Friday, January 29, 2010

CLOA NG IVYVILLE, IPINAGKALOOB

Victoria, Laguna - Sa ilalim ng programang Land for the landless ay ipinagkaloob ng National Housing Authority (NHA) at Tanggapan ni Laguna 3rd District Congresswoman Maria Evita Arago ang Certificate of Lot Award (CLOA) ng IVYVILLE sa Brgy. Masapang dito kahapon.

Nakasaad sa CLOA na ipinamahagi nina Rep. Arago at Architect Virginia Domingo, NHA Regional Manager, na ang lote ay babayaran ng benipisyaryong pamilya ng P275 kada buwan sa loob ng sampung taon kung saan makaraan nito ay lubusan na ang kanilang pag-aari sa nasabing lupa.

Ang IvyVille ay may sukat na humigit kumulang sa 4,000 metro kwadrado na binili ng pamahalaan sa pribadong may-ari upang ipamahagi sa 91 pamilya ng naturang barangay sa pamamagitan ng tanggapan ng kongresista.

Pangalawa na itong proyekto ni Arago sa bayang ito makaraang buksan ang Danbuville sa Brgy. San Francisco nang nakaraang taon sa tulong din ng nasabing programa.

Walang pagsidlan ng kasiyahan si Gng. Lucy Pinecate, pangulo ng homeowners association nang magpasalamat sa kongresista sapagkat ito aniya ang katuparan ng malaon na nilang pinapangarap sa buhay na magkaroon ng sariling lupang mapagtatayuan ng kanilang tahanan.

Samantala, sa panayam ng pahayagang ito kay Arago ay napag-alamang nilalakad niya sa kasalukuyan ang isa pang IvyVille sa bayan ng Nagcarlan upang maisaayos na rin ang pagkakaloob nito sa mga residente doon. Si ABC Sec. Boy Aquino ang katulong ng mambabatas sa proyekto.

Ang seremonya ay dinaluhan nina Rose Pineda Supeño ng DILG, Flor Bugia at pamunuan ng Masapang.

Thursday, January 28, 2010

DOG EATS DOG

Malinaw na banggaan ng interes ang nangyayaring komedya ngayon sa senado hinggil sa double insertion sa budget ng C-5 Extemsion na kinasasangkutan ni NP presidential candidate Sen. Manuel Villar noong siya pa ang pangulo ng nasabing kapulungan.

Ang naturang gawain ay kalakaran na’t nangyayari maging sa mababang kapulungan ng kongreso sa pagnanais ng bawat mambabatas na magkaroon ng kasiguruhang matatapos ang proyekto sa lalong madaling panahon. Kung kaya’t tinitiyak na may sapat itong pondo.

May mga pagkakataong ipinangangalandakan pa ito ng ilang mambabatas bilang pogi points sapagkat sa pamamagitan ng kanilang resourcefulness ika nga ay napadadaloy nila ang mga pagawaing bayan sa kapakinabangan ng kanilang mga constituents.

Nakatitiyak na hindi lamang si Villar ang gumagawa nito sa senado dangan nga lamang at nakatayo siya sa maselang kinalalagyan na dinadaanan ng panudla ng mga pagpuna, sapagkat sa panahon ng halalan ay isyu ang nagbabanhay o nagbubuwal sa bawat pangarap ng isang kandidato.

Pinatunayan ni Sen. Pimentel na ang lahat ay pawang guilty ng budgetary insertion na inalmahan ng isang naghahangad maging pangalawang pangulo sa nakakatawang pangangatwirang dati siyang miyembro ng minorya, na para sa kabatiran ng lahat ay iglap lamang ang palitan nila ng mayorya.

Si Villar sa ngayon ay nasa mundo ng dog eats dog na nililitis ng mga kasamahang may kaparehong pagkakasala at may posibilidad na ang pagkakamali ay masahol pa.

PUSO SA SERBISYO PUBLIKO

Sa ginawang pag-aaral upang mailatag ang mga pamantayan sa katangiang kinakailangan ng isang mabuting lider na ginanap sa mga urban centers ng Estados Unidos, ay kakatwang wala sa hanay ng mga propesyunal ang sibulan ng mga magigiting, matatag at mapagkakatiwalaang pinuno ng sambayanan na kanilang masasandigan.

Lumitaw sa nasabing mga panayam na marami ang nag-uukol ng pansin sa mga tinatawag na taong karsada na higit na katiwa-tiwala, mas malakas at handang ipaglaban ang kanilang kapwa. Naniwala ang marami na ang breeding ng mga ito ang pinagmulan at pinagbubuhatan ng mga Mavericks o iyong may matitibay na paninindigan.

Ang problema nga lamang kung bakit wala sila sa larangan ng pulitika ay hindi sila nabibigyan ng angkop na pagkakataon!

Paano nga naman ba magkakaroon ng tsansa ang isang taxi driver, isang barbero, isang alagad ng batas o dili kaya’y isang tindero.

Gumulat sa marami ang pag-aaral na ito, na ang protesta ng mga propesyunal ay idinaan sa pananahimik. Subalit hindi naman ito nangangahulugang ang propesyon bilang doktor, inhenyero, abogado at iba pang pinaglaanan ng pagsusunog ng kilay ay lumitaw sa pagtataglay ng kahinaan, dangan nga lamang at waring lumutang ang mga blue collar sa naturang pag-aaral.

Sa isang lugar kung saan pinaniniwalaang may nagaganap na diskriminasyon ay katakatakang magkaroon ng ganitong resulta, na nagpapakita ng bukas na kaisipan at alalaon baga’y ang wagas na pagsasa-alang-alang sa true to life na kaganapan sa paligid ang kuminang.

Kabalintunaan ito sa atin sapagkat pinipilit nating mas maging Popist kaysa sa Pope sa Roma, mas accent conscious kaysa sa orihinal na English speaking countries, mas nagpapabihag sa mga intensyong hindi natin dating gawi at pansamantalang nalilimutang sa bandang hangganan ay kinakailangan nating magbalik sa reyalidad ng buhay.

Kung ang nasabing pag-aaral ay dito ginanap sa atin, marahil ay hindi ganoon ang kalalabasan sapagkat marami pa sa lahing kayumanggi ay alipin ng maling kaisipan na tinatawaran ang kanilang hanapbuhay sa pagdu-dugtong ng salitang LAMANG. Ako’y isang magsasaka lamang, isang titser lamang, isang driver o mekaniko lamang, na dala na rin ng ating likas na pagiging mapagpakumbaba.

Ngunit kasaysayan na ang nagtutuwid ng mga ganitong kamalian sapagkat sa ngayo’y may mga lider na tayong dating mangingisda, dating matadero, dating tsuper, mekaniko, alagad ng batas, embalsamador, street vendor, kawal at ipa pang hanapbuhay na tayo rin ang nagpapababa ng uri.

Unti-unti ay humahulagpos na tayo sa paniniwalang monopulyado ng mga abogado, doktor, inhenyero at ekonomista ang larangan ng serbisyo publiko sa dahilang may mga pagkakataong mas makislap ang kinang ng ibang kurso bukod sa kanila na nabigyan ng pagkakataon sa ating kongreso, senado o maging sa ehekutibong sangay ng ating pamahalaan.

Sa lalong madaling panahon ay muli tayong pipili ng mga lider na mamumuno sa atin. Muli tayong makaririnig ng mga retorika, na maaaring isang ekonomista ang may plataporma ng programang mag-aahon sa atin ngunit sa isang banda ay pakinggan din natin ang ipiniprisintang alternatibo ng isang street vendor sapagkat baka higit itong mas kapakipakinabang.

Posible ring bulagin tayo ng mga doctor, tabunan o gawing pundasyon ng mga balakin ng mga inhenyero, at lasingin ng mga abogado sa maraming pangako. Ang lahat ng mga ito ay walang garantiya ng katuparan kaya’t masusi nating pag-aralan. Lumingon tayo sa paligid sapagkat baka naman ang kanilang mga ipinanunukala ay may nakapagkaloob na.

Iwasan po nating tayo’y matanso sapagkat sa ngayon, ang kailangan nating mga lider ay yaong may puso, at lubos na nauunawaan ang sining ng paglilingkod.

Totoong nakalulugod sapagkat mapalad ang Ikatlong Purok ng Laguna sa pagkakaroon ng Kinatawang nagbubuhos ng tunay na damdamin para sa kanyang mga nasasakupan. Hindi man siya doktor, abogado, inhenyero at ano mang katawagang tinapos sa pag-aaral ay buong nagagampanan ni Congresswoman Maria Evita “Ivy” R. Arago ang kanyang tungkulin sa bayan.

Ang angking kasipagang tinataglay ay ang kanyang malaking puhunan. Hindi nagkamali ang mga San Pableño at buong distrito, na buhat sa pagiging konsehala ng lunsod ay nahalal siyang kongresista na seryoso niyang isinaalang-alang sanhi upang mapili siyang isa sa mga Ten Most Outstanding Congressman ng tatlong magkakasunod na taon (2007, 2008, 2009) sa una pa lamang niyang termino.(SANDY BELARMINO)

Monday, January 18, 2010

TAGUMPAY NI NOYNOY, TAGUMPAY NI IVY

Si Presidentiable Noynoy Aquino at incumbent Laguna 3rd Dist. Rep. Maria Evita “Ivy” Arago habang ipinapapakita ang kanilang hudyat sa pagsusulong ng plataporma ng Partido Liberal. Si Aquino at Arago ay kapwa miyembro ng Partido Liberal ng ang mga ito’y palaring maging mambabatas noong eleksyong 2007 at sa darating na eleksyon ng Mayo 2010 ay pareho rin lalahok bilang Liberal, si Noynoy ay kandidato sa pagka-pangulo ng bansa samantalang si Ivy ay reeleksyunistang kinatawan ng ikatlong-purok ng Laguna. Kuha ang larawan noong nakaraang Congresswoman Ivy Arago’s Night ng Cocofest 2010 celebration. (SANDY BELARMINO)

Sunday, January 17, 2010

NEW CITY SCHOOLS SUPERINTENDENT

Thru a memorandum dated January 7, 2010 issued by Education Secretary Jesli A. Lapus, Mr. Enric Tala Sanchez was designated as Officer-in-Charge of the Office of the Schools Division Superintendent in the Division of San Pablo City, vice Miss Ester Capiña Lozada who earlier moved to Santa Cruz to assume the position of Provincial Schools Division Superindent of Laguna. A native of Dinalupihan, Bataan, he started his teaching career has a secondary school teacher in Balanga (Bataan) National High School in School Year 1986-1987. He moved to CALABARZON Region in April 20, 2007 after being designated as Assistant Schools Division Superintendent station in the Division of Batangas City. (Ruben E. Taningco)

Friday, January 15, 2010

HINDI CONSISTENT

Saan mang panig ng Calabarzon ka magtungo ay naglipana ang tarpaulin at ang karamihan ay pagbati sa nakaraang kapaskuhan na kahit matagal nang nakalipas ay kusang hindi inaalis to serve its purpose para sa name recall sa pagsapit ng halalan,

Medyo naiintriga ang pitak na ito sa dahilang ang mga dati nang kumukontra sa tarpaulin ay game na game na rin sa kanilang pagbati, at inaasahan pang higit na darami sa mga lugar na magdaraos ng kapistahan tulad ng mga lunsod ng San Pablo at Batangas City o saan mang dako na ang tatamaan ng kapistahan ay bago sumapit ang campaign period.

Natatawa na medyo naaawa ang inyong lingkod sa mga taong ganito na hindi naging tapat sa kanilang mga sarili sapagkat hindi nila naipagpatuloy ang animo’y paglilinis-linisan na dati’y tila diring-diri sa tarpaulin.

Noon kasi ay wala silang inatupag kung hindi ang batikusin ang mga mambabatas na dahil sa dami ng mga proyektong naipagawa sa distrito kasing dami rin ang tarpaulin nakaakibat sa bawat proyekto, dahil ito ang ipinag-uutos ng batas upang masubaybayan ng publiko kung ano at sino ang tungkol sa nasabing pagawaing bayan.

Sa mga tarpaulin kasi nakasulat ang job description, ang halaga at takdang panahon kung kailan dapat matapos. Nandoon din ang pangalan ng mambabatas na siyang nag-asikaso upang maisakatuparan ang proyekto, na samakatuwid ay marapat lang na maisama sa tarpaulin.

Hindi mawari ng may-akda ang magiging saloobin ng mga “tarpaulin-hater” pagkatapos na mabasa ang pitak na ito, na wala namang proyektong ipinagawa ay may nagkalat na mga tarpaulin na pawang ang laman ay pagbati upang maitanghal lang ang mga sarili ay pa-picture-picture upang magpa-cute kahit masasabing hindi naman sila cute.

Hindi lang “medyo” dahil TALAGANG NAKAKAHIYA ang inyong mga ginagawa sapagkat wala namang batas na nag-uutos ng pagbati sa tarpaulin. Munting bagay lang ito subalit sumasalamin sa kung anong uri kayong opisyal ng bayan sa dahilang mababakas dito ang inyong nakaraang pagpapahayag na hindi masusing pinag-aralan.

Kung sa isyu ng tarpaulin ay hindi na kayo naging consistent ay ano pa ang aasahan ng bayan, kung baga ay bumibigay na tayo sa maliitang suhol buhat sa sedera ay baka mas lalong maghinala sa inyo ang bayan kapag sa Sa Mangga (SM) na ang usapan?! (sandy belarmino)

117 PAGLABAG SA RA 9003, NAITALA

San Pablo City – Ayon sa record ng Tanggapan ng San Pablo City Solid Waste Management Office (SPCSWMO) ay may 117 katao na ang nahuhuli at natitiketan dahil sa paglabag sa RA 9003 at City Ordinance No. 2003-15 partikular dito ay yaong nagtatapon ng basura sa mga pampublikong lugar, at Ordinance No. 2008-06 para naman sa mga pampublikong sasakyan na walang basurahan o trash can sa loob ng kanilang sasakyan.

Sinimulan ang pagpapatupad noong nakaraang Oktubre 16, 2009, na kung saan nagtalaga ang SPCSWMO ng 30 Task Force Enforcers mula sa kanilang tanggapan. At sa kasalukuyan ay may 16 na barangay (VA, VD, VII_B, VI-B, IV-C, II-F, II-D, II-A, VI-A, V-C, VII-D, VII-C, Sta. Elena, San Rafael, San Roque at San Lucas I) ang nai-isyuhan ng Tickets upang magpatupad ng mga nasabing batas. Ang Barangay V-A sa pamumuno ni Chairman Fred Almario ay nakapagsumite na sa SPCSWMO ng 57 violators.

Para sa unang paglabag ito ay may multa na P300.00; ikalawang paglabag ay P500.00 at ikatlong paglabag ay P1,000 o serbisyong pangkomunidad ng 1 hanggang 15 araw sa pamahalaang loKal kung saan ginawa ang paglabag.

Nananawagan ang SPCSWMO sa pamumuno ni Engr. Ruelito J. Dequito na suportahan natin ang programa para sa kalinisan upang ang pagmumulta ay maiwasan.

PERFORMANCE, MAHIGPIT NA KATUNGGALI

Hahatulan ang mga halal na opisyal ng bansa sa darating na May 2010 elections at masasabing magkakaroon ng malaking bentahe ang mga nagsitupad sa kanilang mga sinumpaang tungkulin nang walang pag-iimbot sa larangan ng serbisyo publiko.

Simple lang ang magiging batayan ng sentensya na posibleng kapalooban ng maraming bagay-bagay na may kaugnayan sa kanilang naging tungkulin subalit ang lahat ng ito ay magtatapos lamang sa kanilang mga ipinangako na ang magiging hangganan ay mga patunay ng katuparan.

Mapalad na maituturing ang ating mga incumbent officials na sa panahon ng kanilang paglilingkuran ay pawang kabutihan ng serbisyo publiko ang isinakatuparan sapagkat nakatitiyak na mayroon na silang pitak sa dibdib ng publiko at magiging seremonyal na lamang ang gagawin nilang kampanya.

Ang mga nagawa’t mga accomplishments ng isang public servant ang magiging barometro ng bayan upang muli silang pagtiwalaan at sa isng banda’y ang mga pagkukulang ang magsisilbing sukatan upang ang iba’y hindi na mabalik sa trono ng kapangyarihan. At ito ay kapwa batay sa parehas na pagsasaalang-alang.

Sumatotal nito ang magiging pinakamahigpit na katunggali ng isang challenger ay ang performance ng isang incumbent na kung nasa mataas na antas wika nga ay magpapaliit sa tsansa ng tagumpay ng challenger. Hindi nagwawagi ang pangako laban sa mga bagay na naipagkaloob na at tila mahirap ihambing ang susubukin pa sa isang may mga patunay na.

0-0-0-0-0-0-0-0-0-0-0-0-0-0-0-0-0-0

Hindi kinatigan ng Korte Suprema ang isang konsehal sa Lucena City sa katwirang ang suspension sa tungkulin ay may katumbas na karapatang ekstensyon sa tungkulin para sa pang-apat na termino. Magiging bahagi ito ng ating jurisprudence kapag naging pinal na ang hatol na lilinaw sa election laws.

Mahalaga ang desisyong ito sa nasabing lunsod sapagkat si Mayor Ramon Talaga ay nasa kaparehong sitwasyon. Ang sabi nga ni DOJ Sec. Agnes Devanadera ay tama lamang ang SC sapagkat baka maging daan ito upang gumawa ng kalokohan para masuspinde at nang makatakbong muli matapos ang third term limit.

Si Sec. Devanadera ay tatakbong kongresista ng 1st District laban kay incumbent Cong. Mark Enverga, samantalang si DENR Asec. Jayjay Suarez ay sa pagka-gobernador laban kay incumbent Gov. Raffy Nantes.


0-0-0-0-0-0-0-0-0-0-0-0-0-0-0-0

Sa Batangas ay muling maghaharap sina dating Gov. Arman Sanchez (NP) at incumbent Gov. Vilma Santos Recto (LP) sa pagka-gobernador para mapatunayan ang totoong itinitibok ng puso ng mga Batangueño. Si Executive Secretary Eduardo Ermita ay magbabalik bilang congressman ng unang distrito ng Batangas (nani cortez)

TATLONG SUSPECTS SA PAGPATAY HULI AGAD NG MGA PULIS

SAN PABLO CITY - Sa tulong ng isang concern citizen na agarang nagreport ng insidente at sa agarang askyon ng San Pablo City PNP ay mabilis na nahuli ang tatlong (3) suspects sa pagpatay kay Michael Clarianes, 28 taong gulang, may-asawa ng Brgy. del Remedio.
Kaya sa nagawang mabilis na aksyon ng kapulisan ng lunsod ay binigyan sila ni Mayor Vicente Amante ng letter of commendation sa nakaraang Pagtataas ng Watawat nuong Lunes, Jan. 11, 2010 na ginanap sa Pamana Hall.

Binigyan ng commendation sina P/Supt Raul Bargamento, P/SInsp Noel Carias, P/SInsp Rolando Benedictos, SPOI Jesus Platon, SPO2 Jerryson Laguras, PO3 Sherwin Bulan, PO3 Ronald Valdez, PO3 Ramil Suministrado, PO2 Angelo Sacdalan, PO2 Darwin delos Santos, PO1 Bayani Reyes, Jr., PO1 Alvin Santos, PO1 Pedter Janairo III at CA Julius Estomago.

Ayon sa special report (blotter), nuong Jan. 4 dakong 10:00 n.g. sa may Sampalok Lake habang namamahinga ang biktima ay may lumapit na 3 tatlong lalake at nagdeklara ng hold-up. Subalit nanlaban ang biktima kaya ito nasaksak ng ilang beses ng mga suspeks.
Pagkatapos ma-ireport ang insidente at ma-identify ang mga suspeks ay agarang nagsagawa ng briefing si P/Supt Raul Bargamento sa kanyang mga intelligence operatives para sa isang manhunt operation para arestuhin ang mga suspeks.

Kaya nOong Jan. 5 ganap na 12:15 n.h. ay naaresto ang mga suspeks na sina Jonathan Almario, 28 y/o; Jefferson Maron, 20 y/o ng Brgy. San Lucas I at Nestor Bulahan, 19 y/o ng Brgy. San Lucas II. Nakumpiska sa kanila ay 2 bladed weapons at isang white t-shirt na parehong may dugo. Kasong murder isinampa sa Dept. of Justice kaugnay ng insidenteng ito. (CIO-SPC)

PAG-ASA

Dala ng election season ang mithiin ng bawat isang Pilipino na makapagtatag ng pamahalaang dalisay ang wangis na tuwirang tutugon sa lahat ng pangangailangan ng bayan sa susunod na matatalagang gobyerno.

Ang lahat ng mga naghahangad na magkaroon ng mandato buhat sa taumbayan ay naglalahad ng kanikanilang mga plataporma na maaaring ipatupad sakaling makuha ang pagtitiwala ng bayan at tuluyang maluklok sa katungkulan at kapangyarihan.

Bagama’t ang presentasyon ng hangarin ng marami nating mga pulitiko ay naipaparating sa atin sa pamamagitan ng retorika ay nakatutuwang isiping kinapapalooban ito ng mga balidong katwiran, mga makatotohanang panukala, at mga kapakipakinabang na mungkahi.

Ito ang mga kadahilanang kung bakit sa ngayon pa lang ay nagkakaroon na ng pagkakabaha-bahagi bunsod na rin ng maagang pagpapasiya ng mga manghahalal na nakikipagmartsa na sa panig ng mga nagtataglay ng mas malinaw na programang ipatutupad kung sakali mang papalaring magwagi.

Subalit mas nakararami sa mga botante ang pigil pa sa kanilang pagpapasya at tila masusing pinag-aaralan kung sinong mga kandidato ang lubusang pagtitiwalaan sa araw ng halalan. Sila ang tinatawag na swing vote na naghahatid ng sorpresang resulta ng halalan, at sila yaong mga sensitibo sa isyu na walang anu-ano’y lumilitaw sa panahon ng kampanya.

Sabihin mang magkaiba sila ng uri, ang una ay sarado na ang isipan at may pinal nang kapasyahan samantalang ang huli ay patuloy na nag-aaral at kapwa sila may taglay na pag-asa sa kanilang puso at isipan. At ito higit sa lahat ang nakalulugod – ang pananatiling buhay ang PAG-ASA. (Tribune Post)

M. LHUILLIER RENOVATES SCHOOL SOCIAL HALL

Tiaong, Quezon - In line with their adopt a school program, M. Lhuillier Philippines renovated a social hall of Cabatang Elementary School here and was turned over to school and barangay official in a simple ceremony recently.

Mr. Restituto Hernandez, the school principal extended his appreciation and thanks to M. Lhuillier Philippines Officials for transforming the social hall that once just looks like an empty match box pleasing to the eyes of everybody that includes parents, teachers and pupils of said school.

It will surely give enough motivation and pride to recipients to use the hall more frequently according to Chairwoman Dolores Pagdingalan as she thanked company officials for the gesture. School gatherings including Parents-Teachers Association meetings are held on said social hall regularly.

M. Lhuillier Area Manager Ricardo Rioflorido stressed that the donation was only a part of their company’s advocacy for community involvement wherein as they maximize profit, sharing always come next as they embark to be socially responsible in the midst of economic crisis.

Just recently M. Lhuillier Philippines was visible along coastal barangays of Laguna de Bay extending relief goods to flood victims of Typhoon Ondoy and Pepeng. (SANDY BELARMINO

Friday, January 8, 2010

CIVILIAN VOLUNTEERS NAGBUKLOD PARA TUMULONG SA ADMING VIC AMANTE

Bumuo ang labing-apat (14) na pangulo ng civilian group volunteers ng Lunsod ng San Pablo ng isang samahan upang maging kaisa at kabalikat ng Pamahalaang Lunsod sa pamumuno ni Mayor Vicente Amante at ng San Pablo City Police Station sa pamumuno ni P/Supt Raul Loy Bargamento sa pagtataguyod ng kapayapaan at kaayusan sa lungsod.

Ang samahang SAN PABLO CITY FORCE MULTIFLIER ASSOCIATION o SPC FORMULA ay binubuo ng Bantay Bayan Foundation Inc., Citizen Crime Watch, Crisgbtoda, GBI Banahaw, GBI Mainstream, GBI SPC, GCWFI, GPII Anti-Crime, GPI Crime Watch Force, Guardian Republican International Inc., Kabalikat Civicom, Prime Movers for Peace & Progress (PRIMO), SPARC at San Pablo Young Riders(SPY Riders) Inc.

Binubuo ang SPC Formula nina SPY Riders Inc. President Marvin Gerard Tunay bilang Presidente ng samahan; City Chairman Bantay Bayan Foundation Inc. Aldin Rubit, Vice-President; GBI Mainstream President Aldrin Steven Doroy, Secretary at P/Supt Raul Bargamento bilang Adviser.

Ang samahang ito ay naglalayong itaas ang antas ng boluntaryong paglilingkod ng iba’t-ibang non-government organization para makatulong sa pag-unlad at pagpapanatili ng katahimikan ng lunsod. (CIO-SPC)
Nilagdaan ni Mayor Vicente Amante nuong January 4, 2009 ang accreditation ng San Pablo City Force Multiflier Association o SPC FORMULA kasama ang iba’t-ibang pangulo ng civilian group volunteers na bumubuo sa nasabing samahan. (CIO-SPC)

MGA MAHAHALAGANG PROYEKTONG NAISAGAWA NI VBA SA TAONG 2009

Sa nakaraang pag-uulat na isinagawa ni Mayor Vicente Amante sa Pagtataas ng Watawat nuong Enero 4, 2010 na ginanap sa PAMANA Hall, City Hall Compound., ilang prayoridad na programa ang kanyang binanggit na malaki ang naitulong sa kaunlaran ng Lunsod ng San Pablo. Ito ay ang serbisyong Pangkalusugan, Edukasyon at Pagawaing Bayan.

Pangunahin dito ang Serbisyong Pangkalusugan tulad ng pagtatayo ng San Pablo City General Hospital at ng City Health Annex Building sa Brgy. San Jose; medicine, burial, hospital at laboratory assistance sa ilalim ng Comprehensive Indigency Assistance Program; libreng gamot at examination sa may 17,000 pasyente sa Main Dispensary Service ng City Health Office; kumpletong bakuna sa may 5,000 bata na may edad 0-11 buwan laban sa BCG, Diptheria, Pertussis, Tetanus, Oral Polio, Hepatitis B at Measles; Operation Timbang sa may 37,000 bata; sa Garantisadong Pambata na edad 0-72 buwan mahigit sa 35,000 ang nabigyan ng vitamin A at 26,000 naman ang napurga; 207 pasyente ang napagaling sa sakit na tuberculosis; 1,000 ang na-examine laban sa mga sexually transmitted diseases kung saan 800 ang nabigyan ng lunas; 12,000 ang nabigyan ng dental care and services; 39,000 na kabahayan ang may kumpletong basic sanitation facilitation; at 3,000 ang nabigyan ng medical at dental services ng Mobile Clinic sa iba’t-ibang barangay.

Sa larangan naman ng edukasyon ay marami ng awards at pagkilala ang nakuha ng Dalubhasaan ng Lunsod ng San Pablo. Nagkamit ng 13 major awards ang mga mag-aaral ng Sinag Staff ng DLSP sa Regional Higher Education Press Conference for 2009-2010 na ginanap sa Lucban, Quezon at sa 8th Luzon-Wide Higher Education Press Conference sa Puerto Princesa, Palawan; 26 mag-aaral ang nakapagtapos na sa San Pablo City Science High School; 476 mag-aaral ang napagtapos sa DLSP sa mga kursong Economics, Psychology, Business Administration, Elementary Education, Secondary Education, Diploma In Hotel & Restaurant Management At Information Technology at mga Technical Vocational Courses tulad ng Automotive Mechanics, Consumer Electrical at Computer Hardware Servicing; upgrading ng science laboratory equipment at medical at dental equipment, additional computers, additional books at periodicals sa DLSP at pagtatayo ng mga classroom building.

Sa mga Pagawaing Bayan naman ay ang installation ng water supply, electrical power/lights, fences at construction ng doctor’s clinic sa SPC General Hospital; rehabilitasyon ng dumpsite at ng materials recovery facility; concreting ng mga kalsada ng barangays Sta. Isabel at Sto. Cristo; construction ng City Engineering Building; construction ng pathway sa Brgy. Stmo. Rosario; rehabilitasyon ng tulay ng Brgy. Bautista at rehabilitasyon ng mga Barangay Halls sa IV-C, San Gregorio at Bautista. (CIO-SPC)

Saturday, January 2, 2010

MGA PROYEKTO NI BM ALMARINEZ, PROVINCE-WIDE NA

Makaraang managumpay sa unang distrito ay nakatakdang palaganapin ng isang bokal ang kanyang mga proyektong nasimulan sa lahat ng purok ng lalawigan sa lalong madaling panahon.

Ito ang napag-alaman ng pahayagang ito sa eksklusibong panayam kay Board Member (BM) Dave Almarinez dito kamakailan.

Ang mga proyekto ay sumasakop sa kabuhayan, kalusugan at mga bagay na may kinalaman sa kapaligiran.

Sa ilalim ng pang-kabuhayang aspeto ng programa ni Almarinez ay ang libreng pagsasanay at scholarship sa mga nagnanais magtrabaho sa mga call center at mga pagawaang matatagpuan sa probinsyang ito.

Kasalukuyang isinusulong rin ng naturang bokal ang konseptong kanyang binalangkas sapul nang mahalal ukol sa kalusugan. Nakapaloob dito ang pamamahagi ng green card sa mga kapus-palad na kanilang magagamit sa mga emergency sa pakikiisa ng maraming doktor at mga pagamutang kasali sa proyekto.

Samantala ay kabilang sa proyektong pang-kapaligiran ang matagal nang kampanya ni Almarinez na pagtatanim ng puno na sa ngayo’y nakahikayat na ng maraming barangay at bayan sa pamamagitan ng mga kabataang mapagmahal sa kalikasan.

Inihayag ni Almarinez na kung napagtagumpayan ang mga proyektong ito sa unang distrito ay mas malaki ang pagkakataong lumaganap pa ang nasabing programa sa buong lalawigan.

MTS. BANAHAW AND SAN CRISTOBAL ARE NOW A PROTECTED LANDSCAPE

A ranking leader at the House of Representatives has welcomed the signing of Republic Act 9847, declaring Mt. Banahaw and Mt. San Cristobal in Quezon Province as protected areas, saying it will institutionalize and ensure the protection of both mountains.

Quezon Rep. Proceso J. Alcala, author of the proposed measure, said RA 9847, which was signed into law on Dec. 11 by President Gloria Macapagal-Arroyo, could be replicated in the various regions and provinces of the country.

The new law features a sustainable conservation and management system for the rich biodiversity found in Mts. Banahaw and San Cristobal, their eco-tourism potentials, and the rich cultural and religious heritage found in their periphery, he said.

"This is another triumph for our environment. I encourage fellow policymakers and environmentalists alike to join hands in saving our environment, especially our rain forests. This is just one of the many ways we can contribute to worldwide efforts to save our planet," he said.

Alcala also thanked but humbly declined the proposal that he be appointed head of the body that will supervise the two mountains.

"To the President, and my colleagues in the House and the Senate, my part as lawmaker has been played. And as one of its proponents, I think, if offered, it’s improper to accept such position. But, as a citizen, it is my duty to help in any which way I can," the Quezon congressman said.

"I feel honored, but being the author of Banahaw bill I think disqualifies me for such a job as it would appear self-serving," he said.

Hobart Dator Jr., president of the 'Save Quezon Province Movement,' has recommended to the President to appoint Alcala as head of the body following the latter’s announcement that he would return to private life.

Alcala said the law granted to the Protected Area Management Board (PAMB) the management of the area.

"The challenge is now passed not only onto the PAMB, but more so onto the shoulders of the stakeholders who stand to benefit from the bounty of a well-safeguarded ecological treasure," he said.

Mts. Banahaw and San Cristobal serve as home to a rich variety of flora and fauna, as a water source of the different communities surrounding it, and as a shield against storms constantly hitting the province yearly. (PNA)

PAGBANGON

Sasalubong ang mga Pinoy sa papasok na bagong taon sa sitwasyong ang lahat ay nasa pinakamababang antas na kalagayan sanhi ng mga nagdaang krisis ekonomiko na gumimbal sa buong mundo at mga kalamidad na sumubok sa ating katatagan.

Ang naranasan ng mga Pinoy ng nagdaang 2009 ay maituturing na labis na pasakit at masasabing sobrang parusa subalit para sa isang dakilang lahi na hindi marunong magpalupig ay nakangiti pa ring sumasalubong sa mga pagsubok na dala ng papasok na 2010.

Tulad ng mga Instsik na itinuring na magandang pagkakataon ang bawat trahedya upang magbangon, ang mga Pinoy ay pinagyayaman ang panahon ng kawalan para sa isang bagong simula sabihin mang hindi makatwiran ang paghahambing sapakat hindi lubusang sumuko ang mga Pinoy sa mga krisis at mga nagdaang kalamidad.

Nakangiti at nananatiling nakatayo ay hindi naman maikakailang nasa ilalim tayo ng pinakamababang kalagayan na lubhang kalunos-lunos, na pinatutunayan ng isang nagdudumilat na katotohanan na nangangailangan ng agarang pagkilos.

Positibo nating harapin ang mga suliraning maiiwan ng nagdaang taon, magtulong-tulong upang pagaanin ang mga gawain tungo sa pagkakaroon ng kagyat na solusyon upang mas maaga tayong makaahon sa ating kinasadlakan, at muli nating patunayan ang husay ng lahing kayumanggi sa pagsapit ng 2010. (tribune post)

KAPATIRANG LINGAP SA NAYON, NAG-KOMBENSYON

Victoria, Laguna - Humigit kumulang sa dalawang libong delegado ang dumalo sa isinagawang kombensyon dito ng Kapatirang Lingap sa Nayon na nagbuhat sa 27 bayan at 3 lunsod ng lalawigang ito kamakailan.

Layunin ng pagpupulong na maitanghal ang isang panglalawigang pamahalaang malinis na malinis na makatutugon sa pangangailangan ng bayan sa pamamagitan ng pagsusulong ng maka-Diyos at makataong gobyerno at paglalagay sa tungkulin ng mga personaheng may sapat na kakayanan.

Ang Kapatirang Lingap sa Nayon ay nabuo noon pang si Sec. Jose D. Lina ang gobernador ng lalawigan sa loob ng dalawang termino na siyang gumabay sa kanyang panunungkulan sanhi upang matamo ng probinsya ang ibayong kaunlaran.

Nagsisilbi ring tagapag-ugnay ang kapatran sa pagitan ng tanggapan ng gobernador at mga barangay kung kaya’t madaliang nabibigyan ng lunas ang bawat suliraning nangangailangan ng agarang atensyon.

Bukod s mga delegado ay dumalo rin sa pagtitipon sina 3rd District Congresswoman Ivy Arago na nangako ng buong suporta sa pagbabalik ni Gob. Lina, Atty. Hizon Arago, SPCWD Director Armando Lozada, Gng. Eva R. Arago, Lenny Carreon, mga opisyal ng Liberal Party at mga political leader ng gobernador sa mga bayan-bayan, lunsod at mga barangay ng lalawigan.

Si Lina ang kandidatong opisyal ng Partido Liberal sa lalawigang ito.

ANG LIHIM NG SEDERA

Hindi na sana papatulan ng pitak na ito ang isyu ng sedera sa kabila ng maraming paghimok na isulat ko ang balita sa likod ng isyung ito sapagkat medyo naka-disappoint na malaman ang katotohanang nakapaloob dito tulad ng natuklasan natin nang nakalipas na taon, kung saan nasangkot ang Sangguniang Panlunsod.

Masakit ang katotohanang natuklasan natin noon, na para lubusang maintindihan ng madlang tagasubaybay ng Sandstone ay ating sariwain.

Ganito ring panahon nang magtayo ng sedera sa plaza ng lunsod na mahigpit na tinutulan nina Vice Mayor Martin Ilagan at yumaong Kon. Danny Yang (D.Y.). Pinapurihan pa ang dalawa ng ating parish priest dahil sa pagpipilit na malipat ang nasabing sedera sa Doña Leonila Park sa gawi ng Sampaloc Lake, lalo pa ng ito ay maisakatuparan.

Ang problema ay ilang araw lang ay muling napabalik ang sedera sa plaza na ipinag-ngitngit ng nag-iisa nang si D.Y.. Naiwan ang konsehal sa pakikipaglaban na nagresulta sa isang privilege speech, na susundan pa sana ng isa pa upang ibigay ang detalye ngunit sa manipulasyon ng presiding officer ay nagawang hindi mabigkas.

Bilang isang mediaman ay nagsagawa ako ng sariling pagsisiyasat upang mabatid ang dalisay na katotohanan, na sa tiyaga ay atin namang natuklasan sa pamamagitan ng pagtatatagni-tagni sa mga text messages at video na tumambad sa atin.

Malinaw pa sa sikat ng araw na nagkasuhulan upang mabalik ang sedera sa plaza ng lunsod, katunayan ay dalawang ulit nanghingi sa operator ang mga sangkot sa usapin. At ang transaksyon ay nangyari sa isang bookstore na pag-aari ng nasangkot.

Ngayon ay para sa higit na ikalilinaw ay dapat ninyong mabatid ang mga hindi tumanggap ng pera sa sedera. Tahasan kung masasabi na hindi tumanggap sina Kon. Pamboy, Kon. Gener, Kon. Dante, SK Tintin at Kon.D.Y. Nagpatuloy ng pakikipaglaban si Kon. D.Y at isa ito sa mga angulong tinitingnan ng pulisya bilang motibo sa pagkakapaslang sa kanya.

Kung nalinaw natin ang mga hindi tumanggap ay dapat din nating alamin kung sino-sino naman ang nagsitanggap subalit baka ngayo’y naglilinis-linisan na. Para sa karagdagan linaw ay makakabuting tanungin natin ang SP ng San Pablo City. tanungin natin sina Kon. Chad Pavico, Kon. Jojo Biglete at Vice-Mayor Martin Ilagan, at baka may nalalaman sila sa mga bagay na ito. (SANDY BELARMINO)