang layunin ay buhayin at pasiglahin ang industriya ng niyog sa siyudad. Bukod sa lakan at mutya ay tampok din dito ang gabi-gabing pagtatanghal sa liwasan ng lunsod, kasabay ng beer plaza at street dancing, float parade at marami pang dinarayo ng mga lokal at banyagang turista.

SM FOUNDATION ON HEALTH MISSION TO SM CITY SAN PABLO

2010-11-18T17:24:00.000-08:00

San Pablo City, Laguna – SM Foundation through its health and advocacy will conduct medical and dental mission at SM San Pablo on November 24 from 9:00 in the morning to 3:00 in the afternoon.

This health mission dubbed as “Gamot Para sa Kapwa” is a nationwide outreach program of the foundation that provides free medical and allied services to indigent families, particularly to low-income and marginalized in remote communities.

The foundation will serve San Pableños fully equipped with its two mobile clinics which will perform laboratory and diagnostic procedures such as X-ray, urinalysis, ECG (electrocardiograph) and CBC (complete blood count), with their competent doctors, dentists, nurses and medical aides.

Aside from free medical and dental check-up, diagnosis and treatment, patient-beneficiaries will also be given prescriptive medicines donated by SM Foundations, friends and supporters. To ensure wider reach the foundation coordinates with government and non-government organizations such as Department of Social Services and Development (DSWD) and Philippine National Red Cross (PNRC).

The Foundation also partners with media entities and organizations for proper dissemination of its advocacies, as Seven Lakes Press Corps has been their media partner in the Calabarzon region on worthy projects such as Donate a Book, Share your Extras, Give Joy in Christmas and many others long before SM City San Pablo and SM City Calamba were built. (NANI CORTEZ, President, Seven Lakes Press Corps)

DISIPLINA

2010-11-18T17:19:00.000-08:00

Napakapalad ng bawat Pinoy sapagkat nabiyayaan ng isang kababayan sa katauhan ni Manny “Pacman” Pacquiao na kahapon lamang ay nasungkit ang Championsip Belt sa walong dibisyon sa larangan ng boxing, na marahil ay habang panahon ng mananatili sa talaan ng pambihirang kakayahan.

Sa ipinamalas ni Pacquiao ay muling nalagay sa positibong pagtingin ng mga banyaga ang Pinoy na maituturing na pinakamalaking ambag ng boksingero sa ating bansa.

Ngunit dapat natin mabatid na ang tagumpay na ito ay may kalakip na sakripisyo st disiplina sa panig ni Pacquiao sanhi ng ginawa niyang walang humpay na pagsasanay makuha lang ang karangalan para sa kapwa Pinoy.

Maging simula sana ito at maging eye opener para sa ating lahat upang matuto tayong magsakripisyo at magpatupad ng disiplina sa ating mga sarili, nang sa ganoon ang bansa natin ay makabangon.

Hindi pa huli ang lahat sapagkat nabuksan na ni Pacquiao ang ating isipan na buhaying muli ang disiplina para sa ating bayan.(TRIBUNE POST/nani cortez)

WORLD WITHOUT SCIENCE

2010-11-18T17:13:00.000-08:00

Nagpapasalamat po ang may akda sa napakalaking pagpapahalaga na iginawad ng Department of Science and Technology (DOST) bilang runner-up awardee ng Golden Tambuli na kanilang ibinibigay sa mga nakikiisa’t nagbabalita ng mga adbokasiya at proyekto ng nasabing tanggapan.

Nais ko pong ipabatid sa DOST ang walang hanggang pagdakila sa kanilang tanggapan sapagka’t sa isang bahagi ng sulok ay nandoon sila na walang sawang nagsasaliksik upang humanap ng paraang maibsan ang kahirapan sa Pilipinas sa pamamagitan ng siyensya.

Ang DOST po ay tanggapang binibigyan ng mandato ng ating pamahalaan na mangasiwa o manguna sa pagpapalaganap ng siyensya at teknolohiya sa buong bansa, na tahimik ngunit episyente naman nilang tinutupad.

Wala nga halos nakapupuna sa tanggapang ito, ni hindi masyadong pinag-uusapan outside the science community, maliit ang budget at hindi kasing bongga ng iba pang kagawaran ng gobyerno na ang mga kalihim at director ay mga sikat na personalidad. Ang mga nasa likod ng DOST ay hindi sikat…may mga utak lang!

Sa kabila ng limitasyon sa budget ay hindi lamang technical assistance ang naibibigay na alalay ng DOST sa mga bagong tuklas na produkto, nakapagpapautang din sila ng tulong pinansyal na magagamit na puhunan sa pagsisimula lalo’t higit ay may nakikitang malaking pangako ang tanggapan sa nasabing negosyo.

Dahil dito ay napapanahon na marahil na mag-isip ang Executive Department na bigyan ng malaking budget ang DOST nang sa ganoon ay higit na mapalaganap ang kahalagahan ng teknolohiya sa pang-araw araw nating pamumuhay at maipabatid sa lahat na we cannot live without science.

We need it to cope with the ever changing world of Science and Technology, for what all that taste sweet is safe to eat and what all that taste bitter is not edible. We can only imagine a world without Science.(SANDY BELARMINO)

3 MAUBEÑAS, NAILIGTAS SA PROSTITUSYON

2010-11-12T13:27:00.000-08:00

San Pablo City – Tatlong kabataang babae mula sa bayan ng Mauban, Quezon ang nailigtas sa prostitusyon makaraang umaksyon ang CAPIN (Child Abuse Protection and Intervention Network) sa ilalim ni OCSWD Chief Grace Adap at Woman and Children Protection Desk (WCPD) ng San Pablo PNP.

Bago rito ay naunang isinugo ni Mauban Mayor Ferdinand Llamas si PO3 Jocelyn Torres ng Mauban MPS sa CAPIN kaugnay sa gagawing rescue operation.

Sa joint operasyong isinagawa ay napag-alamang ang isang biktima na ating kikilanling alyas Julia, 17 anyos, ay nakauwi na bago pa man ang aktwal na pagliligtas sa dalawa pang kasamahang naiwang magkapatid na sina Andrea 17 at Allesa 15, pawang hindi tunay na pangalan.

Nabatid sa pagsisiyasat na unang naglayas si Allesa at hinikayat ang kabarangay na si Julia na mamasukan sa Alice Videoke Bar ditto.

Sa kabilang dako ay humantong si Andrea sa naturang videoke bar sa paghahanap sa nawawalang kapatid na sa kalauna’y nanatili na rin doon upang ito’y mapangalagaan.

Kabilang sa matagumpay na rescue operation sina WCPD Officer Anita Flores, Loren Maniego, Marlyn Escondo, mga kagawad ng San Pablo CPS at Mauban MPS. Nagbabala si Adap na mananagot sa batas ang may-ari ng nasabing videoke bar. (NANI CORTEZ)

CVA SA VICTORIA

2010-11-12T13:20:00.000-08:00

Ginanap noong nakaraang Sabado ang pagtatapos ng tatlong batches na sumailalim sa pagsasanay ng computer literacy program ni Congresswoman Maria Evita “Ivy” Arago sa bayan ng Victoria, Laguna.

Ito ay sa pakikipagtulungan ng AiHu Foundation na palaging nakaalalay sa mga programa ni Cong. Ivy, TESDA Laguna na tuwirang sumusuporta at siyempre sa pakikiisa ni Mayor Raul “Nonong” Gonzales na sa tuwina’y nasa likod ng mga proyekto ni Cong Ivy sa nasabing bayan.

Nakatutuwang malaman na ito ay binubuo ng 280 nagsipagtapos, na sa pamamagitan ng computer van aralan (CVA) ng AiHu Foundation ay natuklasan kung paano gumamit at mag-operate ng computer, na kanilang mapakikinabangan sa hanapbuhay o pang-araw-araw na pamumuhay.

Ibig sabihin nito ay magiging bukas sila sa mundo ng social networking at internet na siya ngayong tulay sa pakikipagkalakalan, pakikipagkaibigan o sa pagtuklas ng bagong karunungan sa tulong ng pananaliksik.

Ito’y kung kaya ng isang simpling maybahay, isang kawani, isang mag-aaral, maging isang magsasaka o mangingisda ay makatatayo na tanaw ang lawak ng mundo sa tulong ng computer na aalalay sa paghahanap ng mga bagay na kapakipakinabang.

Napakaganda ng proyektong ito ni Cong. Ivy at AiHu foundation, na ang mismong paaralang ang inilalapit sa taumbayan right in their doorstep. Wika nga upang ang walang panahon at pagkakataon mag-aral sa mga conventional school ay mabigyan ng pag-asa sa libreng pag-aaral ng computer operation.

Actually, limang batch ito para sa bayan ng Victoria at ang nalalabing dalawa pa ay magsisimula ngayong Lunes November 8 at magtatapos next month ng December. Hopefully by January 2011 ay sa Liliw, Laguna, maglilingkod ang CVA, but let’s wait for the official announcement from the Office of Cong. Ivy regarding schedules of Van Aralan. (SANDY BELARMINO)

SM CITY SAN PABLO LAUNCHES GRAND CHRISTMAS SEASON

2010-11-12T13:16:00.001-08:00

San Pablo City, Laguna - Laguna Vice-Governor Caesar Perez and San Pablo City Vice-Mayor Angie Yang assisted by SM City San Pablo mall manager Gabriel Timothy Exconde and Odessa Galicia flagged up the signal to start grand Christmas celebration simultaneously with 40 other SM Malls throughout the country last Saturday, November 6 here.

With 48 more days before Christmas, the grand launch flares up the tradition among Filipinos on having the longest Christmas celebration in the world, the readiness of every SM Mall to act as venue and the hospitality of SM City San Pablo in particular to share and join the festivities.

As Christmas means love, caring and understanding, Timothy and Odessa distributed gifts to school children in coordination with Department of Social Welfare and Development, teachers and respective parents.

Also in attendance during the grand Christmas launch were Councilors Arnel Ticzon, RD Diaz, Gel Adriano and Ed Dizon, with other city officials Paud Cuadra and Mon de Roma. The occasion was also graced by Lt. Nenet Omamdam of 202 Bde, businessmen and media partners invited by Public Relations Officers Keno Moreno. (NANI CORTEZ)

VM ANGIE YANG, PASADO SA UNANG 100 ARAW

2010-11-12T13:13:00.000-08:00

San Pablo city, Laguna – Kaalinsabay ng pagsasanay kaugnay ng kanyang bagong tungkulin bilang bise alkalde ng lunsod na ito ay buong katiwasayan naipasa ni Vice Mayor Angie Yan ang kanyang unang 100 araw sa katungkulan.

Unang sumailalim si VM Yang sa mga kombensyong may kinalaman sa local legislation, Palawan; fiscal governance, Cebu at Tourism, Subic bago niya isinailalim ang mga kawani ng kanyang tanggapan sa Staff Development and Team Building for effective leadership sa Lunsod ng Calamba.

Sa nalolooban ng panahong ito ay nahalal din ang bise-alkalde bilang treasurer ng Vice-Mayor League, Laguna Chapter at miyembro ng Lake City Lions Club.

Naging pinaka-malaking kontribusyon ni Vice Angie (ang tawag sa kanya ng mga kababayan} ang pagkakapagtibay ng Annual Budget ng lunsod na ilang panahon din nagtiis dahil binimbin ng nagdaang komposisyon ng Sangguniang Panlunsod (SP).

Dahil sa liderato ni Vice Angie ay naipasa rin ng SP ang annual investment plan at annual development plan ng lunsod na siyang batayan sa pagpapatupad ng mga proyekto ng lokal na pamahalaan.

Ang ilan pang ordinansa na napagtibay ng SP ay moratorium sa implementasyon ng cedera ordinance, regulasyong nauukol sa mga internet café, at ang pagtatalaga ng business identification number (BIN) sa mga business establishment ng lunsod, bukod pa sa mahigit na 300 resolusyong naipasa.

Kahit abala ang bise-alkalde sa opisyal na pagganap sa tungkulin ay nakapagsulong din siya ng mga programang binubuo ng mga sumusunod na proyekto: 7 Point Program (Isang Linggong selebrasyon na may temang “Pantay na paglingap sa bawat mamamayan,” Livelihood program/trade fair, Tree Planting sa Mt. Ubabis, On the spot drawing/Essay writing contest, Lugawan sa riles kung saan siyam na barangay ang natulungan, Beauty Caravan at pakikiisa sa mga senior citizen.

Nakapagsagawa rin si Vice Angie ng medical mission/blood letting, talent search para sa mga kabataan, jobs fair at ang patuloy na pag-alalay sa mga indigent sa pakikipagtulungan ni Mayor Vicente B. Amante.

“Ang mga accomplishment na ito ay handog sa mga nagtiwalang San Pableño sa akin” ani Vice Angie. “At kailan man ay hindi ko sila bibiguin.”

280 NAGTAPOS NG BASIC COMPUTER LITERACY TRAINING

2010-11-12T13:09:00.000-08:00

Victoria, Laguna – Tatlong batch ng iskolar na binubuo ng 280 ang nagsipagtapos ng pag-aaral ng basic computer operation sa bayang ito sa pamamagitan ni Congresswoman Maria Evita Arago, AiHu Foundation at TESDA Laguna nang nakaraang Sabado.

Ang pagtatapos ay pinagtibay ni TESDA representative Engr. Racy Gesmundo sa harap ni Mayor Raul “Nonong” Gonzales at mga local official ng naturang bayan.

Kinatawan nina G. Billy at Bella Huang ang AiHu Foundation, kasama ang training supervisor Wendell Edu at mga instructor na sina Arman Castillo at Arjay Fernandez ng Computer Van Aralan No. 3.

Masayang ipinabatid ni Gng. Huang na extended pa ang pamamalagi ng CVA dito hanggang Disyembre upang mapaglingkuran pa ang karagdagang dalawang batch ng mga iskolar na bubuuin ng 200 pang mag-aaral.

Sa mensaheng binasa ni Henry Gapit para sa kanyang maybahay ay nagpaabot ng pagbati si Rep. Ivy sa mga magsisipagtapos dahil sa natamong karagdagang kaalaman, na nangangahulugan lamang aniya na hindi sagwil ang idad o ano pa man sa ikapagtatamo nito.

Binanggit din ng mambabatas ang mahalagang papel ng TESDA na ginagampanan sa kanyang isinusulong sa aspetong pang-edukasyon ng ikatlong distrito, ganoon din ang ginagawang pagtugon ng AiHu foundation sa kanyang mga paanyaya.

Muling magsisimula ang pagsasanay ng susunod na dalawang batch ngayong araw ng Lunes, Nobyembre 8 at inaasahang magtatapos sa Disyembre taong kasalukuyan. (NANI CORTEZ)

DOST TAMBULI AWARDEES

2010-11-12T12:59:00.000-08:00

Sina Seven Lakes Press Corps Sec. Gen. Ruben E. Taningco (First Place) at Vice-President Rosandro “Sandy” A. Belarmino (First Runner-Up) ang napiling paparangalan para sa taong 2010 bilang mga kagawad ng media sa bahagi ng Calabarzon na laging katuwang ng Department of Science and Technology (DOST) sa pagpapaabot ng mahahalagang impormasyon hinggil sa ikakaunlad ng siyensya at teknolohiya sa rehiyon. Gaganapin ang pagpaparangal sa Nobyembre 18, 2010, Hipolito Aycardo Hall, DOST Region 4A Office, Jamboree Road, Brgy. Timugan, Los Baños, Laguna, sa ilalim ng pamamahala ni Regional Director Dr. Alexander R, Madrigal. (CIO-Jonathan Aningalan).

HINDI HANDA

2010-10-27T05:24:00.000-07:00

Sa kung paano ipinahahayag ng Commission on Election (COMELEC) ang kanilang kahandaan sa pagdaraos ng barangay at SK election sa buong bansa ay ang kabaligtaran naman ang nararanasan ng publiko batay sa mga reklamong ipinararating sa naturang tanggapan.

Hanggang kaninang medaling araw ay may mga election parapharnelia ang hindi pa nakararating sa mga city at municipal election offices sa maraming lugar dito sa Calabarzon ayon na rin sa ulat na natatanggap ng pahayagang ito.

Subalit sa mga press release ng Comelec ay pinalilitaw nilang ang sama lang ng panahon partikular sa hilagang bahagi ng Luzon ang nakapipigil sa pagdaraos ng halalan sa naturang rehiyon, sa kadahilanang isolated ang lugar o nasira ang mga paaralang pagdarausan nito.

Ngunit lumilitaw na props lang ang lahat ng ito sapagkat ngayong umaga sa pagtungo ng mga botante sa kanikanilang presinto upang bumoto ay tanging silid-aralan lang ang kanilang naratnan sapagkat ang mga guro ay naghihintay pa sa mga tanggapan ng Comelec para sa mga kaukulang balota.

Dalawang bagay lang ang ibig sabihin nito, una hindi handa ang COMELEC at ang pangalawa’y hindi sila naghanda. (TRIBUNE POST)

COMELEC, SUPER SABLAY

2010-10-27T05:22:00.000-07:00

Samantalang mariing pinagtatalunan na huwag magkaroon ng sedera sa plaza ng lunsod o kaya’y sa paligid ng Dona Leonila Park ngayong October Fest upang magluwag ang trapiko ng dalawang barangay sa city proper particular ang nasa kahabaan ng M. Leonor St. (dating P. Aglipay St.) ay bukas kamay na tumanggap dito.

Ang nasabing lugar ay kasalukuyan ding dumaranas ng pagsisikip ng trapiko kahit wala pang sedera kaya’t mahihinuha na natin ang sitwasyon doon sa ngayon lalo pa nga’t nalalapit na ang UNDAS kung saan ang daang ito ang lagusan ng mga sementeryo sa lunsod.

Kung ano man ang kadahilanan ng dalawang chairman sa mga barangay na ito sa pagbibigay pahintulot sa mga sedera na matayo doon ay sila lamang ang nakakaalam. Ngunit batay sa ating mga karanasan sa plaza ay humigit kumulang na iisa ang ating maiisip at ito ay ang extra income (sana) ng barangay at hindi ng barangay chairman.

0-0-0-0-0-0-0-0-0-0

Super sablay ang COMELEC sa ginaganap na barangay election ngayong araw na ito na tila ang pagsusulong upang makalikha ng panuntunan ay ngayon lang nila ginagawa sa halip noong bago pa ito sumapit.

Ngayon lang sila nag-aapura sa pagpapalabas ng mga resolusyon upang pagtakpan ang mga kakulangan tulad ng nauukol na hakbangin hinggil sa delayed delivery ng mga balota. Biktima nila ang mga early riser na nasanay nang bumoto ng umaga sa pagbubukas ng bawat polling precint.

Sabagay ay may mga kandidatong napaboran dito at meron ding nalagay sa balag ng alanganin lalo pa’t ayon sa mga dumagsang mga nagreklamo ay madami ang hindi nakaboto. Apektado dito ang mga kandidatong ang mga followers ay hindi nakapagtiyagang maghintay sa kabagalan ng COMELEC.

0-0-0-0-0-0-0-0-0-00-0-

Congrats sa mga barangay chairman na alam ng pitak na ito na sure winners ngayong barangay elections: Brigitte Lopez Alican, Ed de la Crua, Onay Castillo, Rosilon Exconde, Tess Tala, Buhay Espiritu, Chairman Angeles, Mamay Mendoza, Pungay Bartolome, Billy Palma, Ric San Diego, Tolentino ng I-A, Benbong Felismino, Quesada ng Sto Nino, Asejo ng Sta.Lina ng San Roque, Manalo ng Sta. Veronica, Dandi Medina, Eddie Demejes, Amil Enobio, Onie Reyes, Rey Castaneda ng Brgy. VA, Eloy De La Paz ng Balagbag, Jun Cuello ng San Nicolas.

SUPT LEO LUNA, HEPE NG PNP-SAN PABLO

2010-10-27T05:17:00.000-07:00

Pormal na nagsimulang nanungkulan si P/Supt. Leonard “Leo” L. Luna bilang Officer-in-Charge ng Office of the Chief of Police ng San Pablo City Police Station noong nakaraang Martes, Oktubre 19, kahalili ni Supt. Ferdinand DG de Castro na pansamantalang nalipat sa Laguna Provincial Police Office sa Santa Cruz.

Ang bagong hepe ng San Pablo City PNP Station ay tubong Mamburao, Occidental Mindoro, na nagtapos sa Philippine National Police Academy (PNPA), na bago natalaga sa lunsod na ito ay isang may pananagutang pinuno sa Provincial Police Office.

Ayon kay Supt. Leo Luna, ang pangunahin niyang pagtutuunan ng pansin ay ang pagtiyak na ang magaganap na halalang pambarangay sa darating na Oktubre 25, 2010 ay magiging matapat, maayos, at mapayapa sa lunsod na ito.

Hinihiling ni Luna na kung papaanong ang kanyang mga hinalinhang hepe ng pulisiya ay pinagtiwalaan, siya man ay pagtiwalaan din, sapagka’t kailangan ng pulisiya ang pagtitiwala ng mga mamamayan upang ang pulisiya ay makapaglingkod sa mga mamamayan. Tiniyak niyang ang lahat ng magtitiwala sa kanya ng mga kinikilalang confidential information ay mapangangalagaan ang kanyang pagkakakilanlan at kapanatagan. (CIO-San Pablo)

2010 BEST TOURISM EVENT IN THE PHILIPPINES- FESTIVAL CATEGORY CITY LEVEL

2010-10-19T06:15:00.001-07:00

Mayor Vicente B. Amante was beaming with pride and joy when Vice Mayor Angelita E. Yang presented the Plaque of Recognition received by the City Government of San Pablo from the Association of Tourism Officers of the Philippines (ATOP) and the Department of Tourism during the 11th ATOP National Convention held at Subic Bay Freeport in Zambales last October 5, 2010 when San Pablo City’s 15th Coconut Festival and Fair held last January 9-15, 2010 was adjudged “2010 Best Tourism Event Grand Winner, Festival Category, City Level.” The awards was signed by Tourism Secretary Alberto A. Lim, and ATOP National President Roselyn Armida Merlin.

Vice Mayor Angie Yang who headed the city delegation to the national convention reported that Cadiz City in Negros Occidental is the first runner-up, and Muntinlupa City in Metro Manila is the second runner-up.

City Administrator Loreto S. Amante, Over-All Chairman of the Executive Committee that manage the Annual Coconut Festival, said the awards of recognition is not only for the committee head by Mayor Vicente B. Amante as honorary chairman, but for all San Pableños, since the holding of the 15th Coconut Festival and Fair, highlighted by Mardi Gras Contest held last January 13th, to coincide with the commemoration of the 414th Founding Anniversary of the Parish of Saint Paul, the First Hermit (which is now the seat of the Diocese of San Pablo), was a collective efforts of the different sectors of San Pablo. He added that the award was made possible by the support of both the public and private sectors, to include the different business establishments, academic institutions, service organizations, and civic clubs. The recognition will served as an inspiration to all San Pablenos in the holding of the 16th Coconut Festival and Fair which will be held on January 9 – 15, 2011..

In a public statement, City Administrator Loreto S.. Amante recognizes the efforts of the City Information Office for preparing the audio-visual presentations and other required documentations submitted to the Department of Tourism that served basis in the selection of the Best Tourism Events during Calendar Year 2010. (CIO-SPC)

TRUTH COMMISSION?

2010-10-19T02:50:00.000-07:00

May kahandaan ang truth commission upang masimulan ang mga gawaing iniatang sa kanila ni Pangulong Noynoy na nagnanais bigyang tuldok ang mga katanungang hindi nasagot ng lumipas na administrasyon.

Na sa paglalarawan nga ni PNoy ay isang administrasyong “nagbibingi-bingihan, nagbubulug-bulagan at madalas na lumikha ng sariling katotohanan.”

Subalit sa wari’y may mga hadlang pa upang makapagpatuloy sa gawain ang naturang komisyon, nandyan ang constitutionality nito na hanggang sa ngayon ay hindi pa napagpapasiyahan ng Kataas-taasang Hukuman na tila inuupuan lamang.

Kung ano ang saloobin ng Korte Suprema hinggil dito ay sila lang ang nakakaalam, sa kung gaano sila kabagal sa pagpapasya ay nasa kanila na ang angkop na paglilinaw, ganoon din naman sa kung bakit mabilis nilang napagpasiyahan ang paghadlang sa kongreso na huwag ituloy ang impeachment proceedings laban kay Ombudsman Merceditas Gutierrez?

Sakasakali man ay mayroon pa ring dapat harapin ang Truth Commission, at ito ay ang maitim na ulap na nakikita ng taumbayan sa pagkatao ng maumuno dito na si dating Chief Justice Hilarion Davide Jr., na ayon sa mga nagmamasid ay Yes Man ng nagdaang dispensasyon.

Ang tanong ng bayan ay paano kung mahawi na ang lambong ng dating administrasyon ay nandoon ang larawan ni G. Davide?

SALAMAT PO, CONG

2010-10-16T13:13:00.000-07:00

Naisalang na sa first reading ang mga panukalang batas na inihain ni Cong. Ivy Arago sa kongreso, na bukod sa 2011 National Budget ay pitong house bills na may local significance ang nakatawag pansin sa may akda.

Bakit nga ba hindi, ay sapagkat mangangahulugan ito ng karagdagang pondo para sa lokal na pamahalaan sanhi ng matitipid sa operasyon ng barangay high school sa kanikanilang mga lugar, na ibig ring sabihin na dagdag benipisyo sa mga guro, mga magulang at mga mag-aaral.

Kadalasan kasing munisipyo o lunsod ang gumagastos sa mga high school na ito, na sa pamamagitan ng mga probisyon ng panukala ni Cong. Ivy ay gobyerno nasyunal na ang magpo-pondo sa pamamahala dito partikular mula sa DepEd.

Mas tataas pa ang kalidad ng edukasyong makakamit ng mga mag-aaral dahil bunga ito ng pagtaas ng sweldo ng ating mga guro sa mga barangay high school. Sa isang banda pa ay panalo rin ang taumbayan sapagkat ang gastusin ng lokal na pamahalaan sa mga paaralangg ito ay kanilang magagamit pa sa mga indigency program at iba pang proyektong may pangkalahatang pakinabang.

Kasama sa mga tatawaging national high school kalakip ang kaukulang pondo mula sa national government ay ang San Vicente National High School, San Pablo City; San Benito National High School, Alaminos; San Pablo City National Science High School, San Pablo City; Santa Felomina National High School, San Pablo City; Tuy-Boanan National High School, Liliw; Mabacan National High School, Calauan; at Sto. Sngel National High School, San Pablo City.

Kapag tuluyan nang napagtibay ang mga panukalang batas na ito ay malaking kaluwagan ang mararanasan ng nasabing lunsod at munisipyo, sapagkat magiging pananagutan na ng pambansang pamahalaan ang budget ng mga naturang paaralan na hanggang sa ngayon ay lokal na pamahalaan pa ang nagpapasweldo sa mga guro at mga kawani.

Kaalinsabay sa first reading noong Agosto 11, 2010 ay naisumite na sa Committee on Basic Education and Culture ang mga nasabing panukala at maluwag na isinasa-alang-alang ng naturang komite, kaya inaasahang magiging positibo ang kanilang gagawing pagtugon.

Hindi pa man, ay marapat na nating pasalamatan si Rep. Arago sa makabuluhang pagsusulong ng mga ganitong panukala. Maraming salamat po, Cong. Ivy. (SANDY BELARMINO)

UNANG 100 ARAW NI CONG. ARAGO SA TUNGKULIN, MABUNGA

2010-10-16T13:10:00.001-07:00

Naging mabunga ang unang 100 araw ni Laguna 3rd District Congresswoman Maria Evita Arago sa pagganap sa kanyang tungkulin sa ikalawang termino kung saan 13 panukalang batas na naihain sa kongreso ang sumailalim sa unang pagbasa ng plenaryo, bukod pa sa mahigit na 28,000 kababayan ang direktang natulungan ng kanyang tanggapan.

Sa mga nasabing house bills ay siyam sa mga ito ang personal niyang akda samantalang apat ang tinayuan niya bilang co-sponsor.

Kabilang sa kanyang mga bill na nagdaan na sa first reading at may kapakinabangang lokal na nagtatadhana sa mga mataas na paaralang San Vicente, San Benito, San Pablo City Science High School, Santa Felomina, Tuy-Boanan, Mabacan at Sto. Angel na gawing national high school upang ang gastusin ay malipat mula sa lokal na pamahalaan at maging sagutin na nang pambansang pamahalaan.

Sumailalim na rin sa first reading ang kanyang HB02212 na nagpapanukala sa pagtatayo ng District Skills and Training Center para sa mga out of school youth ng distrito, at ang maka-kalikasang HB02585 na maghihigpit sa mga barko o drilling rig upang pag-ingatan ang ating karagatan.

Co-author si Rep. Arago sa HB 00061(The New Central Bank Act), HB 03101(Budget 2011) bilang vice-chairman ng Committee on Appropriation, HR 00113 na nanawagang siyasatin ang multi-bilyong pisong kontrata sa LLDA at HR 00138 na nakikiramay sa isa nilang kasamahan.

Samantala, kahit naging abala sa mga gawain sa kongreso si Cong. Ivy ay hindi nakaligtaan ng kanyang tanggapan ang pagtugon sa kagyat na pangangailangan ng distrito. Sa loob ng unang 100 araw ay 1,300 pasyente ang kanyang naipagamot sa Philippine General Hospital, Philippine Children Medical Center, Philippine Heart Center, East Ave. Medical Center at National Kidney Institute sa kamaynilaan at sa Panlalawigang Pagamutan ng Laguna (PPL) Bay, PPL Nagcarlan, PPl Sta. Cruz, PPL Calamba, San Pablo District Hospital at San Pablo City General Hospital na may kabuuang gastos na P1,649,827.

Mula Hulyo a-uno hanggang Oktubre 8 ay 24,369 katao ang napagkalooban ng mambabatas ng libreng konsultasyon at gamot sa walang humpay na medical at dental mission sa bawat sulok ng distrito, 1035 sa Eye Camp kung saan 1,011 sa mga ito ang nabigyan ng libreng eyeglasses, 160 sa breast exam na sampu ang sumailalim sa mammogram at 446 sa eye screening kung saan 41 ang sumailalim sa cataract operation at 32 sa minor operation.

Ang Mobile Library ng kongresista ay nakapagserbisyo sa 486 school pupils at nakapagkaloob ng 323 school bags at 223 ang nabigyan ng notebook.

Patuloy pa rin ang scholarship program ng mambabatas para sa mga mahihirap na mag-aaral ng distrito sa pagkakahirang sa bagong 1,000 iskolar sa una niyang 100 araw sa tungkulin at sa kasalukuyan ay may 500 pang iskolar ang nagsasanay sa pag-aaral ng computer operation sa computer van aralan ng AiHu Foundation sa Victoria, Laguna.

Bagama’t halos natugunan na ni Cong. Ivy sa kanyang unang termino ang larangan ng pagawaing bayan ay may sumusulpot pa ring problema sa pagbaha sa ating mga lansangan, sanhi upang madaliin niya ang pagpapagawa sa mga drainage canal partikular sa kahabaan ng Maharlika Highway.

Humigit kumulang ay ganito naging kalawak ang produktibong unang 100 araw ni Rep. Arago sa dami ng natulungan, subalit ang pinakamalaki niyang accomplishment sa likod nito ay ang maipadama sa taumbayan na may pamahalaan tayong handang kumalinga at tumugon sa kanilang pangangailangan. (SANDY BELARMINO, vp-seven lakes press corps)

CONG IVY, PASADO

2010-10-11T06:57:00.000-07:00

May katotohanan ang kasabihang – ang mahalaga sa buhay ay hindi iyong kung ano ka, manapa’y kung ano ang iyong nagawa sa lipunang iyong ginagalawan at gaano ang epekto nito para sa iyong mga kababayan.

Nabuksan ng pitak na ito ang ganitong paksa kaugnay sa unang 100 araw ni Congresswoman Ivy Arago na direkta nating nasaksihan. Hitik ito at masasabing produktibo para sa mga constituents ng kongresista sapagkat halos araw-araw saan mang dako ng distrito ay may mga gawaing pinagkakaabalahan si Cong. Ivy.

Pasadong-pasado ang mambabatas sa kanyang first 100 days sa ikalawa nitong termino kung tayo ang tatanungin dahil hindi nagpapagambala si Cong. Ivy sa alin mang hadlang na pinagdadaanan ng iba pang mga lawmaker na dumadaing sa kakulangan ng pondo.

Sabagay ay dumanas din ang tanggapan ni Cong. Ivy ng ganitong problema, kaya lang ay masusing naisaayos ito ng mambabatas sa pag-i-institutionalize ng kanyang mga programa at proyekto, sa dahilang may mga problemang nangangailangan ng mabilisang aksyon.

Isa rito ang aspetong kalusugan sa distrito. Hindi ito dapat mabinbin at magambala sapagkat hindi naman pwedeng ipayo sa taumbayan na huwag munang magkakasakit. Kaya naman apat na beses sa isang linggo ay nagsasagawa si Cong Ivy ng medical at dental mission sa bawat sulok ng distrito at ito ay for preventive measures. Mataas ang grading maibibigay ng pitak na ito kay Cong. Ivy hinggil dito.

Pasado din ang grado ng kongresista sa iba pa niyang proyekto tulad ng sa edukasyon kung saan ay patuloy niyang natutulungan at naaalalayan ang kanyang mga iskolar. Muli ay nahimok pa ng kongresista ang AiHu Foundation na ibalik sa distrito ang computer van aralan na ngayon ay nasa Victoria, Laguna at sinasanay ang 500 nagnanais matuto ng computer.

Sa susunod na linggo ay ibabalita ng pitak na ito ang eksaktong bilang ng mga natulungan ng Tanggapan ni Cong. Arago upang mapatunayan sa aking mga dear readers na talagang makatwiran na sabihing siya ay pasado sa first 100 days.(sandy belarmino)

TRAPIKO SA SM SAN PABLO, SINULUSYUNAN

2010-10-11T06:53:00.000-07:00

San Pablo City, Laguna- Dahil sa bugso ng hindi inaasahang dami ng tao na dumagsa sa pagbubukas ng SM City San Pablo nang nakaraang linggo ay nakipagpulong ang SM Mall Management sa pamahalaang lunsod upang maibsan ang suliranin sa trapiko.

Kinatawan nina Lucena Mall manager Jason Terrenal at San Pablo mall manager Gabriel Timothy Exconde ang SM City sa pakikipag-dayalogo kina City Administrator Loreto Amante, San Pablo CPS-COP PSupt Ferdinand de Catro, PSAF head Col. Roberto Cuasay at mga tauhan ng DPWH at City Engineer’s Office.

Sa naturang pagpupulong ay tinalakay ang traffic situation at ang posibleng solusyon hinggil dito.

Bagama’t ang isang solusyon ay ang pagtatayo ng pedestrian overpass ay pansamantala itong isinaisangtabi habang wala pang aktwal na konstruksyon na nangangailangan ng mahabang panahon.

At sapagkat ang mga pedestrian ang pangunahing sanhi ng trapik ay natuon dito ang solusyon unang ipatutupad, sa paglalagay ng isang lane na tawirang pangangasiwaan ng mall management.

Magpapatupad din ng disiplina sa entrance at exit gate ng mall kung saan ipagbabawal ang pagpasok ng tricycle na siyang sanhi ng trapiko. Maaari lang payagan ang tricycle pumasok kung ang sakay o pasahero ay person with disability o iyong mga nagdadalang tao.

Samantala, ayon kay PR Officer Keno Moreno ay magtatayo ng terminal sa compound ng SM City upang higit na mapaglingkuran ang kanilang mga mamimili. Ang biyahe na maaaring sakyan ay mga byaheng Liliw, Tikew at Calauan, SM to SM Lipa, Sta. Rosa, Lucena at Cubao at ilan pang mga ruta na pinag-aaralan pa ni Terminal Manager Owen Alcantara.

ALL ROADS LEAD TO SM SAN PABLO, OCTOBER 1

2010-09-24T07:41:00.000-07:00

San Pablo City- All roads will lead to SM City when SM Prime Holdings Inc. opens this 38th shopping mall along Maharlika Highway here on October 1.

This conservative city of 250,000 residents in answering the call of the times is rapidly transforming itself from agricultural based economy to booming commercial urban center delayed once upon a time by over protectionism of its wonderful people.

But now some people are saying that they’re ready and adaptable to change, along with suburban municipalities of Alaminos, Calauan, Rizal, Nagcarlan, Liliw and Victoria of Province of Laguna’s third district.

Yet the road extends far beyond to the 16 towns of the fourth district, Bay and Los Baños on the second, not out counting Sto Tomas and Tanauan City of Batangas, stretching down to Tiaong, Candelaria, Sariaya, San Antonio and Dolores in Quezon as it shared common path along SM City San Pablo.

Also, SM San Pablo stands ready to cater the shopping needs of travelers and motorist to or from Bicol and Visayan Region because of its strategic location.

Many says that gone are the days of long hours of trip to Baclaran, Quiapo and Divisoria for some shoppers, and tiring jet log to Hongkong, Bangkok or Singapore for the affluents as SM City brings malling phenomenon under one roof in this part of earth.

What awaits shoppers are the quality goods and merchandize as well as thoughtful service that humbly began in Carriedo’s shoe store in the 50’s, where it built a legend of reputation for SM here and abroad.

Needless to say, the long wait will be over as farm to market, feeder or municipal roads converge in a corridor network destined to a common ground, SM San Pablo, where everyone surely will get it all.

MOBILE PASSPORTING SA NOBYEMBRE 20

2010-09-24T07:37:00.000-07:00

San Pablo City- Sa pakikipagtulungan ng Department of Foreign Affairs (DFA) Regional Office sa Lunsod ng Lucena ay magtataguyod si Laguna Third District Congresswoman Maria Evita Arago ng mobile passporting sa darating na Nobyembre a bente dito.

Nakatakdang ganapin ito sa Siesta Residencia Arago, Green Valley Subd., San Francisco Calihan lunsod na ito simula ganap na ika 8 ng umaga hanggang ika 3 ng hapon.

Upang maging maayos ang nasabing gawain ay nagpaunawa na si Regional Director Edmundo Mangubat ng mga dapat dalahing dokumento nang sa ganoon ay higit na marami ang mapaglingkuran ng kanyang tanggapan.

Ang una ay ang paghahanda ng P1,200.00 passport fee at birth certificate na may NSO authentication, samantalang sa mga female married person ay kinakailangang may kalakip na authenticated marriage contract. Kapwa sila pinapayuhang magdala ng tig-dalawang valid ID tulad ng drivers license, voters ID at ibang kinikilala ng pamahalaan.

Sa mga magre-renew ng pasaporte ay kailangang iprisinta ito kasama ang photocopy ng inside at backcover, at may pahinang nagsasaad ng pinakahuling paglabas ng bansa mula sa Bureau of Immigration ganoon din ang pagbalik na may kaukulang selyo ng naturang kawanihan.

Nananawagan si Rep. Arago sa mga passport applicant na hangga’t maaga ay kumpletuhin na ang mga requirements upang maiwasan ang pakikipagsiksikan sa mga DFA office sa kamaynilaan. Bukod pa sa matitipid kung dito mismo makukuha ang passport.

Ang kanilang application form sa mobile passporting ay makukuha sa tanggapan ng kongresista. Tumawag o magtext kina Len Baral 0917 500 7707 o kay Wena Flores 0919 651 8069. (SEVEN LAKES PRESS CORPS)

PASS YOUR PAPER

2010-09-15T17:25:00.000-07:00

Whether we like it or not ay tuloy ang halalang pang-barangay sa Oktubre 25, 2010 na ibig sabihi’y bukas tayong lahat sa posibilidad na kung ano ang mangyayari sa ating mga incumbent barangay officials.

May mga nagsasabing maikli ang tatlong taon para sa isang mahusay na lider at napakahaba naman sa mga palpak na naglingkod sa kanilang nasasakupang mga barangay. At ito nga ang problema ng mga nasa huling kategorya na inabot ng “pass your paper” kung baga sa school.

Finish or not finish ika nga ay kailangang humarap sila sa mga ka-barangay na siyang magtse-check ng kanilang nagawa, na kapag bumagsak ay hindi na makakapagpatuloy sa panunungkulan. Ito naman ay kung hindi madaya ang magko-compute ng kanilang grade.

Mapalad naman ang masisipag na opisyal na maaga pa’y nasagutan na ng tumpak ang test paper. Wala silang dapat alalahanin sapagkat nakasubaybay at nakaalalay sa kanila ang mga natulungang kabarangay.

Tanggapin natin na sa bawat eleksyon ay may natatalong incumbent lalo na iyong mga mahilig sa “Lakbay-Lakwatsa” na hindi naman sa pagmi-minus ay ang mga pinupuntahan ay walang matututunan sapagkat higit na magulang ang dumating kaysa sa mga pinasyalan. Hindi kaya ramdam ng mga na ito ang matagal nang pagka-asar ng kanilang mga kabarangay dahil sa paglustay ng pondo sa walang katuturang paglalakbay?

Kaya nga llamado ngayong eleksyon ang mga maaga pa’y nakapagtanim na ng kabutihan sa barangay, iyong taos-pusong nagpa-follow up sa indigency office ni Mayor Amante and Cong. Ivy Arago ng problema ng mga kabarangay na nangangailangan at hindi iyong tipong paupo-upo at painom-inom lang sa barangay Hall at naghihintay lang ng biyaya para sa kanilang mga sarili lamang.

Samantala ay malaki din ang problema ng mga barangay opisyal na “bumaklay” nang nakarang eleksyong local at nasyunal, lalo na iyong mga hingi ng hingi ng tulong tapos iba naman pala ang susuportahan at higit sa lahat ay iyong tumalikod sa tumutulong sa kanilang mga kabarangay.

Pero sure win naman ang mga barangay chairmen na walang kalabang magpa-file ng certificate of candidacy.(SANDY BELARMINO)

sm to SM

2010-09-15T17:22:00.000-07:00

The old sm San Pableño knew stands proudly at the center of the city, that for almost a century provides land mark for rendezvous due its prime location, not to mention the refreshing mists it gives whenever you are accommodated to its limited space where seats are on first come, first serve basis.

Not necessarily from hallucinations but longings to having an SM mall that residents of the city created their world of make believe since the rise of SM North Edsa, San Pableños then fantasized their own.

Word of mouth advertising proved effective as the whole populace submitted to the reality of having SM that never was. Even travelers subscribe to the idea of new found language that everybody from FX, tricycle, jeepney, or bus drivers, whenever they reach it. “Oh, sm na po!” (Referring to a century old mango tree)

Yes, “sa mangga” colloquially abbreviated to sm will forever be part of San Pableños life, that even from that instance is an honor of having it, the first outside Metro Manila.

The question is, will it be able to endure now that SM San Pablo so long envisioned is within reach with its wonderful edifice clearly revealing a reality from mere imaginations?

Well, only the future can tell but what is that both can co-exist with each other in the hearts of every San Pableño. Sa Mangga (sm) an abstract from a dream, and SM City San Pablo, its successful realization.

As early as the groundbreaking for SM San Pablo, many enterprising businessmen are contemplating to operate multi-cab transport system to service the daily shoppers of said mall. Again, a question lingers, would LTFRB grant a line franchise for its route sm to SM and SM to sm?

Should they succeed both no doubt will endure with the mango tree (sa mangga) that once symbolized a dream as pick-up point and SM City the destination for wonderful leisure, fine dining and exciting shopping.(SEVEN LAKES PRESS CORPS)

AI-HU FOUNDATION

2010-09-14T07:21:00.000-07:00

Kahanga-hanga ang mga gawaing isinusulong ng Ai-Hu Foundation na pagpapalaganap ng computer literacy program bilang ambag sa hindi matugunang pangangailangan ng ating pamahalaan.

Ang Ai-Hu na sa malayang salin ay Love and Care ang ibig ipakahulugan, ay binuo ng mga Taiwanese businessmen noong 2003 upang punuan ang kakulangan sa libreng pag-aaral ng basic computer education sa pamamagitan ng mobile classroom gamit ang dinisenyong container van na naglalaman ng 21 computer.

Sa kasalukuyan ay may apat na computer van aralan ang nasabing pundasyon na nagpapalipat-lipat ng lugar base sa igting ng pangangailangan.

Nang unang buwan ng 2010 ay 300 mag-aaral ang kanilang sinanay sa Lunsod ng San Pablo sa paanyaya ni Laguna 3rd District Congresswoman Ma. Evita Arago, at muli ngayong Setyembre hanggang Disyembre ay nakatakda nilang sanayin ang 500 pang IVY scholars sa Victoria, Laguna.

Hindi matatawaran ang ganitong bilang na kanilang natutulungang sumailalim sa hands on na pagsasanay sa tulong ng mga makabagong instrumento ng teknolohiya.

Ang AiHu Foundation bagama’t nilikha ng dayuhang kaisipan, batay sa dami ng mga nakikinabang ay masasabing nagtataglay ng lantay na pusong mapagkawanggawa at damdaming sumasalamin sa mga bayaning Pilipino. (TRIBUNE POST)

202 UNIFIER BDE CELEBRATES ANNIVERSARY

2010-09-14T07:18:00.001-07:00

The 202nd Unifier Brigade celebrated its 8th year anniversary with simple cocktails held at their headquarters in Brgy. Antipolo, Rizal, Laguna last night.

Col. Leo Baladad, the commanding officer led the celebration supported by his deputy Col. Ivan Samarita, Maj. Louie Villanueva, Capt. Earl Panganiban, Capt. Corbus, Capt Gene Orence, 1st Lt. Gilbert Pimentel, Lt. Nenet Omandam and Lt. Lea Ansino, attended by loyal friends from media.

Baladad recalled the heroism of the officers and men under the brigade when it lost seven soldiers during rescue mission at the height of typhoon Ondoy. It became the turning point for the people to know that the government is doing everything during the calamity.

Recently it captured 43 personalities suspected to be NPA, neutralized 62 partisans along with 45 high powered firearms, improvised bombs and ammunitions, from different provinces of Calabarzon region.

The combat battalions that composed 202 Bde are 16th IB, 59th IB, 1st IB, 4 LAB and Philippine Air Force 740th Combat group and 730th Combat group.

202 Brigade started at Brgy. Kapatulan, Siniloan, Laguna under Col. Jaime Buenaflor before it transferred in Rizal, Laguna under Col. Roland Detabali, where he was succeded by Col. Jorge V. Segovia, followed by Col. Tristan Kison. All these officers eventually became generals in the AFP.

Quick transitions were passed on from Col Virgilio Espinili and OIC Col. Bobby S. Calleja to Col Baladad on August 2009.(Tribune Post)

MOA SIGNING FOR 500 IVY SCHOLARS

2010-09-14T07:16:00.000-07:00

The Office of Congresswoman Ma. Evita Arago and Victoria Mayor Nonong Gonzales signed a Memorandum of Agreement (MOA) with Ai-Hu Foundation represented by CEO Billy Huang and Director Bella Huang for five Modular classes of Computer Van Aralan starting September 6 up to December 2010.

The MOA signing was witnessed by TESDA Provincial Director Ms. Luisita S. de la Cruz.

Each module equals to 100 trainees which means that 500 Ivy Scholars will benefit for free basic computer operations training thru teachers Arman Castillo and Arjay Fernandez.

Other witnesses were Secretary to the Mayor Ricky Sioson, Municipal Administrator Restituto Cacha, Congressional District Staff John Cigaral, Hon. Vice Mayor Toknie Laraño and Sangguniang Bayan.

Also in attendance were Liga ng mga Barangay, municipal employees and Ivy Scholars.

Cong. Ivy thanked the people of Victoria for the support on her reelection and for the election of Gonzales that opens the door of the municipal hall for her the first time ever. (SEVEN LAKES PRESS CORPS)

KALUSUGAN, NASA PRAYORIDAD

2010-09-14T07:11:00.000-07:00

Alaminos, Laguna- Dahil sa pananalasa ng dengue sa mga karatig bayan ay nananatiling nasa prayoridad ni Kon. Ginger Flores ng bayang ito ang aspetong pangkalusugan.

Bilang Chairman ng Committee on Health and Sanitation ay nananawagan si Flores sa kanyang mga kababayan na panatilihing malinis ang paligid at ugaliing iwasan ang pagkakaroon ng stagnant water na posibleng pangitlugan ng lamok na nagdadala ng naturang sakit.

Matatandaang bilang pinuno ng nasabing komite ay nakipag-ugnayan siya sa tanggapan ni Rep. Ma. Evita Arago para sa isang medical and dental mission sa bayang ito.

Sa naturang medical and dental mission ay napaglingkuran ang record-breaking na 3,500 pasyenteng mula sa 15 barangay sanhi na rin sa pag-alalay ni Flores na ginanap sa kabayanan kamakailan.

Samantala, bilang tagapangulo ng Committee on Infrastructure and Special Projects, at Committee on Good Governance, Public Ethics and Accountability ay naisulong na ni Flores ang pagpapa-ilaw sa Fule St. at may binubuong ordinansa na magpapatupad ng disiplinang nauukol sa mga kabataan upang huwag maligaw ng landas.

Si Flores ay dating hepe ng tanod bago nahalal na barangay chairman ng Brgy. Poblacion Uno. Nagwagi siyang konsehal ng bayang nang nakaraang May, 2010 election. (Tribune Post)

JOBS FAIR, MATAGUMPAY

2010-09-02T14:03:00.001-07:00

San Pablo City – Matagumpay ang isinagawang jobs fair dito na itinaguyod ng tanggapan ni Laguna 3rd District Congresswoman Maria Evita Arago nang nakaraang Biyernes.

Ang jobs fair na nilahukan ng 46 kompanyang kinabibilangan ng mga industrial, commercial, financial at mga employment agency ay dinumog ng 1,066 aplikante na karamihan ay mga kabataang nagbuhat sa loob at labas ng distrito.

Maayos ang naging daloy ng mga aplikante na karamihan ay nakapagsumite ng kanilang mga biodata sa dalawa o higit pang kompanya na ang mga hinihinging katangian sa mga bakanteng posisyon ay tumutugon sa kanilang kwalipikasyon.

Ikinatuwa ni Arago nang mapag-alamang mahigit sa 100 ang na-hire on the spot batay sa partial report na natanggap bago pa man natapos ang jobs fair, samantalang mayorya sa mga aplikante ang sasailalim pa sa final interview sa mga punong tanggapan ng mga kaukulang kompanya.

Palibhasa’y naging malinaw ang mga ipinabatid na mga ulat hinggil sa jobs fair ay sistematiko itong nagkaroon ng kaayusan sa kabila ng pagdagsa ng mga nag-apply.

Ang ilan sa mga kompanyang nangalap ng aplikante ay ang mga sumusunod: SM San Pablo, Montevista, TSPI, PKI, Waltermart-Calamba, SM Sta. Rosa, Ascend Int’l Services, Isuzu-San Pablo, Liana’s Supermarket, Centro Dept. Store, Mart One, Global Food Corporation, Honda Cars, Pharmawealth, Puregood, TSKI, Mitsubishi Motors at Card Bank. (TRIBUNE POST)

ITSA-PWERA

2010-09-02T13:56:00.000-07:00

Ano man ang layunin ng ilang grupo sa sistematikong paghahasik ng mga intriga sa alyansang pampulitika nina Mayor Vicente B. Amante at Congresswoman Ivy Arago ay isang palaisipan pa magpahanggang sa ngayon sa mga naniniwala sa ugnayan ng dalawang pamilya at sa nagagawa nito sa ikauunlad pa ng Lunsod ng San Pablo.

Ang mga naglalabasang alimuon ay tila kusang pinalulutang ng ilang sektor upang wasakin ang naturang alyansa kung hindi man ang ito’y tuluyang papanghinain, sapagkat mababawasan nga naman ng lakas ang isang bukluran kung ito’y mapaghihiwa-hiwalay.

Ito naman ay mangyayari nga saka-sakaling nasa labas ng alyansa ang magsasagawa, subalit ang tanong ay paano kung ang mga mismong nakapaligid ang mapupuna mong naghahasik ng intrigang walang batayan. Tahasang sasabihin ng may akda na wala itong maitutulong sa ugnayan.

Batid nating lahat na ito na ang pangatlong termino ni Mayor Vicente B. Amante at sa ayaw o gusto man natin ay last term na niya ito ayon sa itinatadhana ng batas panghalalan. Dahil dito ay mayroong pangangailangang pumili siya o magsanay ng sa tingin niya’y magpapatuloy ng kanyang mga programa.

Ang isa sa mga napupusuan ng mga San Pableño upang sanayin sa nasabing posisyon ay si City Administrator Amben Amante, na sa palagay natin ay kwalipikado naman batay sa ipinamamalas na performance bilang public servant. At katulad ng marami ay wala tayong tutol dito

Ang kaso, hindi pa man nagsisimula ang laban ay ilan sa mga nakapaligid kay City Admin ay binibigyan na ng makakatunggali ang kanilang “Bossing”. Walang matibay na batayan maliban sa kanilang mapaglarong ispikulasyon ay kung sino-sino ang pilit na ipinangtatapat na makakalaban, na hindi naligtas maging ang mga taong nananahimik simula sa malalapit na kamag-anak at mga subok na kaalyado.

May kasabihan tayong politics is addition at ito ang dapat isaisip ng mga nakapaligid sa sino mang may hangaring makapaglingkod sa bayan. Hanggang maaga ay kinakailangang magpalago ng bakuran, subalit hindi naman ito nangangahulugang iitsa-pwera mo na ang mga tapat na tagapagtaguyod na ni minsan ay hindi nakaisip na humiwalay.(SANDY BELARMINO)

ARAGO-AMANTE REMAIN ALLIES

2010-09-02T13:51:00.000-07:00

Having the same birth sign may be common, law of average may dictate two individuals to share same experience and serving both position under one city executive was just a probability yet these considerations nourished the friendship of two political clan of the City.

These are the things that bind Atty. Hizon A. Arago, former San Pablo City administrator and Loreto “Amben” Amante, the present administrator.

Atty. Arago is the father of Laguna 3rd District Congresswoman Maria Evita “Ivy” Arago, while Amben is the son of incumbent last termer San Pablo City Mayor Vicente B. Amante , that for whatever implication this has to do with the situation have fully been exploited by kibitzers and self-proclaimed political analysts.

Political leaders are pushing Amben to throw his hat this early in 2013 political derby, that if there’s any threat they conclude it will be from Arago camp.

Doomsayers have been sowing intrigues after May 2010 elections as the Arago clan fully supported the reelection bid of Mayor Amante and continued last month when Congresswoman Arago publicly endorsed the presidential bid of Councilor Dante B. Amante to Philippine Councilor League (PCL) Laguna leadership.

Yet the intrigues remained high with plotters exploiting every avenue for disagreements between two political camps, trying to stain and damage the perpetual friendships of Atty. Arago and Mayor Amante, that endanger their political alliance.

And this so far accomplished nothing good but a hostile political environment, though Siesta Residencia de Arago matriarch Mam Eva herself is very vocal that nobody in her family is eyeing for city mayorship in 2013 political exercise.

Besides health reason according to her that never in their wildest dream, Atty. Arago to run for mayor and has no intention whatsoever. While Cong. Ivy has one more term remaining.

“As political ally, we are just happy supporting Mayor Amante and his family” says Madam Eva. “May this clears the smoke, erase the doubts and defer the intrigues emanating from prophets of doom with sole intention of damaging the good relationship of our families.”(SANDY BELARMINO)

COMPUTER VAN ARALAN NI CONG IVY, NASA VICTORIA NA

2010-08-29T19:22:00.000-07:00

Victoria, Laguna- Kaugnay sa nalalapit na Itik Festival sa bayang ito sa Nobyembre ay maghahandog sina Congressman Ma. Evita Arago at Mayor Nonong Gonzales sa mga residenteng nais matuto ng computer basic operations sa pamamagitan ng computer van aralan.

Ang pre-festival computer literacy training program ay maisasakatuparan sa tulong ng Ai-Hu Foundation at Tesda-Laguna kung saan ang gagamitin ay literal na van na naikombert bilang classroom at naglalaman ng 21 makabagong computer.

Hindi na bago sa distirito ang naturang van aralan sapagkat nang nakaraang mga buwan ng Pebrero at Abril taong kasalukuyan ay humigit kumulang sa 300 ang nagsipagtapos dito nang unang itaguyod ni Cong. Arago sa Lunsod ng San Pablo.

Natigil lang ito dahil sa pagsunod ng mambabatas sa election ban na ipinag-uutos ng Comelec.

Nananawagan sina Cong Arago at Mayor Gonzales sa mga interesadong matuto na magpatala ng maaga sapagkat limitado ang bilang ng mga mag-aaral na maaaring tanggapin.

Bukas ang pagsasanay sa mga istudyante, mga kawani, housewife, ano man ang edad. Ang interview sa mga aplikante ay sa Agost 27, 2010, 8:00 ng umaga hanggang 5:00 ng hapon sa munisipyo ng bayang ito. Magsisimula ang klase sa Setyembre 6 hanggang Nobyembre.

Para sa karagdagang katanungan ay makipag-ugnayan lamang kina John Cigaral sa CP No. 0929-2446165, Ricky Sioson 0919-6375504 o tumawag sa local na pamahalaan sa telepono (49) 559-04-33. (Seven Lakes Press Corps)

HEALING MINISTRY NI FATHER SUAREZ, TELEVISED NA

2010-08-29T19:19:00.000-07:00

Alfonso, Cavite - Sa tuwing ikalawa at ikaapat na Linggo ng buwan ay matutunghayan na sa Channel 5 ang healing grace mass ni Father Fernando Suarez na isinasagawa sa Monte Maria, Brgy Amuyong sa bayang ito.

Layunin nito ayon sa healing priest na mapalaganap ang ebanghelyo sa higit na nakararami tungo sa ikauunawa na kaakibat ng healing ay ang lubusang pagsisisi ng kasalanan upang maging nararapat sa pagkalinga ng Maykapal.

Ito ay habang itinatayo pa sa lugar na ito ayon sa master plan ang magiging tahanan ng Mary Mother of the Poor kung saan inaasahang dadayuhin ng mga mananampalataya ng bansa maging ng buong daigdig.

Kasama sa master plan ang pagtatayo ng mga bahay sambahan at rosary garden na pag-uugnayin ng malawak na daan sa nalolooban ng 15 ektaryang pilgrimage site, kasama na ang 101-metrong imahen ni Mother Mary.

Ang Monte Maria ay dating nasa Batangas City subalit nalipat sa lalawigang ito sanhi ng di pagsang-ayon ng isang mambabatas sa mga balakin ni Father Suarez na mapalawak ang lugar na atas ng lumalaking gawaing ispiritwal ng mga mananampalataya.

CONG IVY THIS WEEK

2010-08-29T19:16:00.000-07:00

Tatlong magkakasabay na aktibidades ang inilunsad ng Tanggapan ni Cong Ivy Arago nang nakaraang Linggo at ito’y ang Medical and Dental Mission sa Alaminos, Laguna at Schetelig Avenue, Lunsod ng San Pablo, Mobile Library Program sa Brgy. Sta. Monica at ang pagbubukas ng Computer Van Aralan sa Victoria, Laguna.

Bukod pa dito ay nakapagsagawa rin ng feeding program sa ilang indigent barangay na ang mga nakinabang ay mga grades school pupil at mga nasa kindergarden.

Record breaking ang dami ng mga pasyente sa Alaminos na tinatayang aabot sa tatlong libo at limang daan, kaya naman alas siyete na ng gabi ay patuloy pa rin ang gamutan upang mapagbigyan ang mga dumagsa upang samantalahin ang libreng gamot at gamutan.

Sumatotal ay lima na ang nairaos na medical mission ni Cong Ivy sa nakalipas na apat na linggo.

Ito daw kasi ang kailangan ng distrito ayon kay Cong. Ivy dahil usong-uso sa ngayong tag-ulan ang sakit tulad ng dengue. Hindi raw ito dapat ipagwalang bahala kung kaya’t dapat pag-ingatan ng lahat ang kalusugan upang makaiwas sa karamdaman.

0-0-0-0-0-0-0-0-0-0-0

Sa pakikipag-ugnayan sa Tanggapan ni Victoria Mayor Nonoy Gonzales ay ilalapit ni Cong. Ivy ang computer van aralan sa nasabing bayan upang bigyan ng pagkakataon ang mga residente doon na matuto ng basic computer operation. Ang proyekto ay sa pakikipagtulungan ng Ai-Hu Foundation at Tesda, Laguna.

Pagkakalooban ng sertipiko ng kasanayan ang mga magsisipagtapos sa computer van aralan at isa ito sa highlight sa idaraos na Itik Festival ng mga taga-Victoria. (SANDY BELARMINO)

AMANTE, WAGI SA PCL ELECTION

2010-08-29T19:13:00.000-07:00

Sta. Cruz, Laguna- Nagwagi si San Pablo City Councilor Dante B. Amante sa pagka-pangulo ng Philippine Councilors League (PCL) Laguna Chapter sa idinaos na halalan nang nakaraang Martes sa kapitolyo ng lalawigang ito.

Ginapi ni Amante sina incumbent PCL President Alehandro Yu at Biñan Councilor Vicente Tan Gana. Pumangatlo lang si Yu samantalang naging mahigpitan ang labanan ng konsehal mula San Pablo at Biñan.

Kapana-panabik ang naging bilangan kung saan sa unang 50 sa 301 bumoto ay umabante si Amante laban kay Tan Gana sa iskor na 23-16, naging 38-38 sa pangalawa, 54-52 sa pangatlo, 73-79 sa pang-apat pabor kay Tan Gana, 96-95 sa panglima, hanggang sa pinal na 119-111 pabor kay Amante.

Si Yu ay nagkamit lamang ng 69 boto sa kabuuang bilang.

Bilang PCL president ay manunungkulang board member ng lalawigan si Amante bilang ex-officio member.

Ang iba pang nagwagi ay sina councilors Brigido Bagayana, Paete, vice-president; Ma. Ayessa Ticzon, Liliw, secretary-general; Kenneth Ragaza, kalayaan, treasurer; Emelita del Moro, Pakil, Business Manager; Florito Esedillo, Kalayaan, PRO; at Laarni Malibiran, Sta. Cruz, auditor.

Nagwagi naman bilang mga board of director sina councilor Belen Raza, Lumban; Atty Hipolito Briones, Sta. Maria; Leonardo Malagno, Bay; Atty. Leif Opeña, Cabuyao; Armando Taguilaso, Luisiana; June Asina, Sta. Cruz, Ismael Hernandez, Cabuyao at Walter Macabuhay, Victoria.

TEN MOST WANTED PERSON SA FACEBOOK, INILUNSAD NG LAGUNA PPO

2010-08-14T04:43:00.000-07:00

Bay, Laguna- Inilunsad dito ng Laguna Provincial Police office (LPPO) ang pinakabagong inobasyon sa pagsugpo sa kriminalidad sa pamamagitan ng facebook kung saan naka-post ang pangalan at larawan ng mga taong pinaghahanap ng batas.

Ang proyektong Laguna Most Wanted Criminals (LMWC) sa facebook ay brainchild ng bagong talagang provincial police director P/Supt Gilbert Cruz ay naglalayong mabigyan ng babala ang publiko laban sa mga wanted person na posibleng nakikisalamuha lang sa mga komunidad na pinagtataguan.

Nakapaloob sa facebook ang sampung wanted person sa bansa, sa Laguna at sa mga bayan-bayan ng lalawigan kung saan 28 bayan na ang posted sa 30 bayan at lunsod ng probinsya.

Inaasahang positibong magbubunga ang LMWC project ng kapulisan sapagkat ang facebook sa ngayon ay isa sa mga internet site na binibisita at tinitingnan ng humigit kumulang ng 80 milyong miyembro dito sa bansa maging sa buong mundo.

Kaugnay nito ay pinayuhan ni PD Cruz ang publiko na ipagbigay alam sa pinakamalapit na himpilan ng pulisya ang mga kahinahinalang umaaligid sa kanilang lugar lalo pa’t kumpirmadong naka-post sa facebook bilang wanted person upang makaiwas sa panganib.

Ipinabatid pa ni Col. Cruz sa publiko na ang bawat kasama sa most wanted criminal ay sangkot sa mga heinous crime, na anumang oras ay maaaring maghasik ng lagim makatiyak lamang na hindi masusukol ng batas.

Si PD Cruz ang dating hepe ng kapulisan sa mga Lunsod ng San Juan at Makati kung saan tinawag siyang Robocop dahil sa paggamit ng robot laban sa terorismo. (NANI CORTEZ)

MAHIGIT 1,500 PASYENTE, NAKINABANG SA MEDICAL-DENTAL MISSION NI REP IVY

2010-07-29T16:50:00.000-07:00

San Pablo City - Iniulat ni Punong Barangay Napoleon Calatraba na hindi kukulangin sa 1,500 na pasyente ang napaglingkuran ng Medical and Dental Mission na itinaguyod ng Tanggapan ni Congresswoman Ma. Evita “Ivy” Arago sa Barangay Del Remedio sa lunsod na ito.

Ginanap noong Sabado, Hulyo 24 at sinimulan wala pang alas-otso ng umaga, ang gamutan ay isinagawa sa covered court ng Del Remedio Elementary School kung saan mapayapang nakapaghintay ang mga may idinaraing na karamdaman para sila ay masuri sa batayang first-come-first-serve.

Ayon kay Chairman Calatraba ang mga dalang gamut ni Rep. Arago ay magkasamang branded at generic sapagkat ito ay inihanda batay sa irereseta ng mga manggagamot.

Nagiging matagumpay aniya ang mga medical and dental mission ni Rep. Arago dahil bago ito ganapin ay nagsasagawa muna ng survey o pagtaya ang mga tauhan ng City Health Office (CHO) sa tulong ng mga Barangay Nutrition Scholar at Barangay Health Worker upang mataya ang uri ng mga karamdamang tinataglay ng mga residente.

Tulad ng nangyari sa Barangay del Reneduo, si Rep. Arago ay may dalang “petty cash” upang kung wala sa imbentaryo ang ireresetang gamut ay makakagawa agad ng “emergency purchase” sa mga malalaking botika sa kalunsuran.

Isa pang napapansin ng mga pinunong barangay mula sa kalapit na pamayanan na habang ang mga pasyente ay naghihintay ng pagkakataong sila ay masuri ng manggagamot, may mga health educator na nagkakaloob ng tamang impormasyon upang maiwasan ang mga sakit na sa pana-panahon ay lumalaganap sa pamayanan tulad ng dengue fever.

Mayroon din mga nagpapayo sa tamang pangangalaga ng ngipin upang huwag itong magkaroon ng sira o sumakit.

Ang mga ito ay hindi lang nakalilibang sa mga nagsisipaghintay kundi nakakapagkintal ng kapakipakinabang na kamalayan, ayon naman sa ilang barangay health workers na nakikipagtulungan sa pag-aasikaso sa mga dumadalo sa medical and dental mission. (Seven Lakes Press Corps/RET)

MALIGAYANG PAGDATING CALE MISHA J. AMANTE

2010-07-28T06:50:00.000-07:00

Ang malusog at magandang sanggol na nasa larawan ay ang ngayo’y pinagmumulan ng mga saya’t kalakasan ni San Pablo City Administrator Loreto “Amben” Amante. Si Cale Misha ang unang anak nina City Admin Amben at Ginang Claudette Amante na isinilang noong nakaraang July 14, 2010.(SANDY BELARMINO)

MANIBELA

2010-07-28T06:49:00.000-07:00

Ang totoong kalagayan ng bansa ang inaasahang maririnig kapag binigkas na ni Pangulong Noynoy ang State of the Nation (SONA) mamamayang hapon sa harap ng joint session ng senado at kongreso.

Inaasahan ding buong katapatan niyang isusumbong sa bayan ang kalagayan ng ating bansa sa aspetong pananalapi – kung gaano kalaki na ang natapyas sa taunang budget at halagang natitira pa upang itaguyod ang bayan sa nalalabing kalahating taon.

Matatandaang una nang nanindigan si P’Noy na walang panibagong buwis siyang ipatutupad at kung mangyari ang lahat na ating pinangangambahang nagmalabis o nagmadali ang dating administrasyon sa paglustay ng pondo ay paano na kaya tayo makakaagapay sa maraming suliranin.

Kung sabagay ay maaari namang ipagharap ng reklamo ang mga umabusong opisyal ng bayan ngunit sa bandang huli ay nandoon pa rin ang katotohanang ang mga nalustay na pondo ay hindi na maibabalik.

Sa pagkakataong ganito ay pang-unawa ang pinakamahalagang ialay ng bayan kay P’Noy sakali mang mangailangan tayo na maghigpit ng sinturon, sapagkat sa panahong minamadali ang paglustay ay wala pa si P’Noy sa manibela. (TRIBUNE POST)

PLSP O ULSP

2010-07-28T06:45:00.000-07:00

Well, ganito humigit kumulang ang magiging bigkas ng Dalubhasaan ng Lunsod ng San Pablo (DLSP) sakaling maisasakatuparan ang balaking gawin itong isang unibersidad.

Dalawa actually ang option sa magiging katawagan na maaaring pagpilian. Sakaling piliin ang Unibersidad ng Lunsod ng San Pablo ay ULSP, at kung tatagalugin ang unibersidad na pamantasan ay magiging Pamantasan ng Lunsod ng San Pablo (PLSP) as in PLM (Pamantasan ng Lunsod ng Maynila).

Ito kasi ang balakin ni Mayor Vicente B. Amante dahil mas marami nga naman ang matutulungan kong gagawing unibersidad ang DLSP, dadami ang mga kursong pwedeng pagpilian ang mga mag-aaral, tulad ng College of Engineering, Accountancy, Nursing at Medicine na maraming magulang ang dumadaing dahil sa napakamahal ang tuition sa mga nasabing kurso.

Ngunit bago dito ay kinakailangang tugunan muna ang mga pamantayang hinihingi ng Commission on Higher Education (CHED) para maisakatuparan ang conversion. At isa rito ay ang pagbubukas ng mga masteral o doctoral courses na kailangang taglayin muna ng DLSP.

Medyo nalalabuan ang pitak na ito sa patakaran ng CHED sapagkat may mga pagkakataong pinapayagan naman nila ang kahit bagong kasisimula lamang na paaralan maging unibersidad tulad nang buksan ang LU o LAGUNA UNIVERSITY na pinatatakbo ng panlalawigang pamahalaan.

0-0-0-0-0-0-0-0-0-0-0-0

Ipinagbibigay alam ng Tanggapan ni Cong. Ivy Arago ang nalalapit na Mega Jobs Fair na kanilang itataguyod sa Agosto 27, 2010, ganap na ika-8 ng umaga hanggang ika-3 ng hapon, sa Siesta Residencia de Arago, GreenValley Subd., Brgy. San Francisco Calihan, Lunsod ng San Pablo. Maganda itong pagkakataon sa mga naghahanap ng trabaho sapagkat tulad ng mga naunang jobs fair ni Rep. Ivy ay marami ang nabibigyang pagkakataon na ma-hire on the spot.

Sinisimulan na rin ni Cong. Ivy ang district wide niyang medical and dental mission na ang pagbubukas ay magsisimula sa Brgy. Del Remedio (Wawa) ni Chairman Nap Calatraba at inaasahang na namang libong maralitang mamamayan ng naturang barangay ang makikinabang. Keep up the good work outstanding Congresswoman Ivy Arago! (SANDY BELARMINO)

TUWID NA LANDAS

2010-07-28T06:44:00.000-07:00

Abot tanaw na natin ang pag-asa sa pag-ugit ni P’Noy sa panguluhan ng bansa subalit hindi ganoon kadali ang gagawin nating pagbangon sapagkat nananatiling nasa ating paligid ang bakas ng ginawang pagmamalabis ng hinahalinhan niya sa kapangyarihan.

Ngayong alam na natin, apat na linggo makaraang maupo sa katungkulan ang tunay na istado na ating kinalalagyan ay sumunod muna tayo sa mga patakaraang ipatutupad ni P’Noy upang maibsan kahit paano ang magulong burukrasya na kanyang minana.

Wala na tayong magagawa sa mga kabulukang dinatnan ni P’Noy sa gobyernong nakalipas at ang tanging konswelo nating lahat ay ang naisapubliko ang mga pagkakamaling ito, dahil mula dito ay possible nang hanapin ang hustisya.

Subalit batid naman nating lahat na hindi ganoon kadali ang paghingi ng katarungan dito sa ating bansa batay sa umiiral na proseso ng justice system natin. Lubhang matatagalan pa bago ito makamit, na kung dito natin itutuon ang lahat ng pansin ay makakaapekto ito sa pagsasaayos ng ating kabuhayan.

Makabubuting bigyan ng prayoridad ang ekonomiya ng P’Noy administration, habang abala ang iba pang sangay ng pamahalaan na isailalim sa paglilitis ang mga nagkasala, mga nang-abuso o mga nagwalanghiya sa mga Pilipino, sapagkat at the end of day ay laging nandoon ang pangangailangan lamanan ang kumakalam nating mga sikmura.

Hindi madaling ituwid ang landas na pangunahin naisin ni P’Noy. Hindi niya kaya ito nang nag-iisa. Tandaan nating ang kanyang minana ay isang bangkaroteng gobyerno kung saan ang kurapsyon ay tila ginawang institusyon na madalas ang mga naghahanap ng katarungan ay sila pang napaparusahan.

Dahil dito ay nasa pinaka-mababang antas ang usapin ng ating moral na aspeto, na habang marami ang nagugutom sa literal na pagsasalarawan ay kasing dami naman halos ang nauuhaw sa katarungan.

Ganito kabigat ang gawain na dapat isaayos ni P’Noy. Tulungan natin siya upang mapagaan ang mga dalahin nang sa ganoon ay mas mapadali ang pagbangon ng lupasay nating bansa. (NANI CORTEZ)

LAGUNA SP PASSES RESOLUTION FOR INC 96TH ANNIVERSARY

2010-07-28T06:40:00.001-07:00

Sta. Cruz, Laguna – The Sangguniang Panlalawigan (SP) unanimously passed a resolution greeting Iglesia ni Cristo (INC) on its 96th anniversary celebration on July 27, 2010.

Suspending the internal rules, the felicitation to INC was authored by BM Neil Nocom, ably seconded by BM Angelica Jones with no objection from all present at Wednesday session.

Present during the session when BM Palacol sponsored the resolution were BM Joseph Kris Benjamin Agarao, Carlo Almoro, Neptali Bagnes, Rey Paras, Juan Unico, Gab Alatiit, Emil Tiongco, Alejandro Yu and Floro Esguerra.

Vice-Governor and Presiding Officer Caesar P. Perez said that the resolution is one way of showing gratitude to INC contribution to the province peace and order as its members are known to be well-disciplined.

Perez also said that SP can not count out the role of INC and its importance to the spiritual needs of the people of Laguna.

Governor Jorge ER Ejercito immediately sent the congratulatory message to INC in time for the celebration on Tuesday, July 27.

IKA-96 ANIBERSARYO NG INC, IPINAGDIWANG

2010-07-28T06:36:00.000-07:00

Bagama’t ang opisyal na pagkilala ng Iglesia Katolika sa Iglesia Ni Cristo (INC) bilang isang lumalagong sekta ng pananampalataya ay noon lang taong 2005, ay hindi na maipagkakailang hinangaan na ito ng nasabing iglesia sa pagbisita sa bansa ni Pope Paul IV noong 1983.

Hindi naiwasan ng Papa sa Roma na magtanong kung ano ang nadaraanan nilang mga istraktura na higit na makabago at malalaking kapilya ng INC sapagkat kaiba ang arkitektura ng mga ito kaysa sa kanilang simbahan.

Kung nabubuhay pa si Pope Paul IV marahil ay higit pa ang kanyang paghanga sa ngayon lalo pa’t ang iglesia na kanyang ipinagtanong 27 taon lang ang nakalilipas ay umaabot na sa 100 pang mga bansa.

PAYAK NA SIMULA

Matutunton ang payak na pinagmulan ng INC sa mga katanungang hindi nagkaroon ng malinaw na mga kasagutan.

Ito ang kadahilanan kung kaya’t mula sa pagiging katoliko ay nagsaliksik pa si Felix Y. Manalo sa mga sektang protestante na sa palagay niya’y makakasagot sa mga simpleng katanungan na umaayon sa aral ng Banal na Aklat.

Hindi niya natagpuan ang mga katugunan kung kaya’t makaraang sumangguni sa Banal na Aklat ay sinimulan niyang mangaral noong 1913 bilang sektang Iglesia ni Cristo na ipinatala niya nang sumunod na taon ng Hulyo 27, 1914. Marahan man at may mga sagwil kabilang na ang mga pangungutya ay unti-unti itong lumaganap sa kapuluan ng Pilipinas.

KATUPARAN NG HULA

Nagpatuloy sa paglago ang INC hanggang malipat ang pangangasiwa ng Iglesia kay Eraño Manalo sa pagyao ni Ka Felix noong 1963.

Inakala ng mga nagmamasid na ito na ang simula ng paghina ng INC dahil anila’y mahirap partisan ang karisma ng matandang Manalo. Subalit may katiyakan ang mga nasusulat na hula, mas higit na yumabong ang INC sa pamamahala ni Ka Eraño. Mula sa malayong silangan ay umabot ang ebanghelyo ng INC sa mga kanluraning bansa at sa buong daigdig.

IKATLONG HENERASYON

Sa pagitan ng mga tagpo ay ang taimtim na pagsasanay ni Ka Eraño sa kanyang anak na si Eduardo V. Manalo sa banal na pangangasiwa ng iglesia bilang executive minister.

Nagsimulang mangasiwa si Ka Eduardo nang mamayapa ang ama nang nakaraang taon, at sa ipinasunod na kinagisnang disiplina ang INC at kapatiran ay higit pang sumigla, na magdiriwang ng kanilang ika-96 taon

JUANA SANCHEZ BELULIA

2010-07-25T09:20:00.000-07:00

JUANA SANCHEZ BELULIA
Wife of the late Atty. Gregorio C. Belulia.

Peacefully joined her Creator in the loving presence of her family July 20. 2010 at the age of 93.

Interment took place yesterday July 25 at San Pablo Memorial park after the funeral mass at San Pablo City Cathedral.

Her children Dr. Tabitha & Engr. Felix Paraiso, Judge Dinah Evangeline & Jose M. Bandung, Judge Amy Melba Belulia, Grace & John B. Llamas, Dr. Athena Filipina Belulia.
AND
Grandchildren John Paul & Valerie, Mark, Jehan, Janjan and Jordan.

Wish to extend their thanks to those who offered prayers, condoled and joined the wake in their hour of bereavements.

SCHOOL PREXY LAUNCHES MATH-INIC COURSES

2010-07-23T00:12:00.003-07:00

San Pablo City, Laguna - A school prexy here has designed Math-inic courses for kids and adults alike that aim to enhance the enthusiasm of children in the field of mathematics.

MSC High School President Prudencio “Ike” Prudente, 1964 graduate of Philippine Science High School graduate said that the short course are composed of different modules for different age levels and math abilities.

Prudente added that the little course will surely transform children from Math haters to Math lovers and eventually to math masters as the participants in the tutorial classes will be taught the exciting Mathematics short cuts and valuable tips to different mathematical computations.

The course also guaranteed that after the sessions each pupil will get high grades in Math, courtesy of the acquired mastery from the tutorial lessons.

Math-inic classes will start in July 17 (Saturday), but prior to it the parents are enjoined to attend the free 2-hour seminar to enable them get preview the inclusive lessons from the course.

Tutorial classes are likewise held daily or as per pre-arranged schedules.

MOTHER AND SON LEGACY

2010-07-23T00:09:00.000-07:00

Kay ganda ng halimbawang ipinamamalas ni Pangulong Noynoy upang maipakita sa taumbayan na pagsisilbi ang kanyang layunin at hindi upang maghari katumbas man ito ng kapangyarihang kaloob ng sambayanan na katambal ng pribilihiyo ng kanyang tanggapan.
Bilang isang karaniwang Noynoy ay ramdam niya ang damdamin ng mga ordinaryong motorista na habang nagtitiis sa haba ng trapik ay nahahawi’t nasisingitan pa ng ilang abusadong opisyal na may wangwang at igigiya ng mahabang konboy, na makalampas lang ang mga nasabing opisyal ay dinig niya ang galit sa bulong ng taumbayan.
Ito ang kadahilanan kung bakit ang problema sa trapiko ay hindi maayos-ayos, dahil hindi nga nararanasan ng mga naturang opisyal sanhi ng wangwang na kahit karaniwang tao na may koneksyon ay gumagaya na rin.
Ngayong kitang-kita na natin ang pagka-huwaran ni P’Noy, sana naman lahat tayo ay matutong sumunod sa batas sapagkat kung ang ating pangulo ay hindi lumalabag eh sino naman tayo upang magbulag-bulagan at ito ang tamang panahon.
0-0-0-0-0-0-0-0-0-0-0-0-0-0-0
Nag-flash back sa aking isipan nang minsang pinagkalibungbungan ng mga stree vendor ang isang ginang sa gitna ng trapiko, nagbukas ito ng bintana ng kotseng kinalululanan at masayang nakipag-usap sa mga ito, hanggang umusad na ang mga sasakyan nang mag-green light na at sabay sabay nagsigawan ang mga vendor ng “CORY, CORY, CORY”.
Ang ginang na lulan ng sasakyan ay nagngangalang Corazon C. Aquino, pangulo ng Republika ng Pilipinas na araw-araw ay nagyayaot ditto sa Malacañang at Times St. sapagkat ayaw manirahan sa palasyo. Pinili ng ginang na mas mapalapit sa pulso ng taumbayan.
Isa itong security nightmare para sa PSG subalit paano mo nga naman pagbabawalan ang isang president na huwag magbubukas ng bintana upang kausapin ang mga karaniwang mamamayan, at paano mo susuwayin ang isang pangulo na itigil ang sasakyan sa isang supermarket upang mag-grocery.
Kung hindi dahil sa sunod-sunod na kudeta ay marahil natapos ni President Cory ang kanyang termino na uwian sa Times St. at hindi mapipilitang mangupahan sa Arlegui, malapit sa Malacañang.
0-0-0-0-0-0-0-0-0
May pagkakahawig noong 1986 at ngayong 2010, sina President Cory at P’Noy ay kapwa walang pasyon na manirahan sa Malacañang, na nais ang simpleng buhay sa Times St., kapwa ayaw maghariharian manapa’y ang manilbihan sa mga karaniwang mamamayan, at hindi ikinalaki ng ulo ang pagiging pangulo, na kayang abutin dahil ang mga paa’y nanatiling nakaapak sa lupa.(NANI CORTEZ)

PALABIS

2010-07-23T00:06:00.000-07:00

May nais ipahiwatig ang mga natutuklasan ng bagong pamunuan ng Philippine Chairty Sweepstakes Office (PCSO) hinggil sa mga kagamitan ng ahensiya na ipamumodmod sa mga lokal na pamahalaan.

Tumambad sa kanilang pagsisiyasat ang daan-daang ambulansya na labis sa higit na kinakailagan upang matugunan ang mga request ng LGU at natuklasan din nila ang libu-libong medicine kit na magpahanggang sa ngayon ay hindi pa o nabigong ipamahagi ng nakalipas na pamunuan.

Totoong may mga kahiligan ukol sa ambulansya na lubhang kailangan ng mga bayan-bayan at lalawigan subalit lumilitaw na 59 lang ito, kumpara sa mahigit 200 binili ng PCSO sa bispiras ng paglisan ng nakaraang administrasyon.

Lumilitaw na labis ng 189 ang biniling ambulansya ng nasabing ahensiya na walang nakabinbing request ukol dito.

Marami ang nagtatanong kung bakit nangyari ang ganito, ganoon din naman sa libu-libong medicine kit na nakatiwangwang sa bodega ng PCSO sa kabila ng katotohanang may malalakas na iyakang nangyari noon partikular sa trahedyang idinulot ng bagyong si Ondoy na lahat ng mga biktima ay nananawagan para sa kaukulang gamot sa kanilang mga karamdaman.

Ang ganitong sitwasyon ay nangangailangan ng masusing pagsisiyasat, hindi lamang sa PCSO manapa’y sa lahat ng ahensiya ng pamahalaang matutuklasang nagkulang o nagpalabis. (TRIBUNE POST)

RIGHT SIDE OF HISTORY

2010-07-23T00:03:00.000-07:00

Sa unang pagkakataon ay isa po tayo sa mga naging interviewer sa mga prospective applicants para sa scholarship ng IVY FOR THE PEOPLE na itinataguyod ni Laguna 3rd District Congresswoman Ma. Evita R. Arago na ginanap sa loob ng dalawang lingo sa Siesta Residencia de Arago.

Humigit kumulang sa 2,000 ang aplikante para sa college scholarship ngayong taong ito at ang lahat ay sumailalim sa pagsusulit upang malaman kung sino-sino ang magiging kwalipikado.

Hindi pa rin nababago ang pamantayan na ginamit last year at ito ang pagbibigay halaga at bigat o pagpapa-prayoridad sa tinatawag nating poorest of the poor.

Pagod man dahil sa dami ng aplikante ay hindi mo ito mararamdaman sapagkat ang makaulayaw mo ang mga mag-aaral na nagsusumikap upang makatapos ng kanilang college degree, sa kabila ng pagiging hikahos sa buhay ay damang-dama mo ang kanilang pagnanais na maabot ang mga pangarap sa buhay.

Malaking konsolasyon kasi na mapag-alaman sa pagsapit ng takdang panahon na minsan ang pitak na ito ay naging bahagi ng kanilang pangarap.

0-0-0-0-0-0-0-0-0-0-0-0-0-0-0-0

Binigkas na ni San Pablo City Mayor Vicente B. Amante ang kanyang State of the City Address noong nakaraang Martes sa harap ng sesyon ng Sangguniang Panlunsod. Inisa-isa ng alkalde ang kanyang mga nagawa noong lumipas na taon at mga balakin pa sa lunsod sa susunod na tatlong taon niyang panunungkulan.

Edukasyon, kalusugan at pagpapabuti pa ng basic services ng lunsod ang pagtutuunan ng pansin ni Mayor Amante, sabihin mang tagumpay naman niya itong naitaguyod sa nakaraan niyang limang termino. Katunayan ay higit na dumami ang mag-aaral sa 14 na annex high school na kanyang naipagawa sa mga barangay ng lunsod, bukod pa sa San Pablo City Science High School.

Kinikilala na kahit saan man dako ang pet project niyang Dalubhasaan ng Lunsod ng San Pablo (DLSP) na hindi lamang mga San Pableño ang nakikinabang kundi pati mga kanugnog lalawigan at bayan.

Operational na ang San Pablo City General Hospital (SPCGH) na kahit sino ang makakita ay inaakalang pribadong ospital sa ganda ngunit ang katotohanan dito ay ipinagawa ng alkalde para sa mga mahihirap.

Mabuhay ka mayor at good luck para sa iba mo pang plano sa lunsod. Proud kami sa iyo at kay Cong. Ivy Arago dahil tama ang sinasabi nilang – you’re both at the right side of history ng San Pablo City.(SANDY BELARMINO)

PAGSUSULIT NG IVY SCHOLARS, ISINAGAWA

2010-07-23T00:01:00.000-07:00

San Pablo City, Laguna - Hindi bababa sa 2,000 aplikante ang sumailalim sa pagsusulit para sa college scholarship na itataguyod ng IVY FOR THE PEOPLE sa nakalipas na dalawang lingo dito.

Ang programa ay sa inisyatibo ni Congresswoman Maria Evita Arago na sadyang dinisenyo para sa kanyang mga constituents sa ikatlong purok ng lalawigan.

Napag-alamang ang serye ng eksaminasyon na kinapapalooban written exam at interview ay isinasagawa upang matiyak ang tagumpay ng programa at maiwasan ang kahalintulad na karanasan sa nakaraang school year na may mga scholar na tumitigil sa pag-aaral.

Dahil dito ay may mga scholarship slot na nasasayang sapagkat napupunta lamang sa ilang hindi interesadong mag-aaral.

Magkaganoon man ayon kay Cong. Arago ay nananatili ang pamantayang ang mapagkakalooban ng scholarship ay ang mga nagbubuhat sa mahihirap na pamilya.

Ang IVY FOR THE PEOPLE na social arm ng tanggapan ng kongresista ay nagkaroon ng 5,000 scholars nang nakaraang taon sa iba’t-ibang antas sa kolehiyo, high school, elementary at maging sa mga vocational courses ng TESDA.

Ito rin ang nagtataguyod ng mga medical missions at jobs fair sa buong distrito.

Bukod kay Cong. Ivy Arago ang interview sa mga aplikante ay naisagawa sa tulong nina Atty. Hizon A. Arago, Mrs. Eva R. Arago, Pao de Guzman, Sandy Belarmino, Helen Yuson, Dang Reyes Arago, Archie Alinea, Cecil Perez, Henry Gapit, Balsy de Guzman, Rikko Escaro, Dante Capistrano, Andrew Arago, Hipolito Tan, Ping Tiongson at Lucila A. Zaide.

CONG IVY ARAGO, NANUMPA KAY JUSTICE BRION

2010-07-05T15:04:00.000-07:00

Nag-oath of office si Laguna 3rd District Congresswoman Maria Evita R. Arago sa harap ni Supreme Court Associate Justice Arturo D. Brion nang nakaraang Martes para sa kanyang ikalawang termino bilang mambabatas.

Ang panunumpa ni Arago sa tungkulin ay sinaksihan ng kanyang mga magulang na sina Atty. Hizon at Mrs. Eva Arago, kapatid na sina Andrew at Irish. at kanyang mister na si Henry.

Si Cong. Arago ay mananatili pansamantala sa kanyang tanggapan sa kongreso upang asikasuhin ang mga panukalang batas na kanyang ihahain kaugnay sa pagbubukas ng sensyon sa Hulyo a-bente sais.

Isa sa pinaka-maraming panukalang batas na naisumite ni Arago sa kongreso kung saan sampu sa mga ito ang ganap nang batas, at kasalukuyan niyang pinag-aaralan ang pagre-refile ng mga makabuluhang proposed bills na hindi nakasama sa order of business ng kapulungan.

Bilang opisyal ng Liberal Party (LP) ay abala rin ang mambabatas sa adhikain ng partido at pagtulong sa kandidatura ni Cong. Sonny Belmonte bilang speaker ng House of Representative.

Ayon sa mambabatas ay almost in the bag na ang speakership sa kanilang partido (LP), na mangangahulugang ibayo pang tulong at alalay ang maihahatid ng kanyang tanggapan sa distrito kung saan lumamang din ng malaki si President Benigno “Noynoy” Aquino nang nakaraang halalan laban sa pinakamalapit na katunggali.

Kapwa orihinal na miyembro ng LP sina Pangulong Noynoy at Cong. Ivy. Isa ang pangulo sa tumayong ninong sa kasal ng kongresista at Henry Gapit nang nakaraang buwan ng Hunyo.

LIWANAG

2010-07-05T15:00:00.000-07:00

Simpleng-simple ang isinagawang inaugural address ni P’noy na ipinarating sa sambayanang Pilipino sa opisyal niyang pagsisimula bilang pangulo ng bansa.

Dito masasalamin ng bawat isang Pilipino ang laman ng kaisipan ni P’Noy na nagtataglay ng marubdob na hangaring wakasan na ang mahabang panahong ipinagtiis ni Juan de la Cruz sa kamay ng isang gobyernong naging makasarili.

Malinaw na naipabatid ni P’Noy na alam niya’t nasasaksihan ang bawat pangyayaring nagbubulid sa bayan sa bangin ng kasiphayuan na gawa ng isang lider na bingi sa mga daing ng taumbayang sumisigaw at nagsusumamo ng kalinga.

Walang naligtas sa masamang karanasang ito sapagkat katulad ng mga karaniwang Pilipino ay dinanas din ni P’Noy ang lahat, kung kaya’t matibay ang tiwalang namamayani sa bawat isa na tanaw na ang ilaw ng pagbabago.

Subalit hindi kaya ni Pnoy ang mga gawain ng nag-iisa at sa pagkakataong ito higit niyang kailangan ang sambayanan sa gagawing paglalakbay upang mapag-alab pa ang liwanag sa landasin.

Huwag tayong sumuko nang tuluyan nating makamit ang tunay na kaunlaran sa pamamagitan ni P’Noy. (TRIBUNE POST)

SP NI PABLOY

2010-07-05T14:56:00.000-07:00

Opisyal nang nagsimula ang pang-anim at huling termino ni Mayor Vicente B. Amante sa bisa ng kanyang reeleksyon nang nakaraang halalan at inaasahang ibayo pang kaunlaran ang kanyang maihahatid sa Lunsod ng San Pablo sa susunod pang tatlong taon.

Napatunayan naman ang husay ni Mayor Amante sa ngalan ng pamamahala lalo na sa ikabubuti ng kanyang nasasakupan, na ang isang halimbawa dito ay ang ginawang panggigipit sa kanya ng mga kalaban sa pulitika, kung saan ang lahat ng kanyang mga proyektong isinusulong ay pilit hinaharang.

Sa dalawang taong nakalipas ay nagtagumpay ang kanyang mga kaibayo na huwag ipasa sa Sangguniang Panlunsod (SP) sa tamang panahon ang taunang budget, subalit hindi nagpatinag ang punong lunsod at sa halip ay ipinagpatuloy ang mga balaking kinakailangan ng mga kababayan.

Kahit sa huling sandali ay naging maigting ang pagkontra ng kanyang mga kalaban sa pulitika sa pagbubukas ng bagong gawang San Pablo City General Hospital (SPCGH), na sa halip ayudahan ng konseho ang alkalde ay pinapanghina ang loob upang huwag muna itong mabuksan.

Subalit lubhang kinakailangan nang maglingkod ang SPCGH sanhi na rin ng kakulangan ng pagamutang matatakbuhan ng mga pasyenteng indigent. Wala ng panahon upang maghintay pa sapagkat kumakatok na sa tanggapan ng alkalde ang mga mahihirap na pasyente na dumadaing sa dagdag pahirap ng mga pribadong pagamutan..

Salamat na lamang at kahit may nagawang pagkukulang ang Sangguniang Panlunsod ay hindi tumigil si Mayor Amante sa pagharap ng kaparaanan upang tuluyan nang makapaglingkod ang SPCGH bilang pagamutan ng lunsod, na kahit hindi tumugon ang SP ay maagap ang naging pagsaklolo ng mga kaibigang senador ni Mayor Amante.

Ngayon kahit paano ay bukas na ang SPCGH at naglilingkod na sa mga San Pableño. Kapuna-punang sa pagbubukas ng SPCGH gamit ang mga limos na budget ay kasabay namang nawala at hindi na ibinalik sa panunungkulan ang mga mahigpit na kumontra dito.

Inaasahang sa bagong komposisyon ng SP ay hindi na daranasin ng lunsod ang pagkakaroon ng reenacted budget at ibayong paglilingkod ang maihahatid kay Pabloy. (sandy belarmino)

PANATA NG PAGBABAGO

2010-07-05T14:43:00.000-07:00

Paninilbihan ang pangunahing layunin ng Aquino Administration sa pagkakaluklok sa panunungkulan at hindi ang paghahari katulad ng naunang administrasyon na ikinadismaya ng taumbayan.

Ito ang mensaheng ipinaabot ni President Noynoy Aquino makaraang isalin sa kanya ang kapangyarihan bilang bagong pangulo ng Republika ng Pilipinas sa seremonyang dinaluhan ng humigit kumulang na 500,000 katao na pawang kinababanaagan ng sigla sanhi sa muling pagsilang ng pag-asa.

Bakit nga ba hindi ay sa talumpating binigkas ni P’Noy na lamang ang katapatan kaysa sa retorika ay nagbigay ito ng kasigaruhan sa taumbayan na tutugunan na ang malaon nang hinaing ng lahat sa hangaring magkaroon ng pagbabago.

Isang pagbabagong magbibigay ng kapanatagan at kapakinabangan sa higit na nakararaming mamamayan, na hindi maipatupad ng nakaraang administrasyon sapagkat nagpabihag sa maraming interes na sumasalungat dito, kung hindi man ay ang sektor din, na kanyang kinabibilangan.

Marami tayong dapat ipagpasalamat sa pagdating ni P’Noy sapagkat sa wakas ay may sumilang tayong lider na naninindigan para sa taumbayan at handang magsakripisyo alang-alang sa inilatag na pagbabago upang tayong lahat ay makaahon na sa pagtitiis.

Magiging daan din ito upang masagot ang mga malaon ng katanungang ikinukubli ng nagdaang administrasyon na madalas pang humahantong sa pagmamalabis makatiyak na walang sisingaw na impormasyon sapagkat batid nilang lubha itong ikagagalit ng taumbayan.

Sa pagdating ni P’Noy ay manangan tayong ito na ang simula upang mabigyang tuldok ang lahat nang sa ganoon ay mapawi na ang mga sagabal patungo sa tuluyan nating pag-unlad. Magtiwala tayo sa kanyang panata.

0-0-0-0-0-0-0-0-0-0-0

Minsan pang napatunayang hindi kailangan ang salapi upang matupad ang pangarap na makapaglingkod sa bayan, sa pagkakapagwagi ni Vice-Mayor Angie Yang ng San Pablo nang nakalipas na halalan.

Ang kailangan lang ay malinis ang hangarin ng isang kandidato tulad ni Vice-Mayor Angie na dahil salat sa budget ay kulang na kulang sa election parapharnelia sa panahon ng kampanya at may mga lugar pang hindi narating subalit sinuportahan pa rin ng mga San Pableño.

Unawa naman ng mga kababayan ang katayuan ni Vice-Mayor Angie na siyang ama’t-ina ng kanyang mga anak na pawang nag-aaral pa dahil isa nga siyang biyuda, kaya nga’t sa tuwi siyang nagpapasalamat ay lagi niyang nababanggit na wala man siyang material na maibigay sa mga kababayan bilang pasasalamat ay susuklian naman niya ito ng matapat at dalisay na paglilingkod.

Asahan daw natin ayon kay Vice Angie ang maagap na talakayan sa SP ng ating nakabinbing 20% Development Fund. (NANI CORTEZ0

ANG PAGDALAW SA TIMES STREET

2010-06-25T03:00:00.001-07:00

Masayang binisita nina 3rd District of Laguna Rep. Maria Evita “Ivy” Arago-Gapit, Atty. Hizon at. Mrs. Eva Arago sina President Noynoy Aquino at Senador Mar Roxas sa tahanan ng mga Aquino sa Times St., Lunsod ng Quezon, noong nakaraang Miyerkules, Hunyo 23. Si Pangulong P-noy at Senador Mar ang mga tumayong sponsors sa pakikipag-isang dibdib ni Cong. Arago kay G. Henry Gapit. Layunin ng dalawang ninong ni Ivy na maging regular ang ganitong mga sandali upang magpapatuloy ang ugnayan nila sa isa’t-isa na higit na magpapayabong sa magandang pagkakaibigan ng kanilang mga pamilya. Si Pangulong Noynoy, Senador Mar at Kongresista Ivy ay pawang nabibilang sa Liberal Party. (SANDY BELARMINO)

P-NOY, PRESIDENTE AT HINDI ARTISTA

2010-06-25T02:55:00.000-07:00

Sumasailalim sa isang literal na facelift si Pangulong Noynoy Aquino makaraang manalo sa halalan at maiproklamang susunod na pangulo ng bansa simula sa katanghalian ng Hunyo a trenta.

Ang pagbabagong anyong ito ay sa amuki ng mga nakapaligid kay P-noy na tila mas nababahala pa sa impresyon ng mga banyaga at mga taong kabilang sa mataas na lipunang ating ginagalawan. At ito ay kapapalooban ng complete outlook tulad ng pananamit, gupit ng buhok, eye glasses na isusuot at hitsura ng mukha.

In fairness to Pres. Noy na marahil ay nakulitan na sa mga sulsol ng mga nakapaligid kung kaya’t napilitan nang sumunod sa mga mungkahi na masasabing hindi naman kabilang sa kanyang mga prayoridad. Ito kaya ang senyales na may nabubuo nang lobby interest group sa kanyang paligid?

Ang katotohanan dito ay wala namang pangit sa orihinal na Noynoy Aquino, katunayan ay kung ano siya ang nagustuhan ng mayorya ng mga sumuporta sa kanya ng nagdaang halalan. Naging daan pa nga ito upang maka-relate si presidential candidate Noynoy sa damdamin ng masang Pilipino.

Wala namang masama kung magkameron man ng personality development si P-Noy subalit wala ring masama kung pananatilihin niya ang dating siya, sapagkat anuman ang pagbabago mula sa dati ay maaaring ipakahulugang isang cordon line laban sa mga karaniwang pinoy na mga nagnanais siyang maabot.

Sa maraming pagkakataon ay nai-kober na natin si P-noy, sa senado bilang senador at sa field bilang kandidato sa pagka-pangulo ng bansa. Ni minsan ay wala tayong nakita upang baguhin ang tungkol sa kanyang personalidad. Sa formal o sa informal attire ay masasabi kong ang nangingibabaw sa tuwina ay ang kayang pagiging pino at disente.

Para sa pitak na ito ay lubayan na na ninyo si Pangulong Noynoy sapagkat ang layunin naman ng mama ay makapaglingkod at maresolba ang mga daratnang suliranin ng bansa na kanyang mamanahin. Napakahalaga para sa kanya ang bawat sandali upang mapaghandaan ito kung kaya’t huwag na ninyo siyang abalahin sa mga walang kawawaan,

Ang bottomline dito ay kinakailangang may-report siya sa taumbayan makaraan ang isang daang araw bilang pangulo ng bansa at hindi bilang artista ng pinilakang tabing.

PAKIKIISA

2010-06-25T02:47:00.000-07:00

President Noynoy was not born yesterday at napagdaanan na niya ang lupit at lahat ng pagsubok sa buhay, na sa panahong ito ay ang kailangan niya ay malayang makapag-isip sa kung ano ang ikatitiwasay ng bayan.

Ang kailangan niya sa ngayon ay ang pakikiisa ng taumbayan upang maisulong ang kanyang mga pangaraping isasagawa para sa katuparan ng mga naipangako nang nakalipas na halalan, kailangan din niya ang katahimikan na ligtas sa mga nakabibingi at nakalilitong mga bulong at kapanatagan ng loob upang maisagawa ang sa kanyang pag-aaral ay tama para sa kapakinabangan ng mga mamamayan.

Walang puwang sa panahong ito ang mga unsolicited advice ng mga nakapaligid dahil sa dulo ng lahat ng ito ay mga vested interest na sa halip makatulong ay lalo pang magpapalala sa dinaranas na suliranin ng bansa.

Dapat tandaan ni Pangulong Noy na nag-iisa siyang pangulong inihalal ng buong bansa. Pangulo siya maging ng kanyang mga nakatunggali, kaibigan at kakampi ng sambayanang Pilipino. Siya mismo ang gagawa ng daan na kanyang tatahakin at tanging siya lang ang may hawak ng susi para sa kanyang ikapagtatagumpay.

Sa loob ng siyam na taon ay bihag ng pighati ang bawat isang Pilipino, sakal sa leeg ng isang lider na tila ayaw ituntong ang mga paa sa lupa at isang lideratong bingi sa hinaing ng taumbayan.

Huwag na nating hayaan ang lahat na ito ay maulit muli. Ipamalas sana ng bawat isang Pilipino ang ganap na pakikiisa sa liderato ni Pangulong Noy sapagkat ang kanyang tagumpay ay tagumpay ng buong bayan samantalang ang kanyang kabiguan ay may dalamhating katumbas para sa taumbayan. (TRIBUNE POST)

HENRY AT IVY, MAY KAPWA DEBOSYON

2010-06-25T02:44:00.000-07:00

Ang pag-ibig nila sa isat-isa’y nahalintulad sa mga karaniwang love story subalit kung isasaalang-alang ang mga naipundar nilang panahon bago ang kanilang pag-iisang dibdib ay masasabing higit itong dakila sa alin pa man.

May mga nagsasabing wedding of the decade sa Lunsod ng San Pablo ang kasal nina Henry at Ivy na ginanap kasabay ng pagdiriwang ng Independence Day noong Hunyo 12, 2010, na dinaluhan ng humigit kumulang na 5,000 panauhin mula sa lahat ng antas ng lipunan.

Sa dami ng mga nakisaya at bumati ay marahil nga subalit sa likod nito ay marapat ding mabatid ng madla ang mahigit na isang dekadang ipinaghintay ng magsing-irog bago tuluyang magpasya na bumuo na ng sarili nilang pamilya.

HAPPIEST PARENTS ON EARTH

Pinaka-maligaya ng mga sandaling yaon ay sina Atty. Hizon at Gng. Eva Arago sapagkat batid nilang ang mahal nilang si Ivy ay magiging kupkop ng pag-ibig ni Henry, at G. Serafin at Gng. Laureana Gapit dahil sina Henry at Ivy ay puspos ng pagmamahalang tinandis ng panahon.

Wala nang pagsidlan ng kasiyahan ang dalawang pamilya nang makitang nag-abala ang mga ninong at ninang na lubusang nakiisa upang saksihan ang pinakamahalagang sandali sa buhay ng mga ikakasal. Sa mga ganitong pagpapahalaga ay totoong walang puwang ang lungkot.

Principal sponsor sina President-Elect Noynoy Aquino, Supreme Court Justice Arturo Brion, Senator-Elect Franklin Drilon, Senator Mar Roxas, Cong. Procy Alcala, Gov. Alfredo V. Umali, Gov. Adolfo Edward Plaza, Atty. Antonio Acyatan, G. Ruben Mesinas at Mr. Rolando Ang.

Ang mga ninang sa kasal ay sina Pinky Aquino Abellada, Cong. Liwayway Vinzon-Chato, Dr. Ester LOzada, Labor Attache Luddy Rasul Tanedo, Belen Sulibit, Cong. Ma. Victoria Sy-Alvarado, Pilar R. Carlos, Patricia R. de Guzman, Letecia A. Concepcion at Betty B. Nantes.

LOVA AFFAIR MULA SA SOUENIR PROGRAM

Katulad ng ibang dakilang pag-iibigan na humahanap ng kaparaanan upang mabigyang laya ang tibok ng puso ay nakilala ni Henry si Ivy sa pamamagitan ng souvenir program ng Lions Club kung saan may advertisement ang Siesta de Residencia de Arago.

Si Ivy ang namamahala ng naturang istablisemento samantalang si Henry ang salesman ng kanilang industrial battery family business sa Lunsod ng Lucena. Pinag-ugnay sila ng mga long distance call hanggang magkita sa kauna-unahang pagkakataong noong Nobyembre 2, 1997.

Nagkaunawaan ang kanilang mga puso noong Pebrero, 1998 at mula noo’y itinalaga ni Henry ang sarili sa mahabang paghahanda para sa buhay may pamilya. Namasukan siyang office assistant sa isang manananggol bago nalipat sa Chowking bilang sales manager sa Mindanao noong taong 2000.

LOVE AND DEVOTION

Makaraang maging SK president ng Brgy. San Francisco Calijan ay lumahok sa halalan si Ivy noong 2004 kung saan nagwagi siyang no.1 councilor ng San Pablo at palibhasa’y may angking kakayanan sa pakikipag-kapwa tao ay nahalal na kongresista ng ikatlong purok ng Laguna noong 2007.

Proud man si Henry sa tagumpay ng kasintahan ay nanatili siyang low profile at lagi lang nasa background upang sumuporta’t magbigay lakas loob kay Ivy. Naging panata ng kanyang pag-ibig ang kaligtasan ng mambabatas hanggang magpasyang magbitiw sa trabaho at mag-negosyo na lamang upang higit niyang mapangalagaan si Ivy.

Ang debosyon nila sa pag-iibigan ay nagresulta ng kapanatagan sanhi upang muling magwagi si Cong Ivy sa kanyang reeleksyon noong Mayo 2010.

VICTORY AND WEDDING DAY CELEBRATION

Isang victory party ang orihinal na inihahanda ng magkasintahan, hanggang kanilang mapagpasiyahang isabay na ang balaking pagpapakasal na sasaksihan ng lahat ng barangay ng distrito. Para sa dalawa ay sapat na ang mahigit na sampung taon upang lubusan nilang makilala ang isa’t-isa, at sa piling ng mga constituents ay ang naisin ng magsing-irog na siyang mga makasaksi sa bagong kabanata ng kanilang buhay.

Ayon kina Henry at Ivy “Ang saya at tagumpay ng aming simula ng bagong buhay ay ibinabahagi naming sa inyo”.

CALABARZON REGISTERS ELECTION SURPRISES

2010-05-18T06:41:00.001-07:00

Region 4A Calabarzon (Cavite, Laguna, Batangas, Rizal and Quezon) registered election surprises and scored big political upset unimaginable on the May 10, 2010 electoral exercise.

SURPRISES –

On the open contest for governorship of Cavite, Jonvic Remulla (NP) had beaten Dencito Campaña (LP), this even with solid backing of the outgoing governor to the latter. Earlier during 2007 elections Remulla lost to Campaña in the vice governatorial race.

Now subject for serious analysis by the observers was the upsurge of Pansanjan Mayor Emilio ER Ejercito for Laguna governorship beating the well-oiled political machinery of the incumbent governor’s son and provincial administrator Dennis S. Lazaro, the experience of former senator, secretary and governor Jose Lina, and the influence of current vice-governor Ramil Hernandez.

All four Laguna congressmen were reelected by wide margin over their opponents namely Cong. Dan Fernandez, 1st District; Timmy Chipeco, 2nd District; Cong. Maria Evita Arago, 3rd District and unopposed Cong. Edgar San Luis, 4th District.

Reelected Lucena Mayor Ramon Y. Talaga refused to be proclaimed while awaiting the decision on his petition to the COMELEC that he be replaced by his wife Ruby in his certificate of candidacy.

WOMEN POWER

Garnering 90% of the votes cast, Dasmariñas City Mayor Jennifer Borzaga took the honor of being the first elected city mayor of the locality, sharing it with reelected Biñan Mayor Lenlen Alonte-Naguit as ABC President Vilma A. Dimacuha became the first elected lady city mayor of Batangas City.

Actress Lani Mercado Revilla meanwhile was elected congresswoman of the newly created Cavite’s 2nd district.

Also reelected were Laguna 3rd District Rep. Maria Evita Arago, Sta. Rosa City Mayor Arlene Arcillas Nazareno, Batangas Governor Vilma Santos-Recto and Tanauan City Mayor Sonia T. Aquino.

The short list of women to exercise power by virtue of peoples’ mandate are San Pablo City elected vice-mayor Angie Yang, Laguna provincial legislator actress Angelica Jones Alarva with Quezon’s Alona Obispo, Techie Dator, Lourdes de Luna-Pasatiempo, Rachel Urbana and others not yet known to this paper.

POLITICAL UPSET

The greatest political upset was courtesy of incumbent Quezon Gov. Rafael P. Nantes (LP) who succumbed to challenger former vice-governor and Asec David Suarez by a margin of 64,566 votes.

Political observers found it hard analyzing what struck Nantes’ candidacy considering his prominence in the province politics.

Last termer Cavite Governor Ayong Maliksi succeeded in his quest for the province 3rd congressional district but his son incumbent Imus Mayor Manny Maliksi was not as lucky in his reelection bid and lost to challenger Homer Saquilayan.

In Laguna some noteworthy upset were scored against Sta. Cruz Mayor Ariel Magcalas who came in third in a three cornered fight won by former mayor and incumbent board member Dennis Panganiban, Raul Gonzales overtaking incumbent Victoria Mayor Dwight Kampitan, challenger Antonio Carolino defeating Sta. Maria Mayor Joel Cuento and vice mayor Antonio Aurelio putting an end to decade old administration of Mayor Rolen Urriquia at Rizal, Laguna.

ON THE SAME LEAGUE

On the same league with Lakas Kampi presidential bet Gilbert “Gibo” Teodoro who performed poorly at the polls because of Malacañang shadows cast on his shoulder were former Executive Secretary Eduardo Ermita who lost to Tomas Apacible as congressman for Batangas First District and former DOJ Sec. Agnes Devanadera losing by a wide margin to Quezon District 1 Cong. Mark Enverga.

Like any other, their long years of association with the president paid a price so dearly that gave them negative response from the electorate, causing them total plunge on the recent electoral exercise.

OLD RELIABLES

If some were unlucky, few stood firm on the ground to withstand the trend and relied on their solid performance in office. Reelected for their last term as city executive were old reliables San Pablo City Mayor Vicente B. Amante and Calamba City Mayor Joaquin M. Chipeco Jr.