Sunday, February 22, 2009

LAKAN AT MUTYA NG BRGY MALAMIG GAGANAPIN SA MARSO 17






















Sa kaunaunahang pagkakataon sa kasaysayan ng Brgy. San Jose (Malamig) ay isang linggong pagdiriwang ng kapistahan ng Patrong San Jose ang inihahanda ng pangasiwaan ng Barangay sa pamumuno ni ABC Pres. Gener B. Amante at ng mga mamamayan nito. Isa sa pinakahihintay ay ang tatanghaling Lakan at Mutya ng Brgy. San Jose (Malamig) sa darating na gabi ng Marso 17, 2009. (SANDY BELARMINO)

AQUIVIDO BAGONG CHAIRMAN NG BRGY 7-E

Nasa larawan si Kgg. Emerson D. Aquivido (kaliwa) habang nanununpa sa katungkulan bilang chairman ng Brgy VII-E. Si Aquivido ang pumalit sa namayapang Punong Barangay Recaredo “Boyet” Dioso. Pinamahalaan ni Mayor Vicente B. Amante ang nasabing okasyon at sinaksihan ng may bahay ng bagong chairman at mga opisyales ng barangay. (SANDY BELARMINO)

PANGAKONG NAPAKO, BISYO NA!

Sa anumang larangan ay lubhang napakahalaga ng pangako sa dahilang ito ang sandigan ng kinabukasang maaaring kaharapin ninuman. Ito rin ang batayan ng lahat sa kasalukuyan upang magbalangkas ng magandang bukas.

Ang kaparaanang ito ang ginagamit ng lahat sa pagsasakatuparan ng kanilang balakin, na ang tagumpay o kabiguan ay batay na rin kung ang planong ito ay mahigpit na maisasakatuparan. At wala sanang problema kung ang pangakong ito ay sinambit ng isang tao sa kanyang sarili o sa antas ng indibidwal na kapasidad.

Nagkakaroon lang ng suliranin ang isang pangako kung ito ay sa pagitang ng dalawang katao, sabihin mang may kontratang nilagdaan, kung kaya nga’t may mga sumbong sa ating mga hukuman na Breach of Contract na ibig sabihin ay in bad faith na hindi tinupad ng isang panig ang kanyang pangako.

Ito ay kung may kontrata. Ang tanong ay paano kung wala? Ala eh, patay kang bata ka, na ibig sabihin ay magpahinog ka na lang! May solusyon rin namang katapat ito, ang huwag nang paniwalaan ang lumason ng inaasam mong bukas. Simple lang, dahil unfair namang in good faith na tinupad mo ang iyong papel subalit sa isang banda ay may nagbalasubas.

Karaniwang nangyayari ito sa pulitika, sa pagitan ng isang kandidatong panay ang pangako at mga pinangakuang taumbayan. Ganito ang ginawa sa atin ng ating mga konsehales at Vice-Mayor noong nakaraang halalan. Nangako sila at naniwala tayo, kaya nga sila naluklok sa tungkulin.

Ang tanong ay tumupad ba sila sa pangako? SANA! Pwede ba natin silang isumbong sa hukuman? SANA! Ngunit hindi maaari sapagkat walang nalagdaang kontrata. May paraan pa ba? MERON at ito’y huwag na silang paniwalaan sa muling pagharap nila sa bayan, at ito’y malapit na.

Ngayon pa lang bayan ay magtalino at pumili na kayo ng ipangpapalit sa mga pulitikong ito. Huwag na ninyong pansinin ang ginagawa nilang pagpapa-cute, pagmamano, pagkakabit ng mga pagbati at pagpapa-pogi sa pamamagitan ng streamer at tarpaulin, pagpapasayaw at pag-attend sa iba’t-ibang okasyon ng barangay, sapagkat kung nagawa nilang sumira sa pangako, muli’t muli nilang magagawa ang ganitong gawain sapagkat para sa ilan nating mga konsehales at Vice Mayor, ang pangangakong hindi tinutupad ay masasabing kasanayan na nila. Sabi nga sa radio ay “BISYO NA ‘TO” kung kaya’t huwag na natin silang ihalal muli.(SANDY BELARMINO/Vice-President, Seven Lakes Press Corps)

PICTORIAL, LAKAN AT MUTYA NG MALAMIG











SCHEDULE OF ACTIVITIES
(TODO UNLAD: MALAMIG FESTIVAL 2009)

March 13 - Senior Citizen Night/Ms. Gay Contest
March 14 - SK Night/Ms. Bebot Contest
March 15 - St. Anne Carmelli/San Jose Elem School/San Jose Malamig TODA Night
March 16 - Pharma Night/Singing Idol
March 17 - Chairman’s Night/Grand Coronation of Lakan and Mutya ng Malamig
March 18 - Danny Yang’s Night/Battle of the bands
Street Dancing (1:00 p.m. to 5:00 p.m. – San Jose’s Barrio Road)
March 19 - Mayor Vicente B. Amante’s Night/DLSP/Variety Shows/special
appearances of showbiz personalities.
- Palarong Pinoy (8:00 a.m. to 11:00 a.m)

LAKAN AT MUTYA NG BRGY. MALAMIG



Kaugnay ng isinasagawang malakihang preparasyon sa idaraos na Todo Unlad: Malamig Festival ng Brgy. San Jose, Lunsod ng San Pablo, ay wala na rin humpay ang paghahanda ng mga kalahok sa Search for Lakan and Mutya ng Malamig 2009 upang higit nilang maipamalas ang bawat angking kagandahan at mga talento sa nalalapit na Grand Coronation Night sa Marso 17 taong kasalukuyan. Kuha ang mga larawan sa bakuran ng magarang tahanan nina ABC Pres. Gener B. Amante at Kapitana Lita A. Amante sa Richwood Subd., San Jose, San Pablo City. (SANDY BELARMINO)

Monday, February 16, 2009

RANDOM DRUG TEST SA BJMP REGION 4-A







Upang higit na mapalawak ang pagtitiwala ng publiko sa BJMP Region 4-A ay isinagawa kamakailan ang random drug testing sa mga Provincial Administrators (PA’s), Wardens at mga opisyales at kawani ng naturang kagawaran. Ang makabago at modernong Lucena City Diagnostic Testing Center ang siyang nagsagawa ng kaukulang urine and blood analysis. Ito’y pagtalima ni Regional Director J/S Supt. Norvel M. Mingoa sa direktiba ni DILG Sec. Ronaldo V. Puno na magsagawa ng random drug testing ang lahat ng sangay ng BJMP upang matiyak na ang lahat ng mga kawani at opisyales nito ay hindi gumagamit ng ipinagbabawal na droga at isa itong “Drug Free” gov’t agency. (SANDY BELARMINO)

Saturday, February 14, 2009

SPCSHS OIC RAMOS KINILALA NI AMANTE

Nasa larawan si DEPED Education Supervisor-1 Helen Ramos habang tinatanggap ang sertipikasyon ng pagkilala at pagpapahalaga ni Alkalde Vicente B. Amante sa mga naiambag ng San Pablo City Science High School (SPCSHS) upang ang Lunsod ng San Pablo ay higit pang makilala at mangibabaw sa larangan ng edukasyong pang-agham. Si Ginang Ramos ang Officer-in-Charge ng SPCSHS sapul ng ito’y maitatag noon taong 2005 sa pamamagitan ng lubos na pagkakaisa at pagtutulungan nina Mayor Amante at San Pablo City Division of Schools Supt. Dr. Ester Lozada. Nasa larawan din si Head Exec. Asst. Atty. Marius Zabat at Bb. Donnalyn B. Eseo. (SANDY BELARMINO)

Friday, February 13, 2009

PAALAM KUYA BOYETH

Katulad ng dulang mabilis ang takbo ng kasaysayan ay kinakailangan kong umagapay sa biglaang pagbabago ng pacing sa istorya sapagkat sa bawat pagpapalit ng tagpo ay kasing kahulugan ng madaliang pagsasara ng telon.

Bagama’t labis ang dalamhati ng may akda sa pagyao ni Chairman Noli “Bunso” Magsambol Jr. na isang mabuting kaibigan ay labis naman ang alalahanin ko sa pagkakaratay sa pagamutan dahil sa maselang na karamdaman ng kapatid ko sa binyag na si Chairman Boyeth “Kuya” Dioso. Na-stroke si Boyeth at bawat sandali ay nagdudulot ng sobrang pangamba.

Tapos na ang pitak na ito noon pang araw ng Miyerkules at ang buod ay may kasamang taimtim na panalangin ukol sa maaga niyang paggaling. Ang kailangan na lamang ay ang isumite ito sa palimbagan upang maging bahagi ng blogspot na ito.

Subalit kagya’t ng bawat tagpo sa dula ng buhay dahil sa habang naghihintay ng paglabas ng bakanteng oras upang ma-i-post ito ay isang nakakagimbal na balita ang gumalantang sa kasapian ng Liga ng mga Barangay Huwebes, habang lumulubog ang Haring Araw ay tuluyang pumanaw si Boyeth na tila hindi na kinayanan ang labis na hirap na dinaranas ng kanyang katawang lupa.

Hindi dapat magwakas ang kolum na ito sa puntong naghihirap ang isang itinuturing kong higit pa sa kapatid, sabihin mang ang nais ko’y makita siyang lagpas sa panganib. Sa pagkakataong ito’y hindi nanaig ang nais ko, manapa’y ang loob ng Poong Maykapal.

Katulad ni yumaong Noli “Bunso” Magsambol Jr. ay niloob ni Bathalang makapiling na si Kuya Boyeth Dioso sa Kanyang kaharian. Marahil ay higit sila Niyang kailangan. Nais ko mang tumutol ay wala nang magagawa sapagkat ang Panginoon na ang nangusap. Totoong mabilis nga ang pacing ng kwento na kahit sa kanyang pagwawakas ay wala nang masabi kundi: Paalam Kuya Boyeth, Paalam Chairman Dioso. (KAPATID SANDY BELARMINO)

PANUNUMPA SA KATUNGKULAN

Nasa larawan si Kgg. Ruben A, Belulia (kaliwa) habang nanunumpa sa katungkulan bilang bagong Barangay Chairman ng San Gabriel, Lunsod ng San Pablo. Si Belulia ang kapalit ng yumaong Brgy. Chairman Noli “Jonjon” Magsambol. Pinamahalaan ni Mayor Vicente B. Amante ang naturang okasyon at humiling ang butihing alkalde na higit pang suportahan ng bagong chairman ang mga proyekto at programa ng kanyang administrasyon. (SANDY BELARMINO)

JUDGES IN A HUDDLE

Retired Judge Bienvenido Reyes (2nd from left), RTC Branch 32 Judge Agripino Morga and RTC Branch 29 Judge Honorio Guanlao Jr. in a huddle with fellow judge during the Court-Annexed Mediation Orientation held at Sta. Rosa recently. (Seven Lakes Press Corps)

Wednesday, February 11, 2009

TODO UNLAD: MALAMIG FESTIVAL, UMAANI NG SUPORTA

San Pablo City - Umaani na ng suporta ang Todo Unlad: Malamig Festival 2009 buhat sa mga samahang sibiko at mga personaheng nagtitiwala sa mga residente ng naturang Barangay San Jose (Malamig) na sustainable ang nasimulang pag-unlad ng nasabing lugar.

Nabatid sa KANAYON, ang komitibang nagsusulong sa pestibal, na mula ng sumang-ayon si San Jose Barangay Chairman and ABC President Gener B. Amante sa konsepto ng isang linggong pagdiriwang (Marso 13-19) ay dumagsa na ang mga nag-aalok ng pakikiisa sa Todo Unlad: Malamig Festival.

Kinumpirma ni Rod Guia na kasali sa mardi gras o street dancing sa Marso 18 ang San Vicente National High School, Dizon Memorial High School, DLSP at Liceo de San Pablo na kampeon ngayong taon at ng nakaraang taon sa Coconut Festival.

Bukod sa pagsuporta ni ABC President Amante ay naghahandog din ng tulong sina Mayor Vicente B. Amante, City Admin Loreto “Amben” Amante, BM Danny Yang, Dr. Panaligan ng DLSP, Nitz at Bessie Amante, Eddie Escondo, Director Egay Victorio, Universal Robina Corp., Pharmaceutical Laboratory at marami pang ibang nangangkong lubos na susuporta sa okasyong ito.

Sakop ng isang linggong pagdiriwng ang gabi-gabing pagtatanghal na kapapalooban ng Battle of the Bands, Amateur Singing Contest, Miss Gay Fashion Show, Miss Bebot contest at marami pang sorpresang bilang.

Magiging tampok sa pagdiriwang ang timpalak kagandahang Search for Lakan and Mutya ng San Jose 2009 na gaganapin sa Marso 17 ng gabi. Sampung makikisig na kabinataan at sampung nag-gagandahang dilag na pawang taal na residente ng nasabing barangay ang magtatagisan ng talino para sa naturang titulo.

Ang mga opisyal ng KANAYON ay ang mga sumusunod Rod A. Guia, Elsa Zagada, Elvie Fule, Mely Eronico, Au Marco, Bel Culaban, Alma Banayo, Mayeng Fule, Vila Alimagno, Linda Pamilar, Rosie Bartolome, Dory Obispado, Sally Briñas, Fely Bautista, Linda Guia, Nitz Amante at Sandy Belarmino sampu ng Seven Lakes Press Corps. (NANI CORTEZ)

Tuesday, February 10, 2009

BIÑAN SB FIASCO ON COLORUM, DELIBIRATE?

After my expose on this column on January 4, 2009 , on the existence of two versions of LTFRB Franchise to operate Biñan – Lawton via Expressway and vice versa route with the same case number 88-2195 I thought that the controversy would be soon over and will arrive at final resolution based on the face value of two documents.

True enough, the BTFRB of the Municipality of Biñan to which the alleged tampered version was submitted, in order to rectify things out wrote a letter to Sangguniang Bayan (SB) presiding officer Vice Mayor Walfredo Dimaguila with a recommendation that the Permit to Operate issued to JAC Liner earlier be revoked or cancelled for obvious reason that the documents (Case No. 88-2195) in their possession was quite different from the certified true copy from LTFRB.

True enough again, SB’s Committee on Transportation and Communication Chair Hon. Councilor JM Carait, on January 9 wrote JAC Liner to submit supporting documents within 15 days from receipt of the letter to justify said bus liner’s operation in Biñan. Verbally VM Demaguila and some honorable councilors said no franchise documents, no permit to operate for JAC Liner.

Quite true enough, the documents in possession of BTFRB is tampered when on January 23, 2009, JAC Liner presented to SB a franchise with LTFRB case number 88-2195 now in the name of Carlos Bautista and nowhere on said documents appear JAC Liner as originally submitted.

To give more weights to their argument JAC Liner also presented to SB a deed of absolute sale for 26 Units from the fleet of Laguna Express, Inc. including its franchise for only P5.2 Million. Same was filed allegedly with corresponding application to LTFRB. But nowhere will you see Laguna Express Inc. buses in Biñan yet JAC Liner continues to operate despite application pa lang ang naipa-file.

This twist of events lauded on the pages of Taliba, Police Files Tonight, Hataw on their February 6, 2009 issue and Manila Bulletin some days before.

But here’s the rub as the committee said that, “after CAREFUL EXAMINATION OF THE DOCUMENTS, EXHAUSTIVE DELIBERATIONS based on allegations and facts, the committee UNANIMOUSLY arrived on the following recommendations…, yet somewhere on its decision says that COMMITTEE ADMITTEDLY DID NOT LOOK into the INTRINSIC VALIDITY of the FRANCHISE in order to DETERMINE its AUTHENTICITY. (Eh, bakit pa po kayo nag-imbistiga?)

While a private party is clearly beyond doubt guilty of falsification of public documents it is sad to note that some of the honorable councilors of Biñan is equally liable for not scrutinizing the controversy for the real truth to come out. Some maybe are in cahoots for the commission of the offense. Those who erred must answer because the safety of Biñan commuters are at stake for there’s no safeguard whatsoever awaiting a passenger from “COLORUM” operator.

For this reason I’m referring this column to our friend at Public Assistance Bureau (PAB) of the Ombudsman who has proven many times as supportive as ever to Media’s investigative reporting. They investigate cases such as this against public officials even without formal complaint to determine the liabilities of said erring officials, through the concept that as media can only do little and PAB doing so much, together, the truth will always come out. (NANI CORTEZ/Tanglaw/Southern Tagalog Herald)

Monday, February 9, 2009

FULL SUPPORT on CAM

San Pablo City MTCC Judges were in full support of Court-Annexed Mediation Program recently launched at Technopark Hotel, Sta. Rosa City by PHILJA for the provinces of Laguna and Cavite. (L to R) Seated is Branch 2 Judge Dinah Evangeline Belulia-Bandong, Branch 1 Judge Priscilla Acedera and Branch 3 Judge Amy Melba Belulia. (NANI CORTEZ/Pres. Seven Lakes Press Corps)

Sunday, February 8, 2009

SC LAUNCHES COURT-ANNEXED MEDIATION PROGRAM IN LAGUNA AND CAVITE

The Philippine Judicial Academy (PHILJA) under Supreme Court (SC) Chief Justice Reynato Puno launched last Friday Court-Annexed Mediation (CAM) program for the provinces of Laguna and Cavite during the Orientation Conference with stakeholders at Technopark Hotel here.

A full day briefing on CAM was moderated by Salvador C. Vilches, Mediation Supervisor of Philippine Mediation Center Office (PMCO), with an overview and Historical Background of Court-Annexed Mediation in the Philippines discussed by PHILJA Chief of Office for PMC Bernardo T. Ponferrada while the important roles of the court administrator, judges and court personnel in court-annexed mediation explained in detail by Supreme Court Administrator Jose P. Perez.

Those who attended were judges of: 27 Regional Trial Courts of the two provinces, 9 Municipal Trial Court in cities, 16 Municipal Trial Courts, 11 Municipal Circuit Trial Courts and their corresponding Clerks of Court. Also invited to attend the conference were prospective mediators from Integrated Bar of the Philippines, local government units, NGO’s and other stakeholders.

CAM is a process of settling disputes with the assistance of an acceptable, impartial and neutral third party called mediator who is acting as officer of the court in resolving disputes from which any agreement reach becomes the basis for the court decision on the case. The mediator will assist the court in decongesting court dockets, however if the mediation failed, any confidential information a documents obtained will not be used pro or against any party involve in the case.

All judges are required by SC to set aside cases subject for mediation before undergoing trial proper under the program.

The coverage of CAM includes all civil cases, settlement of estates and cases covered by the Rule on Summary Procedure, except those which by law may not be compromised; cases cognizable by the Lupong Tagapamayapa under Katarungang Pambarangay Law; Civil cases of Batas Pambansa Bldg. 22; civil aspect of quasi-offenses under Title 14 of the Revised Penal Code; civil aspect of estafa and libel cases where damages are sought and simple theft under Article 308, paragraph 3 to 8 of Revised Penal Code.

The program requires establishment of PMC units in Laguna and Cavite that will provide a system for the recruitment, screening, training and accreditation of Mediators. CAM started during the incumbency of former Chief Justice Hilarion Davide Jr. and was institutionalized by Chief Justice Reynato Puno. (NANI CORTEZ, Pres. Seven Lakes Press Corps)

BLACK VALENTINES DAY PROTEST, ILULUNSAD

San Pablo City - Hindi kulay-pula ang puso ng tanggapan ng Pangalawang Punong Lunsod Martin A. Ilagan sapagkat wala itong pagmamahal sa mga maralita ng Barangay I-B at wala itong pakialam sa kahihinatnan ng mga bahay ng mamamayan kung tuluyan itong magigiba. Ganito ang buod ng salaysay ng Pangulo ng Buklod ng Pagkakaisa Neighborhood Association, Inc. at Kasapi ng Kalipunan ng mga Samahan sa Kanayunan ng Timog Katagalugan (KASAKA-TK).

Kaugnay nito ay isang Black Valentines Day protest ang kanilang inihahanda na suportado ng buong kasapian sangayon kay Tony Cerillo, pangulo ng Buklod.

Kung kaya sa ika-13 ng Pebrero sa panahon na ang pagbati ng mga pulitiko sa araw ng mga puso ay mamamayagpag ay sisimulan ng KASAKA-TK ang isang tuloy-tuloy na protesta, hanggang ang ordinansa para sa EXPROPRIATION PROCEEDINGS ay ganap na maging isang batas, ayon kay Jun C. Labro, taga pangulo ng nasabing samahan.

Dagdag pa ni Labro na ipinasa ng Sanggunian Barangay I-B, sa pamumuno ni Chairman Ricardo San Diego, ang resolusyong pipigil sa bantang demolisyon sa mahigit 400 kabahayan na kanyang nasasakupan. Ang Resolusyon Blg. 19, Serye No. 08 ng Sangguniang Barangay ay panimulang hakbang upang matulungan ang mga maralita. Magugunitang Nobyembre 14, 2008 ng tanggapin ng Bise-Alkalde ang naturang resolusyon ngunit Enero 22, 2009 lang nito konkretong binigyan pansin.

Ang higit na nakakainsulto para sa mga residente ay sa halip na kumpletuhin ng tanggapan ni Ilagan ang proseso ng lehislatura ay inilipat nito ang responsibilidad sa tanggapan ni Mayor Vicente B. Amante, na pagpapakita ng Bise Alkalde na di pa nauumpisahan ay inurungan na ng kanyang tanggapan ang sinumpaang tungkulin sa mamamayan. Ang dahilan ni VM Ilagan ay hindi daw dumadalo sa sesyon ang mga kasapi ng kanyang konseho.

Sa ngayon, inilalarawan ng mga residente ng Angeles Compound na “Walang Puso” para sa maralita ang Tanggapan ni Vice Mayor Martin A. Ilagan ngunit hinuhulaangg sa mga susunod na araw buong pagyayabang nitong aangkinin ang kanyang pagmamahal sa mga nasasakupan. Magiging “Pula” na naman ang kanyang puso dahil sa darating na halalan ng 2010, ayon pa sa mga naturang residente. (SLPC)

ANNUAL BUDGET HINDI PA RIN NAPAGTITIBAY NG SANGGUNIANG PANLUNSOD

Lunsod ng San Pablo - Bunsod ng mahabang panahong hindi pagkakaroon ng sesyon sa Sangguniang Panlunsd (SP), nabalam ng husto ang pag-apruba sa taunang budget ng lunsod na ito.

Noong Enero 19, 2009, ibinalik ng Sangguniang Panlunsod sa pamamagitan ng koreo ang labindalawang kopya ng General Fund Annual Budget for Calendar Year 2009 na nauna ng isinumite ng Tanggapan ng Punong Lunsod para mapagtalakayan at tuloy ay aprubahan.

Subalit hindi pa man lang ito natatalakay sa bulwagan ng Sanggunian, ibinalik na ito dahil sa diumanoy “bloated” at hindi sumusunod sa tagubilin ng Commission on Audit (COA).

Ayon kay City Administrator Loreto S. Amante, nagpahayag si Mayor Vicente B. Amante noong Enero 27 upang alamin kung ano ang problema sa proposed budget at ayaw itong aprubahan subalit wala umanong maiturong espesipikong problema si Vice Mayor Martin A. Ilagan maliban sa ito diumano ay “bloated”.

Sa isang press release na ipinalabas ni Arnold Acebron, Executive Secretary ni Vice Mayor Ilagan, sinasabi na “nagkaisa ang lahat ng mga pinuno ng tanggapan na dapat ay bawasan ang estimated revenues ng pamahalaang lokal upang makatugon sa tagubilin ng COA.” Mariin naman itong itinanggi ng mga department heads dahil ayon sa kanila, hindi sila tinanong tungkol dito.

Nakasaad din sa press release na ang “panukalang budget ay dapat naglalaman lamang ng mga tinatayang kita o estimated revenues na may kaseguruhan na makokolekta ng lunsod.

Kaugnay nito, sinabi ni Admin Amante na hiniling ng tanggapan ni Punong Lunsod kay Vice Mayor Ilagan na magkaroon ng isang marathon hearing upang mabigyan ng pagkakataon ang bawat isang department head na ma-justify ang kani-kanilang budget subalit walang marathon hearing na naganap.

Ayon naman kay Secretary to the Mayor Rudy Laroza, hindi dapat isalalay ang pag-apruba ng budget sa estimated revenues, gaya ng ikinakatwiran ni Ilagan dahil aniya, maging ang pamahalaang nasyunal ay nag-a-aprub ng budget base sa estimated revenues. “Wala namang problema doon. Kung hindi makolekta, eh, di pagkakasyahin ang kung anong nakolekta”, wika ni Laroza. “Ang mahalaga, hindi mababalam o mapaparalisa ang serbisyo publiko at mga programa ng pamahalaan”, dagdag pa nito.

Noong Biyernes, Pebrero 5, muling ibinalik ni Mayor Amante ang 2009 proposed budget sa Sangguniang Panlunsod bilang susog at aksyon na rin sa isang liham na ipinadala doon ng mga department heads na humihiling na madaliin ang pagpasa sa 2009 budget sa ngalan ng serbisyo publiko. (MEL EVANGELISTA, Laguna Courier, Feb 9-15, 2009, Vol XIII No. 02)

Thursday, February 5, 2009

BUNSO,GISING! MAAGA PA UPANG HUMIMLAY

Palibhasa’y magkaibigan ang aming mga ama ay hindi naging mahirap sa aming dalawa ang pagkakaibigang ito lalo pa’t halos iisa ang aming naging karanasan na kapwa maagang naging ulila, na sa panahong nabubuhay pa ang aming mga tatay na parehong lingkod bayan ay kapwa rin kami naging laging saling-pusa sa mga usapang pampulitika.

Anlahoy, anlahoy, anlahoy! Mas umigting ang aming samahan kapag panahon ng kampanya nitong mga huling halalang nagdaan dahil nabigkis kami ng iisang paniniwala sa pagsama sa isang kandidatong aming sinusuportahan. Hindi dito nagtapos ang aming samahan sapagkat pareho pa rin ang bakurang aming pinuipuntahan matapos ang nasabing halalan.

Walastik! Maraming mga naging saksi na sa kalauna’y mga naging kaibigan na rin naming tulad nina Chairman Fando de los Santos, Chairman Boyet Dioso at halos lahat ng karamihan ng punong barangay. Bilang media man ay kasama pa rin niya ako sa mga pagpupulong ng Liga ng mga Barangay palibhasa nga’y iisa ang aming idol na pangulo ng liga – si ABC President Gener B. Amante.

Ala eh, kung sasariwain ang lumipas ay masasabing napakahirap paniwalaang maging isang posibilidad ang pangyayari. Ang pamilya niya ay “Nacionalista” samantalang ang pamilya ko’y “Liberal” ngunit tulad ng mga tatay namin ay hindi naging sagwil sa pagkakaibigan ang partidong pulitikal ay wala ring naging hadlang upang kami’y maging matalik na magkaibigan.

Siya ang humimok sa akin na sumama sa kampo ni dating City Mayor Cesar P. Dizon sa congressional election noong 1998 na lalong nagpatibay sa aming samahan. At mula noon ay hindi na kami nagkahiwalay na hanggang maluklok siyang chairman ng San Gabriel ay mga indigent niya sa barangay ang aming tulay na kadalasang itinatawag niya upang aking alalayan.

Noong Miyerkules, Pebrero 4 dakong tanghaling tapat ay nagimbal ang liga ng mga barangay sa kanyang pagpanaw. Isa ako sa mga ayaw maniwala hanggang sa makita ang kanyang mga labi. Napakahirap tanggaping sa edad na 37 ay wala na si Noli “Jun-Jun” Magsambol Jr. ang ating kaulayaw. Sa malik-mata’y naibulong kong: Bunso, gising! lubhang maaga pa upang ika’y humimlay. (SANDY BELARMINO)

WALKING THROUGH THE SANDY PATH...

“Miss Bloopers”- that is the very famous moniker of this very out-of the-ordinary senior. Personally, I had an imprint of her because of her notorious down smile to whoever she may bump into and then chats with them as if it is the happiest day of her life. Most often than not, she exerts an effort to crack a joke, which is for the class a very “corny”, but funny one. But when she doesn’t yarn, she make people chuckle and giggle because of her so called “Bloopers”.

On the contrary, deep within, Sandy Marie is sedate by nature. And, one of the things she awfully takes seriously (and doesn’t make her bloopers) is her studies and her newfound love- writing. Not only is she is a consistent honor student but she is also one the best writers of the school.

“Sandy”, as everyone calls her, had won first place in the Division Essay Writing for the Family Week Celebration. Moreover, she was also the silver medalist in the Regional Environmental Essay Writing in Filipino last October. Recently, she bagged the second highest honors in the Rural Bank’s On-the-Spot Essay Writing contest.

Her gift in writing was not given in a silver platter. Hard work and love for reading are her investments with the unbounded support of her father, Mr. Sandro “Sandy” Belarmino who is also a renowned local journalist of the city. On the other hand, her mother, Mrs. Maricar Belarmino, is ceaselessly inspiring her to follow the footsteps of her father through words of encouragement.

Furthermore, this fifteen-year-old girl is one of the most tireless students of San Pablo City Science High School. She is also in the pool of potential leaders being the 4th year representative of the Supreme Student Government (S.S.G.). Being one the present news editors of GENE NEWS, the school’s official paper, is something that really boosts her confidence as aspirant journalist.

A comrade, a friend, a dreamer and a treasure, not long now, we will see this young woman’s many footprints as she goes on the Sandy path of her life. (ROSETTE HERNANDEZ/English Teacher, San Pablo City Science High School)

Wednesday, February 4, 2009

BAKIT MAS LIGTAS ANG TUBIG BUHAT SA SPCWD?

Marso nang nakalipas na taon ay naalarma ang Panlalawigang Tanggapan ng Red Cross, huli na upang magsisihan sapagkat nakasalalay ang buhay ng 1041 biktima ng typhoid fever sa Calamba City na bagama”t walang nasawi sanhi s maagap na pagkilos ng pamahalang lunsod ay 263 ang naging positibo samantalang 778 ang may sintomas ng naturang karamdaman.

Dahil sa pagka-deklara ng state of calamity ng lokal na pamahalaan sanhi ng outbreak, alistong galaw ng Calamba City Health Office, buhos pwersang pagtulong ng Department of Health Region 4A at pag-alalay ng Red Cross ay naapula ang paglala ng kalamidad na dulot ng karamdamang tipos.

Sa isinagawang imbistigasyon ng DOH batay sa water sample na kinuha ng grupo sa Calamba Water District (CWD) ay lumilitaw na kontaminado ang tubig at ang Chlorine content ay kulang sa pamantayang ipinasusunod, na mariing pinasinungalingan ng Cwd sapagkat anila’y mataas ang uri ng tubig na kanilang pinadadaloy sa mga customer.

Magtalo man sila, lumitaw man o hindi ang may kasalanan ay iisa ang nakatitiyak – may nalikha itong pinsala sa walang muwang na taumbayan.

Sa sitwasyong ganito ay mahirap magbakasali kung kaya’t upang makagawa ng special report batay sa pagmamatyag sa mga water district sa lalawigan ay sana’y magsilbing ulat ang artikulong ito. Pinakamalinaw ang paliwanag at kayang arukin ng mga walang kaalamang teknikal ukol sa ligtas na inuming tubig ang naging bunga ng panayam ng pahayagang ito mula sa mga taga San Pablo City Water District (SPCWD). Sila ang ating itatampok.

Makabago at may modernong kagamitan ang laboratoryo ng SPCWD na siyang sumusuri sa kalidad ng tubig na ating ginagamit sa ating mga tahanan. Tubig na ipinanlilinis, ipinanlalaba, ipinanliligo, ipinanluluto at ang pinakamahalaga sa lahat, tubig na iniinom. Sa laboratoryong ito nakasalalay ang kalusugan ng mga taga San Pablo. Ganyan ito kahalaga.

Sa loob ng nasabing laboratoryo ay nandoon ang mga dati ng equipment tulad ng thermo autoclave model 4 at model 16 at isang unbranded na bagama’t luma na’y nagbibigay pa rin ng mapagkakatiwalaang resulta ng pagsusuri, at karagdagang kagamitan bilang tugon sa lumalawak na sakop ng pinaglilingkurang customer. Ito’y kinabibilangan ng Binder/digital heavy duty sterilizer, Napco model 8000 autoclave at thermo scientific steamer na nagkakahalaga ng P500-Libo sa kabuuan. Iisa ang ibig ipakahulugan ng lahat na ito, ayaw ng SPCWD na ipag-bakasakali ang kalusugan ng mga mamamayang San Pableño.

Masusi at buong tiyaga ang pagsasagawa nina Ms. Porcia Esteban ang Officer-In-Charge ng SPCWD Laboratory at Ms. Myrna Rada, Chemist ng Bacteriological Analysis ng water sample buhat sa ibat-ibang sample points at mga paaralan gamit ang Multiple Tube Fermentation Technique. Isa ito sa mga tanggap na pamamaraan na sinasang-ayunan ng mga otoridad sa kalusugan.

Ito ay sapagkat ang nasabing pamamaraan ay kayang mag-analisa sa kabuuang coliform at fecal coliform bacteria. Ang huli ay uri ng bacteria na siyang dala ng dumi ng tao na lubhang mapanganib sa kalusugan. Nagdudulot ito ng pagsusuka at pagtatae na kung hindi maaagapan ay hahantong sa tipos na umaatake sa nervous system ng nagkakasakit ng ganito.

Masasabing mapalad ang mga San Pableño sapagkat nakasisigurong may mataas na kalidad ng tubig na lumalabas sa kanilang gripo. Regular na sinusuri ng SPCWD ang water smple sa ibat-ibang lugar ng kanilang area of responsibility at linggo-linggo ay isinusumite nila ang resulta sa Sangguniang Panlunsod at sa City Health Office.

Hindi kataka-taka na sa loob ng 35 taong paglilingkod ng SPCWD ay kailan ma’y hindi naging banta sa kalusugan ng taumbayan ang tubig na dumadaloy sa kanilang mga tubo.

Kung nagagawa ito ng SPCWD, marahil ay panahon na upang ang iba pang pinangagalingan ng inuming tubig tulad ng bottled mineral water ay obligahin na rin ng SP at CHO na regular na magpasuri ng kanilang kalakal. Huwag kayong magkasakali. (NANI CORTEZ/President, Seven Lakes Press Corps)

ANR, ANG MABISANG TUGON SA REPORESTASYON

Kapakipakinabang ang ibinunga ng isinagawang pag-aaral ng mga dalubhasa sa pang-gugubatan sa pamamagitan ng isang alternatibong pamamaraan ng reporestasyon na tinaguriang Assisted Natural Regeneration (ANR) sa kanilang tatlong experimental sites sa bansa.

Ang ANR na may pangunahing layuning tulungan ang pagbibigay buhay ng kagubatan ay proyekto ng Food and Agriculture Organization (FAO) ng United Nation, Forest Management Bureau (FMB) ng DENR at Bagong Pag-asa Foundation, Inc. ay nakatuklas ng mas murang teknolohiya upang mabilis na mapalago ang kagubatan sa bansa.

Sa kanilang mga project sites sa Limay, Bataan; Danao, Bohol at Sto. Tomas, Davao del Norte ay naging positibo ang ANR batay sa mga nakitang resulta ng mga eksperto. Higit na mabisa at mura ang naturang teknolohiya kung pagyayamanin na lamang ang mga tumubo na at mga sumusulay na halamang hindi makalago dahil naka-kanlungan ng makapal na damo tulad ng kogon.

Natuklasan ng mga siyentista na mas mataas ang survival rate ng punongkahoy sa ANR kaysa sa nakagawiang pamamaraan ng reporestasyon sapagkat hindi ito gaanong kumplikado at kinakailagan lamang na pispisin o alisan ng kogon ang paligid, mga halamang ligaw na siyang sumasagabal sa malayang pagtubo ng nasabing puno.

Dahil sa kaiga-igayang resulta sa kapaligiran ay idineklara ni Mayor Louis Thomas Gonzaga at Sangguniang Bayan ng Danao, Bohol na ANR Municipality ang kanilang bayan na kauna-unahan sa buong bansa. Kaugnay nito’y nananawagan ang alkalde ukol sa pagkakaroon ng wastong kaalaman sa ANR at kaukulang pagsasanay.

Hinahangad ng mga tagapagsulong ng ANR na makapagsanay ng inisyal na 200 katao sa kanilang tatlong project sites upang sa hinaharap ay lubusan itong lumaganap sa buong kapuluan sa pagtataguyod ng ANR-National Coordinating Office.

Ang mga personahe sa likod ng ANR ay sina Dr. Percy Sajise isang eksperto at consultant ng FAO, Assistant Director Neria Andin ng FMB, DENR, at sina Charles Dugan at Ernesto Cudaweng ng Bagong Pag-asa Foundations Inc. (NANI CORTEZ, Pres. Seven Lakes Press Corps)

Tuesday, February 3, 2009

TRESORERYA ng LUNSOD, HINDI NAGPABAYA

San Pablo City – “Hindi ako nagpabaya”. Ito ang naging sagot ng ingat-yaman ng lunsod na ito sa bintang ni Senador Aquilino “Nene” Pimentel na may kapabayaang nangyari sa pag-iingat ng mga 2007 election documents na nakarating sa Commission on Elections (COMELEC) Central Office buhat dito kaugnay sa dinidinig na election protest ng nasabing tanggapan.

Ang protesta ay inihain ng anak ng senador na si Koko Pimentel laban kay Senador Juan Miguel Zubiri na mahigpit na nagtunggali sa ika-12 pwesto nang nakaraang senatorial election.

Sa panayam ng pahayagang ito kay City Treasurer Fredalyn Rubio ay nagbigay siya ng katiyakang intact ang mga dokumento hinggil dito sapagkat todo higpit ang kanilang ginawang pangangalaga sa mga ito, at aniya’y ikinalulungkot niya na madadamay ang intigridad ng kanyang tanggapan sa naturang protesta.

Una nang nagbanta ang senador na ipaghaharap ng sakdal ang tesorera sapagkat nabasa at pinasok ng tubig ang mga ballot boxes kung kaya naging imposibleng basahin ang mga laman nito ng mga kinauukulan sanhi upang maisantabi ito kaugnay sa protesta.

Nabatid mula kay Rubio na inilagak niya ang mahigit na 200 ballot boxes sa bakanteng kwarto ng Dalubhasaan ng Lunsod ng San Pablo (DLSP) kung saan mahigpit itong binabantayan at nalipat sa ika-4 na palapag ng Old City Hall Bldg. sa panahong kinailangan ng paaralan ang ispasyo dahil sa kakulangan ng silid-aralan.

Sinabi pa ni Rubio na ligtas ito katunayan aniya’y selyado ang naturang pinaglipatan. Idinagdag pa ng tisorera na wala siyang personal na kakilala sa mga nagtutunggali at ano mang insinwasyon ng pagsasangkot ay unfair sa tulad niyang career official ng pamahalaan. (NANI CORTEZ, Pres. Seven Lakes Press Corps)

RELEVANCE NG BIBLIYA

Binigyang diin ang pagkakaroon ng Bibliya sa bawat tahanan sa ginawang pagdiriwang ng National Bible Week sa idinaos na United Pastors Council (UPC) Fellowship sa Rockpoint Hotel and Restaurant rito kamakailan na dinaluhan ng iba’t-ibang sekta ng relihiyon, mga pinunong bayan, NGO’s, samahang sibiko at mga lider barangay.

Ang UPC breakfast fellowship na pinangunahan ni Pastor Rico Albaño ay kinatampukan ng nagkakaisang mensahe ng mga lingcod bayan at ilang personahe mula sa magkakaibang larangan ukol sa bibliya bilang kasagutan sa ating mga nararanasang pagsubok sa ngayon.

Nanawagan si Cong. Cynthia Villar na iwaksi ang alitan sa bawat tahanan at manangan sa mga mensahe ng Banal na Aklat sapagkat aniya’y anumang hirap ang nararanasan natin sa ngayon ay may kalutasan kung sa Bibliya tayo mananangan. Isinalaysay niya ang nalagpasang kahirapan ng kanyang asawang si Senador Manny Villar na gumaan dahil sa matibay na paniniwala sa Bibliya.

Ito aniya ang naging daan kung bakit mula sa pagiging maliit na negosyante ni Senador Villar, at dahil sa ginawang panuntunang salig sa mensahe ng Aklat, ay nakarating ito sa antas na kanyang kinalalagyan. Mula sa pagiging congressman ay naging speaker, senador at naging Senate President at naging instrumento pa ng paglilingkod.

Sumentro ang mensahe ni Gob. Teresita Lazaro sa pananalig sa Diyos sa bawat Gawain. Aniya “Let God work for us, Let God direct us and Let God lead us”. Hinimok ni Vice Gov. Ramil Hernandez ang pagkakaroon ng lahat ng sense of responsibility upang matamo ang moral recovery, samantalang nagbigay katiyakan si SBM Karen Agapay na buhay pa ang pag-asa, “ang kailangan lang ay kumilos at humanap ng paraan kung saan nasa bibliya ang kasagutan.”

Bibliya rin ang daan ayon kay City Aministrator Amben Amante upang tayo ay makapag-balik loob at ang pagtalima sa bawat kautusan ang susi para makapagsimula ng bagong umaga. At para kay Atty. Epifamio Gamo Jr. bilang inspirational speaker ay ang kanyang panawagang “Be ready for God’s words”.

Nailunsad sa nasabing pagtitipon ang Bible for Every House project ng National Bible Society sa pamamagitan ni Pastor Philip Flores. Ito lang ang paraan ayon sa kanya upang maisabuhay natin ang tunay na pagiging kristiyano at makahulagpos sa masamang kulapol sapagkat nananatili sa pang-araw-araw nating buhay ang “relevance” ng Bibliya. (NANI CORTEZ)

SPCSHS ENTRANCE EXAM



Isinagawa noong nakaraang Sabado, Enero 31, ang unang pagsusulit para sa 202 Grade Six students na nagnanais na matanggap sa San Pablo City Science High School (SPCSHS) para sa school year 2009-2010. Mula sa iba”t-ibang pribado at pampublikong paaralan ang mga kumuha ng paunang pagsusulit at nabibilang sa mga mag-aaral na may angking talino sa araling agham at matematika. Sa darating na Pebrero 21, 2009 ang ikalawang pagsusulit at muling gaganapin sa kampus ng SPCSHS sa Brgy. San Jose, San Pablo City. (SANDY BELARMINO)